XÓ NI̱GI̱ꞋDU̱U̱N-MUU 29
29
Jakób na̱ga̱nú ná goꞌóo Labán
1A̱ꞌkhue̱n rí Jakób ndiyáa̱ ikhoo̱, ni̱ke̱e̱ numbaa ná na̱ꞌkha̱ a̱kha̱ꞌ. 2A̱ꞌkhue̱n niyaxi̱i̱, ndiꞌyoo̱ mbá iduu iya ná mbaa rúꞌkhue̱n, xúꞌkhue̱n máꞌ mbá atsú kuthúún mogo̱ gatiin nduya̱a̱ xu̱ún, numuu rí ná iduu iya rúꞌkhue̱n nawa̱a̱n xu̱kú. Jamí ná rawuun iduu iya rúꞌkhue̱n rígu mbá itsí rí phú mba̱a̱. 3Jamí ído̱ none̱ ꞌnduu̱nꞌ xúgíí kuthúún xu̱kú ikhín, a̱ꞌkhue̱n rí waxtú nu̱rma̱jnguee̱ꞌ itsí rí rígu rawuun iduu iya, jamí nuxnúu̱ iya mogo̱ mu̱wa̱a̱n. Xúꞌkhue̱n máꞌ nu̱rma̱jnguaa̱ꞌ itsí ná rawuun iduu iya. 4A̱ꞌkhue̱n Jakób niraxu̱ún waxtú tsúꞌkhue̱n:
―A̱ngui̱nꞌ, náá-lá xa̱bo̱ xuajen ñajuanlaꞌ róꞌ.
Xómáꞌ ikhii̱n ni̱ri̱ꞌñaa̱:
―Arán xuajianxo̱ꞌ.
5A̱ꞌkhue̱n ikhaa̱ niꞌthúu̱n:
―Á no̱ne̱-núwíinlaꞌ táta̱ Labán, a̱dée máꞌ Nakór rá.
Xómáꞌ ikhii̱n ni̱ri̱ꞌñaa̱:
―Aan, no̱ne̱-núwíi̱nxo̱ꞌ.
6Jakób niraxe̱ xóó:
―Á xtáa̱ mújúu̱n rá.
A̱ꞌkhue̱n ni̱ri̱ꞌñaa̱:
―Xtáa̱ mújúu̱n máꞌ. Athayáá rí a̱ꞌkhue̱n i̱ꞌkha̱a̱ Rakél tsí a̱dée̱, rí na̱ꞌkha̱a̱ máꞌ gajmíi̱ mogo̱ mangaa̱.
7A̱ꞌkhue̱n niꞌthúu̱n:
―Á tsíya̱álaꞌ rí xóó tsída̱ꞌ rígu a̱kha̱ꞌ rá. Xóó tsíga̱nú rí ma̱ju̱guá-raꞌi̱i̱n xu̱kú. Déjngó tsíxnu̱únlaꞌ iya mogo̱ mu̱wa̱a̱n, xúꞌkhue̱n máꞌ mu̱ꞌgua̱a̱ꞌ gajmiálaꞌ xóó xanáá róꞌ.
8Xómáꞌ ikhii̱n ni̱ri̱ꞌñaa̱:
―Ma̱xáxóo mo̱ne̱xo̱ꞌ rúꞌkhue̱n asndo náá gáꞌne ꞌnduu̱nꞌ xúgíin kuthúún mogo̱. A̱ꞌkhue̱n ma̱ga̱taa itsí rí rígu rawuun iduu iya, jamí mu̱xnúúxo̱ꞌ iya mogo̱ mu̱wa̱a̱n xúꞌkhue̱n rá.
