योहान 18
18
ईसुउ तोआइलो
(मत्तय 26:47-56; मार्क 14:43-50; लुक 22:47-53)
1ईसु ए गोठी कोत कोइत तियाआ सेलाअरी किद्रोन खोब्रीइ तिवोल गोयू. तिहीं एक बोगीसू ओतू, जियामेहें तो आन तियाआ सेला गोया. 2तियाहा तोइत आपनारु यहुदा बी तिया जागाहा जांअतुतो, काहाके ईसु तियाआ सेलाहां तिहीं कायम मिल्या कोअतुतो. 3तियाहा काजे यहुदा, रोमन सिपायड़ाआं एकी तुकडीही आन मुख्य पुंजारकाहां आन फरिसीइ पावरोहों लेत कोइत, दिवा, मशाली आन आथार्ये लेत कोइत तिहीं आयू. 4ताहां ईसु, तियीं आखी गोठीही जे तियापोअ आवनारी ओती जांइत कोइत, आगाड़ी आयु आन तियांहां कोयो, “तुमू कोडाहा होदताहा?”
5तियां तियाहा उत्तर आप्यो, “ईसु नासरीही.” ईसु तियांहां कोयो,
“तो आंय होय.”
तियाहा धोकू देत तोइत आपनारु यहुदा बी तियांअरी उबोइत रोयुतो. 6तियाआ ओं कोताज, के “आंय होय,” ते फासाड़ी ओहरीत कोइत पुयींपोअ लोटीत गोया. 7ताहां ईसु फाशोअ तियांहां फुशो, “तुमू कोडाहा होदताहा?”
तियां कोयो, “ईसु नासरीही.”
8ईसु उत्तर आप्यो, “आंय ते तुमुहूं कोत सुकुहू के आंय होय, जर तुमू माहूं होदता ओय, ताहां यांहां जाअहूं द्या.” 9ओं याअकाजे ओवयो के तो वसन पुरो ओवुहूं जोवे जो तिये कोयोतो: “जियांहां तुमे माहूं आप्येहे तियांमेर्येए आंय एकाहा बी ने टाकाअहूं देंव.”
10ताहरुउ शिमोन पेत्रे तलवार, जे तियापोअ ओती, काड्यी आन डाया पुंजाराआ सेवकोअ हाजाड़्यु कान तोड़ीत टाक्यु. तिया पावरोअ नाव मलखुस ओतो. 11ताहां ईसु पेत्राहा कोयो, “ताआ तारवाआ म्यानोम मिक. जो दुखोअ वाटकू आब्हे माहूं आप्युहू, केहें आंय तियाहा ने पिवें?”
हन्नाआ सामने ईसु
12ताहां रोमन तुकड़ीइ सिपायडां आन तियांआं आधिकारी आन यहुदीइ मंदिरोअ पावरहों ईसुहू तोइत कोइत बांदीत लेदू, 13आन पेल तियाहा हन्नाअ जागे लेत गोये, काहाके तो तिया वोरह्योअ डायु पुंजारु कैफाआ होवरुह्हू ओतू. 14ओ तोज कैफा ओतू, जिये यहुदीही सल्लू आप्युतो के आपाअ आखा माअहुंउं काजे एका माट्योअ मोइलाअ हाजो होय.
पेत्राअ पेहलु नाकार
(मत्तय 26:69,70; मार्क 14:66-68; लुक 22:55-57)
15शिमोन पेत्र आन एक बिहीरु सेलू बी ईसुउ फासाड़ी जाना वोल्या. ओ सेलू डाया पुंजाराआ ओलखातीइ ओतू, तियाहा काजे तो ईसुउ आरी डाया पुंजारकाआ राजवाड़ामेहें गोयू, 16पोन पेत्र बारथे बाओअ जागे उबू रोयू. ताहां तो बिहीरु सेलू जो डाया पुंजाराआ ओलखातीइ ओतू, बारथे निहींयू आन जागल्यीही कोत कोइत पेत्राहा मायते लेतायु. 17ते पावरीइं जे जागल्यी ओती, तियी पेत्राहा कोयो, “केहें तू बी या माहुंउं सेलामेर्युउ ते नाहां?”
तिये कोयो, “नाहां, आंय नाहां.”
