Lúka̱s 14
14
Jesús naꞌne-thanuu mbáa xa̱bo̱ tsí gíꞌdoo suan
1Mbá mbiꞌi rí nduya̱a xu̱únꞌ xa̱bo̱ judío̱, Jesús ni̱ka̱ gákueꞌtso ná guꞌwóo mbáa tsí jayá idxu̱ún xa̱bo̱ fariséo̱, jamí xa̱bo̱ tsí traꞌi̱in ikhín nu̱ña̱maa̱ Jesús. 2Awúun máꞌ rúꞌkhue̱n ni̱we̱je̱ mbáa xa̱bo̱ tsí gíꞌdoo suan inuu Jesús. 3A̱ꞌkhue̱n Jesús niraxu̱ún xa̱bo̱ tsí na̱ma̱ñúú xtángoo gajmíí xa̱bo̱ fariséo̱: «Á ma̱goo ma̱gu̱ma-thanáá mbáa xa̱bo̱ tsí najáñuu awúun mbiꞌi rí nduꞌyáa xa̱ꞌlóꞌ rá, o na̱nguá dxe̱ꞌ». 4Xómáꞌ xa̱bo̱ tsúꞌkhue̱n wíí neꞌne rawúu̱n. A̱ꞌkhue̱n Jesús niwatuun ñawúun xa̱bo̱ tsí najáñuu, neꞌne-thanuu̱ jamí niꞌthán-ngawoo̱. 5Jamí Jesús niꞌthúu̱n: «Á xtáa mbáa tsí ikháanꞌlaꞌ tsí maniñuu xtángidiuu#14.5 Ríga̱ mbá tikhu i̱yi̱i̱ꞌ griégo̱ rí wayuu rí naꞌthán «a̱dée». o xidi̱i ná awúun iñá, xí ni̱rmáꞌáa̱n mbiꞌi rí nduꞌyáa xa̱ꞌlóꞌ dxe̱ꞌ. Na̱nguá. A̱ꞌkhue̱n gakon, mbá nacha̱ máꞌ nu̱ríyaa̱ꞌlaꞌ». 6Jamí asndo nimbá nda̱a̱ rí ni̱ma̱ñúu̱ gúriꞌñáa̱.
Ajngáa xkri̱da ga̱jma̱á numúú xa̱bo̱ tsí watsaꞌwúún magóó ndxa̱a̱ tsigúún
7Jesús ndiꞌyoo rí xa̱bo̱ tsí watsaꞌwúún, nu̱ra̱ꞌwíí xíle̱ rí wájun ginii jayu ná mu̱piꞌtsii̱. Ído̱ ndiꞌyoo̱ rúꞌkhue̱n, a̱ꞌkhue̱n niꞌthúu̱n ajngáa xkri̱da ríge̱ꞌ: 8«Ído̱ rí mbáa xa̱bo̱ gándxaꞌwáaꞌ mi̱dxo̱ꞌ ná ndxa̱a̱ tsigúún, ma̱xáraꞌún ná xíle̱ rí ginii jayu, ra̱ꞌkhá ma̱ga̱nú i̱mba̱a̱ꞌ xa̱bo̱ tsí i̱wa̱á gíꞌdoo numuu xó rí ikháánꞌ. 9A̱ꞌkhue̱n ma̱ga̱nú xa̱bo̱ tsí nindxaꞌwáaꞌ ikháánꞌ ga̱jmáa̱ ikhaa̱, jamí maꞌtháa̱nꞌ: “Araxnáá xília̱aꞌ xa̱bo̱ tsíge̱ꞌ ma̱ge̱ꞌe̱”. A̱ꞌkhue̱n rí phú mate̱ꞌ inaaꞌ mi̱dxo̱ꞌ gáraꞌún ná xíle̱ rí wéje̱ asndo tsu̱di̱í jayu. 10I̱wa̱á máján rí ído̱ nitsaꞌwáaꞌ mi̱dxo̱ꞌ ndxa̱a̱, araꞌún ná xíle̱ rí wéje̱ asndo tsu̱di̱í jayu. Kajngó ído̱ gáꞌkha̱ xa̱bo̱ tsí nindxaꞌwáaꞌ mi̱dxa̱ꞌ, maꞌtháa̱nꞌ: “Dxóꞌ, araꞌún ná xíle̱ rí wéje̱ ná inuu wáa ge̱jyoꞌ”. Xkuaꞌnii kajngó ma̱gu̱ma-mba̱ánꞌ ná inúú tsí xtaꞌún gajmiáaꞌ. 11Numuu rí asndo tsáa tsí nakúxe̱-mina̱ꞌ, ma̱gu̱ma-mati̱i̱ꞌ. Xómáꞌ tsí naxrígú-mina̱ꞌ rá, ma̱gu̱ma-mba̱a̱».