9Xóó nandxákuu̱n gajmíi̱ xa̱bo̱ tsúꞌkhue̱n ído̱ ni̱ga̱núu̱ Rakél gajmíí mogui̱i̱ anu̱u̱, numuu rí ikhaa̱ ñajuu̱n waxtú. 10Jamí ído̱ ndiꞌyoo Jakób Rakél, a̱dée Labán, díye̱e̱ máꞌ ru̱dúu̱, jamí ndiꞌñúu̱ mogui̱i̱ máꞌ, a̱ꞌkhue̱n rí ni̱ke̱e̱ gármajnguee̱ꞌ itsí rí rígu rawuun iduu iya, xúꞌkhue̱n máꞌ nixnúu̱ iya niwa̱a̱n mogui̱i̱ Labán. 11A̱ꞌkhue̱n Jakób niraꞌnuu inuu Rakél rí niraxi̱i̱, jamí nigíꞌdu̱u̱ ni̱mbi̱ye̱e̱ꞌ. 12A̱ꞌkhue̱n Jakób niꞌthúun Rakél rí ikhaa̱ ñajuu̱n dríxe̱e̱ anu̱u̱, jamí a̱dée máꞌ Rebéka̱ ñajuu̱n. A̱ꞌkhue̱n rí Rakél nigáyuu ni̱ka̱a̱ gáꞌthúun anu̱u̱ ajngáa rúꞌkhue̱n.
13Ído̱ rí Labán nidxawuun rí xkuaꞌnii ajngóo Jakób, a̱dée dxáguíi̱, mbá nacha̱ ni̱ke̱e̱ gátsijnuu̱, ndiyá-raꞌaa̱ jamí niraꞌnuu̱ inuu rí niraxi̱i̱, xúꞌkhue̱n máꞌ ni̱ꞌkha̱a̱ jayáa̱ guꞌwáá. A̱ꞌkhue̱n Jakób niꞌthúun Labán xúgíí rí ni̱ka̱-raríga̱. 14A̱ꞌkhue̱n Labán niꞌthúu̱n: «Rí phú gakon rí itsu̱ꞌ jamí xuyu̱ꞌ ñajuaanꞌ». A̱ꞌkhue̱n rí nixtáa̱ ga̱jma̱á nindxu̱u̱ Labán mbáa go̱nꞌ.
Jakób nañajun inuu Labán numuu Rakél ga̱jma̱á Léa̱
15A̱ꞌkhue̱n Labán niꞌthúun Jakób:
―Á numuu rí dríxe̱ꞌ ñajuaanꞌ jngó ma̱tiajun xúgi̱í rá dxe̱ꞌ. Arathúnꞌ nguátha̱ iyaaꞌ rí ma̱tha̱da̱a̱ꞌ.
16Xómáꞌ Labán, gíꞌdiin a̱jmi̱i̱ i̱ji̱i̱n tsí go̱ꞌo̱. Tsí nikhi̱i̱ mbiꞌyuu Léa̱, jamí tsí lájuíin mbiꞌyuu Rakél. 17Léa̱ waba kuitsíin wáa ja, xómáꞌ Rakél rá, phú ninújngoo tsiꞌyá giaxu̱u̱ ja. 18Xúꞌkhue̱n máꞌ Jakób na̱ni̱gu̱u̱ꞌ jaꞌyoo Rakél, ikhaa jngó niꞌthúu̱n Labán xáꞌnii:
―Ma̱ñajun inaaꞌ mbá juan tsigu ga̱jma̱á numuu Rakél, a̱ꞌdeáaꞌ tsí lájuíin.
19A̱ꞌkhue̱n Labán niriꞌña̱a̱:
―I̱wa̱á máján ma̱xnia̱a̱ꞌ ikháán mbi̱ya̱a̱, xóo rí ma̱xni̱i̱ i̱mba̱a̱ xa̱bo̱. Araxtaa ga̱jma̱á nindxu̱ꞌ xúꞌkhue̱n rámá.
20Xkuaꞌnii neꞌne rí Jakób niyumbá-rámuu ga̱jma̱á numuu Rakél mbá juan tsigu, jamí asndo táꞌyoo̱ xóo ni̱ka̱-ranújngoo mbiꞌi, numuu rí phú nandoo̱ jaꞌyoo̱. 21A̱ꞌkhue̱n Jakób niꞌthúun Labán: «Araxníꞌ Rakél ma̱ꞌne a̱ꞌgui̱ꞌ rá, numuu rí nirámuu máꞌ mbiꞌi rí ma̱mba̱xúꞌ ga̱jme̱ꞌ».
