XÓ NI̱GI̱ꞋDU̱U̱N-MUU 7
7
Naꞌne ruꞌwa a̱pha̱
1A̱ꞌkhue̱n rí Ana̱ꞌlóꞌ Mikhuíí niꞌthúun Noé: «A̱ta̱ꞌa̱a̱ꞌ ná awúun guꞌwá rguwa ikháán jamí mbá xúgíin xa̱bia̱a̱ꞌ, numuu rí i̱ndo̱ó ikháán nda̱yo̱o̱ rí gamakuíín xóo rí iꞌwíin xa̱bo̱. 2Rí mbá xúgíin xu̱kú tsí khaꞌuun, juiin jmba̱ꞌo̱ jamí juiin iꞌgú ma̱tha̱xu̱ꞌdíin, xúꞌkhue̱n máꞌ xu̱kú tsí ra̱kháꞌuun, a̱jmi̱i̱ mbámbá inii, a̱jmba jamí iꞌgú. 3Ma̱tha̱xu̱ꞌdíin mangiin ño̱ꞌo̱n, juiin jmba̱ꞌo̱ jamí juiin iꞌgú, ikhaa jngó ma̱gi̱xi̱i̱n rí ma̱ju̱wée̱ꞌ xóó inuu ju̱ba̱ꞌ. 4Numuu rí ído̱ ma̱ga̱nú juan mbiꞌi, ikhúúnꞌ ma̱ne̱ rí maxnúu ruꞌwa ná inuu ju̱ba̱ꞌ. A̱jma̱ skíñú mbiꞌi jamí mbroꞌon maxnúu ne̱. A̱ꞌkhue̱n rí ma̱rngudii̱nꞌ-ri̱gi̱i̱n ná inuu numbaa xúgíin tsí júwa̱ꞌ nduya ne̱ne̱-ku̱mii». 5Xómáꞌ Noé neꞌne-mbánuu mbá xúgíí rí ni̱gi̱ꞌmaa̱ ma̱ꞌnii̱ xóo rí waꞌtháa̱n neꞌne Ana̱ꞌlóꞌ Mikhuíí.
6Noé gíꞌdoo máꞌ majuun siénto̱ (600) tsiguu ído̱ rí nixnúu ruꞌwa a̱pha̱ ná inuu ju̱ba̱ꞌ. 7Ga̱jma̱á numuu ruꞌwa a̱pha̱, ni̱to̱ꞌo̱o̱ Noé ná awúun guꞌwá rguwa gajmíi̱ i̱ji̱i̱n, a̱ꞌgui̱i̱ jamí gu̱ꞌgíi̱n. 8Xkuaꞌnii máꞌ xu̱kú tsí khaꞌuun, xu̱kú tsí ra̱kháꞌuun, xúꞌkhue̱n máꞌ ño̱ꞌo̱n, jamí xúgíin tsí nu̱xma̱tha-mi̱jna̱ ná inuu ju̱ba̱ꞌ, 9a̱jmi̱i̱ jamí a̱jmi̱i̱ ni̱tu̱ꞌúu̱n gajmíi̱ Noé ná awúun rguwa, a̱jmba jamí iꞌgú, mbá xó rí ni̱gi̱ꞌmaa̱ rí ma̱ꞌne-mbánuu̱ neꞌne Ana̱ꞌlóꞌ. 10Ído̱ ni̱ga̱nú mbiꞌi tijuan, a̱ꞌkhue̱n rí ni̱gi̱ꞌdu̱u̱n ni̱ꞌkha̱ ruꞌwa a̱pha̱ ná inuu ju̱ba̱ꞌ.
