XÓ NI̱GI̱ꞋDU̱U̱N-MUU 30
30
1Ído̱ ndiꞌyoo Rakél rí na̱nguá i̱gu̱mii i̱ji̱i̱n ga̱jmáa̱ Jakób, nixígu̱u̱ꞌ jaꞌyoo̱ dxuíꞌgúu̱. Ikhaa jngó niꞌthúu̱n Jakób:
―Araxníꞌ re̱ i̱ji̱nꞌ, ra̱ꞌkhá ma̱ja̱ñúꞌ.
2A̱ꞌkhue̱n Jakób nijiꞌnáa jaꞌyoo Rakél, jamí niꞌthúu̱n:
―Á ikhúúnꞌ ñaju̱nꞌ Ana̱ꞌlóꞌ, tsí narekhoo rí ma̱xáraꞌdiin i̱jia̱a̱nꞌ, jngó rá dxe̱ꞌ.
3A̱ꞌkhue̱n Rakél niꞌthán:
―Athayáá rí ge̱e̱ xtáa yumbéꞌ Bíla̱. Ano ga̱jma̱a̱ꞌ ikhaa̱, ikhaa jngó ma̱gu̱mii i̱ji̱i̱n ga̱jma̱á numu̱ꞌ.#30.3 Ná ajngáa ebréo̱ naꞌthán «ma̱gu̱mii i̱ji̱i̱n ikhaa̱ ná iduu nakhúꞌ». A̱ꞌkhue̱n rí i̱ji̱i̱n ma̱nindxúu̱n máꞌ i̱ji̱nꞌ ikhúúnꞌlo̱ꞌ.
4A̱ꞌkhue̱n nixnáxi̱i̱ yumbée̱ rí ma̱ꞌne a̱ꞌgui̱i̱. Xómáꞌ Jakób niꞌgu ga̱jmáa̱. 5A̱ꞌkhue̱n rí nigo̱-éda Bíla̱, neꞌne xuajii̱n, ni̱gu̱maa mbáa a̱dée̱ ga̱jmáa̱ Jakób. 6A̱ꞌkhue̱n niꞌthán Rakél: «Ni̱ra̱jua̱ꞌ Ana̱ꞌlóꞌ ga̱jma̱á numu̱ꞌ, nidxawuu̱n aꞌwóꞌ jamí nixníꞌ mbáa a̱ꞌdéꞌ». Ikhaa jngó nixnúu̱ mbiꞌyuu Dán.#30.6 Ná ajngáa ebréo̱, mbiꞌyuu Dán naꞌthán-wíi̱ «na̱ra̱jua̱ꞌ».
7Nda̱wa̱á nigo̱-éda mbu̱jú Bíla̱, yumbée máꞌ Rakél, jamí neꞌne xuajii̱n, ni̱gu̱maa ada̱ tsí riajma̱a̱ a̱dée máꞌ Jakób. 8Xómáꞌ Rakél niꞌthán: «Phú gakhe̱ ni̱tsa̱ñu̱ꞌ ga̱jme̱ꞌ dxuíꞌgúꞌ, jamí ni̱ꞌngo̱ꞌ rá». Ikhaa jngó nixnúu̱ mbiꞌyuu Neftalí.#30.8 Ná ajngáa ebréo̱, mbiꞌyuu Neftalí naꞌthán-wíi̱ «na̱tsa̱ño̱ꞌ».
9Ído̱ ndiꞌyoo Léa̱ rí nánguá eꞌne xuajii̱n, a̱ꞌkhue̱n ndiyáa̱ Sílpa̱, tsí yumbée̱ máꞌ, jamí nixnáxi̱i̱ inuu Jakób rí ma̱ꞌne a̱ꞌgui̱i̱. 10A̱ꞌkhue̱n rí Sílpa̱ neꞌne xuajii̱n, ni̱gu̱maa mbáa a̱dée̱ ga̱jmáa̱ Jakób. 11Xómáꞌ Léa̱ niꞌthán: «Phú mbiꞌyu̱ꞌ jún». Ikhaa jngó nixnúu̱ mbiꞌyuu̱ Gád.#30.11 Ná ajngáa ebréo̱, mbiꞌyuu Gád naꞌthán-wíi̱ «phú mbiꞌyuu».
