मत्तय 1
1
ईसु ख्रिस्ताआ पारवाड़
(लुक 3:23-38)
1अब्राहामोअहीं रोत ते दाविदोअ जागे जाआं ईसु ख्रिस्ताआ#1:1 ख्रिस्त मसीहा मोन्ज्ये “अभिशिक्त” नेताहां एका खास कामोअ काजे निवड़ीइल्यू. पारवाड़ एहें कोइत होय#उत्प 22:1-19; गलाती 3:16:
2अब्राहामोहो इसाहाक, #उत्प 21:1-12 आन इसहाकोहो याकोब,#उत्प 25:19-28 याकोबोहो यहुदा#उत्प 29:35; 49:8-10 आन तियाआ पाही ओवा, 3यहुदाहा तामारे वाअहीं पेरेस आन जेरह ओवा: पेरेसोहो हेस्रोन ओवू,#उत्प 38:27-30 आन हेस्रोनोहो अराम, 4अरामोहों अम्मीनादाब, अम्मीनादाबोहो नहशोन आन नहशोनोहो शलमोन, 5शलमोन आन राहाबेए बोवाज ओवू, बोवाज#रुथ 4:13,21,22 आन रुथेहे ओबेद, आन ओबेदोहो इसाय ओवू.
6आन इसायोहो दाविद राजा ओवू, #1 शमु 16:1; 17:12 दाविदोअ लाडी जे पेल्लीइ उरीयाआ लाडी#2 शमु 12:24 ओती, तियी पोअ रोत दाविदोहो शलमोन ओवू, 7शलमोनोहो रहबाम, रहबामोहो आबिया, आबियाहा आसा, 8आसाहा यहोशाफाट, यहोशाफाटोहो योराम, योरामोहो उज्जीया:#1 इति 3:10-14 9उज्जीयाहा योथाम, योथामोहो आहाज#2 राजां 15:38, आहाजोहो हिजकिया ओवू, 10हिजकियाहा#2 राजां 20:21 मनश्शे, मनश्शेहे आमोन, आमोनोहो योशिया ओवू, 11आन बाबेलोमेहें ओटक#2 राजां 24:14,15; 2 इति 36:5-21; यिर्म 27:20; 29:1-4; दानि 1:1,2 कोइत लेत गोये तेहेलाम योशियाहा#1 इति 3:15,16 येखन्यू आन तियाआ पाही ओवा;
12बाबेलोमेहें ओटक कोइत लेत गोये, तेहेलाम येखन्याहा#1 इति 3:17 शेल्तीएल, शेल्तीएलोअ जेरुब्बाबेल ओवू#एज्रा 3:2,8 , 13जेरुब्बाबेलोहो अबीहूद, अबीहूदोहो एल्याकीम, एल्याकीमोहो आज्जूर, 14आज्जूरोहो सादोक, सादोकोहो याखीम, याखीमोहो एलीहूद, 15एलीहूदोहो एलाजार, एलाजारोहो मत्तान, मत्तानोहो याकोब ओवू, 16आन याकोबोहो योसेफ ओवू. ओ योसेफ तियी मरियाआ कोओ धोणी ओतू, जियी मरियाआ पेटे ईसु जल्माहा आयू, जियाहा ख्रिस्त#लुक 2:11; योहान 4:25,26 कोतेहे.
17एहें कोइत अब्राहामोअहीं रोत ते दाविदोअ जागे जाआं आखी सुहूद पिढ़ी ओवी; आन बाबेलोमेहें ओटक कोइत लेत गोये तिहीं रोत ते ख्रिस्ताआ जागे जाआं सुहूद पिढ़ी ओवी.
ईसु ख्रिस्ताआ जल्म
(लुक 2:1-7)
18ईसु ख्रिस्ताआ जल्म एहें कोइत ओवो; तियाआ आयही मरिया ए योसेफोअ कोअते फुसाअली ओती. पोन एहेलोह देखाअयो के, ते वेहवाल ओवीइलोअ पेल पवित्र आत्मा वाअहीं उंगलीत रोयी.#लुक 1:35 19तियीइ ओवनारु माटी योसेफ ओ धर्मी माटी ओतू, तिहीं वाअहीं तियीइ नाव बिगाड़ीलोअ तियाआ मोर्जी ने ओती. तियाहा काजे तिये मोनेज होगाय तोड़ी देअलोअ विसार कोअयू, 20एहें कोत तो तियी गोठीइ बाप्तिम विसार कोअया कोअतुतो, ताहां पाला, प्रभुउ एक देवदुत तियाहा होपनामेहें दर्शन आपीत कोयो, “दाविदोअ पोर्या, योसेफ, तू मरियाअरी वेहवाल कोइलोअ बिही मा, काहाके तियीइ जो पोटू होय, तो पवित्र आत्मा वाअहीं होय. 21तियीही सोऊ ओवे, आन तू तियाआ नाव ईसु#लुक 1:31; 2:21 मिकजी, काहाके तोज तियाआ माअहुंहूं तियांआं पापोमेहें रोत वासाड़े.”
22ओं आखो याआ काजे ओवो, काहाके जों वसन प्रभुउ भविश्यवक्तां वाअहीं कोयो, तों पुरो ओवुहूं जोवे: 23“पाल, एक कुवांरी पोटाअरी रोये आन तियीही सोऊ ओवे, आन तियाआ नाव ‘इम्मानुएल’ मिके; या नावोअ अर्थ होय ‘देव आपाअरी.’”#यश 7:14; 9:6,7
24ताहरुउ योसेफ निंदेमेहें रोत उठ्यू, ताहां तिये प्रभुउ दुतोअ आदेशोअ पुरमाणे कोअयो, तिये मरियाअरी वेहवाल कोअयो. 25आन तियीही सोऊ ओवू, ताअहूं जाआं तो तियीही आथ ने लागाड़्यु#1:25 तियीही आथ ने लागाड़्यु मोन्ज्ये तियीइरी ने हुतू.; आन तिये तिया सोआआ नाव ईसु#लुक 2:21 मिक्यो.
ទើបបានជ្រើសរើសហើយ៖
मत्तय 1: NST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.