11Nákhí timbá majuun siénto̱ (600) tsiguu Noé, go̱nꞌ rí riajmu̱u̱, rí mbiꞌi gu̱wa̱ꞌ-nítsu i̱ka̱ ñajuun go̱nꞌ, ni̱gi̱ꞌdu̱u̱n ni̱ma̱ꞌthoo iduu iya mba̱ꞌo̱ ná rí phú me̱jno̱ꞌ iya a̱pha̱. Xúꞌkhue̱n máꞌ ni̱ma̱ꞌthoo xúgíí xtangaya ná mikhu. 12A̱ꞌkhue̱n rí a̱jma̱ skíñú mbiꞌi jamí a̱jma̱ skíñú mbroꞌon nixnúu ruꞌwa ná inuu ju̱ba̱ꞌ. 13Ikhaa máꞌ mbiꞌi rúꞌkhue̱n ni̱to̱ꞌo̱o̱ Noé ná rguwa, gajmíi̱ Sém, Kám jamí Jafét tsí i̱ji̱i̱n máꞌ, ga̱jmáa̱ a̱ꞌgui̱i̱ jamí xúꞌkhue̱n máꞌ mbá ná atsúun gu̱ꞌgíi̱n. 14Mbóó máꞌ ni̱tu̱ꞌúu̱n ikhii̱n gajmíi̱ mbá xúgíí inii xu̱kú-xáná jamí xu̱kú kiraꞌda, mbá xúgíí inii xu̱kú tsí nu̱xma̱tha-mi̱jna̱ ná inuu ju̱ba̱ꞌ, xúꞌkhue̱n máꞌ mbá xúgíí inii xu̱kú-xna jamí ño̱ꞌo̱n. 15Xkuaꞌnii jaꞌnii ni̱tu̱ꞌúu̱n ná rguwa gajmíi̱ Noé, a̱jmi̱i̱ jamí a̱jmi̱i̱ mbá xúgíin xu̱kú tsí kuaꞌdáá xe̱ꞌ rí ndaꞌya. 16Jamí mbá xúgíin xu̱kú tsí niguwá, jmba̱ꞌo̱ jamí iꞌgú niguwá, mbá xóo rí waꞌxná-ñájuíín Noé neꞌne Ana̱ꞌlóꞌ. A̱ꞌkhue̱n rí Ana̱ꞌlóꞌ Mikhuíí nirugua̱a̱ xkrugua.
17A̱ꞌkhue̱n rí nixnúu ruꞌwa a̱pha̱ ná inuu ju̱ba̱ꞌ a̱jma̱ skíñú mbiꞌi. Ído̱ nijudáán-mina̱ꞌ iya, a̱ꞌkhue̱n rí ni̱tu̱xu̱u̱ jiꞌyá rguwa. 18Xómáꞌ iya na̱ka̱-rajni̱í guéño jamí najudáán-mina̱ꞌ ne̱ ná inuu ju̱ba̱ꞌ, xúꞌkhue̱n máꞌ rguwa ni̱tu̱xu̱u̱ ngrámuu ná inuu iya. 19Nijudáán-mina̱ꞌ mi̱ndaꞌkho iya ná inuu ju̱ba̱ꞌ, jamí mbá xúgíí júba̱ rí tsída̱ꞌ rí ríga̱ ná inuu numbaa nimbrámuu mbá jayu iya. 20Rí nimbrámuu máꞌ iya inuu júba̱, xóó nitsimuu ne̱ i̱mba̱á gu̱wa̱ꞌ-nítsu (15) iduu itso̱.#7.20 Rí 15 iduu itso̱ gíꞌdoo mbá 7 wáa métro̱. 21Xkuaꞌnii nijáñúú xúgíin tsí na̱ba̱ñi̱i̱ꞌ júwa̱ꞌ ná inuu ju̱ba̱ꞌ: ño̱ꞌo̱n, xu̱kú-xáná jamí xu̱kú kiraꞌda, xúgíin tsí nu̱xma̱tha-mi̱jna̱ ná inuu ju̱ba̱ꞌ, jamí mbá xúgíin xa̱bo̱. 