12Jesús niꞌthán mangaa, niꞌthúu̱n xa̱bo̱ tsí nindxaꞌwóo̱ ma̱ꞌgee̱ gákuiꞌtsii̱: «Ído̱ gáta̱tsa̱ꞌwu̱ún xa̱bo̱ ma̱guwá mu̱peꞌtso ná guꞌwáaꞌ, ma̱xáta̱tsa̱ꞌwu̱ún xa̱bo̱ iyanga̱jwia̱aꞌ, ni máꞌ dxíya̱a̱ꞌ, ni máꞌ xa̱bo̱ tsí mijngi xtañúú, ni máꞌ xa̱bo̱ rixa̱a̱ꞌ tsí phú guáꞌdáá. Numuu rí xa̱bo̱ tsúꞌkhue̱n i̱mba̱ miꞌtsú mu̱ndxa̱ꞌwa̱a̱ꞌ mi̱dxo̱ꞌ gátseꞌtso gajmiáaꞌ, jamí xkuaꞌnii ma̱khuáa ñawáanꞌ gúni̱i̱. 13A̱ꞌkhue̱n gakon, ído̱ gátha̱ne̱ ndxa̱a̱, atatsaꞌwúún tsí ngíníi, tsí mixndu ñawúún, tsí réngu̱un jamí tsí tsífrigu̱únꞌ. 14A̱ꞌkhue̱n rí phú ma̱ra̱xtaa gagi, numuu rí ikhii̱n ma̱xáꞌgúu̱n gúra̱khuáa̱ ñawáa̱nꞌ, xómáꞌ Ana̱ꞌlóꞌ marakuáa ñawáanꞌ ído̱ rí mbuya̱a mbiꞌñúú xa̱bo̱ tsí májíin».
Ajngáa xkri̱da ga̱jma̱á numúú xa̱bo̱ tsí watsaꞌwúún mu̱peꞌtso
(Mt 22.1-10)
15Ído̱ nidxawuun ríge̱ꞌ mbáa xa̱bo̱ tsí ꞌgí nakueꞌtso, niꞌthúu̱n Jesús: «¡Phú gagi xtáa̱ xa̱bo̱ tsí ma̱kueꞌtso ná Ana̱ꞌlóꞌ naꞌthán-ñájúún xa̱bo̱!».
