आ का़ 8
8
1आर सा़उल दो उनि गोच् ओचोक्रे रा़जिगेये ताहेंकाना।
सा़उल का़लिसिया़रेनकोय सानतावेत्को
आर एनहिलोक् दो जेरुसालेमरे ताहेंकान का़लिसिया़ उपा़रते माराङ ओकोच् सानताव एहोप् एना; आर आपोसतोलको छाडा सानाम जिहुदा़ आर सा़मा़रिया़ रेयाक् टोठाकोतेको छिञछा़तुर एना, 2आर इसोर भोकति होड़को दो इस्टिफानको बायकेदेया आर उनि ञुतुमते आ़डिको होमोर हालाङकेदा। 3मेनखान सा़उल दो का़लिसिया़ उक्जा़ड़तेगेये ताहेंकाना, आर ओड़ाक् ओड़ाक् बोलोकाते हेरेल आर मायजिउको ओर तोत्काते हाजोतोक् ला़गित्ए सोपरोतेत्को ताहेंकाना।#आपोस का़मि २२:४-५; २६:९-११
सा़मा़रिया़रे भागे सोमबात पोरचारोक्काना
4आर छिञछा़तुरेनको दोको सेन इदियेना भागे सोमबात रेयाक् काथा पोरचार पोरचारते। 5आर फिलिप दो सा़मा़रिया़ रेयाक् मित्टेन नागराहाते फेड सेनेनते ओंडेनको मा़सि रेयाक्ए पोरचारात्कोवा। 6आर गादेल होड़को दो फिलिपे ला़इयाकोकान ताहेंकानाक्को मित् मोनतेको हेतावादा, ओनेको आँजोमकेत्ताय आर उनिये का़मियेत् ताहेंकान चिनहा़कोको ञेलानते। 7एनते बेसाफा जिउको ताहेंकानताकोवा आयमा होड़को खोन ओनको दो आँट होहोवातेको ओडोकेना; आर आ़डि उता़र मित् काड़ गोच् होड़ आर लेडहाकोको बोगे ओचोयेना। 8आर ओना नागराहारे आ़डि रा़सका़ होयेना।
9मेनखान सिमोन ञुतुमान मित् होड़ पा़हिल खोन ओना नागराहारेये ताहेंकाना, ओने उनि दोए गुनियेत् ताहेंकाना आर सा़मा़रिया़रेन होड़कोय ठाक ओचोयेत्को ताहेंकान, आच्गे मित्टेन माराङ होड़े ला़इयोगोक्कान ताहेंकानते, 10उनि दो हुडिञ हापड़ाक् सानामको मानोतायकान ताहेंकाना, ओनेको मेनेत् ताहेंकान, “नुयगे इसोर रेयाक् दाड़े दो, ओने माराङे ञुमोगोक्कान।” 11उनिको गानावएदे ताहेंकाना, एनते आ़डि दिन खोन गुनिकोते ओनकोय ठाक ओचोवाकात्को ताहेंकाना। 12मेनखान इसोराक् राज आर जिसु मा़सियाक् ञुतुम रेयाक् भागे सोमबाते पोरचारात्कोते फिलिप रेयाक्को पा़तिया़वात्ताय खानको बा़प्तिस ओचोयेना, हेरेल हों आर मायजिउ हों। 13आर सिमोन आच् होंए पा़तिया़वेना, आर बा़प्तिस ओचोयेनते फिलिप तुलुच् जामाड़ाकाने ताहेंयेना, आर चिनहा़को आर माराङ दाड़ेयानाक् का़मिको होयोक्कान ञेलतेये ठाकएना।
14आदो जेरुसालेमरेको ताहेंकान आपोसतोलको आँजोमकेत् खान, बाङमा, सा़मा़रिया़रेनको दो इसोराक् काथाको आताङकेदा, ओनको ठेन पातरास आर जोहानको कोलकेत्किना; 15आर उनकिन दो हेच्एनते बिसवा़सिको ला़गित्किन कोयकेदा, जेमोन सोनोत जिउको ञामे। 16उन हा़बिच् एनते ओनको मोदरेन ओकोयरे हों सोनोत जिउ दो बाय हेच् आकान ताहेंकाना, एकेन प्रोभु जिसु ञुतुमतेको बा़प्तिसआकान ताहेंकाना। 17खानगे पातरास आर जोहान दो ओनकोकिन चापोकेत्कोवा आर सोनोत जिउको ञामकेदेया। 18आदो आपोसतोलकिन तिकिन चापोवाकोते सोनोत जिवे एमोगोक्काना मेनते सिमोने ञेलकेत् खान टाका नेयात्किनतेये मेतात्किना, 19“नोवा एकतिया़रि दो देन इञ हों एमा़ञबेन, जेमोन जाहाँयगेञ चापोये सोनोत जिवे ञामे।”