22Nijáñúú mbá xúgíin tsí nu̱xu̱máá xe̱ꞌ, mbá xúgíin tsí júwa̱ꞌ ná inuu ju̱ba̱ꞌ wámbi̱i̱n. 23Xúꞌkhue̱n jaꞌnii wámba̱-ri̱gi̱i̱n xúgíin tsí nijúwa̱ꞌ ná inuu ju̱ba̱ꞌ, asndo xa̱bo̱ jamí xu̱kú kiraꞌda, xúꞌkhue̱n máꞌ tsí nu̱xma̱tha-mi̱jna̱, jamí ño̱ꞌo̱n. Xkuaꞌnii wámba̱-ri̱gi̱i̱n ná inuu ju̱ba̱ꞌ. I̱mba̱wíi Noé niwanúu, gajmíí tsí gatiin ná rguwa. 24Mbá juan skíñú gu̱wa̱ꞌ (150) mbiꞌi nijni̱í iya ná inuu numbaa.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 7: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 7
7
Naꞌne ruꞌwa a̱pha̱
1A̱ꞌkhue̱n rí Ana̱ꞌlóꞌ Mikhuíí niꞌthúun Noé: «A̱ta̱ꞌa̱a̱ꞌ ná awúun guꞌwá rguwa ikháán jamí mbá xúgíin xa̱bia̱a̱ꞌ, numuu rí i̱ndo̱ó ikháán nda̱yo̱o̱ rí gamakuíín xóo rí iꞌwíin xa̱bo̱. 2Rí mbá xúgíin xu̱kú tsí khaꞌuun, juiin jmba̱ꞌo̱ jamí juiin iꞌgú ma̱tha̱xu̱ꞌdíin, xúꞌkhue̱n máꞌ xu̱kú tsí ra̱kháꞌuun, a̱jmi̱i̱ mbámbá inii, a̱jmba jamí iꞌgú. 3Ma̱tha̱xu̱ꞌdíin mangiin ño̱ꞌo̱n, juiin jmba̱ꞌo̱ jamí juiin iꞌgú, ikhaa jngó ma̱gi̱xi̱i̱n rí ma̱ju̱wée̱ꞌ xóó inuu ju̱ba̱ꞌ. 4Numuu rí ído̱ ma̱ga̱nú juan mbiꞌi, ikhúúnꞌ ma̱ne̱ rí maxnúu ruꞌwa ná inuu ju̱ba̱ꞌ. A̱jma̱ skíñú mbiꞌi jamí mbroꞌon maxnúu ne̱. A̱ꞌkhue̱n rí ma̱rngudii̱nꞌ-ri̱gi̱i̱n ná inuu numbaa xúgíin tsí júwa̱ꞌ nduya ne̱ne̱-ku̱mii». 5Xómáꞌ Noé neꞌne-mbánuu mbá xúgíí rí ni̱gi̱ꞌmaa̱ ma̱ꞌnii̱ xóo rí waꞌtháa̱n neꞌne Ana̱ꞌlóꞌ Mikhuíí.
6Noé gíꞌdoo máꞌ majuun siénto̱ (600) tsiguu ído̱ rí nixnúu ruꞌwa a̱pha̱ ná inuu ju̱ba̱ꞌ. 7Ga̱jma̱á numuu ruꞌwa a̱pha̱, ni̱to̱ꞌo̱o̱ Noé ná awúun guꞌwá rguwa gajmíi̱ i̱ji̱i̱n, a̱ꞌgui̱i̱ jamí gu̱ꞌgíi̱n. 8Xkuaꞌnii máꞌ xu̱kú tsí khaꞌuun, xu̱kú tsí ra̱kháꞌuun, xúꞌkhue̱n máꞌ ño̱ꞌo̱n, jamí xúgíin tsí nu̱xma̱tha-mi̱jna̱ ná inuu ju̱ba̱ꞌ, 9a̱jmi̱i̱ jamí a̱jmi̱i̱ ni̱tu̱ꞌúu̱n gajmíi̱ Noé ná awúun rguwa, a̱jmba jamí iꞌgú, mbá xó rí ni̱gi̱ꞌmaa̱ rí ma̱ꞌne-mbánuu̱ neꞌne Ana̱ꞌlóꞌ. 10Ído̱ ni̱ga̱nú mbiꞌi tijuan, a̱ꞌkhue̱n rí ni̱gi̱ꞌdu̱u̱n ni̱ꞌkha̱ ruꞌwa a̱pha̱ ná inuu ju̱ba̱ꞌ.
