Aba Loma 9
9
U Chala na bandu bake
1Une nguyugha ubwanaloli mwa Kilisitu, sona ndakutamanda, umabyebye wangu akusimikisya ukwendela mwa Mbepo Mwikemo, 2indi ni chitima ichikulu ngani, sona nu kubaba mumoyo wangu ukusita kuleka. 3Pakuti une nemwene nalondagha nguniwe kwa Chala nukutilako kwa Kilisitu, chifukwa cha bakamu bangu, abandu abaluko lwangu. 4Abene bo ba Izilayeli bo u Chala akabasala ukuti babe bana bake nukubafumbulila ubughindikiwa bwake. U Chala akafingana nabo nukubapa indaghilo. Akabapa ulwa kumwiputa sona bapokele fyo bakapangana. 5Abene bo baluko lwa banyenya bitu ko Kilisitu akafumila, po ukuyana nisya bundu. U Chala yo ali nu bulaghili bosi aghindikiwaghe bwile na bwile. Amen.
6Loli te kokuti amasyu gha Chala ghakapotwa. Pakuti te bosi boba Izilayeli, bandu ba Chala. 7Pamo te kokuti abaluko losi ulwa Abulahamu bana ba Chala. U Chala akati kwa Abulahamu, “Ukwendela mwa Ayizeki uluko lwako luyukwitisiwa.” 8Ichi chikung’anamula ukuti abana bo bakupapiwa kumubili te bana ba Chala, loli bo bakapapiwa chifukwa cha pangano lya Chala bakwitisiwa baluko lwake. 9Pakuti u Chala akapangana ukuti, “Pakabalilo kakaka#9.9 pakabalilo kakaka: Pamo pakabalilo kakaka ichinja cha ningelo. ngwisa sona, po u Sala akwisa pakuba nu mwana umwanalume.”
10Sona te po papapo pene, awe. Loli abana babili aba Labeka bakaba nu wise weka, umunyenya witu u Ayizeki. 11Loli bo amapasa batapapiwe, pamo bo botabombitepo nachimo ichisa pamo ichibibi, umwakuti ubwighane bwa Chala ubwakusalila nganila umundu wesi bubukilile, te chifukwa cha mbombo loli chifukwa cha yo akwitisya. 12Akamubusya u Labeka akati, “Usongo akwisa pakumubombela umupala.” 13#Mal1.2-3.Pakuti amasimbo ghakuti, “Ngamughana u Yakobo, loli ngamubenga u Esabo.”
14Kali po tungati choni? Imba tungayugha ukuti u Chala te mugholoke? Awe, napo papala. 15#Ezk33.19.Umwene akamubusya u Mozesi akati, “Ngwisa pakuba ni chisa ku yo ngulonda pakumupelela ichisa, ngwisa pakumusaghila yo ngulonda pakumusaghila.” 16Pololi sitakukonga ubwighane bwa umundu pamo ukwiyula kwake awe, loli mu chisa cha Chala. 17Pakuti amasimbo ghakuyugha kwa Falabo ghakuti, “Ngakwimika pakuba we Malafyale ukuti ngubombele ukuti ndangisye amaka ghangu, sona ukuti ufumusye ilita lyangu pachisu chosi ichapasi.” 18Pololi u Chala ali ni chisa pa wesi yo akulonda, sona akumukasya umoyo kuyo akulonda.
Ubukali bwa Chala ni chisa chake
19Loli umundu yumo mumwinyu akwisa pakuyugha ukuti, “Imba choni cho u Chala akali akutwagha nindamyo? Imba we wenu yo angabukana ubwighane bwake?” 20Loli imba we wenu uwe ukuti umwamule u Chala? Imba isonda yikumulalusya umumatasonda ukuti, “Choni cho ukamata bububu?” 21Imba umumatasonda ate namaka pakubombesya ilongwi ukuyana namo akulondela, sona nukumata isonda sibili ni longwi lila lila, yimo yakubombela imbombo ya pamwanya sona iyingi iyisita kubaghila.
22Imba tuti choni pala u Chala akalondagha pakulangisya ubukali bwake, sona nukulangisya amaka ghake, pololi akapilila ku fibombelo fyo akabaghila pakufikalipila sona fyo akatendekesya pakufinangannya. 23Sona akalondagha pakufumbula ubughindikiwa bwake ubukulu, bo akapungulila utwe twe fibombelo mu chisa chake, sona akatendekesya bo akupokela ubughindikiwa bwake. 24Pakuti twe akatwitisya, te mo mu ba Yuda bene awe, loli nukufuma mu bandu abapanja. 25#Hos2.23.Ngati mo akayughila mwibuku lya Hoseya ukuti,
“Abandu bo batakaba bangu
ngwisa pakubitisya ukuti, ‘Bandu bangu.’
Uluko lo ndakalughana
ngwisa pakulwitisya ukuti, ‘Lughaniwa lwangu.’
26 #
Hos1.10. Sona pamalo ghala ghala ghobakati ku kwabo, ‘Te mwe bandu bangu,’
pala pala bakwisa pakwitisiwa ukuti, ‘Bana ba Chala umumi.’ ”
27 #
Yis10.22,23. Sona u Yisaya akalila ngani nisya ba Izilayeli akati, “Napo aba Izilayeli bingi ngani ngati musesenga wa munyanja, loli bapala bubu bakwisa pakupokiwa. 28Pakuti u Malafyale akwisa pakutumula inongwa sya bandu aba muchisu sona nukumalisya umwalubilo.” 29#Yis1.9.Sona ngati mo u Yisaya akayughila kale ukuti,
“Pala u Malafyale wamaka ghosi atakatulekelako abaluko bamo,
ngali twaba ngati twaya twa Sodomu nu Gomola.”
Abapanja abingi bakasubila
30Po imba tungati choni? Tungayugha ukuti abapanja bo batakalondagha ubugholoke babwagha, bo bugholoke ubwa mulwitiko, 31loli aba Izilayeli bo bakalondagha ubugholoke ubwa mundaghilo, bakapotwa ukubwagha mu ndaghilo sisisi. 32Po imba choni? Chifukwa batakalondagha ukwendela mu lwitiko, loli ngati mumbombo syo bakabombagha. Po bakipunula ngani mwibwe lya kwipunula, 33#Yis28.16.ngati mo kusimbiliwe ukuti,
“Tesya, ngubika ibwe mu Ziyoni lyo
likwisa pakubapela abandu ukwipunula,
ilyalabwe lyo likwisa pakubawisya.
Loli wesi yo akusubila mumwake, atakwisa pakukosiwa isoni.”
ទើបបានជ្រើសរើសហើយ៖
Aba Loma 9: SSTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