20मेनखान पातरास दोए मेतादेया, “आमाक् टाका दो आम साँवते बाड़े नोसटोक् मा एनते इसोर रेयाक् दान दो टाकाते ञामोक्काना मेनतेम हुदिसकेत् इया़ते। 21नोवा काथारे होक से बाखरा दो बा़नुक्तामा, एनते आमाक् मोन दो इसोर सामाङरे बाङ सोजहेतामा।#सेरेञको ७८:३७ 22ओनाते आमाक् दुस्टा़मि खोन मोन बाड़े आ़चुरताम, आर प्रोभु ठेन नेहोंरजोङमे, पासेच्रे पासेच् आमाक् मोन रेयाक् हुदिस दो इका़क्तामगे। 23एनतेञ ञेलेदा, हाड़हात् सिसिर रेयाक् हाड़हात्रे आर बा़ड़िच्आक्को रेयाक् तोनोलरे मेनामा।”
24खानगे सिमोने रोड़ रुवा़ड़केदा, “आबेनगे इञ ला़गित् प्रोभु ठेन नेहोंरोक्बेन, जेमोन आबेन बेन रोड़ाकात्को दो ओकाटाक् हों इञरे आलो बाड़े पाड़ावक्।”
25आदो उनकिन दो गोहा एम इदिकेत्ते जेरुसालेमतेकिन रुवा़ड़े, सा़मा़रिकोवाक् आयमा आतोकोरे भागे सोमबात किन पोरचार इदिकेदा।
फिलिप आर इथुपिया़रेन माराङ एकतिया़रियान होड़
26आर प्रोभुरेन मित्टेन दुत दो फिलिपे मेतादेया, मा बेरेत्मे आर दा़खिन सेच् ओना होरते चालाक्मे ओकाटाक् जेरुसालेम खोन गाजाते सेनआकान, ओना दो निसुनगेया। 27आर उनि दो बेरेत् एनतेये चालावेना आर ञेलपे इथुपिया़रेन मित्टेन होड़, इथुपिया़ कान्दाके रा़निरेन माराङ एकतिया़रियानिच् मित्टेन चा़करा़ ओकोय उनियाक् सानाम धोनरेन लोनबोनिच् ए ताहेंकाना। उनि दो जेरुसालेमतेये हेच्लेन ताहेंकाना देवा सेवाय ला़गित्; 28आरे रुवा़ड़ चालाक्कान ताहेंकानरे आयाक् सोदोम गा़डिरे दुड़ुप्काते जेसाया ना़बि रेयाक् पुथिये पाड़हावजोङकान ताहेंकाना। 29आर जिउ दो फिलिपे मेतादेया, दो सेन सोरोक्मे आर ओना गा़डि साँवतेक्मे। 30खानगे फिलिप दो ञिर सोरेनते जेसाया ना़बि रेयाक् पुथि पाड़हावक्काने आँजोमकेदेया; आदोए मेतादेया, आमेम पाड़हावेत् दोम बुजहा़वेत्गेया से? 31खानगे उनि दोए मेनकेदा, चेकातेञ दाड़ेकेया, जाहाँय बाय बुजहा़वा़ञ खान? आर फिलिपे नेहोंरादेया जेमोन देच्कातेक् आच् साँवतेये दुड़ुप्। 32आर ओकाटाक्ए पाड़हावेत् ताहेंकान सोसतोर रेयाक् हा़टिञ दो नोक्ओंय नोवा ताहेंकाना,
भिडि लेका तेङगेनोक् ला़गित्ए तियोक् इदिओचोयेना
आर भेडा होपोन आच् का़पचियेदेकानिच् सामाङरे हापेआकाने ताहेनकान लेका,
ओनकागे आयाक् मोचा बाय चाहाप् लेत्ताया।
33उनियाक् निंधा़न दोसारे उनियाक् बिचा़र दो इदिफाराकेनताया;
उनि पिड़हिरेनको दो ओकोय ला़इ दाड़ेकेकोवा?