12Nda̱wa̱á Sílpa̱, yumbée Léa̱, neꞌne xuajii̱n, ni̱gu̱maa i̱mba̱a̱ a̱dée̱ ga̱jmáa̱ Jakób. 13A̱ꞌkhue̱n niꞌthán Léa̱: «Rí phú tsímáá xtáá jún, numuu rí mangiin máꞌ go̱ꞌo̱ muthi̱nꞌ rí phú tsímáá jayu xtáálo̱ꞌ». Ikhaa jngó nixnúu̱ mbiꞌyuu Asér.#30.13 Ná ajngáa ebréo̱, mbiꞌyuu Asér naxná ju̱ma̱ «tsímáá xtáa̱».
14Mbá mbiꞌi máꞌ rí nagájna̱a̱ ixí iña, ikhín máꞌ ni̱ka̱ Rubén jamí nixkamaa̱ xndú rí mbiꞌyuu mandrágo̱ra̱. Nigui̱i̱ ne̱ ni̱ꞌkha̱a̱ inuu Léa̱, tsí ru̱dúu̱ máꞌ. A̱ꞌkhue̱n niꞌthán Rakél, niꞌthúun Léa̱:
―Na̱tha̱n-jáñaaꞌ rí ma̱ra̱xnu̱ꞌ mbá-a̱jma̱ xndú mandrágo̱ra̱ rí ni̱ꞌkha̱a̱ jagu̱u̱ a̱ꞌdeáaꞌ me̱ꞌkholo̱ꞌ.
15Xómáꞌ ikhaa̱ niriꞌña̱a̱:
―Á rí phú lájuíin rí ithañu̱ꞌ ithiyáá rá dxe̱ꞌ. Nitríguíi máꞌ a̱jmbeꞌ rá. Jamí xúge̱ꞌ nandaaꞌ ma̱dríguu̱ mandrágo̱ra̱ rí ni̱ꞌkha̱a̱ jagu̱u̱ a̱ꞌdéꞌ mangaa rá dxe̱ꞌ.
A̱ꞌkhue̱n niꞌthán Rakél:
―Gi̱gu Jakób ga̱jma̱á nindxa̱a̱ꞌ mbroꞌon ríge̱ꞌ rámá, ga̱jma̱á numuu mandrágo̱ra̱ rí me̱ꞌkho.
16Ído̱ rí na̱ꞌkha̱a̱ máꞌ Jakób ná xanáá rí wakhíí, a̱ꞌkhue̱n nigájnuu Léa̱ gátsijnuu̱, jamí niꞌthúu̱n:
―Me̱no̱ꞌ ga̱jma̱á nindxu̱ꞌ, numuu rí gakon máꞌ ne̱ne̱-númuu rí ma̱tíꞌñáá mbroꞌon ríge̱ꞌ ga̱jma̱á numuu xndú mandrágo̱ra̱ rí ni̱ꞌkha̱a̱ jagu̱u̱ a̱ꞌdéꞌ.
A̱ꞌkhue̱n rí mbroꞌon máꞌ rúꞌkhue̱n niꞌgu Jakób ga̱jma̱á Léa̱. 17Xúꞌkhue̱n máꞌ nidxawuun Ana̱ꞌlóꞌ rí niꞌthán Léa̱, jamí nigo̱-édee̱ mbu̱jú, neꞌne xuajii̱n ni̱gu̱maa ada̱ tiwitsii a̱dée Jakób. 18A̱ꞌkhue̱n niꞌthán Léa̱: «Ana̱ꞌlóꞌ nixnáa̱ gamaku̱ꞌ, numuu rí ikhúúnꞌ ni̱xna̱xúu a̱jmbeꞌ yumbéꞌ rí mbayáa». Ikhaa jngó nixnúu̱ mbiꞌyuu Isakár.#30.18 Ná ajngáa ebréo̱, mbiꞌyuu Isakár naꞌthán-wíi̱ «rí gamaku».
19Nda̱wa̱á nigo̱-éda mbu̱jú Léa̱, jamí neꞌne xuajii̱n ni̱gu̱maa ada̱ tsí timajuiin a̱dée̱ ga̱jmáa̱ Jakób. 20A̱ꞌkhue̱n niꞌthán Léa̱: «Ana̱ꞌlóꞌ phú nimínu̱ꞌ rí máján. Ikhaa jngó xúge̱ꞌ rá, a̱jmbeꞌ ma̱xtáa jayuu ga̱jma̱á nindxu̱ꞌ, numuu rí ni̱xnu̱u̱ mbá majuiin i̱ji̱i̱n». Jamí nixnúu̱ mbiꞌyuu Sabulón.#30.20 Ná ajngáa ebréo̱, mbiꞌyuu Sabulón naꞌthán-wíi̱ «tsimínu̱ꞌ». 21Nda̱wa̱á neꞌne xuajii̱n ni̱gu̱maa mbáa dxáꞌgú, jamí nixnúu̱ mbiꞌyuu Dína̱.