22A̱ꞌkhue̱n rí Labán nindxaꞌúu̱n mbá xúgíin xa̱bo̱ xuajen rúꞌkhue̱n, xúꞌkhue̱n máꞌ niꞌnii̱ ndxa̱a̱ tsigún. 23Jamí ído̱ neꞌne máꞌ mbroꞌon, a̱ꞌkhue̱n rí Labán ni̱ka̱ jayáa̱ Léa̱ inuu Jakób, jamí niꞌguii̱ ga̱jmáa̱. 24Jamí xúꞌkhue̱n máꞌ Labán nixnáa mbáa yumbée̱ tsí a̱ꞌgo̱ mbiꞌyuu Sílpa̱, rí ma̱ꞌne-mba̱ꞌwi̱i̱ Léa̱.
25Jamí ído̱ watse rí i̱mba̱ mbiꞌi, a̱ꞌkhue̱n rí Léa̱-lá ñajuun tsí ga̱jmáa̱. Ikhaa jngó Jakób niꞌthúun Labán:
―Náá numuu rí xáꞌnii nithañu̱ꞌ róꞌ. Á ra̱ꞌkháa ga̱jma̱á numuu Rakél ni̱yumbáá-rámu̱ꞌ jngó rá dxe̱ꞌ. Náá numuu jngó nithane̱ nduwúún rá.
26Xómáꞌ Labán niriꞌña̱a̱:
―Ná xuajianxo̱ꞌ ge̱jioꞌ tséne̱xo̱ꞌ rí mu̱xna̱a̱xo̱ꞌ tsinújuíin ginii tsí lájuíin inuu tsí nikhi̱i̱. 27A̱rámaaꞌ máꞌ mbá migiñuu mbiꞌi rí ndxo̱o̱ tsíge̱ꞌ, jamí a̱ꞌkhue̱n mbi̱ya̱a̱ tsí i̱mba̱a̱ mangaa, ga̱jma̱á numuu rí ma̱tiajun i̱mba̱á juan tsigu ga̱jma̱á nindxu̱ꞌ.
28Ikhaa rúꞌkhue̱n neꞌne Jakób, jamí ni̱ga̱ti̱ya̱a̱ꞌ rí mbá smána̱ rí ndxo̱o̱ Léa̱, a̱ꞌkhue̱n rí Labán nixnáxi̱i̱ Rakél rí ma̱ꞌne máꞌ a̱ꞌgui̱i̱. 29Jamí xúꞌkhue̱n máꞌ Labán nixnáa mbáa yumbée̱ tsí a̱ꞌgo̱ mbiꞌyuu Bíla̱, rí ma̱ꞌne-mba̱ꞌwi̱i̱ Rakél. 30A̱ꞌkhue̱n rí Jakób niꞌgu ga̱jma̱á Rakél mangaa, jamí i̱tháan neꞌne a̱kui̱i̱n jaꞌyoo̱ ikhaa̱ xóo rí Léa̱. A̱ꞌkhue̱n rí i̱mba̱á juan tsigu nixtáa̱ xóó niñajuii̱n inuu Labán.
Xóo ni̱gu̱mii i̱ji̱i̱n Jakób
31Ído̱ ndiꞌyoo Ana̱ꞌlóꞌ Mikhuíí rí Jakób tsíyoo jaꞌyoo Léa̱, niꞌnii̱ rí ma̱gu̱mii i̱ji̱i̱n. Xómáꞌ Rakél na̱nguá i̱gu̱mii i̱ji̱i̱n ja. 32A̱ꞌkhue̱n rí Léa̱ nigo̱-éda, jamí neꞌne xuajii̱n, ni̱gu̱maa mbáa dxáma, tsúꞌkhue̱n nixnúu̱ mbiꞌyuu Rubén.#29.32 Ná ajngáa ebréo̱, mbiꞌyuu Rubén naꞌthán-wíi̱ «gu̱ya̱xíílaꞌ, mbáa dxáma». Jamí niꞌthée̱n: «Ana̱ꞌlóꞌ Mikhuíí ndiꞌyoo rí na̱mínu̱u̱ꞌ, ikhaa jngó a̱jmbeꞌ ma̱goo-jaꞌye̱ꞌ xúge̱ꞌ rá». 33Nigo̱-édee̱ mbu̱jú, jamí neꞌne xuajii̱n, ni̱gu̱maa i̱mba̱a̱ a̱dée̱. Jamí niꞌthée̱n: «Numuu rí nidxawuun máꞌ Ana̱ꞌlóꞌ Mikhuíí rí tsíyoo gíꞌyo̱ꞌ, ikhaa jngó nixníꞌ tsíge̱ꞌ mangaa». Rúꞌkhue̱n jngó nixnúu̱ mbiꞌyuu Simeón.#29.33 Ná ajngáa ebréo̱, mbiꞌyuu Simeón naꞌthán-wíi̱ «Ana̱ꞌlóꞌ nadxawuun».