16A̱ꞌkhue̱n Jesús niꞌthúun xa̱bo̱ tsúꞌkhue̱n: «Mbáa xa̱bo̱ neꞌne-mújúun rí mu̱pho̱-añúú mbaꞌiin xa̱bo̱, jamí phú mbaꞌiin xa̱bo̱ nindxaꞌwúu̱n ma̱guwá mu̱peꞌtso. 17Ído̱ rí nixtáa máꞌ mu̱peꞌtso-añúú xa̱bo̱ rá, a̱ꞌkhue̱n nigíꞌmaa̱ yumbée̱ rí ma̱ꞌga gáꞌthúún xa̱bo̱ tsí nindxaꞌwúu̱n: “A̱guwalaꞌ rá, numuu rí wáxe̱ máꞌ mbá xúgíí”. 18Xómáꞌ xa̱bo̱ tsí watsaꞌwúún, mbá xúgíi̱n nithee̱n rí ma̱xáyaphii̱n magóo̱. Mbáa xa̱bo̱ niꞌthán: “Inu wámbo̱ꞌ ne̱tse̱ mbá mbaa, jamí ndaꞌyóo rí ma̱ꞌgá gáyo̱o̱ ne̱. Na̱tha̱n-jáñaaꞌ rí ma̱tha̱ne̱ mba̱a̱ a̱kia̱anꞌ xtayoꞌ”. 19I̱mba̱a̱ꞌ xa̱bo̱ niꞌthán: “Ni̱tsi̱in mbá witsu idi̱in xede̱ tsí nu̱xpi̱ꞌtha̱ mbaa, jamí ndaꞌyóo rí ma̱ꞌgá gáyo̱o̱ mba̱yo̱o̱ xáne i̱ñajwii̱n. Na̱tha̱n-jáñaaꞌ rí ma̱tha̱ne̱ mba̱a̱ a̱kia̱anꞌ xtayoꞌ”. 20Jamí i̱mba̱a̱ꞌ xa̱bo̱ niꞌthán: “Inu wámbo̱ꞌ ni̱ni̱ꞌgúún, ikhaa jngó ma̱xáxóo ma̱ꞌgá”. 21Xómáꞌ yumbáá nithanga̱a, jamí ni̱gu̱wíi̱ mbá xúgíí rúꞌkhue̱n inuu ña̱ꞌñii̱. A̱ꞌkhue̱n rí ña̱ꞌñii̱ nijiꞌnáa, jamí niꞌthúu̱n yumbáá: “Ayu mbá nacha̱ ná jambo̱o̱ jamí ikhoo xuajen. Aya̱ xtiin ge̱jyoꞌ tsí ngíníi, tsí mixndu ñawúún, tsí réngu̱un jamí tsí tsífrigu̱únꞌ”.
22»Nda̱wa̱á a̱ꞌkhue̱n niꞌthán yumbáá: “Táta̱, ne̱ne̱-mbánuu máꞌ rí niraxná-ñájunꞌ, jamí xóó gaꞌchú”. 23A̱ꞌkhue̱n waꞌtháán yumbáá neꞌne ña̱ꞌñii: “Ayu mbá xúgíí jamba̱a̱ ná rawuun xuajen jamí ná ndawaa mbañúú xa̱bo̱, arathán-jáñúú i̱ꞌwíin xa̱bo̱ ma̱guwá, kajngó ma̱tiin xa̱ꞌ xa̱bo̱ guꞌwóꞌ. 24Numuu rí na̱tha̱nꞌ-jmbalaꞌ rí asndo nimbáa xa̱bo̱ tsí watsaꞌwúún wapha, ma̱xájanáá me̱kho̱ rí ne̱ne̱-mújúnꞌ mu̱pho̱-añúú xa̱bo̱”».
Phú gakhe̱ rí mu̱ꞌgua̱lóꞌ tsu̱du̱u̱ Jesús
(Mt 10.37-38)
25Maphú mbaꞌiin xa̱bo̱ igóó tsu̱du̱u̱ Jesús, xómáꞌ ikhaa̱ nitangayii̱ niꞌthúu̱n: 26«Xí mbáa xa̱bo̱ na̱ꞌkha̱ ga̱jma̱á nindxu̱ꞌ, jamí i̱wa̱á máꞌ nandoo̱ jaꞌyoo̱ tátée̱, nánée̱, a̱ꞌguii̱, i̱jii̱n, dxíyo̱o̱, jamí dxáguíi̱ xó rí ikhúúnꞌ, ma̱xáxóo ma̱nindxu̱u̱ xa̱bo̱ tsí na̱sngóolo̱ꞌ. Xúꞌkhue̱n máꞌ mangaa, xí i̱wa̱á máꞌ nandoo̱ jaꞌyoo̱ mbiꞌyuu̱ ikhaa̱ xó rí ikhúúnꞌ, ma̱xáxóo ma̱nindxu̱u̱ xa̱bo̱ tsí na̱sngóolo̱ꞌ. 27Jamí tsí na̱nguá iyamínu̱u̱ꞌ xómá ikhúúnꞌ jamí tsíꞌkha̱ tsu̱du̱ꞌ, ma̱xáxóo ma̱nindxu̱u̱ xa̱bo̱ tsí na̱sngóolo̱ꞌ.