22A̱ꞌkhue̱n rí Ana̱ꞌlóꞌ ni̱rmáꞌáa̱n a̱kui̱i̱n eꞌne Rakél, jamí nidxawuu̱n máꞌ rí niꞌthán mangaa, ikhaa jngó niꞌnii̱ rí ma̱goo ma̱gi̱ꞌdii̱n i̱ji̱i̱n. 23A̱ꞌkhue̱n rí nigo̱-édoo̱ jamí neꞌne xuajii̱n ni̱gu̱maa mbáa dxáma, jamí niꞌthée̱n: «Ana̱ꞌlóꞌ nirígúu̱ rí ni̱ti̱yu̱ꞌ rí ndawi̱i̱n i̱ji̱nꞌ». 24Jamí nixnúu̱ mbiꞌyuu José,#30.24 Ná ajngáa ebréo̱, mbiꞌyuu José naꞌthán-wíi̱ «na̱rígu xóó i̱mba̱». numuu rí niꞌthée̱n: «Ana̱ꞌlóꞌ Mikhuíí ágáxníꞌ i̱mba̱a̱ a̱ꞌdéꞌ».
Jakób ga̱jma̱á Labán none̱ nduwa-mi̱jna̱
25Nda̱wa̱á ído̱ rí neꞌne xuajiin máꞌ Rakél rí ni̱gu̱maa José, a̱ꞌkhue̱n Jakób niꞌthúun Labán:
―Atatsíñúꞌ rí ma̱ꞌgáa̱ꞌ ná phú mbayu̱ꞌ rá. 26Xúꞌkhue̱n máꞌ araxníi̱ꞌ gu̱ꞌwi̱ꞌ tsí nixtáá ni̱yumbáá-rámu̱ꞌ numúú ga̱jma̱á nindxa̱a̱ꞌ, xúꞌkhue̱n máꞌ araxníi̱ꞌ i̱ji̱nꞌ, jamí atatsíñúꞌ ma̱ꞌgáa̱ꞌ. Ikháán máꞌ nathayáá xóo rí nixtáá ni̱yumbáá inaaꞌ.
27A̱ꞌkhue̱n Labán niriꞌña̱a̱:
―Athañu̱ꞌ mbá rí máján, a̱wanáaꞌ ga̱jma̱á nindxu̱ꞌ. Numuu rí nifroꞌo̱ꞌ máꞌ rí Ana̱ꞌlóꞌ naꞌne tsakun-rámúú ga̱jma̱á numaaꞌ ikháán. 28―Jamí niꞌthúu̱n xóó―: Arathúnꞌ máꞌ ikháán nguátha̱ iyaaꞌ rí ma̱tha̱da̱a̱ꞌ, jamí ikhúúnꞌ ma̱ne̱-númaaꞌ.
29Xómáꞌ Jakób niriꞌña̱a̱:
―Ikháán máꞌ nathayáá xóo ni̱ñajun inaaꞌ, jamí xóo niꞌkha ra̱ña̱wúún xu̱kiáaꞌ. 30Numuu rí ra̱mbáꞌii̱n xtaꞌdii̱n nákhí rí nigánúlo̱ꞌ, jamí phú ni̱mi̱diúu̱n mi̱ndaꞌkho, numuu rí Ana̱ꞌlóꞌ Mikhuíí neꞌne tsakun-rámáá ído̱ rí nigánúlo̱ꞌ. Jamí xúge̱ꞌ rá, náá-lá mbiꞌi gáñajun mangúún rí ma̱gúꞌdo̱ꞌ gajmíꞌ i̱ji̱nꞌ rá.
31A̱ꞌkhue̱n Labán niriꞌña̱a̱:
―Nguátha̱-lá iyaaꞌ rí ma̱ne̱-númaaꞌ xúꞌkhue̱n rá.
Xómáꞌ Jakób niꞌthán:
―Nimbá máꞌ ma̱xátse̱snumu̱ꞌ. Xí ma̱tha̱ñu̱ꞌ máꞌ rí ma̱tha̱a̱nꞌlo̱ꞌ, a̱ꞌkhue̱n rí ma̱ña̱wúún máꞌ xóó xu̱kiáaꞌ. 32Atatsíñúꞌ ma̱nújngo̱ꞌ xúge̱ꞌ ná majiu̱ún xúgíin xu̱kiáaꞌ, jngó ma̱skuíji̱i̱n wájíin xúgíin mogo̱ tsí mixtíin, jamí xúgíin tsí skunii, xúꞌkhue̱n máꞌ xúgíin tso̱toon tsí mixtíin. Tsúꞌkhue̱n gánindxu̱ún tsí ma̱da̱a̱ꞌ ikhúúnꞌ. 33Gátsíí, nawi̱ín, ído̱ gídxú gátia̱xi̱í rí na̱da̱a̱ꞌ, a̱ꞌkhue̱n rí ma̱goo ma̱thi̱yáá rí tsíne̱ nduwáán. Xí ma̱kujmii tso̱toon tsí na̱nguá mixtíin, jamí mogo̱ tsí ra̱skúnii kachúún ná awúun xu̱kuíꞌ, a̱ꞌkhue̱n ma̱thi̱yáá rí na̱ne̱ kúwi̱i̱nꞌ xu̱kiáaꞌ xúꞌkhue̱n rá.