34Nigo̱-édee̱ mbu̱jú, jamí neꞌne xuajii̱n, ni̱gu̱maa i̱mba̱a̱ a̱dée̱. A̱ꞌkhue̱n niꞌthée̱n: «Xúge̱ꞌ rá, ma̱ni̱gu̱u̱ꞌ a̱jmbeꞌ ma̱xtáa ga̱jma̱á nindxu̱ꞌ, numuu rí ni̱xni̱i̱ mbá atsúun i̱ji̱i̱n». Xkuaꞌnii jngó nixnúu̱ mbiꞌyuu Lebí.#29.34 Ná ajngáa ebréo̱, mbiꞌyuu Lebí naꞌthán-wíi̱ «xtáa̱ ga̱jma̱á nindxu̱u̱». 35Nigo̱-édee̱ mbu̱jú, jamí neꞌne xuajii̱n, ni̱gu̱maa i̱mba̱a̱ a̱dée̱. Jamí niꞌthée̱n: «Xúge̱ꞌ rá, ma̱ne̱-mba̱a̱ Ana̱ꞌlóꞌ Mikhuíí». Ikhaa jngó nixnúu̱ mbiꞌyuu Judá.#29.35 Ná ajngáa ebréo̱, mbiꞌyuu Judá naꞌthán-wíi̱ «na̱gu̱ma-mba̱a̱ Ana̱ꞌlóꞌ». A̱ꞌkhue̱n rí niniñuu̱ rí naꞌne xuajii̱n.
ទើបបានជ្រើសរើសហើយ៖
XÓ NI̱GI̱ꞋDU̱U̱N-MUU 29: tcf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.
XÓ NI̱GI̱ꞋDU̱U̱N-MUU 29
29
Jakób na̱ga̱nú ná goꞌóo Labán
1A̱ꞌkhue̱n rí Jakób ndiyáa̱ ikhoo̱, ni̱ke̱e̱ numbaa ná na̱ꞌkha̱ a̱kha̱ꞌ. 2A̱ꞌkhue̱n niyaxi̱i̱, ndiꞌyoo̱ mbá iduu iya ná mbaa rúꞌkhue̱n, xúꞌkhue̱n máꞌ mbá atsú kuthúún mogo̱ gatiin nduya̱a̱ xu̱ún, numuu rí ná iduu iya rúꞌkhue̱n nawa̱a̱n xu̱kú. Jamí ná rawuun iduu iya rúꞌkhue̱n rígu mbá itsí rí phú mba̱a̱. 3Jamí ído̱ none̱ ꞌnduu̱nꞌ xúgíí kuthúún xu̱kú ikhín, a̱ꞌkhue̱n rí waxtú nu̱rma̱jnguee̱ꞌ itsí rí rígu rawuun iduu iya, jamí nuxnúu̱ iya mogo̱ mu̱wa̱a̱n. Xúꞌkhue̱n máꞌ nu̱rma̱jnguaa̱ꞌ itsí ná rawuun iduu iya. 4A̱ꞌkhue̱n Jakób niraxu̱ún waxtú tsúꞌkhue̱n:
―A̱ngui̱nꞌ, náá-lá xa̱bo̱ xuajen ñajuanlaꞌ róꞌ.
Xómáꞌ ikhii̱n ni̱ri̱ꞌñaa̱:
―Arán xuajianxo̱ꞌ.
5A̱ꞌkhue̱n ikhaa̱ niꞌthúu̱n:
―Á no̱ne̱-núwíinlaꞌ táta̱ Labán, a̱dée máꞌ Nakór rá.
Xómáꞌ ikhii̱n ni̱ri̱ꞌñaa̱:
―Aan, no̱ne̱-núwíi̱nxo̱ꞌ.