11Nákhí timbá majuun siénto̱ (600) tsiguu Noé, go̱nꞌ rí riajmu̱u̱, rí mbiꞌi gu̱wa̱ꞌ-nítsu i̱ka̱ ñajuun go̱nꞌ, ni̱gi̱ꞌdu̱u̱n ni̱ma̱ꞌthoo iduu iya mba̱ꞌo̱ ná rí phú me̱jno̱ꞌ iya a̱pha̱. Xúꞌkhue̱n máꞌ ni̱ma̱ꞌthoo xúgíí xtangaya ná mikhu. 12A̱ꞌkhue̱n rí a̱jma̱ skíñú mbiꞌi jamí a̱jma̱ skíñú mbroꞌon nixnúu ruꞌwa ná inuu ju̱ba̱ꞌ. 13Ikhaa máꞌ mbiꞌi rúꞌkhue̱n ni̱to̱ꞌo̱o̱ Noé ná rguwa, gajmíi̱ Sém, Kám jamí Jafét tsí i̱ji̱i̱n máꞌ, ga̱jmáa̱ a̱ꞌgui̱i̱ jamí xúꞌkhue̱n máꞌ mbá ná atsúun gu̱ꞌgíi̱n. 14Mbóó máꞌ ni̱tu̱ꞌúu̱n ikhii̱n gajmíi̱ mbá xúgíí inii xu̱kú-xáná jamí xu̱kú kiraꞌda, mbá xúgíí inii xu̱kú tsí nu̱xma̱tha-mi̱jna̱ ná inuu ju̱ba̱ꞌ, xúꞌkhue̱n máꞌ mbá xúgíí inii xu̱kú-xna jamí ño̱ꞌo̱n. 15Xkuaꞌnii jaꞌnii ni̱tu̱ꞌúu̱n ná rguwa gajmíi̱ Noé, a̱jmi̱i̱ jamí a̱jmi̱i̱ mbá xúgíin xu̱kú tsí kuaꞌdáá xe̱ꞌ rí ndaꞌya. 16Jamí mbá xúgíin xu̱kú tsí niguwá, jmba̱ꞌo̱ jamí iꞌgú niguwá, mbá xóo rí waꞌxná-ñájuíín Noé neꞌne Ana̱ꞌlóꞌ. A̱ꞌkhue̱n rí Ana̱ꞌlóꞌ Mikhuíí nirugua̱a̱ xkrugua.
17A̱ꞌkhue̱n rí nixnúu ruꞌwa a̱pha̱ ná inuu ju̱ba̱ꞌ a̱jma̱ skíñú mbiꞌi. Ído̱ nijudáán-mina̱ꞌ iya, a̱ꞌkhue̱n rí ni̱tu̱xu̱u̱ jiꞌyá rguwa. 18Xómáꞌ iya na̱ka̱-rajni̱í guéño jamí najudáán-mina̱ꞌ ne̱ ná inuu ju̱ba̱ꞌ, xúꞌkhue̱n máꞌ rguwa ni̱tu̱xu̱u̱ ngrámuu ná inuu iya. 19Nijudáán-mina̱ꞌ mi̱ndaꞌkho iya ná inuu ju̱ba̱ꞌ, jamí mbá xúgíí júba̱ rí tsída̱ꞌ rí ríga̱ ná inuu numbaa nimbrámuu mbá jayu iya. 20Rí nimbrámuu máꞌ iya inuu júba̱, xóó nitsimuu ne̱ i̱mba̱á gu̱wa̱ꞌ-nítsu (15) iduu itso̱.#7.20 Rí 15 iduu itso̱ gíꞌdoo mbá 7 wáa métro̱. 21Xkuaꞌnii nijáñúú xúgíin tsí na̱ba̱ñi̱i̱ꞌ júwa̱ꞌ ná inuu ju̱ba̱ꞌ: ño̱ꞌo̱n, xu̱kú-xáná jamí xu̱kú kiraꞌda, xúgíin tsí nu̱xma̱tha-mi̱jna̱ ná inuu ju̱ba̱ꞌ, jamí mbá xúgíin xa̱bo̱. 22Nijáñúú mbá xúgíin tsí nu̱xu̱máá xe̱ꞌ, mbá xúgíin tsí júwa̱ꞌ ná inuu ju̱ba̱ꞌ wámbi̱i̱n. 23Xúꞌkhue̱n jaꞌnii wámba̱-ri̱gi̱i̱n xúgíin tsí nijúwa̱ꞌ ná inuu ju̱ba̱ꞌ, asndo xa̱bo̱ jamí xu̱kú kiraꞌda, xúꞌkhue̱n máꞌ tsí nu̱xma̱tha-mi̱jna̱, jamí ño̱ꞌo̱n. Xkuaꞌnii wámba̱-ri̱gi̱i̱n ná inuu ju̱ba̱ꞌ. I̱mba̱wíi Noé niwanúu, gajmíí tsí gatiin ná rguwa. 24Mbá juan skíñú gu̱wa̱ꞌ (150) mbiꞌi nijni̱í iya ná inuu numbaa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.