Joni 16
16
1“Ono zhoonse izhi ndamwaambila kwaamba mutakabishi. 2Balakumugusha mu sinagogo, chiindi chilakushika bamwi neshi bakamujaye kabayeeya kwaamba bachitila Leza milimo mibotu. 3Balakuchita bobu nkambo taaku bamuzhiba Taata, andime tabanzhi. 4Ono ndamwaambila izhi kwaamba chiindi chaakushika mukayeeye kwaamba ndakamuchenjezha ali mbabo. Taaku ndakamwaambila kuzwa kumatalikilo nkambo ndakalinga andimwe.
Mulimo wa Muuya Usalala
“Taaku ndakamwaambila kuzwa kumatalikilo nkambo ndakalinga andimwe. 5Pesi ono ndaunka kuli uyo wakantuma, kakuli taaku naba omwi kwaamba nkuli nkungunka. 6Pesi a kaambo ka kwaamba ndamwambila makani aya, myoyo yanu yausa. 7Nchanchobeni ndamwaambila kwaamba, kuunka kwangu nimpindu yanu, chita nzwe ko mugwashi takazi kulindimwe, pesi naa nkaunke ndakumutuma kuza kuli ndimwe. 8Ono akuza, ulakubazula ba munyika balilubizhile mu mulandu wa chinyonyono, akusalala a lubeta. 9Ono makani achinyonyono nkambo bantu tabanshoomi, 10a kusalala, nkambo ndajokela kuli Taata, uko nkushimutakamboni limbi. 11Akaambo kalubeta mwendelezhi wa nyika iyi wabetekwa.
12“Ndichite makani aanji aakumwambila, pesi inga tamwakonzhi kwanva. 13Pesi ono uyo, Muuya wakashimpe akuza, ulakumutondezha kashimpe koonse. Nkambo takaambi zhaakwe mwiine, pesi ulakupandulula izho zhoonse nzhakanva kuli Taata, alimwi ulakumwaambila zhintu zhichiza. 14Ulakundemeka nkambo nzheshi akano kumuzhibya zhilakuzwa kulindime. 15Zhoonse izho Taata nzhachite nzhaangu, nku kaambo kako nchindakamwaambilila kwaamba Muuya ulakutambula kuzwa kuli ndime icho ncheshi akamuzhibye.
Kuusa a kukomana
16Jesu wakazumanana waamba ati, “Kwa chiindi chishoonto tamukamboni, alimwi kwakwiinda kaindi kashoonto mulakumbona.”
17Ono nkambo kachechi, bamwi babashichiiya bakwe bakatalika kubuzhanya buzhanya kuli omwi a omwi ati, “Ino makani nzhi ichi? Ulaamba kwa kwiinda kaindi kashoonto tamukamboni, alimwi kwaakuba kaindi kashoonto mulakumbona, alimwi ulaamba ati, ‘Nkambo ndaunka kuli Taata.’ 18Bakazumanana kubuzha ati, “Ino kaindi kashoonto chilaamba nzhi? Tatuzhi nchaamba!”
19Jesu wakazhiba kwaamba balanda kumubuzha, ono wakabaambila ati, “Ndakaamba ati, ‘Kwa kaindi kashoonto tamukamboni, alimwi kwa kwiinda kaindi kashoonto mulakumbona? 20Nchanchobeni ndamwambila ati, mulakulila akuusa kakuli nyika yalo illakuna kusekelela. Mulakuusa akuba a buumba, pesi kuusa kwanu kulakuba mukusekelela. 21Mukaintu uyanda kutumbuka mwaana ulaba mumachise nkambo chiindi chakutumbuka chashika, pesi naa mwanaakwe watumbukwa ulaluba mapenzhi akwe nkambo kakusekelela kwa mwaana wazhalwa munyika. 22Ono kulindimwe, chino nchi chiindi cha kuusa, pesi ndakumubona alimwi, alimwi mulakusekelela, alimwi taaku eshi akamunyange kusekelela uko.
23Mubuzuba ubo taaku nchishimukalombe. Nchanchobeni ndamwambila kwaamba, Taata ulakumupa mfumbwa nchimushimukalombe mu liina lyangu. 24Kushikila ono, tamuna kulomba chintu nachiba chomwi mu liina lyangu. Amulombe alimwi mulakutambula, alimwi kusekelela kwanu kulakuba kumaninine.
Kuzunda mu nyika
25“Ono nakuba kwaamba ndasebenzha mumansendekela, chiindi chilakushika nenshi ntakasebenzhi mulaka uyu pesi ndakumwaambila chantangalala makani a Taata. 26Mu buzuba ubu mulakulomba mu liina lyangu, nshaambi kwaamba ndaakumulombela kuli Taata. 27Taaku, Taata mwiine ulamuyanda nkambo mwakanyanda akushoma kwaamba ndakazwa kuli Leza. 28Ndakazwa kuli Taata a kunjila munyika, ono ntekuzwa mu nyika a kujokela kuli Taata.”
29Ono bashichiiya bakwe bakaamba ati, “Ono ulaamba chantangalala kwakubula kwaamba mumansendekela. 30Ono twabona kwaamba mulizhi zhoonse zhintu, alimwi kwaamba tamuyandiki a muntu kumubuzha mibuzho. Ichi chilatupa kushoma kwaamba mwakazwa kuli Leza.
31Jesu wakabanviila ati, “Saa ono mulashoma? 32Chiindi chilakushika alimwi chashika kale, neshi mukamwaike kuunka mwanu mwanu. Mulakunshiiya boo neenka. Nakuba kwaamba nshinooli neenka, nkambo Taata uli andime. 33Ndamwaambila izhi zhintu, kwaamba mulindime mukabe alumuno. Muno munyika mulakuba a mapenzhi. Pesi amukazhike myoyo! Ndaizunda nyika!”
ទើបបានជ្រើសរើសហើយ៖
Joni 16: STP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