6Jakób niraxe̱ xóó:
―Á xtáa̱ mújúu̱n rá.
A̱ꞌkhue̱n ni̱ri̱ꞌñaa̱:
―Xtáa̱ mújúu̱n máꞌ. Athayáá rí a̱ꞌkhue̱n i̱ꞌkha̱a̱ Rakél tsí a̱dée̱, rí na̱ꞌkha̱a̱ máꞌ gajmíi̱ mogo̱ mangaa̱.
7A̱ꞌkhue̱n niꞌthúu̱n:
―Á tsíya̱álaꞌ rí xóó tsída̱ꞌ rígu a̱kha̱ꞌ rá. Xóó tsíga̱nú rí ma̱ju̱guá-raꞌi̱i̱n xu̱kú. Déjngó tsíxnu̱únlaꞌ iya mogo̱ mu̱wa̱a̱n, xúꞌkhue̱n máꞌ mu̱ꞌgua̱a̱ꞌ gajmiálaꞌ xóó xanáá róꞌ.
8Xómáꞌ ikhii̱n ni̱ri̱ꞌñaa̱:
―Ma̱xáxóo mo̱ne̱xo̱ꞌ rúꞌkhue̱n asndo náá gáꞌne ꞌnduu̱nꞌ xúgíin kuthúún mogo̱. A̱ꞌkhue̱n ma̱ga̱taa itsí rí rígu rawuun iduu iya, jamí mu̱xnúúxo̱ꞌ iya mogo̱ mu̱wa̱a̱n xúꞌkhue̱n rá.
9Xóó nandxákuu̱n gajmíi̱ xa̱bo̱ tsúꞌkhue̱n ído̱ ni̱ga̱núu̱ Rakél gajmíí mogui̱i̱ anu̱u̱, numuu rí ikhaa̱ ñajuu̱n waxtú. 10Jamí ído̱ ndiꞌyoo Jakób Rakél, a̱dée Labán, díye̱e̱ máꞌ ru̱dúu̱, jamí ndiꞌñúu̱ mogui̱i̱ máꞌ, a̱ꞌkhue̱n rí ni̱ke̱e̱ gármajnguee̱ꞌ itsí rí rígu rawuun iduu iya, xúꞌkhue̱n máꞌ nixnúu̱ iya niwa̱a̱n mogui̱i̱ Labán. 11A̱ꞌkhue̱n Jakób niraꞌnuu inuu Rakél rí niraxi̱i̱, jamí nigíꞌdu̱u̱ ni̱mbi̱ye̱e̱ꞌ. 12A̱ꞌkhue̱n Jakób niꞌthúun Rakél rí ikhaa̱ ñajuu̱n dríxe̱e̱ anu̱u̱, jamí a̱dée máꞌ Rebéka̱ ñajuu̱n. A̱ꞌkhue̱n rí Rakél nigáyuu ni̱ka̱a̱ gáꞌthúun anu̱u̱ ajngáa rúꞌkhue̱n.
13Ído̱ rí Labán nidxawuun rí xkuaꞌnii ajngóo Jakób, a̱dée dxáguíi̱, mbá nacha̱ ni̱ke̱e̱ gátsijnuu̱, ndiyá-raꞌaa̱ jamí niraꞌnuu̱ inuu rí niraxi̱i̱, xúꞌkhue̱n máꞌ ni̱ꞌkha̱a̱ jayáa̱ guꞌwáá. A̱ꞌkhue̱n Jakób niꞌthúun Labán xúgíí rí ni̱ka̱-raríga̱. 14A̱ꞌkhue̱n Labán niꞌthúu̱n: «Rí phú gakon rí itsu̱ꞌ jamí xuyu̱ꞌ ñajuaanꞌ». A̱ꞌkhue̱n rí nixtáa̱ ga̱jma̱á nindxu̱u̱ Labán mbáa go̱nꞌ.
Jakób nañajun inuu Labán numuu Rakél ga̱jma̱á Léa̱
15A̱ꞌkhue̱n Labán niꞌthúun Jakób:
―Á numuu rí dríxe̱ꞌ ñajuaanꞌ jngó ma̱tiajun xúgi̱í rá dxe̱ꞌ. Arathúnꞌ nguátha̱ iyaaꞌ rí ma̱tha̱da̱a̱ꞌ.