28»Xí mbáa tsí ikháanꞌlaꞌ nandoo makúxe̱ mbá guꞌwá tsída̱ꞌ, ginii na̱gi̱ꞌi̱i̱ magiéwee̱n wátha̱ mbúkha̱a̱ gáꞌyóo̱, kajngó mba̱ꞌyoo̱ xí gíꞌdoo̱ mbúkha̱a̱ rí ma̱ꞌne-gáxu̱u̱ ne̱. 29Xí tsíꞌnii̱ xkuaꞌnii, jamí nagíꞌdu̱u̱n máꞌ naꞌgíi̱ xtuun ne̱, jamí nda̱wa̱á tsíꞌngo̱o̱ gáꞌne gáxu̱u̱ ne̱, mbá xúgíin xa̱bo̱ tsí nu̱ya̱xíi̱ mu̱gíꞌdi̱ín mu̱ndu̱ꞌwa̱jmaa̱. 30Jamí muthan xa̱bo̱ numuu̱: “Xa̱bo̱ tsíge̱ꞌ nigíꞌdu̱u̱n neꞌne guꞌwá, jamí táꞌngo̱o̱ gáꞌne gáxu̱u̱ ne̱”.
31»Xúꞌkhue̱n máꞌ mangaa, xí mbáa thúngaa na̱ka̱ gáꞌne xkujndu ga̱jma̱á i̱mba̱a̱ꞌ thúngaa, ginii na̱gi̱ꞌi̱i̱ mandxaꞌwóo̱ idxu̱u̱, kajngó mba̱ꞌyoo̱ xí ma̱ꞌngo̱o̱ gajmíi̱ tsí mbá gu̱wa̱ꞌ míl (10 000) xa̱bo̱ tsí gíꞌdii̱n, muni̱i̱ gajmíi̱ tsí mbá skíñú míl (20 000) xa̱bo̱ tsí naguwá gajmíí i̱mba̱a̱ꞌ thúngaa. 32Xí ndaꞌyoo̱ rí ma̱xáꞌngo̱o̱, asndo nákhí máꞌ xóó tsíngua̱ꞌ i̱ꞌkha̱ thúngaa tsúꞌkhue̱n, maxúnguii̱nꞌ xa̱bo̱ tsí mu̱ra̱xi̱í thúngaa tsí ñúꞌún, dí jaꞌyoo muni̱i̱ kajngó ma̱ba̱aꞌ-wíyuu xkujndu.
33Xkuaꞌnii máꞌ mangaa, asndo tsáa tsí ikháanꞌlaꞌ tsí tsíyoo gániñuu mbá xúgíí rí gíꞌdoo, ma̱xáxóo ma̱nindxu̱u̱ xa̱bo̱ tsí na̱sngóolo̱ꞌ.
Ído̱ rí nánguá ríná idú
(Mt 5.13; Mc 9.50)
34»Máján rí idú. I̱ndo̱ó máꞌ numuu rí, xí nánguá ríná ne̱ rá, xáne lá gágoo rí ma̱ꞌne rínáa ne̱ mbu̱júꞌ rá. 35Tsíjmaa ne̱ inuu ju̱ba̱ꞌ ni máꞌ rí ma̱ꞌne ne̱ yuska. I̱ndo̱ó máꞌ na̱ga̱díí ne̱ rixa̱á. Tsí gíꞌdoo ñaꞌwuun rí madxawuun, gadxawuu̱n».
