XÓ NI̱GI̱ꞋDU̱U̱N-MUU 8
8
Xóo ni̱ka̱-ragu̱uꞌ iya neꞌne Ana̱ꞌlóꞌ
1A̱ꞌkhue̱n rí ni̱rmáꞌáa̱n a̱kui̱i̱n Ana̱ꞌlóꞌ jaꞌyoo Noé, gajmíí xúgíin xu̱kú-xáná jamí xu̱kú kiraꞌdiin tsí kachúún ná rguwa. Ana̱ꞌlóꞌ neꞌne rí maxnúu gíñá ná inuu numbaa, jamí a̱ꞌkhue̱n ni̱ka̱-ragu̱uꞌ iya. 2A̱ꞌkhue̱n nijúgua̱a̱ iduu iya mba̱ꞌo̱ ná iya a̱pha̱, xúꞌkhue̱n máꞌ xúgíí xtangaya ná mikhu mangaa. Xkuaꞌnii ni̱we̱je̱ rí naxnúu ruꞌwa. 3Mañuu máꞌ xúꞌkhue̱n, ni̱ka̱-ragu̱uꞌ iya ná inuu ju̱ba̱ꞌ. Ído̱ neꞌne mbá juan skíñú gu̱wa̱ꞌ (150) mbiꞌi nigu̱uꞌ máꞌ iya. 4Rí mbiꞌi gu̱wa̱ꞌ-nítsu i̱jma̱ (17), rí go̱nꞌ tijuan, ni̱tri̱ga̱a̱ rguwa ná júba̱ rí wájun ná mbaa Ararát. 5Jamí xúꞌkhue̱n ni̱ka̱-ragu̱uꞌ iya asndo mbiꞌi timbá i̱ka̱ ñajuun go̱nꞌ rí ti̱gu̱wa̱ꞌ. A̱ꞌkhue̱n ni̱ka̱-rakujma̱a̱ inuu júba̱.
6Ninújngoo máꞌ a̱jma̱ skíñú mbiꞌi, a̱ꞌkhue̱n nirmáꞌtha̱a̱ Noé iduu rguwa rí neꞌne-mújúu̱n. 7A̱ꞌkhue̱n nixuꞌmaa̱ mbáa yu̱wa̱ꞌ, tsí nigájnuu ningrigo̱o̱ máꞌ xúꞌkhue̱n asndo náá nijndo̱o̱ꞌ iya inuu ju̱ba̱ꞌ. 8Mangaa nixuꞌmaa̱ mbáa rigu, jngó mba̱ꞌyoo̱ xí nigu̱uꞌ iya ná inuu ju̱ba̱ꞌ. 9Jamí na̱nguá nixkamaa̱ ná ma̱ri̱guii̱, jngó nitanga̱a̱ ná rguwa, numuu rí iya xóó ri̱ga̱ mbá xúgíí inuu ju̱ba̱ꞌ. A̱ꞌkhue̱n Noé nitsriya̱ꞌ ñawúun rí ni̱grui̱guíi̱ rigu, ni̱ta̱ꞌa̱a̱ ná rguwa. 10Ni̱gi̱ꞌthu̱u̱n i̱mba̱á juan mbiꞌi, jamí a̱ꞌkhue̱n nixuꞌmaa̱ mbu̱jú rigu, nigájnuu ná rguwa ni̱ka̱. 11Xómáꞌ rigu nitanga̱a̱ inuu̱ wakhíí, jayée̱ mbá inúu ixe̱ olíbo̱ ná rawuu̱n. A̱ꞌkhue̱n nifroꞌo̱o̱ Noé rí nigu̱uꞌ máꞌ iya ná inuu ju̱ba̱ꞌ. 12Ni̱gi̱ꞌthu̱u̱n i̱mba̱á juan mbiꞌi xóó, níkhú nixuꞌmaa̱ rigu ni̱ka̱, a̱ꞌkhue̱n rí nánguá máꞌ nitanga̱a̱.
