Luke 5
5
Ledeukelu raitume de qukelu
1Nah ciciu eh, mina maadibe Jisu de nia lüt nah Tinggwang sam ngking kebam dau, nah pa Gennesaret rejaai#5:1 Gennesaret rejaai: cipaude zi keda ge cai Galilee jaaidi, nah Tiberias jaaidi de de qula. kungga sap kebam dau. 2Pa rejaai kungga liem kena kebam ngau, dede heka ketuimedung cikade mpetlu delwe penui helangdung hui bam. 3Pecai pa liem ket paube ga nlütlu, cide au Simon liem, nah pa pecu cide hangdeu gade manage kemdei gega ge tau lüt gai lo kie di. Pecai pa bamlu delwe liem gade maadibe de ledeu. 4Cu pa marang cangdi ge, pa Simon dage rangdi, “Dui cukgwacu gage liem taugai delwe nnui helangdung sam gailo samlu kerane.”#5:4 Lev 4:4-32 5Dede Simon keligai eh rangdi, “Kedibo, anui tingmui tuicang da, dede magede tuilu ma, dede n sam ziemne Ih helang samgai zie.” 6Penui samgai ge, penui heka kekiee ge samlu, nah penui langdung hak dizeu. 7Cine penui penui zangme liem keda ga keladungde gwang nghalo bagoi gai nah penui gwanglu eh liem kenana teipui lu, iciu eh penui duiga mlim miedi laidi. 8Dede Simon Peter cide ngau luge, Jisu pi ga keumie lu eh ranggai, “Rampaubo, ada de tetdilu, kedanemene Ih au kemau pei ge lu.” 9Kedanemene penui heka kekiee tuikelune pade nah pecu ngngwa kela leune, penui swagahdi, 10nah cinzwa eh Simon zangbe kena Zebedee napei kena James penai John de penai swagahdi. Cidau Jisu Simon dage rangdi, “Ngngi so; cu gade nang mina de tuidi zie da.” 11Penui penui liem kideu ga teu mpetlu ge, penui ma pelane gidi delwe Jisu cai suidi.
Kempame ge
12Pecai pa namdi ge ga bamge mpa süt kecume ge peda gwang. Pa Jisu de ngau luge pezu ngkum punglu, delwe pe dade pe nggia kie eh ranggai, “Rampaubo, nang nlungning liecai, nang acu teimci lubui lie.” 13Ge pa pe ba nzang pet pecu deu gai eh, ranggai, “A lungning da. Mci lu.” Nah zette kempa peda de gahdi. 14Pecai pa midage de rang helo pecu rangbeu, dede, “Mie eh nkatei ncu cingkupei de lialo delwe ncu teimci kelu ratak tei lulo, Moses ne aja kai kebeu rehi gade, penui dage zierang ge ziemne,” debeu.#Lev. 14:2-32 15Dede pe ha rang zang mtei kidi, nah mina hemaa disüt kecu pe keledeu sam kingnei zielie nah penui mateeidung teingkei zielie gwang ngkwalu. 16Dede pa nreu mide kegah nidung ga gwang eh kekie teibam dila.