34A̱ꞌkhue̱n Labán niriꞌña̱a̱:
―Phú máján, a̱ga̱ꞌne xómáꞌ irathán rámá.
35I̱ndo̱ó numuu rí núkho̱ máꞌ mbiꞌi rúꞌkhue̱n Labán niskuíji̱i̱n wájíin tso̱toon tsí jmba̱ꞌo̱ mixtíin, jamí xúgíin tso̱toon iꞌgú tsí mixtíin máꞌ, jamí xúgíin tsí kuaꞌdáá mixtí miꞌxá, xúꞌkhue̱n máꞌ xúgíin mogo̱ tsí skunii. A̱ꞌkhue̱n rí nixnáxi̱i̱n ñawúún i̱ji̱i̱n rí mu̱ña̱wúún. 36Mbá atsú mbiꞌi ni̱ke̱e̱ jagu̱u̱n tsíngua̱ꞌ inuu ná xtáa Jakób. Xómáꞌ Jakób, na̱ña̱wúún máꞌ xu̱kuíi Labán tsí niwanúú máꞌ.
37A̱ꞌkhue̱n rí Jakób ni̱ro̱thon ñawúun ixe̱ rí maxa mbiꞌyuu ála̱mo̱, xúꞌkhue̱n máꞌ rí mbiꞌyuu abeyáno̱ jamí rí mbiꞌyuu kastáño̱, jamí ni̱ka̱-raꞌthóo̱ jndi ne̱, jngó neꞌne miꞌxá mixtiúu ná nakujmaa ixu̱u̱ ne̱. 38Jamí ni̱ka̱-ratsuaꞌee̱n xkuíya̱ rí niꞌthóo̱ jndi ná awúun riya, ná rí naguáꞌnú xu̱kú nawa̱a̱n iya. Ikhín none̱ tsíga-mi̱jne̱e̱ ído̱ rí naguwée̱ꞌ gúwa̱a̱n iya. 39Xkuaꞌnii jngó nuda-éda mogo̱ ná inuu xkuíya̱ rúꞌkhue̱n, xúꞌkhue̱n máꞌ na̱gu̱mii i̱jíi̱n tsí mbaꞌa inii mixtiúún.
40A̱ꞌkhue̱n rí Jakób na̱gu̱wí-jngii̱n i̱jín-mógó tsí mixtíin jamí tsí skunii ná xu̱kuíi máꞌ Labán. Tsúꞌkhue̱n naskuíji̱i̱n ná xu̱kuíi̱ máꞌ ikhaa̱. Jamí xúꞌkhue̱n máꞌ naꞌnii̱ janíí jayu tsí xu̱kuíi̱, tsíndáwi̱i̱nꞌ gajmíí xu̱kuíi Labán. 41Mbámbá nothon rí nandúún tsíga mogo̱ tsí iꞌgú tsí i̱tha̱n gúkúun, a̱ꞌkhue̱n rí Jakób na̱ka̱-ratsuaꞌan xkuíya̱ ná nawa̱a̱n iya mogo̱, ikhaa jngó nuda-édee̱ inuu máꞌ xkuíya̱. 42I̱ndo̱ó ído̱ naguwá mogo̱ iꞌgú tsí ra̱gúkúun, tsítsuaꞌee̱n xkuíya̱. Xkuaꞌnii jngó tsí ra̱gúkúun nagu̱u̱n Labán, jamí tsí i̱tháan gúkúun nagu̱u̱n Jakób. 43Xkuaꞌnii neꞌne rí nixtáa mújúun mi̱ndaꞌkho Jakób, jamí ni̱gi̱ꞌdii̱n mi̱ndaꞌkho mogo̱, mangaa máꞌ yumbáá tsí go̱ꞌo̱, yumbáá xa̱bekha, xúꞌkhue̱n máꞌ xu̱kú kaméyo̱ jamí xtá-ngidi.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 30: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 30
30
1Ído̱ ndiꞌyoo Rakél rí na̱nguá i̱gu̱mii i̱ji̱i̱n ga̱jmáa̱ Jakób, nixígu̱u̱ꞌ jaꞌyoo̱ dxuíꞌgúu̱. Ikhaa jngó niꞌthúu̱n Jakób:
―Araxníꞌ re̱ i̱ji̱nꞌ, ra̱ꞌkhá ma̱ja̱ñúꞌ.