18नोवकर आन पावर हियालाआ वोजेसे कोल्या पेटाड़ीत कोइत आगी हेकाअताते, आन पेत्र बी तियांअरी उबू रोत कोइत आगी हेकाअतुतो.
ईसुहू प्रश्न फुसनारु पुंजारु
(मत्तय 26:59-66; मार्क 14:55-64; लुक 22:66-71)
19ताहां डाये पुंजारे ईसुहू तियाआ सेलाअ बाप्तिम आन तियाआ हिकवणोअ बाप्तिमेहें प्रश्न फुशो. 20ईसु तियाहा उत्तर आप्यो, “आंय दुन्याआं विसमेहें आखाअरी खुल्लामखुल्ली गोठी कोअयी; आंय यहुदी आराधनालयोमेहें आन मंदिरोमेहें, जिहीं आखे यहुदी टोलू वोल्या कोअतेहे, सादा सिकाड़तू रोयु आन निकाड़ीत कोइत किज बी नाहां कोयो. 21तू माहूं काहा फुसेहे? उनाअनाराहां फुस के आंय तियांहां कि कोयोहो. पाल, तियांहां मुंदू होय के आंय कि कि कोयोहो.”
22जेहेलाम तिये ओं कोयो, ताहां मंदिरोअ पावरोमेर्येए एके जोएं जो तियाआ आहने उबू रोयुतो, ईसुहू थापुड़ देत कोइत कोयो, “तुमे पुंजाराहा एहेंकोइत उत्तर आपीइलोअ हिम्मत केहें कोइत कोअयी?”
23ईसु तियाहा उत्तर आप्यो, “जर आंय काविंहीं सुकीइ कोअयीय, ताहां तियी सुकीइ पुरावू आप; पोन जर आंय बोराबर कोयो, ताहां तु माहूं काहा देहे?”
24ताहां हन्ने तियाहा बांदल्युज कैफा डाया पुंजाराअ जागे मोकली देदू.
पेत्राआ बेन आन तिन वारी ईसुहू नाकारीइलो
(मत्तय 26:71-75; मार्क 14:69-72; लुक 22:58-62)
25शिमोन पेत्र उबू रोत आगी हेकाअतुतो. ताहां तियां तियाहा कोयो, “केहें तू बी तियाआ सेलामेर्युउ ते नाहां?”
तिये नाकारीत कोइत कोयो, “आंय नाहां.”
26डाया पुंजाराआ सेवकोमेर्युउ एक, जो तियाआ कुटूंबामेर्युउ ओतू जियाअ कान पेत्रे तोड़ीत टाक्युतो, कोयो, “केहें आंय ताहूं तियाअरी बोगिसामेहें नाहां देख्यू के?”
27यावाअहीं पेत्रे फाशोअ नाकारी देदो, आन तेहेलाम कुकड़े वाहीं देदो.
पिलातोअ सामने ईसु
(मत्तय 27:1,2,11-14; मार्क 15:1-5; लुक 23:1-5)
28ताहराअ ते ईसुहू कैफाआ जागे रोत राज्यपालोअ राजवाड़ाम लेत मोकल्यू, आन हांजेए वेल ओती, पोन ते सोताहा राज्यपालोअ राजवाडामेहें नाहां गोया काहाके एठा ने ओवुहूं जोवे पोन वल्हांडणोअ रोटू खात सेके. 29ताहां पिलात तियांआं जागे बारथे निहीत आयू आन कोयो, “तुमू या माट्यो पोअ कोड्ली गोठीइ गुनू लागाड़ताहा?”
30तियां तियाहा उत्तर आप्यो, “जर तो पापी ने रोतु ताहां आमू तियाहा ताआ आथोम ने होपता.”
31पिलाते तियांहां कोयो, “तुमूज याहा लेत जात कोइत तुमाआं कायदाअ पुरमाणे तियाआ न्याय कोआ.” यहुदी तियाहा कोयो,
“आमुहूं आधिकार नाहां के कोडाअ जिव लेंव.”
32ओं याअकाजे ओवयो के ईसुउ ते गोठी पुरी ओवुहूं जोवे जे तिये ओ इशारु कोइत कोयीते के तियाआ मोत कि कोइत ओवे.#18:32 योहान 3:14; 12:32
33ताहां पिलात फाशुउ राजवाड़ाअ मायते गोयू, आन ईसुहू हादीत कोइत तियाहा फुशो, “केहें तू यहुदीइ राजा होय?”