एनते धा़रति खोन उनियाक् जियोन दो उठा़उक्काना।#जेसाया 53:7,8
34आर उनि चा़करा़ दो फिलिपे मेतादेया, नेहोंराम कानाञ ना़बि दो ओकोय रेयाङ नोवाय रोड़ेदा? आच् रेयाङ से जाहाँय एटागिच् रेयाङ? 35खान फिलिप दो गालमारावे एहोप्केदा आर ओना सोसतोर रेयाक् खोन एहोप्काते जिसु रेयाङ भागे सोमबाते ला़इयादेया। 36आर होर होरतेकिन सेनोक्कान ताहेंकानरे मित्टेच् दाक् जायगा ठेनकिन सेटेरेना; आर चा़करा़ दोए मेनकेदा, “नोक्ओंय चोङ दाक् चेत् आकोट मेनाक्आ इञिञ बा़प्तिस ओचोक्रे दो?” 37आर फिलिपे मेनकेदा, “आमाक् गोटा मोनतेम पा़तिया़उक्कान खान बोगेगे।” आर उनि दो रोड़ रुवा़ड़केत्तेये मेनकेदा, “पा़तिया़वाकानगेया़ञ जिसु मा़सि दो इसोररेन होपोन कानाय मेनते” 38आर गा़डि तेङगोये हुकुमकेदा आर बाना होड़ दाक्तेकिन फेड सेनेना, फिलिप हों आर चा़करा़ हों, आदो उनिये बा़प्तिसकेदेया। 39आर दाक् खोन किन राकाप्एन खान प्रोभुरेन जिउ दो फिलिपे इदिकेदेया, आर चा़करा़ दो घुरिया़ँ उनि बाय ञेललेदेया, खान रा़सका़वाते आयाक् होरतेये सेन इदियेना। 40खान फिलिप दो आसदोदरेये ञामेना, आर पारोम चालाक् तुलुच् सानाम नागराहारे भागे सोमबाते पोरचार इदिकेदा, का़इसा़रिया़रे आ़उरिये सेटेरोक् हा़बिच्।
ទើបបានជ្រើសរើសហើយ៖
आ का़ 8: NTSPt25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025
आ का़ 8
8
1आर सा़उल दो उनि गोच् ओचोक्रे रा़जिगेये ताहेंकाना।
सा़उल का़लिसिया़रेनकोय सानतावेत्को
आर एनहिलोक् दो जेरुसालेमरे ताहेंकान का़लिसिया़ उपा़रते माराङ ओकोच् सानताव एहोप् एना; आर आपोसतोलको छाडा सानाम जिहुदा़ आर सा़मा़रिया़ रेयाक् टोठाकोतेको छिञछा़तुर एना, 2आर इसोर भोकति होड़को दो इस्टिफानको बायकेदेया आर उनि ञुतुमते आ़डिको होमोर हालाङकेदा। 3मेनखान सा़उल दो का़लिसिया़ उक्जा़ड़तेगेये ताहेंकाना, आर ओड़ाक् ओड़ाक् बोलोकाते हेरेल आर मायजिउको ओर तोत्काते हाजोतोक् ला़गित्ए सोपरोतेत्को ताहेंकाना।#आपोस का़मि २२:४-५; २६:९-११
सा़मा़रिया़रे भागे सोमबात पोरचारोक्काना
4आर छिञछा़तुरेनको दोको सेन इदियेना भागे सोमबात रेयाक् काथा पोरचार पोरचारते। 5आर फिलिप दो सा़मा़रिया़ रेयाक् मित्टेन नागराहाते फेड सेनेनते ओंडेनको मा़सि रेयाक्ए पोरचारात्कोवा। 6आर गादेल होड़को दो फिलिपे ला़इयाकोकान ताहेंकानाक्को मित् मोनतेको हेतावादा, ओनेको आँजोमकेत्ताय आर उनिये का़मियेत् ताहेंकान चिनहा़कोको ञेलानते। 7एनते बेसाफा जिउको ताहेंकानताकोवा आयमा होड़को खोन ओनको दो आँट होहोवातेको ओडोकेना; आर आ़डि उता़र मित् काड़ गोच् होड़ आर लेडहाकोको बोगे ओचोयेना। 8आर ओना नागराहारे आ़डि रा़सका़ होयेना।