2A̱ꞌkhue̱n Jakób nijiꞌnáa jaꞌyoo Rakél, jamí niꞌthúu̱n:
―Á ikhúúnꞌ ñaju̱nꞌ Ana̱ꞌlóꞌ, tsí narekhoo rí ma̱xáraꞌdiin i̱jia̱a̱nꞌ, jngó rá dxe̱ꞌ.
3A̱ꞌkhue̱n Rakél niꞌthán:
―Athayáá rí ge̱e̱ xtáa yumbéꞌ Bíla̱. Ano ga̱jma̱a̱ꞌ ikhaa̱, ikhaa jngó ma̱gu̱mii i̱ji̱i̱n ga̱jma̱á numu̱ꞌ.#30.3 Ná ajngáa ebréo̱ naꞌthán «ma̱gu̱mii i̱ji̱i̱n ikhaa̱ ná iduu nakhúꞌ». A̱ꞌkhue̱n rí i̱ji̱i̱n ma̱nindxúu̱n máꞌ i̱ji̱nꞌ ikhúúnꞌlo̱ꞌ.
4A̱ꞌkhue̱n nixnáxi̱i̱ yumbée̱ rí ma̱ꞌne a̱ꞌgui̱i̱. Xómáꞌ Jakób niꞌgu ga̱jmáa̱. 5A̱ꞌkhue̱n rí nigo̱-éda Bíla̱, neꞌne xuajii̱n, ni̱gu̱maa mbáa a̱dée̱ ga̱jmáa̱ Jakób. 6A̱ꞌkhue̱n niꞌthán Rakél: «Ni̱ra̱jua̱ꞌ Ana̱ꞌlóꞌ ga̱jma̱á numu̱ꞌ, nidxawuu̱n aꞌwóꞌ jamí nixníꞌ mbáa a̱ꞌdéꞌ». Ikhaa jngó nixnúu̱ mbiꞌyuu Dán.#30.6 Ná ajngáa ebréo̱, mbiꞌyuu Dán naꞌthán-wíi̱ «na̱ra̱jua̱ꞌ».
7Nda̱wa̱á nigo̱-éda mbu̱jú Bíla̱, yumbée máꞌ Rakél, jamí neꞌne xuajii̱n, ni̱gu̱maa ada̱ tsí riajma̱a̱ a̱dée máꞌ Jakób. 8Xómáꞌ Rakél niꞌthán: «Phú gakhe̱ ni̱tsa̱ñu̱ꞌ ga̱jme̱ꞌ dxuíꞌgúꞌ, jamí ni̱ꞌngo̱ꞌ rá». Ikhaa jngó nixnúu̱ mbiꞌyuu Neftalí.#30.8 Ná ajngáa ebréo̱, mbiꞌyuu Neftalí naꞌthán-wíi̱ «na̱tsa̱ño̱ꞌ».
9Ído̱ ndiꞌyoo Léa̱ rí nánguá eꞌne xuajii̱n, a̱ꞌkhue̱n ndiyáa̱ Sílpa̱, tsí yumbée̱ máꞌ, jamí nixnáxi̱i̱ inuu Jakób rí ma̱ꞌne a̱ꞌgui̱i̱. 10A̱ꞌkhue̱n rí Sílpa̱ neꞌne xuajii̱n, ni̱gu̱maa mbáa a̱dée̱ ga̱jmáa̱ Jakób. 11Xómáꞌ Léa̱ niꞌthán: «Phú mbiꞌyu̱ꞌ jún». Ikhaa jngó nixnúu̱ mbiꞌyuu̱ Gád.#30.11 Ná ajngáa ebréo̱, mbiꞌyuu Gád naꞌthán-wíi̱ «phú mbiꞌyuu».
12Nda̱wa̱á Sílpa̱, yumbée Léa̱, neꞌne xuajii̱n, ni̱gu̱maa i̱mba̱a̱ a̱dée̱ ga̱jmáa̱ Jakób. 13A̱ꞌkhue̱n niꞌthán Léa̱: «Rí phú tsímáá xtáá jún, numuu rí mangiin máꞌ go̱ꞌo̱ muthi̱nꞌ rí phú tsímáá jayu xtáálo̱ꞌ». Ikhaa jngó nixnúu̱ mbiꞌyuu Asér.#30.13 Ná ajngáa ebréo̱, mbiꞌyuu Asér naxná ju̱ma̱ «tsímáá xtáa̱».