Jisu kemnoime gede teikengkei
17Pecai cipau tingdau langnaige pa ledeu kebam dau, cika Phariseeme nah hezai keledeume bam, penui Galilee nah Judea namdidung nah Jerusalem gade gwang, nah mide tei ngkeilu kera Rampaube kengkieng pereu gala. 18Nah cika midung ge kemnoime gede zeu gage pwa gwang, nah penui pecu pwalüt Jisu dwa gage kaibeu kera peei bamdi. 19Penui mina maabe ziemne pecu pwa lüt kera lampui peeilu tadi ge, penui kireu rahanglu nah tei tiplu eh pecu pe zeu gage kaipwa minadung kakga, Jisu dwa gage kai. 20Penui kenlum ngau eh, pa rangdi, “Minabo, n maudung gibeu di delie.” 21Ge Phariseeme nah laisiukecime rang renia cuh eh, ranggai, “Rang kemsia kerang aide cauno? Tinggwang gwale cauge kemaugilu buino?” 22Dede Jisu penui lungcetdung de ci eh, sam keli nah penui dage rangdi, “Nnui daitei eh nnui mlung gade rang renia bam no? 23Daide be rang relui no, ‘N maudung gibeu dida’ de kecube mi ‘Cuhlu delwe tet lu’ de kecube no? 24Dede nnuide peu Mina Nabe kideu reuga kemaudung gilukebui pe kengkieng kebam cilu kerane lie,”, pa kemnoibe dage rangdi, “Ih n dage rangla, cuhlu, n zeu pwalu, delwe n kilung gwang cu.” 25Cine pa zette penui dwagade cuhlu, pa zeu kebam de pwalu nah Tinggwang de twa eh pe kilung gwangdi. 26Ge penui pelane penui swagahdi, nah penui Tinggwang de twadi, nah kengngi le puipung eh, ranggai, “Anui henai nreikei keteidung ge ngau da.”
Levi de qukelu
27Cu ma aidungde cai, pa hegwale tet mpet ge heraha kehame ge pezi Levi heraha keha paiki ga bam eh ngaulu, nah pa pe dage rangdi, “A caisuilu.” 28Cine pa maleune pütdi eh, nah pa cuhlu delwe pecai sui cuhdi.
29Pecai Levi taktyei kedige pe ki gage pe ziemne mteilu, nah cika heraha kehame hemaa kedi ge nah kedamedung de si eh penuide ngngwa tyei kera ntum bam. 30Dede Phariseeme nah penui laisiukecime pe caisuime dage ncam eh ranggai, “Daitei eh nnui heraha kehame nah kemaumedung de ngngwa matyei lano?” 31Ge Jisu sam keli nah penui dage rangdi, “Mina yi kebamme daru kecime de teu keratau gah, dede teei kebamme ziemne. 32Ih makesangme de qu kerane gwang melie, dede kemaume de helung nreulu lo qu kerane gwanglie.”
Jisu dade kemwang ha keteu
33Pecai penui pe dage rangdi, “John caisuime mmwang nah kekie teila, nah Phariseeme caisuimedung de cinzwa la. Dede n caisuimedung au tyei nah sak la kela delie.” 34Ge Jisu penui dage rangdi, “Nnui peu hemeu kehenuime de lakciube pei penuide ngngwa kebam dau mmwang bamdi lubui ni? 35Dede peting ge gwang zie, lakciube de penui dade ngngwa tetdi kera. Cidau, cipau tingdau penui mmwang zie.” 36Pecai pa samgwa ge de penui dage ranglia. “Migede, pai keheci ge gade hietlwe, cide pai kehegwa gage kopgai lama. Dede pa magade cide tei cai, pai keheci cide hak dizie, nah kehecibe gade hiet kelude de kehegwabe de zeulak. 37Nah migede zau keheci pwa zaula kehegwa gage kaila ma. Dede pa cinzwa tei cai, zau keheci dene teigeula de pungpang dizie, nah cide tangra dizie, nah teigeula de teimsia dizie. 38Dede zauci pwa teigeula keheci gage kaigai maisia. 39Migede, zau kehegwabe sak kelu cai, kehecibe sak neu lama, kedanemene pa ‘Kehegwabe yiki’ de rang lalu.”