13Ído̱ nirámuu majuun siénto̱ i̱mba̱ (601) tsiguu Noé, rí go̱nꞌ timbá, rí mbiꞌi timbá ñajuun go̱nꞌ, a̱ꞌkhue̱n nijndo̱o̱ꞌ-maꞌáa̱n máꞌ iya inuu ju̱ba̱ꞌ. A̱ꞌkhue̱n nirígúu̱ Noé rí jógoo ná tsu̱du̱u̱ rguwa, jamí ndiꞌyoo̱ rí nijndo̱o̱ꞌ inuu ju̱ba̱ꞌ. 14Jamí mbá skíñú juan mbiꞌi i̱ka̱ ñajuun go̱nꞌ rí riajmu̱u̱, a̱ꞌkhue̱n rí phú nijndo̱o̱ꞌ mbá jayu ju̱ba̱ꞌ rá. 15A̱ꞌkhue̱n Ana̱ꞌlóꞌ niꞌthúun Noé: 16«Adxájna̱a̱ꞌ ná awúun rguwa ikháán ga̱jma̱a̱ꞌ a̱ꞌgia̱a̱ꞌ, i̱jia̱a̱nꞌ jamí gu̱ꞌwi̱ín i̱jia̱a̱nꞌ. 17Arawíi̱n xúgíin xu̱kú tsí gatiin ga̱jma̱á nindxa̱a̱ꞌ: xúgíin ño̱ꞌo̱n jamí xu̱kú kiraꞌda jamí mbá xúgíin tsí nu̱xma̱tha-mi̱jna̱ ná inuu ju̱ba̱ꞌ. Agóo̱ mbá xúgíí inuu ju̱ba̱ꞌ, jamí a̱ga̱mi̱diúu̱n ná inuu numbaa».
18A̱ꞌkhue̱n nigájna̱a̱ Noé gajmíí i̱ji̱i̱n, a̱ꞌgui̱i̱, jamí gu̱ꞌwi̱ín i̱ji̱i̱n. 19Jamí a̱ꞌkhue̱n nigájna̱á ná awúun rguwa mbá xúgíin xu̱kú, xúgíin tsí nu̱xma̱tha-mi̱jna̱ jamí xúgíin ño̱ꞌo̱n, jamí xúgíin tsí na̱ba̱ñi̱i̱ꞌ ná inuu ju̱ba̱ꞌ, xómáꞌ mbámbá inii xu̱kú. 20A̱ꞌkhue̱n rí Noé nixúxe̱ xu̱nꞌ itsí ná ma̱ꞌne-mba̱a̱ Ana̱ꞌlóꞌ Mikhuíí. A̱ꞌkhue̱n ndiyáa̱ mbáa xu̱kú tsí mbámbá inúú tsí khaꞌuun xúꞌkhue̱n máꞌ ño̱ꞌo̱n tsí khaꞌuun, nixnáxi̱i̱n mi̱khiin ikhín. 21Ído̱ ni̱grui̱gú xe̱ꞌ Ana̱ꞌlóꞌ Mikhuíí rí phú ndaa thawuun, a̱ꞌkhue̱n niꞌthán-mine̱e̱ꞌ: «Maske máꞌ asndo nákhí rí natse a̱kui̱ín xa̱bo̱, wéje̱ máꞌ rí muni̱i̱ rí ra̱máján, ná-xátangu̱ún ma̱xna̱-máꞌáan ju̱ba̱ꞌ ga̱jma̱á numúú xa̱bo̱ rá. Jamí ni̱mi̱ꞌtsu̱n ná-xáne̱ gámbi̱i̱n xúgíin tsí nduya, xó rí ne̱ne̱ xúge̱ꞌ.
22»Awúun máꞌ rí xóó kri̱ga̱ ju̱ba̱ꞌ,
ma̱xámba̱ rí mi̱ꞌdu jamí rí ma̱gi̱xi̱i̱ ganitsu,
ma̱ꞌne mika jamí ngúwán,
ma̱ꞌkha̱ go̱nꞌ rí ma̱ꞌne ruꞌwa jamí go̱nꞌ rí ma̱ꞌne ruꞌphu,
jamí ma̱ꞌne máꞌ mbiꞌi jamí mbroꞌon».