14Mbá mbiꞌi máꞌ rí nagájna̱a̱ ixí iña, ikhín máꞌ ni̱ka̱ Rubén jamí nixkamaa̱ xndú rí mbiꞌyuu mandrágo̱ra̱. Nigui̱i̱ ne̱ ni̱ꞌkha̱a̱ inuu Léa̱, tsí ru̱dúu̱ máꞌ. A̱ꞌkhue̱n niꞌthán Rakél, niꞌthúun Léa̱:
―Na̱tha̱n-jáñaaꞌ rí ma̱ra̱xnu̱ꞌ mbá-a̱jma̱ xndú mandrágo̱ra̱ rí ni̱ꞌkha̱a̱ jagu̱u̱ a̱ꞌdeáaꞌ me̱ꞌkholo̱ꞌ.
15Xómáꞌ ikhaa̱ niriꞌña̱a̱:
―Á rí phú lájuíin rí ithañu̱ꞌ ithiyáá rá dxe̱ꞌ. Nitríguíi máꞌ a̱jmbeꞌ rá. Jamí xúge̱ꞌ nandaaꞌ ma̱dríguu̱ mandrágo̱ra̱ rí ni̱ꞌkha̱a̱ jagu̱u̱ a̱ꞌdéꞌ mangaa rá dxe̱ꞌ.
A̱ꞌkhue̱n niꞌthán Rakél:
―Gi̱gu Jakób ga̱jma̱á nindxa̱a̱ꞌ mbroꞌon ríge̱ꞌ rámá, ga̱jma̱á numuu mandrágo̱ra̱ rí me̱ꞌkho.
16Ído̱ rí na̱ꞌkha̱a̱ máꞌ Jakób ná xanáá rí wakhíí, a̱ꞌkhue̱n nigájnuu Léa̱ gátsijnuu̱, jamí niꞌthúu̱n:
―Me̱no̱ꞌ ga̱jma̱á nindxu̱ꞌ, numuu rí gakon máꞌ ne̱ne̱-númuu rí ma̱tíꞌñáá mbroꞌon ríge̱ꞌ ga̱jma̱á numuu xndú mandrágo̱ra̱ rí ni̱ꞌkha̱a̱ jagu̱u̱ a̱ꞌdéꞌ.
A̱ꞌkhue̱n rí mbroꞌon máꞌ rúꞌkhue̱n niꞌgu Jakób ga̱jma̱á Léa̱. 17Xúꞌkhue̱n máꞌ nidxawuun Ana̱ꞌlóꞌ rí niꞌthán Léa̱, jamí nigo̱-édee̱ mbu̱jú, neꞌne xuajii̱n ni̱gu̱maa ada̱ tiwitsii a̱dée Jakób. 18A̱ꞌkhue̱n niꞌthán Léa̱: «Ana̱ꞌlóꞌ nixnáa̱ gamaku̱ꞌ, numuu rí ikhúúnꞌ ni̱xna̱xúu a̱jmbeꞌ yumbéꞌ rí mbayáa». Ikhaa jngó nixnúu̱ mbiꞌyuu Isakár.#30.18 Ná ajngáa ebréo̱, mbiꞌyuu Isakár naꞌthán-wíi̱ «rí gamaku».
19Nda̱wa̱á nigo̱-éda mbu̱jú Léa̱, jamí neꞌne xuajii̱n ni̱gu̱maa ada̱ tsí timajuiin a̱dée̱ ga̱jmáa̱ Jakób. 20A̱ꞌkhue̱n niꞌthán Léa̱: «Ana̱ꞌlóꞌ phú nimínu̱ꞌ rí máján. Ikhaa jngó xúge̱ꞌ rá, a̱jmbeꞌ ma̱xtáa jayuu ga̱jma̱á nindxu̱ꞌ, numuu rí ni̱xnu̱u̱ mbá majuiin i̱ji̱i̱n». Jamí nixnúu̱ mbiꞌyuu Sabulón.#30.20 Ná ajngáa ebréo̱, mbiꞌyuu Sabulón naꞌthán-wíi̱ «tsimínu̱ꞌ». 21Nda̱wa̱á neꞌne xuajii̱n ni̱gu̱maa mbáa dxáꞌgú, jamí nixnúu̱ mbiꞌyuu Dína̱.