ទើបបានជ្រើសរើសហើយ៖
Lúka̱s 14: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
Lúka̱s 14
14
Jesús naꞌne-thanuu mbáa xa̱bo̱ tsí gíꞌdoo suan
1Mbá mbiꞌi rí nduya̱a xu̱únꞌ xa̱bo̱ judío̱, Jesús ni̱ka̱ gákueꞌtso ná guꞌwóo mbáa tsí jayá idxu̱ún xa̱bo̱ fariséo̱, jamí xa̱bo̱ tsí traꞌi̱in ikhín nu̱ña̱maa̱ Jesús. 2Awúun máꞌ rúꞌkhue̱n ni̱we̱je̱ mbáa xa̱bo̱ tsí gíꞌdoo suan inuu Jesús. 3A̱ꞌkhue̱n Jesús niraxu̱ún xa̱bo̱ tsí na̱ma̱ñúú xtángoo gajmíí xa̱bo̱ fariséo̱: «Á ma̱goo ma̱gu̱ma-thanáá mbáa xa̱bo̱ tsí najáñuu awúun mbiꞌi rí nduꞌyáa xa̱ꞌlóꞌ rá, o na̱nguá dxe̱ꞌ». 4Xómáꞌ xa̱bo̱ tsúꞌkhue̱n wíí neꞌne rawúu̱n. A̱ꞌkhue̱n Jesús niwatuun ñawúun xa̱bo̱ tsí najáñuu, neꞌne-thanuu̱ jamí niꞌthán-ngawoo̱. 5Jamí Jesús niꞌthúu̱n: «Á xtáa mbáa tsí ikháanꞌlaꞌ tsí maniñuu xtángidiuu#14.5 Ríga̱ mbá tikhu i̱yi̱i̱ꞌ griégo̱ rí wayuu rí naꞌthán «a̱dée». o xidi̱i ná awúun iñá, xí ni̱rmáꞌáa̱n mbiꞌi rí nduꞌyáa xa̱ꞌlóꞌ dxe̱ꞌ. Na̱nguá. A̱ꞌkhue̱n gakon, mbá nacha̱ máꞌ nu̱ríyaa̱ꞌlaꞌ». 6Jamí asndo nimbá nda̱a̱ rí ni̱ma̱ñúu̱ gúriꞌñáa̱.
Ajngáa xkri̱da ga̱jma̱á numúú xa̱bo̱ tsí watsaꞌwúún magóó ndxa̱a̱ tsigúún
7Jesús ndiꞌyoo rí xa̱bo̱ tsí watsaꞌwúún, nu̱ra̱ꞌwíí xíle̱ rí wájun ginii jayu ná mu̱piꞌtsii̱. Ído̱ ndiꞌyoo̱ rúꞌkhue̱n, a̱ꞌkhue̱n niꞌthúu̱n ajngáa xkri̱da ríge̱ꞌ: 8«Ído̱ rí mbáa xa̱bo̱ gándxaꞌwáaꞌ mi̱dxo̱ꞌ ná ndxa̱a̱ tsigúún, ma̱xáraꞌún ná xíle̱ rí ginii jayu, ra̱ꞌkhá ma̱ga̱nú i̱mba̱a̱ꞌ xa̱bo̱ tsí i̱wa̱á gíꞌdoo numuu xó rí ikháánꞌ. 9A̱ꞌkhue̱n ma̱ga̱nú xa̱bo̱ tsí nindxaꞌwáaꞌ ikháánꞌ ga̱jmáa̱ ikhaa̱, jamí maꞌtháa̱nꞌ: “Araxnáá xília̱aꞌ xa̱bo̱ tsíge̱ꞌ ma̱ge̱ꞌe̱”. A̱ꞌkhue̱n rí phú mate̱ꞌ inaaꞌ mi̱dxo̱ꞌ gáraꞌún ná xíle̱ rí wéje̱ asndo tsu̱di̱í jayu. 10I̱wa̱á máján rí ído̱ nitsaꞌwáaꞌ mi̱dxo̱ꞌ ndxa̱a̱, araꞌún ná xíle̱ rí wéje̱ asndo tsu̱di̱í jayu. Kajngó ído̱ gáꞌkha̱ xa̱bo̱ tsí nindxaꞌwáaꞌ mi̱dxa̱ꞌ, maꞌtháa̱nꞌ: “Dxóꞌ, araꞌún ná xíle̱ rí wéje̱ ná inuu wáa ge̱jyoꞌ”. Xkuaꞌnii kajngó ma̱gu̱ma-mba̱ánꞌ ná inúú tsí xtaꞌún gajmiáaꞌ. 11Numuu rí asndo tsáa tsí nakúxe̱-mina̱ꞌ, ma̱gu̱ma-mati̱i̱ꞌ. Xómáꞌ tsí naxrígú-mina̱ꞌ rá, ma̱gu̱ma-mba̱a̱».