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 8: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 8
8
Xóo ni̱ka̱-ragu̱uꞌ iya neꞌne Ana̱ꞌlóꞌ
1A̱ꞌkhue̱n rí ni̱rmáꞌáa̱n a̱kui̱i̱n Ana̱ꞌlóꞌ jaꞌyoo Noé, gajmíí xúgíin xu̱kú-xáná jamí xu̱kú kiraꞌdiin tsí kachúún ná rguwa. Ana̱ꞌlóꞌ neꞌne rí maxnúu gíñá ná inuu numbaa, jamí a̱ꞌkhue̱n ni̱ka̱-ragu̱uꞌ iya. 2A̱ꞌkhue̱n nijúgua̱a̱ iduu iya mba̱ꞌo̱ ná iya a̱pha̱, xúꞌkhue̱n máꞌ xúgíí xtangaya ná mikhu mangaa. Xkuaꞌnii ni̱we̱je̱ rí naxnúu ruꞌwa. 3Mañuu máꞌ xúꞌkhue̱n, ni̱ka̱-ragu̱uꞌ iya ná inuu ju̱ba̱ꞌ. Ído̱ neꞌne mbá juan skíñú gu̱wa̱ꞌ (150) mbiꞌi nigu̱uꞌ máꞌ iya. 4Rí mbiꞌi gu̱wa̱ꞌ-nítsu i̱jma̱ (17), rí go̱nꞌ tijuan, ni̱tri̱ga̱a̱ rguwa ná júba̱ rí wájun ná mbaa Ararát. 5Jamí xúꞌkhue̱n ni̱ka̱-ragu̱uꞌ iya asndo mbiꞌi timbá i̱ka̱ ñajuun go̱nꞌ rí ti̱gu̱wa̱ꞌ. A̱ꞌkhue̱n ni̱ka̱-rakujma̱a̱ inuu júba̱.
6Ninújngoo máꞌ a̱jma̱ skíñú mbiꞌi, a̱ꞌkhue̱n nirmáꞌtha̱a̱ Noé iduu rguwa rí neꞌne-mújúu̱n. 7A̱ꞌkhue̱n nixuꞌmaa̱ mbáa yu̱wa̱ꞌ, tsí nigájnuu ningrigo̱o̱ máꞌ xúꞌkhue̱n asndo náá nijndo̱o̱ꞌ iya inuu ju̱ba̱ꞌ. 8Mangaa nixuꞌmaa̱ mbáa rigu, jngó mba̱ꞌyoo̱ xí nigu̱uꞌ iya ná inuu ju̱ba̱ꞌ. 9Jamí na̱nguá nixkamaa̱ ná ma̱ri̱guii̱, jngó nitanga̱a̱ ná rguwa, numuu rí iya xóó ri̱ga̱ mbá xúgíí inuu ju̱ba̱ꞌ. A̱ꞌkhue̱n Noé nitsriya̱ꞌ ñawúun rí ni̱grui̱guíi̱ rigu, ni̱ta̱ꞌa̱a̱ ná rguwa. 10Ni̱gi̱ꞌthu̱u̱n i̱mba̱á juan mbiꞌi, jamí a̱ꞌkhue̱n nixuꞌmaa̱ mbu̱jú rigu, nigájnuu ná rguwa ni̱ka̱. 11Xómáꞌ rigu nitanga̱a̱ inuu̱ wakhíí, jayée̱ mbá inúu ixe̱ olíbo̱ ná rawuu̱n. A̱ꞌkhue̱n nifroꞌo̱o̱ Noé rí nigu̱uꞌ máꞌ iya ná inuu ju̱ba̱ꞌ. 12Ni̱gi̱ꞌthu̱u̱n i̱mba̱á juan mbiꞌi xóó, níkhú nixuꞌmaa̱ rigu ni̱ka̱, a̱ꞌkhue̱n rí nánguá máꞌ nitanga̱a̱.