34ईसु उत्तर आप्यो, “केहें तू ए गोठ सोताहाज कोहे के बिहीरे माआं बाप्तिमेहें ताहूं ओं कोयोहो?”
35पिलाते उत्तर आप्यो, “केहें आंय यहुदी होय? ताआज जातीइ माअहूं आन मुख्य पुंजारा ताहूं माआ आथोम होप्युहू. तुमे कि कोअयोहो?”
36ईसु उत्तर आप्यो, “माआं राज यी दुन्याअ नाहां; जर माआं राज यी दुन्याअ रोतो, ताहां माआं सेवक लड़ाय कोअता के आंय यहुदीइ आथोम ने होपाअहूं जोवे: पोन माआं राज इंहींइं नाहां.”
37पिलाते तियाहा कोयो, “ताहां केहें तू राजा होय?” ईसु उत्तर आप्यो, “तू कोहे के आंय राजा होय. आंय याअकाजे जल्म लेदो आन याअकाजे दुन्याम आवयुहू के सत्याआ साक्शी आपो. जो कोडो सत्याआ होय, तो माआं शब्द उनाअहे.”
38पिलाते तियाहा कोयो, “सत्य कि होय?” ओं कोत कोइत तो फाशुउ यहुदीइ जागे निहीत आवयू आन तियांहां कोयो, “माहूं ते तियामेहें किज दोस नाहां देखाअतू. 39पोन तुमाआं ए रीत होय आंय वल्हांडण तिवारोम तुमाआं काजे एका माहुंहूं सोड़ी देंव. केहें तुमाआं इश्शा होय के आंय तुमाआं काजे यहुदीइ राजाहा सोड़ी देंव?”
40ताहरेए ते फाशेए आअड़ीत कोइत कोयो, “याहा नाहां, पोन आमाआं काजे बरब्बाहा सोड़ी दे.” आन बरब्बा डाखू ओतू.
ទើបបានជ្រើសរើសហើយ៖
योहान 18: NST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.
योहान 18
18
ईसुउ तोआइलो
(मत्तय 26:47-56; मार्क 14:43-50; लुक 22:47-53)
1ईसु ए गोठी कोत कोइत तियाआ सेलाअरी किद्रोन खोब्रीइ तिवोल गोयू. तिहीं एक बोगीसू ओतू, जियामेहें तो आन तियाआ सेला गोया. 2तियाहा तोइत आपनारु यहुदा बी तिया जागाहा जांअतुतो, काहाके ईसु तियाआ सेलाहां तिहीं कायम मिल्या कोअतुतो. 3तियाहा काजे यहुदा, रोमन सिपायड़ाआं एकी तुकडीही आन मुख्य पुंजारकाहां आन फरिसीइ पावरोहों लेत कोइत, दिवा, मशाली आन आथार्ये लेत कोइत तिहीं आयू. 4ताहां ईसु, तियीं आखी गोठीही जे तियापोअ आवनारी ओती जांइत कोइत, आगाड़ी आयु आन तियांहां कोयो, “तुमू कोडाहा होदताहा?”
5तियां तियाहा उत्तर आप्यो, “ईसु नासरीही.” ईसु तियांहां कोयो,
“तो आंय होय.”
तियाहा धोकू देत तोइत आपनारु यहुदा बी तियांअरी उबोइत रोयुतो. 6तियाआ ओं कोताज, के “आंय होय,” ते फासाड़ी ओहरीत कोइत पुयींपोअ लोटीत गोया. 7ताहां ईसु फाशोअ तियांहां फुशो, “तुमू कोडाहा होदताहा?”
तियां कोयो, “ईसु नासरीही.”
8ईसु उत्तर आप्यो, “आंय ते तुमुहूं कोत सुकुहू के आंय होय, जर तुमू माहूं होदता ओय, ताहां यांहां जाअहूं द्या.” 9ओं याअकाजे ओवयो के तो वसन पुरो ओवुहूं जोवे जो तिये कोयोतो: “जियांहां तुमे माहूं आप्येहे तियांमेर्येए आंय एकाहा बी ने टाकाअहूं देंव.”