16Xómáꞌ Labán, gíꞌdiin a̱jmi̱i̱ i̱ji̱i̱n tsí go̱ꞌo̱. Tsí nikhi̱i̱ mbiꞌyuu Léa̱, jamí tsí lájuíin mbiꞌyuu Rakél. 17Léa̱ waba kuitsíin wáa ja, xómáꞌ Rakél rá, phú ninújngoo tsiꞌyá giaxu̱u̱ ja. 18Xúꞌkhue̱n máꞌ Jakób na̱ni̱gu̱u̱ꞌ jaꞌyoo Rakél, ikhaa jngó niꞌthúu̱n Labán xáꞌnii:
―Ma̱ñajun inaaꞌ mbá juan tsigu ga̱jma̱á numuu Rakél, a̱ꞌdeáaꞌ tsí lájuíin.
19A̱ꞌkhue̱n Labán niriꞌña̱a̱:
―I̱wa̱á máján ma̱xnia̱a̱ꞌ ikháán mbi̱ya̱a̱, xóo rí ma̱xni̱i̱ i̱mba̱a̱ xa̱bo̱. Araxtaa ga̱jma̱á nindxu̱ꞌ xúꞌkhue̱n rámá.
20Xkuaꞌnii neꞌne rí Jakób niyumbá-rámuu ga̱jma̱á numuu Rakél mbá juan tsigu, jamí asndo táꞌyoo̱ xóo ni̱ka̱-ranújngoo mbiꞌi, numuu rí phú nandoo̱ jaꞌyoo̱. 21A̱ꞌkhue̱n Jakób niꞌthúun Labán: «Araxníꞌ Rakél ma̱ꞌne a̱ꞌgui̱ꞌ rá, numuu rí nirámuu máꞌ mbiꞌi rí ma̱mba̱xúꞌ ga̱jme̱ꞌ».
22A̱ꞌkhue̱n rí Labán nindxaꞌúu̱n mbá xúgíin xa̱bo̱ xuajen rúꞌkhue̱n, xúꞌkhue̱n máꞌ niꞌnii̱ ndxa̱a̱ tsigún. 23Jamí ído̱ neꞌne máꞌ mbroꞌon, a̱ꞌkhue̱n rí Labán ni̱ka̱ jayáa̱ Léa̱ inuu Jakób, jamí niꞌguii̱ ga̱jmáa̱. 24Jamí xúꞌkhue̱n máꞌ Labán nixnáa mbáa yumbée̱ tsí a̱ꞌgo̱ mbiꞌyuu Sílpa̱, rí ma̱ꞌne-mba̱ꞌwi̱i̱ Léa̱.
25Jamí ído̱ watse rí i̱mba̱ mbiꞌi, a̱ꞌkhue̱n rí Léa̱-lá ñajuun tsí ga̱jmáa̱. Ikhaa jngó Jakób niꞌthúun Labán:
―Náá numuu rí xáꞌnii nithañu̱ꞌ róꞌ. Á ra̱ꞌkháa ga̱jma̱á numuu Rakél ni̱yumbáá-rámu̱ꞌ jngó rá dxe̱ꞌ. Náá numuu jngó nithane̱ nduwúún rá.
26Xómáꞌ Labán niriꞌña̱a̱:
―Ná xuajianxo̱ꞌ ge̱jioꞌ tséne̱xo̱ꞌ rí mu̱xna̱a̱xo̱ꞌ tsinújuíin ginii tsí lájuíin inuu tsí nikhi̱i̱. 27A̱rámaaꞌ máꞌ mbá migiñuu mbiꞌi rí ndxo̱o̱ tsíge̱ꞌ, jamí a̱ꞌkhue̱n mbi̱ya̱a̱ tsí i̱mba̱a̱ mangaa, ga̱jma̱á numuu rí ma̱tiajun i̱mba̱á juan tsigu ga̱jma̱á nindxu̱ꞌ.