9मेनखान सिमोन ञुतुमान मित् होड़ पा़हिल खोन ओना नागराहारेये ताहेंकाना, ओने उनि दोए गुनियेत् ताहेंकाना आर सा़मा़रिया़रेन होड़कोय ठाक ओचोयेत्को ताहेंकान, आच्गे मित्टेन माराङ होड़े ला़इयोगोक्कान ताहेंकानते, 10उनि दो हुडिञ हापड़ाक् सानामको मानोतायकान ताहेंकाना, ओनेको मेनेत् ताहेंकान, “नुयगे इसोर रेयाक् दाड़े दो, ओने माराङे ञुमोगोक्कान।” 11उनिको गानावएदे ताहेंकाना, एनते आ़डि दिन खोन गुनिकोते ओनकोय ठाक ओचोवाकात्को ताहेंकाना। 12मेनखान इसोराक् राज आर जिसु मा़सियाक् ञुतुम रेयाक् भागे सोमबाते पोरचारात्कोते फिलिप रेयाक्को पा़तिया़वात्ताय खानको बा़प्तिस ओचोयेना, हेरेल हों आर मायजिउ हों। 13आर सिमोन आच् होंए पा़तिया़वेना, आर बा़प्तिस ओचोयेनते फिलिप तुलुच् जामाड़ाकाने ताहेंयेना, आर चिनहा़को आर माराङ दाड़ेयानाक् का़मिको होयोक्कान ञेलतेये ठाकएना।
14आदो जेरुसालेमरेको ताहेंकान आपोसतोलको आँजोमकेत् खान, बाङमा, सा़मा़रिया़रेनको दो इसोराक् काथाको आताङकेदा, ओनको ठेन पातरास आर जोहानको कोलकेत्किना; 15आर उनकिन दो हेच्एनते बिसवा़सिको ला़गित्किन कोयकेदा, जेमोन सोनोत जिउको ञामे। 16उन हा़बिच् एनते ओनको मोदरेन ओकोयरे हों सोनोत जिउ दो बाय हेच् आकान ताहेंकाना, एकेन प्रोभु जिसु ञुतुमतेको बा़प्तिसआकान ताहेंकाना। 17खानगे पातरास आर जोहान दो ओनकोकिन चापोकेत्कोवा आर सोनोत जिउको ञामकेदेया। 18आदो आपोसतोलकिन तिकिन चापोवाकोते सोनोत जिवे एमोगोक्काना मेनते सिमोने ञेलकेत् खान टाका नेयात्किनतेये मेतात्किना, 19“नोवा एकतिया़रि दो देन इञ हों एमा़ञबेन, जेमोन जाहाँयगेञ चापोये सोनोत जिवे ञामे।”
20मेनखान पातरास दोए मेतादेया, “आमाक् टाका दो आम साँवते बाड़े नोसटोक् मा एनते इसोर रेयाक् दान दो टाकाते ञामोक्काना मेनतेम हुदिसकेत् इया़ते। 21नोवा काथारे होक से बाखरा दो बा़नुक्तामा, एनते आमाक् मोन दो इसोर सामाङरे बाङ सोजहेतामा।#सेरेञको ७८:३७ 22ओनाते आमाक् दुस्टा़मि खोन मोन बाड़े आ़चुरताम, आर प्रोभु ठेन नेहोंरजोङमे, पासेच्रे पासेच् आमाक् मोन रेयाक् हुदिस दो इका़क्तामगे। 23एनतेञ ञेलेदा, हाड़हात् सिसिर रेयाक् हाड़हात्रे आर बा़ड़िच्आक्को रेयाक् तोनोलरे मेनामा।”
24खानगे सिमोने रोड़ रुवा़ड़केदा, “आबेनगे इञ ला़गित् प्रोभु ठेन नेहोंरोक्बेन, जेमोन आबेन बेन रोड़ाकात्को दो ओकाटाक् हों इञरे आलो बाड़े पाड़ावक्।”
25आदो उनकिन दो गोहा एम इदिकेत्ते जेरुसालेमतेकिन रुवा़ड़े, सा़मा़रिकोवाक् आयमा आतोकोरे भागे सोमबात किन पोरचार इदिकेदा।
फिलिप आर इथुपिया़रेन माराङ एकतिया़रियान होड़