10ताहरुउ शिमोन पेत्रे तलवार, जे तियापोअ ओती, काड्यी आन डाया पुंजाराआ सेवकोअ हाजाड़्यु कान तोड़ीत टाक्यु. तिया पावरोअ नाव मलखुस ओतो. 11ताहां ईसु पेत्राहा कोयो, “ताआ तारवाआ म्यानोम मिक. जो दुखोअ वाटकू आब्हे माहूं आप्युहू, केहें आंय तियाहा ने पिवें?”
हन्नाआ सामने ईसु
12ताहां रोमन तुकड़ीइ सिपायडां आन तियांआं आधिकारी आन यहुदीइ मंदिरोअ पावरहों ईसुहू तोइत कोइत बांदीत लेदू, 13आन पेल तियाहा हन्नाअ जागे लेत गोये, काहाके तो तिया वोरह्योअ डायु पुंजारु कैफाआ होवरुह्हू ओतू. 14ओ तोज कैफा ओतू, जिये यहुदीही सल्लू आप्युतो के आपाअ आखा माअहुंउं काजे एका माट्योअ मोइलाअ हाजो होय.
पेत्राअ पेहलु नाकार
(मत्तय 26:69,70; मार्क 14:66-68; लुक 22:55-57)
15शिमोन पेत्र आन एक बिहीरु सेलू बी ईसुउ फासाड़ी जाना वोल्या. ओ सेलू डाया पुंजाराआ ओलखातीइ ओतू, तियाहा काजे तो ईसुउ आरी डाया पुंजारकाआ राजवाड़ामेहें गोयू, 16पोन पेत्र बारथे बाओअ जागे उबू रोयू. ताहां तो बिहीरु सेलू जो डाया पुंजाराआ ओलखातीइ ओतू, बारथे निहींयू आन जागल्यीही कोत कोइत पेत्राहा मायते लेतायु. 17ते पावरीइं जे जागल्यी ओती, तियी पेत्राहा कोयो, “केहें तू बी या माहुंउं सेलामेर्युउ ते नाहां?”
तिये कोयो, “नाहां, आंय नाहां.”
18नोवकर आन पावर हियालाआ वोजेसे कोल्या पेटाड़ीत कोइत आगी हेकाअताते, आन पेत्र बी तियांअरी उबू रोत कोइत आगी हेकाअतुतो.
ईसुहू प्रश्न फुसनारु पुंजारु
(मत्तय 26:59-66; मार्क 14:55-64; लुक 22:66-71)
19ताहां डाये पुंजारे ईसुहू तियाआ सेलाअ बाप्तिम आन तियाआ हिकवणोअ बाप्तिमेहें प्रश्न फुशो. 20ईसु तियाहा उत्तर आप्यो, “आंय दुन्याआं विसमेहें आखाअरी खुल्लामखुल्ली गोठी कोअयी; आंय यहुदी आराधनालयोमेहें आन मंदिरोमेहें, जिहीं आखे यहुदी टोलू वोल्या कोअतेहे, सादा सिकाड़तू रोयु आन निकाड़ीत कोइत किज बी नाहां कोयो. 21तू माहूं काहा फुसेहे? उनाअनाराहां फुस के आंय तियांहां कि कोयोहो. पाल, तियांहां मुंदू होय के आंय कि कि कोयोहो.”
22जेहेलाम तिये ओं कोयो, ताहां मंदिरोअ पावरोमेर्येए एके जोएं जो तियाआ आहने उबू रोयुतो, ईसुहू थापुड़ देत कोइत कोयो, “तुमे पुंजाराहा एहेंकोइत उत्तर आपीइलोअ हिम्मत केहें कोइत कोअयी?”
23ईसु तियाहा उत्तर आप्यो, “जर आंय काविंहीं सुकीइ कोअयीय, ताहां तियी सुकीइ पुरावू आप; पोन जर आंय बोराबर कोयो, ताहां तु माहूं काहा देहे?”
24ताहां हन्ने तियाहा बांदल्युज कैफा डाया पुंजाराअ जागे मोकली देदू.