12Jesús niꞌthán mangaa, niꞌthúu̱n xa̱bo̱ tsí nindxaꞌwóo̱ ma̱ꞌgee̱ gákuiꞌtsii̱: «Ído̱ gáta̱tsa̱ꞌwu̱ún xa̱bo̱ ma̱guwá mu̱peꞌtso ná guꞌwáaꞌ, ma̱xáta̱tsa̱ꞌwu̱ún xa̱bo̱ iyanga̱jwia̱aꞌ, ni máꞌ dxíya̱a̱ꞌ, ni máꞌ xa̱bo̱ tsí mijngi xtañúú, ni máꞌ xa̱bo̱ rixa̱a̱ꞌ tsí phú guáꞌdáá. Numuu rí xa̱bo̱ tsúꞌkhue̱n i̱mba̱ miꞌtsú mu̱ndxa̱ꞌwa̱a̱ꞌ mi̱dxo̱ꞌ gátseꞌtso gajmiáaꞌ, jamí xkuaꞌnii ma̱khuáa ñawáanꞌ gúni̱i̱. 13A̱ꞌkhue̱n gakon, ído̱ gátha̱ne̱ ndxa̱a̱, atatsaꞌwúún tsí ngíníi, tsí mixndu ñawúún, tsí réngu̱un jamí tsí tsífrigu̱únꞌ. 14A̱ꞌkhue̱n rí phú ma̱ra̱xtaa gagi, numuu rí ikhii̱n ma̱xáꞌgúu̱n gúra̱khuáa̱ ñawáa̱nꞌ, xómáꞌ Ana̱ꞌlóꞌ marakuáa ñawáanꞌ ído̱ rí mbuya̱a mbiꞌñúú xa̱bo̱ tsí májíin».
Ajngáa xkri̱da ga̱jma̱á numúú xa̱bo̱ tsí watsaꞌwúún mu̱peꞌtso
(Mt 22.1-10)
15Ído̱ nidxawuun ríge̱ꞌ mbáa xa̱bo̱ tsí ꞌgí nakueꞌtso, niꞌthúu̱n Jesús: «¡Phú gagi xtáa̱ xa̱bo̱ tsí ma̱kueꞌtso ná Ana̱ꞌlóꞌ naꞌthán-ñájúún xa̱bo̱!».