26आर प्रोभुरेन मित्टेन दुत दो फिलिपे मेतादेया, मा बेरेत्मे आर दा़खिन सेच् ओना होरते चालाक्मे ओकाटाक् जेरुसालेम खोन गाजाते सेनआकान, ओना दो निसुनगेया। 27आर उनि दो बेरेत् एनतेये चालावेना आर ञेलपे इथुपिया़रेन मित्टेन होड़, इथुपिया़ कान्दाके रा़निरेन माराङ एकतिया़रियानिच् मित्टेन चा़करा़ ओकोय उनियाक् सानाम धोनरेन लोनबोनिच् ए ताहेंकाना। उनि दो जेरुसालेमतेये हेच्लेन ताहेंकाना देवा सेवाय ला़गित्; 28आरे रुवा़ड़ चालाक्कान ताहेंकानरे आयाक् सोदोम गा़डिरे दुड़ुप्काते जेसाया ना़बि रेयाक् पुथिये पाड़हावजोङकान ताहेंकाना। 29आर जिउ दो फिलिपे मेतादेया, दो सेन सोरोक्मे आर ओना गा़डि साँवतेक्मे। 30खानगे फिलिप दो ञिर सोरेनते जेसाया ना़बि रेयाक् पुथि पाड़हावक्काने आँजोमकेदेया; आदोए मेतादेया, आमेम पाड़हावेत् दोम बुजहा़वेत्गेया से? 31खानगे उनि दोए मेनकेदा, चेकातेञ दाड़ेकेया, जाहाँय बाय बुजहा़वा़ञ खान? आर फिलिपे नेहोंरादेया जेमोन देच्कातेक् आच् साँवतेये दुड़ुप्। 32आर ओकाटाक्ए पाड़हावेत् ताहेंकान सोसतोर रेयाक् हा़टिञ दो नोक्ओंय नोवा ताहेंकाना,
भिडि लेका तेङगेनोक् ला़गित्ए तियोक् इदिओचोयेना
आर भेडा होपोन आच् का़पचियेदेकानिच् सामाङरे हापेआकाने ताहेनकान लेका,
ओनकागे आयाक् मोचा बाय चाहाप् लेत्ताया।
33उनियाक् निंधा़न दोसारे उनियाक् बिचा़र दो इदिफाराकेनताया;
उनि पिड़हिरेनको दो ओकोय ला़इ दाड़ेकेकोवा?
एनते धा़रति खोन उनियाक् जियोन दो उठा़उक्काना।#जेसाया 53:7,8
34आर उनि चा़करा़ दो फिलिपे मेतादेया, नेहोंराम कानाञ ना़बि दो ओकोय रेयाङ नोवाय रोड़ेदा? आच् रेयाङ से जाहाँय एटागिच् रेयाङ? 35खान फिलिप दो गालमारावे एहोप्केदा आर ओना सोसतोर रेयाक् खोन एहोप्काते जिसु रेयाङ भागे सोमबाते ला़इयादेया। 36आर होर होरतेकिन सेनोक्कान ताहेंकानरे मित्टेच् दाक् जायगा ठेनकिन सेटेरेना; आर चा़करा़ दोए मेनकेदा, “नोक्ओंय चोङ दाक् चेत् आकोट मेनाक्आ इञिञ बा़प्तिस ओचोक्रे दो?” 37आर फिलिपे मेनकेदा, “आमाक् गोटा मोनतेम पा़तिया़उक्कान खान बोगेगे।” आर उनि दो रोड़ रुवा़ड़केत्तेये मेनकेदा, “पा़तिया़वाकानगेया़ञ जिसु मा़सि दो इसोररेन होपोन कानाय मेनते” 38आर गा़डि तेङगोये हुकुमकेदा आर बाना होड़ दाक्तेकिन फेड सेनेना, फिलिप हों आर चा़करा़ हों, आदो उनिये बा़प्तिसकेदेया। 39आर दाक् खोन किन राकाप्एन खान प्रोभुरेन जिउ दो फिलिपे इदिकेदेया, आर चा़करा़ दो घुरिया़ँ उनि बाय ञेललेदेया, खान रा़सका़वाते आयाक् होरतेये सेन इदियेना। 40खान फिलिप दो आसदोदरेये ञामेना, आर पारोम चालाक् तुलुच् सानाम नागराहारे भागे सोमबाते पोरचार इदिकेदा, का़इसा़रिया़रे आ़उरिये सेटेरोक् हा़बिच्।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Santhali Language © The Word for the World International and Santhali Translation Project, Nepal, 2025