पेत्राआ बेन आन तिन वारी ईसुहू नाकारीइलो
(मत्तय 26:71-75; मार्क 14:69-72; लुक 22:58-62)
25शिमोन पेत्र उबू रोत आगी हेकाअतुतो. ताहां तियां तियाहा कोयो, “केहें तू बी तियाआ सेलामेर्युउ ते नाहां?”
तिये नाकारीत कोइत कोयो, “आंय नाहां.”
26डाया पुंजाराआ सेवकोमेर्युउ एक, जो तियाआ कुटूंबामेर्युउ ओतू जियाअ कान पेत्रे तोड़ीत टाक्युतो, कोयो, “केहें आंय ताहूं तियाअरी बोगिसामेहें नाहां देख्यू के?”
27यावाअहीं पेत्रे फाशोअ नाकारी देदो, आन तेहेलाम कुकड़े वाहीं देदो.
पिलातोअ सामने ईसु
(मत्तय 27:1,2,11-14; मार्क 15:1-5; लुक 23:1-5)
28ताहराअ ते ईसुहू कैफाआ जागे रोत राज्यपालोअ राजवाड़ाम लेत मोकल्यू, आन हांजेए वेल ओती, पोन ते सोताहा राज्यपालोअ राजवाडामेहें नाहां गोया काहाके एठा ने ओवुहूं जोवे पोन वल्हांडणोअ रोटू खात सेके. 29ताहां पिलात तियांआं जागे बारथे निहीत आयू आन कोयो, “तुमू या माट्यो पोअ कोड्ली गोठीइ गुनू लागाड़ताहा?”
30तियां तियाहा उत्तर आप्यो, “जर तो पापी ने रोतु ताहां आमू तियाहा ताआ आथोम ने होपता.”
31पिलाते तियांहां कोयो, “तुमूज याहा लेत जात कोइत तुमाआं कायदाअ पुरमाणे तियाआ न्याय कोआ.” यहुदी तियाहा कोयो,
“आमुहूं आधिकार नाहां के कोडाअ जिव लेंव.”
32ओं याअकाजे ओवयो के ईसुउ ते गोठी पुरी ओवुहूं जोवे जे तिये ओ इशारु कोइत कोयीते के तियाआ मोत कि कोइत ओवे.#18:32 योहान 3:14; 12:32
33ताहां पिलात फाशुउ राजवाड़ाअ मायते गोयू, आन ईसुहू हादीत कोइत तियाहा फुशो, “केहें तू यहुदीइ राजा होय?”
34ईसु उत्तर आप्यो, “केहें तू ए गोठ सोताहाज कोहे के बिहीरे माआं बाप्तिमेहें ताहूं ओं कोयोहो?”
35पिलाते उत्तर आप्यो, “केहें आंय यहुदी होय? ताआज जातीइ माअहूं आन मुख्य पुंजारा ताहूं माआ आथोम होप्युहू. तुमे कि कोअयोहो?”
36ईसु उत्तर आप्यो, “माआं राज यी दुन्याअ नाहां; जर माआं राज यी दुन्याअ रोतो, ताहां माआं सेवक लड़ाय कोअता के आंय यहुदीइ आथोम ने होपाअहूं जोवे: पोन माआं राज इंहींइं नाहां.”
37पिलाते तियाहा कोयो, “ताहां केहें तू राजा होय?” ईसु उत्तर आप्यो, “तू कोहे के आंय राजा होय. आंय याअकाजे जल्म लेदो आन याअकाजे दुन्याम आवयुहू के सत्याआ साक्शी आपो. जो कोडो सत्याआ होय, तो माआं शब्द उनाअहे.”
38पिलाते तियाहा कोयो, “सत्य कि होय?” ओं कोत कोइत तो फाशुउ यहुदीइ जागे निहीत आवयू आन तियांहां कोयो, “माहूं ते तियामेहें किज दोस नाहां देखाअतू. 39पोन तुमाआं ए रीत होय आंय वल्हांडण तिवारोम तुमाआं काजे एका माहुंहूं सोड़ी देंव. केहें तुमाआं इश्शा होय के आंय तुमाआं काजे यहुदीइ राजाहा सोड़ी देंव?”
40ताहरेए ते फाशेए आअड़ीत कोइत कोयो, “याहा नाहां, पोन आमाआं काजे बरब्बाहा सोड़ी दे.” आन बरब्बा डाखू ओतू.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.