13Ído̱ nirámuu majuun siénto̱ i̱mba̱ (601) tsiguu Noé, rí go̱nꞌ timbá, rí mbiꞌi timbá ñajuun go̱nꞌ, a̱ꞌkhue̱n nijndo̱o̱ꞌ-maꞌáa̱n máꞌ iya inuu ju̱ba̱ꞌ. A̱ꞌkhue̱n nirígúu̱ Noé rí jógoo ná tsu̱du̱u̱ rguwa, jamí ndiꞌyoo̱ rí nijndo̱o̱ꞌ inuu ju̱ba̱ꞌ. 14Jamí mbá skíñú juan mbiꞌi i̱ka̱ ñajuun go̱nꞌ rí riajmu̱u̱, a̱ꞌkhue̱n rí phú nijndo̱o̱ꞌ mbá jayu ju̱ba̱ꞌ rá. 15A̱ꞌkhue̱n Ana̱ꞌlóꞌ niꞌthúun Noé: 16«Adxájna̱a̱ꞌ ná awúun rguwa ikháán ga̱jma̱a̱ꞌ a̱ꞌgia̱a̱ꞌ, i̱jia̱a̱nꞌ jamí gu̱ꞌwi̱ín i̱jia̱a̱nꞌ. 17Arawíi̱n xúgíin xu̱kú tsí gatiin ga̱jma̱á nindxa̱a̱ꞌ: xúgíin ño̱ꞌo̱n jamí xu̱kú kiraꞌda jamí mbá xúgíin tsí nu̱xma̱tha-mi̱jna̱ ná inuu ju̱ba̱ꞌ. Agóo̱ mbá xúgíí inuu ju̱ba̱ꞌ, jamí a̱ga̱mi̱diúu̱n ná inuu numbaa».
18A̱ꞌkhue̱n nigájna̱a̱ Noé gajmíí i̱ji̱i̱n, a̱ꞌgui̱i̱, jamí gu̱ꞌwi̱ín i̱ji̱i̱n. 19Jamí a̱ꞌkhue̱n nigájna̱á ná awúun rguwa mbá xúgíin xu̱kú, xúgíin tsí nu̱xma̱tha-mi̱jna̱ jamí xúgíin ño̱ꞌo̱n, jamí xúgíin tsí na̱ba̱ñi̱i̱ꞌ ná inuu ju̱ba̱ꞌ, xómáꞌ mbámbá inii xu̱kú. 20A̱ꞌkhue̱n rí Noé nixúxe̱ xu̱nꞌ itsí ná ma̱ꞌne-mba̱a̱ Ana̱ꞌlóꞌ Mikhuíí. A̱ꞌkhue̱n ndiyáa̱ mbáa xu̱kú tsí mbámbá inúú tsí khaꞌuun xúꞌkhue̱n máꞌ ño̱ꞌo̱n tsí khaꞌuun, nixnáxi̱i̱n mi̱khiin ikhín. 21Ído̱ ni̱grui̱gú xe̱ꞌ Ana̱ꞌlóꞌ Mikhuíí rí phú ndaa thawuun, a̱ꞌkhue̱n niꞌthán-mine̱e̱ꞌ: «Maske máꞌ asndo nákhí rí natse a̱kui̱ín xa̱bo̱, wéje̱ máꞌ rí muni̱i̱ rí ra̱máján, ná-xátangu̱ún ma̱xna̱-máꞌáan ju̱ba̱ꞌ ga̱jma̱á numúú xa̱bo̱ rá. Jamí ni̱mi̱ꞌtsu̱n ná-xáne̱ gámbi̱i̱n xúgíin tsí nduya, xó rí ne̱ne̱ xúge̱ꞌ.
22»Awúun máꞌ rí xóó kri̱ga̱ ju̱ba̱ꞌ,
ma̱xámba̱ rí mi̱ꞌdu jamí rí ma̱gi̱xi̱i̱ ganitsu,
ma̱ꞌne mika jamí ngúwán,
ma̱ꞌkha̱ go̱nꞌ rí ma̱ꞌne ruꞌwa jamí go̱nꞌ rí ma̱ꞌne ruꞌphu,
jamí ma̱ꞌne máꞌ mbiꞌi jamí mbroꞌon».
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.