16A̱ꞌkhue̱n Jesús niꞌthúun xa̱bo̱ tsúꞌkhue̱n: «Mbáa xa̱bo̱ neꞌne-mújúun rí mu̱pho̱-añúú mbaꞌiin xa̱bo̱, jamí phú mbaꞌiin xa̱bo̱ nindxaꞌwúu̱n ma̱guwá mu̱peꞌtso. 17Ído̱ rí nixtáa máꞌ mu̱peꞌtso-añúú xa̱bo̱ rá, a̱ꞌkhue̱n nigíꞌmaa̱ yumbée̱ rí ma̱ꞌga gáꞌthúún xa̱bo̱ tsí nindxaꞌwúu̱n: “A̱guwalaꞌ rá, numuu rí wáxe̱ máꞌ mbá xúgíí”. 18Xómáꞌ xa̱bo̱ tsí watsaꞌwúún, mbá xúgíi̱n nithee̱n rí ma̱xáyaphii̱n magóo̱. Mbáa xa̱bo̱ niꞌthán: “Inu wámbo̱ꞌ ne̱tse̱ mbá mbaa, jamí ndaꞌyóo rí ma̱ꞌgá gáyo̱o̱ ne̱. Na̱tha̱n-jáñaaꞌ rí ma̱tha̱ne̱ mba̱a̱ a̱kia̱anꞌ xtayoꞌ”. 19I̱mba̱a̱ꞌ xa̱bo̱ niꞌthán: “Ni̱tsi̱in mbá witsu idi̱in xede̱ tsí nu̱xpi̱ꞌtha̱ mbaa, jamí ndaꞌyóo rí ma̱ꞌgá gáyo̱o̱ mba̱yo̱o̱ xáne i̱ñajwii̱n. Na̱tha̱n-jáñaaꞌ rí ma̱tha̱ne̱ mba̱a̱ a̱kia̱anꞌ xtayoꞌ”. 20Jamí i̱mba̱a̱ꞌ xa̱bo̱ niꞌthán: “Inu wámbo̱ꞌ ni̱ni̱ꞌgúún, ikhaa jngó ma̱xáxóo ma̱ꞌgá”. 21Xómáꞌ yumbáá nithanga̱a, jamí ni̱gu̱wíi̱ mbá xúgíí rúꞌkhue̱n inuu ña̱ꞌñii̱. A̱ꞌkhue̱n rí ña̱ꞌñii̱ nijiꞌnáa, jamí niꞌthúu̱n yumbáá: “Ayu mbá nacha̱ ná jambo̱o̱ jamí ikhoo xuajen. Aya̱ xtiin ge̱jyoꞌ tsí ngíníi, tsí mixndu ñawúún, tsí réngu̱un jamí tsí tsífrigu̱únꞌ”.
22»Nda̱wa̱á a̱ꞌkhue̱n niꞌthán yumbáá: “Táta̱, ne̱ne̱-mbánuu máꞌ rí niraxná-ñájunꞌ, jamí xóó gaꞌchú”. 23A̱ꞌkhue̱n waꞌtháán yumbáá neꞌne ña̱ꞌñii: “Ayu mbá xúgíí jamba̱a̱ ná rawuun xuajen jamí ná ndawaa mbañúú xa̱bo̱, arathán-jáñúú i̱ꞌwíin xa̱bo̱ ma̱guwá, kajngó ma̱tiin xa̱ꞌ xa̱bo̱ guꞌwóꞌ. 24Numuu rí na̱tha̱nꞌ-jmbalaꞌ rí asndo nimbáa xa̱bo̱ tsí watsaꞌwúún wapha, ma̱xájanáá me̱kho̱ rí ne̱ne̱-mújúnꞌ mu̱pho̱-añúú xa̱bo̱”».
Phú gakhe̱ rí mu̱ꞌgua̱lóꞌ tsu̱du̱u̱ Jesús
(Mt 10.37-38)
25Maphú mbaꞌiin xa̱bo̱ igóó tsu̱du̱u̱ Jesús, xómáꞌ ikhaa̱ nitangayii̱ niꞌthúu̱n: 26«Xí mbáa xa̱bo̱ na̱ꞌkha̱ ga̱jma̱á nindxu̱ꞌ, jamí i̱wa̱á máꞌ nandoo̱ jaꞌyoo̱ tátée̱, nánée̱, a̱ꞌguii̱, i̱jii̱n, dxíyo̱o̱, jamí dxáguíi̱ xó rí ikhúúnꞌ, ma̱xáxóo ma̱nindxu̱u̱ xa̱bo̱ tsí na̱sngóolo̱ꞌ. Xúꞌkhue̱n máꞌ mangaa, xí i̱wa̱á máꞌ nandoo̱ jaꞌyoo̱ mbiꞌyuu̱ ikhaa̱ xó rí ikhúúnꞌ, ma̱xáxóo ma̱nindxu̱u̱ xa̱bo̱ tsí na̱sngóolo̱ꞌ. 27Jamí tsí na̱nguá iyamínu̱u̱ꞌ xómá ikhúúnꞌ jamí tsíꞌkha̱ tsu̱du̱ꞌ, ma̱xáxóo ma̱nindxu̱u̱ xa̱bo̱ tsí na̱sngóolo̱ꞌ.