22A̱ꞌkhue̱n rí Ana̱ꞌlóꞌ ni̱rmáꞌáa̱n a̱kui̱i̱n eꞌne Rakél, jamí nidxawuu̱n máꞌ rí niꞌthán mangaa, ikhaa jngó niꞌnii̱ rí ma̱goo ma̱gi̱ꞌdii̱n i̱ji̱i̱n. 23A̱ꞌkhue̱n rí nigo̱-édoo̱ jamí neꞌne xuajii̱n ni̱gu̱maa mbáa dxáma, jamí niꞌthée̱n: «Ana̱ꞌlóꞌ nirígúu̱ rí ni̱ti̱yu̱ꞌ rí ndawi̱i̱n i̱ji̱nꞌ». 24Jamí nixnúu̱ mbiꞌyuu José,#30.24 Ná ajngáa ebréo̱, mbiꞌyuu José naꞌthán-wíi̱ «na̱rígu xóó i̱mba̱». numuu rí niꞌthée̱n: «Ana̱ꞌlóꞌ Mikhuíí ágáxníꞌ i̱mba̱a̱ a̱ꞌdéꞌ».
Jakób ga̱jma̱á Labán none̱ nduwa-mi̱jna̱
25Nda̱wa̱á ído̱ rí neꞌne xuajiin máꞌ Rakél rí ni̱gu̱maa José, a̱ꞌkhue̱n Jakób niꞌthúun Labán:
―Atatsíñúꞌ rí ma̱ꞌgáa̱ꞌ ná phú mbayu̱ꞌ rá. 26Xúꞌkhue̱n máꞌ araxníi̱ꞌ gu̱ꞌwi̱ꞌ tsí nixtáá ni̱yumbáá-rámu̱ꞌ numúú ga̱jma̱á nindxa̱a̱ꞌ, xúꞌkhue̱n máꞌ araxníi̱ꞌ i̱ji̱nꞌ, jamí atatsíñúꞌ ma̱ꞌgáa̱ꞌ. Ikháán máꞌ nathayáá xóo rí nixtáá ni̱yumbáá inaaꞌ.
27A̱ꞌkhue̱n Labán niriꞌña̱a̱:
―Athañu̱ꞌ mbá rí máján, a̱wanáaꞌ ga̱jma̱á nindxu̱ꞌ. Numuu rí nifroꞌo̱ꞌ máꞌ rí Ana̱ꞌlóꞌ naꞌne tsakun-rámúú ga̱jma̱á numaaꞌ ikháán. 28―Jamí niꞌthúu̱n xóó―: Arathúnꞌ máꞌ ikháán nguátha̱ iyaaꞌ rí ma̱tha̱da̱a̱ꞌ, jamí ikhúúnꞌ ma̱ne̱-númaaꞌ.
29Xómáꞌ Jakób niriꞌña̱a̱:
―Ikháán máꞌ nathayáá xóo ni̱ñajun inaaꞌ, jamí xóo niꞌkha ra̱ña̱wúún xu̱kiáaꞌ. 30Numuu rí ra̱mbáꞌii̱n xtaꞌdii̱n nákhí rí nigánúlo̱ꞌ, jamí phú ni̱mi̱diúu̱n mi̱ndaꞌkho, numuu rí Ana̱ꞌlóꞌ Mikhuíí neꞌne tsakun-rámáá ído̱ rí nigánúlo̱ꞌ. Jamí xúge̱ꞌ rá, náá-lá mbiꞌi gáñajun mangúún rí ma̱gúꞌdo̱ꞌ gajmíꞌ i̱ji̱nꞌ rá.
31A̱ꞌkhue̱n Labán niriꞌña̱a̱:
―Nguátha̱-lá iyaaꞌ rí ma̱ne̱-númaaꞌ xúꞌkhue̱n rá.
Xómáꞌ Jakób niꞌthán:
―Nimbá máꞌ ma̱xátse̱snumu̱ꞌ. Xí ma̱tha̱ñu̱ꞌ máꞌ rí ma̱tha̱a̱nꞌlo̱ꞌ, a̱ꞌkhue̱n rí ma̱ña̱wúún máꞌ xóó xu̱kiáaꞌ. 32Atatsíñúꞌ ma̱nújngo̱ꞌ xúge̱ꞌ ná majiu̱ún xúgíin xu̱kiáaꞌ, jngó ma̱skuíji̱i̱n wájíin xúgíin mogo̱ tsí mixtíin, jamí xúgíin tsí skunii, xúꞌkhue̱n máꞌ xúgíin tso̱toon tsí mixtíin. Tsúꞌkhue̱n gánindxu̱ún tsí ma̱da̱a̱ꞌ ikhúúnꞌ. 33Gátsíí, nawi̱ín, ído̱ gídxú gátia̱xi̱í rí na̱da̱a̱ꞌ, a̱ꞌkhue̱n rí ma̱goo ma̱thi̱yáá rí tsíne̱ nduwáán. Xí ma̱kujmii tso̱toon tsí na̱nguá mixtíin, jamí mogo̱ tsí ra̱skúnii kachúún ná awúun xu̱kuíꞌ, a̱ꞌkhue̱n ma̱thi̱yáá rí na̱ne̱ kúwi̱i̱nꞌ xu̱kiáaꞌ xúꞌkhue̱n rá.