28Ikhaa rúꞌkhue̱n neꞌne Jakób, jamí ni̱ga̱ti̱ya̱a̱ꞌ rí mbá smána̱ rí ndxo̱o̱ Léa̱, a̱ꞌkhue̱n rí Labán nixnáxi̱i̱ Rakél rí ma̱ꞌne máꞌ a̱ꞌgui̱i̱. 29Jamí xúꞌkhue̱n máꞌ Labán nixnáa mbáa yumbée̱ tsí a̱ꞌgo̱ mbiꞌyuu Bíla̱, rí ma̱ꞌne-mba̱ꞌwi̱i̱ Rakél. 30A̱ꞌkhue̱n rí Jakób niꞌgu ga̱jma̱á Rakél mangaa, jamí i̱tháan neꞌne a̱kui̱i̱n jaꞌyoo̱ ikhaa̱ xóo rí Léa̱. A̱ꞌkhue̱n rí i̱mba̱á juan tsigu nixtáa̱ xóó niñajuii̱n inuu Labán.
Xóo ni̱gu̱mii i̱ji̱i̱n Jakób
31Ído̱ ndiꞌyoo Ana̱ꞌlóꞌ Mikhuíí rí Jakób tsíyoo jaꞌyoo Léa̱, niꞌnii̱ rí ma̱gu̱mii i̱ji̱i̱n. Xómáꞌ Rakél na̱nguá i̱gu̱mii i̱ji̱i̱n ja. 32A̱ꞌkhue̱n rí Léa̱ nigo̱-éda, jamí neꞌne xuajii̱n, ni̱gu̱maa mbáa dxáma, tsúꞌkhue̱n nixnúu̱ mbiꞌyuu Rubén.#29.32 Ná ajngáa ebréo̱, mbiꞌyuu Rubén naꞌthán-wíi̱ «gu̱ya̱xíílaꞌ, mbáa dxáma». Jamí niꞌthée̱n: «Ana̱ꞌlóꞌ Mikhuíí ndiꞌyoo rí na̱mínu̱u̱ꞌ, ikhaa jngó a̱jmbeꞌ ma̱goo-jaꞌye̱ꞌ xúge̱ꞌ rá». 33Nigo̱-édee̱ mbu̱jú, jamí neꞌne xuajii̱n, ni̱gu̱maa i̱mba̱a̱ a̱dée̱. Jamí niꞌthée̱n: «Numuu rí nidxawuun máꞌ Ana̱ꞌlóꞌ Mikhuíí rí tsíyoo gíꞌyo̱ꞌ, ikhaa jngó nixníꞌ tsíge̱ꞌ mangaa». Rúꞌkhue̱n jngó nixnúu̱ mbiꞌyuu Simeón.#29.33 Ná ajngáa ebréo̱, mbiꞌyuu Simeón naꞌthán-wíi̱ «Ana̱ꞌlóꞌ nadxawuun».
34Nigo̱-édee̱ mbu̱jú, jamí neꞌne xuajii̱n, ni̱gu̱maa i̱mba̱a̱ a̱dée̱. A̱ꞌkhue̱n niꞌthée̱n: «Xúge̱ꞌ rá, ma̱ni̱gu̱u̱ꞌ a̱jmbeꞌ ma̱xtáa ga̱jma̱á nindxu̱ꞌ, numuu rí ni̱xni̱i̱ mbá atsúun i̱ji̱i̱n». Xkuaꞌnii jngó nixnúu̱ mbiꞌyuu Lebí.#29.34 Ná ajngáa ebréo̱, mbiꞌyuu Lebí naꞌthán-wíi̱ «xtáa̱ ga̱jma̱á nindxu̱u̱». 35Nigo̱-édee̱ mbu̱jú, jamí neꞌne xuajii̱n, ni̱gu̱maa i̱mba̱a̱ a̱dée̱. Jamí niꞌthée̱n: «Xúge̱ꞌ rá, ma̱ne̱-mba̱a̱ Ana̱ꞌlóꞌ Mikhuíí». Ikhaa jngó nixnúu̱ mbiꞌyuu Judá.#29.35 Ná ajngáa ebréo̱, mbiꞌyuu Judá naꞌthán-wíi̱ «na̱gu̱ma-mba̱a̱ Ana̱ꞌlóꞌ». A̱ꞌkhue̱n rí niniñuu̱ rí naꞌne xuajii̱n.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 SIL Global. Creative commons license CC BY-SA.