28»Xí mbáa tsí ikháanꞌlaꞌ nandoo makúxe̱ mbá guꞌwá tsída̱ꞌ, ginii na̱gi̱ꞌi̱i̱ magiéwee̱n wátha̱ mbúkha̱a̱ gáꞌyóo̱, kajngó mba̱ꞌyoo̱ xí gíꞌdoo̱ mbúkha̱a̱ rí ma̱ꞌne-gáxu̱u̱ ne̱. 29Xí tsíꞌnii̱ xkuaꞌnii, jamí nagíꞌdu̱u̱n máꞌ naꞌgíi̱ xtuun ne̱, jamí nda̱wa̱á tsíꞌngo̱o̱ gáꞌne gáxu̱u̱ ne̱, mbá xúgíin xa̱bo̱ tsí nu̱ya̱xíi̱ mu̱gíꞌdi̱ín mu̱ndu̱ꞌwa̱jmaa̱. 30Jamí muthan xa̱bo̱ numuu̱: “Xa̱bo̱ tsíge̱ꞌ nigíꞌdu̱u̱n neꞌne guꞌwá, jamí táꞌngo̱o̱ gáꞌne gáxu̱u̱ ne̱”.
31»Xúꞌkhue̱n máꞌ mangaa, xí mbáa thúngaa na̱ka̱ gáꞌne xkujndu ga̱jma̱á i̱mba̱a̱ꞌ thúngaa, ginii na̱gi̱ꞌi̱i̱ mandxaꞌwóo̱ idxu̱u̱, kajngó mba̱ꞌyoo̱ xí ma̱ꞌngo̱o̱ gajmíi̱ tsí mbá gu̱wa̱ꞌ míl (10 000) xa̱bo̱ tsí gíꞌdii̱n, muni̱i̱ gajmíi̱ tsí mbá skíñú míl (20 000) xa̱bo̱ tsí naguwá gajmíí i̱mba̱a̱ꞌ thúngaa. 32Xí ndaꞌyoo̱ rí ma̱xáꞌngo̱o̱, asndo nákhí máꞌ xóó tsíngua̱ꞌ i̱ꞌkha̱ thúngaa tsúꞌkhue̱n, maxúnguii̱nꞌ xa̱bo̱ tsí mu̱ra̱xi̱í thúngaa tsí ñúꞌún, dí jaꞌyoo muni̱i̱ kajngó ma̱ba̱aꞌ-wíyuu xkujndu.
33Xkuaꞌnii máꞌ mangaa, asndo tsáa tsí ikháanꞌlaꞌ tsí tsíyoo gániñuu mbá xúgíí rí gíꞌdoo, ma̱xáxóo ma̱nindxu̱u̱ xa̱bo̱ tsí na̱sngóolo̱ꞌ.
Ído̱ rí nánguá ríná idú
(Mt 5.13; Mc 9.50)
34»Máján rí idú. I̱ndo̱ó máꞌ numuu rí, xí nánguá ríná ne̱ rá, xáne lá gágoo rí ma̱ꞌne rínáa ne̱ mbu̱júꞌ rá. 35Tsíjmaa ne̱ inuu ju̱ba̱ꞌ ni máꞌ rí ma̱ꞌne ne̱ yuska. I̱ndo̱ó máꞌ na̱ga̱díí ne̱ rixa̱á. Tsí gíꞌdoo ñaꞌwuun rí madxawuun, gadxawuu̱n».
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.