34A̱ꞌkhue̱n Labán niriꞌña̱a̱:
―Phú máján, a̱ga̱ꞌne xómáꞌ irathán rámá.
35I̱ndo̱ó numuu rí núkho̱ máꞌ mbiꞌi rúꞌkhue̱n Labán niskuíji̱i̱n wájíin tso̱toon tsí jmba̱ꞌo̱ mixtíin, jamí xúgíin tso̱toon iꞌgú tsí mixtíin máꞌ, jamí xúgíin tsí kuaꞌdáá mixtí miꞌxá, xúꞌkhue̱n máꞌ xúgíin mogo̱ tsí skunii. A̱ꞌkhue̱n rí nixnáxi̱i̱n ñawúún i̱ji̱i̱n rí mu̱ña̱wúún. 36Mbá atsú mbiꞌi ni̱ke̱e̱ jagu̱u̱n tsíngua̱ꞌ inuu ná xtáa Jakób. Xómáꞌ Jakób, na̱ña̱wúún máꞌ xu̱kuíi Labán tsí niwanúú máꞌ.
37A̱ꞌkhue̱n rí Jakób ni̱ro̱thon ñawúun ixe̱ rí maxa mbiꞌyuu ála̱mo̱, xúꞌkhue̱n máꞌ rí mbiꞌyuu abeyáno̱ jamí rí mbiꞌyuu kastáño̱, jamí ni̱ka̱-raꞌthóo̱ jndi ne̱, jngó neꞌne miꞌxá mixtiúu ná nakujmaa ixu̱u̱ ne̱. 38Jamí ni̱ka̱-ratsuaꞌee̱n xkuíya̱ rí niꞌthóo̱ jndi ná awúun riya, ná rí naguáꞌnú xu̱kú nawa̱a̱n iya. Ikhín none̱ tsíga-mi̱jne̱e̱ ído̱ rí naguwée̱ꞌ gúwa̱a̱n iya. 39Xkuaꞌnii jngó nuda-éda mogo̱ ná inuu xkuíya̱ rúꞌkhue̱n, xúꞌkhue̱n máꞌ na̱gu̱mii i̱jíi̱n tsí mbaꞌa inii mixtiúún.
40A̱ꞌkhue̱n rí Jakób na̱gu̱wí-jngii̱n i̱jín-mógó tsí mixtíin jamí tsí skunii ná xu̱kuíi máꞌ Labán. Tsúꞌkhue̱n naskuíji̱i̱n ná xu̱kuíi̱ máꞌ ikhaa̱. Jamí xúꞌkhue̱n máꞌ naꞌnii̱ janíí jayu tsí xu̱kuíi̱, tsíndáwi̱i̱nꞌ gajmíí xu̱kuíi Labán. 41Mbámbá nothon rí nandúún tsíga mogo̱ tsí iꞌgú tsí i̱tha̱n gúkúun, a̱ꞌkhue̱n rí Jakób na̱ka̱-ratsuaꞌan xkuíya̱ ná nawa̱a̱n iya mogo̱, ikhaa jngó nuda-édee̱ inuu máꞌ xkuíya̱. 42I̱ndo̱ó ído̱ naguwá mogo̱ iꞌgú tsí ra̱gúkúun, tsítsuaꞌee̱n xkuíya̱. Xkuaꞌnii jngó tsí ra̱gúkúun nagu̱u̱n Labán, jamí tsí i̱tháan gúkúun nagu̱u̱n Jakób. 43Xkuaꞌnii neꞌne rí nixtáa mújúun mi̱ndaꞌkho Jakób, jamí ni̱gi̱ꞌdii̱n mi̱ndaꞌkho mogo̱, mangaa máꞌ yumbáá tsí go̱ꞌo̱, yumbáá xa̱bekha, xúꞌkhue̱n máꞌ xu̱kú kaméyo̱ jamí xtá-ngidi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.