ទើបបានជ្រើសរើសហើយ៖
Luke 5: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Luke 5
5
Ledeukelu raitume de qukelu
1Nah ciciu eh, mina maadibe Jisu de nia lüt nah Tinggwang sam ngking kebam dau, nah pa Gennesaret rejaai#5:1 Gennesaret rejaai: cipaude zi keda ge cai Galilee jaaidi, nah Tiberias jaaidi de de qula. kungga sap kebam dau. 2Pa rejaai kungga liem kena kebam ngau, dede heka ketuimedung cikade mpetlu delwe penui helangdung hui bam. 3Pecai pa liem ket paube ga nlütlu, cide au Simon liem, nah pa pecu cide hangdeu gade manage kemdei gega ge tau lüt gai lo kie di. Pecai pa bamlu delwe liem gade maadibe de ledeu. 4Cu pa marang cangdi ge, pa Simon dage rangdi, “Dui cukgwacu gage liem taugai delwe nnui helangdung sam gailo samlu kerane.”#5:4 Lev 4:4-32 5Dede Simon keligai eh rangdi, “Kedibo, anui tingmui tuicang da, dede magede tuilu ma, dede n sam ziemne Ih helang samgai zie.” 6Penui samgai ge, penui heka kekiee ge samlu, nah penui langdung hak dizeu. 7Cine penui penui zangme liem keda ga keladungde gwang nghalo bagoi gai nah penui gwanglu eh liem kenana teipui lu, iciu eh penui duiga mlim miedi laidi. 8Dede Simon Peter cide ngau luge, Jisu pi ga keumie lu eh ranggai, “Rampaubo, ada de tetdilu, kedanemene Ih au kemau pei ge lu.” 9Kedanemene penui heka kekiee tuikelune pade nah pecu ngngwa kela leune, penui swagahdi, 10nah cinzwa eh Simon zangbe kena Zebedee napei kena James penai John de penai swagahdi. Cidau Jisu Simon dage rangdi, “Ngngi so; cu gade nang mina de tuidi zie da.” 11Penui penui liem kideu ga teu mpetlu ge, penui ma pelane gidi delwe Jisu cai suidi.
Kempame ge
12Pecai pa namdi ge ga bamge mpa süt kecume ge peda gwang. Pa Jisu de ngau luge pezu ngkum punglu, delwe pe dade pe nggia kie eh ranggai, “Rampaubo, nang nlungning liecai, nang acu teimci lubui lie.” 13Ge pa pe ba nzang pet pecu deu gai eh, ranggai, “A lungning da. Mci lu.” Nah zette kempa peda de gahdi. 14Pecai pa midage de rang helo pecu rangbeu, dede, “Mie eh nkatei ncu cingkupei de lialo delwe ncu teimci kelu ratak tei lulo, Moses ne aja kai kebeu rehi gade, penui dage zierang ge ziemne,” debeu.#Lev. 14:2-32 15Dede pe ha rang zang mtei kidi, nah mina hemaa disüt kecu pe keledeu sam kingnei zielie nah penui mateeidung teingkei zielie gwang ngkwalu. 16Dede pa nreu mide kegah nidung ga gwang eh kekie teibam dila.
Jisu kemnoime gede teikengkei
17Pecai cipau tingdau langnaige pa ledeu kebam dau, cika Phariseeme nah hezai keledeume bam, penui Galilee nah Judea namdidung nah Jerusalem gade gwang, nah mide tei ngkeilu kera Rampaube kengkieng pereu gala. 18Nah cika midung ge kemnoime gede zeu gage pwa gwang, nah penui pecu pwalüt Jisu dwa gage kaibeu kera peei bamdi. 19Penui mina maabe ziemne pecu pwa lüt kera lampui peeilu tadi ge, penui kireu rahanglu nah tei tiplu eh pecu pe zeu gage kaipwa minadung kakga, Jisu dwa gage kai. 20Penui kenlum ngau eh, pa rangdi, “Minabo, n maudung gibeu di delie.” 21Ge Phariseeme nah laisiukecime rang renia cuh eh, ranggai, “Rang kemsia kerang aide cauno? Tinggwang gwale cauge kemaugilu buino?” 22Dede Jisu penui lungcetdung de ci eh, sam keli nah penui dage rangdi, “Nnui daitei eh nnui mlung gade rang renia bam no? 23Daide be rang relui no, ‘N maudung gibeu dida’ de kecube mi ‘Cuhlu delwe tet lu’ de kecube no? 24Dede nnuide peu Mina Nabe kideu reuga kemaudung gilukebui pe kengkieng kebam cilu kerane lie,”, pa kemnoibe dage rangdi, “Ih n dage rangla, cuhlu, n zeu pwalu, delwe n kilung gwang cu.” 25Cine pa zette penui dwagade cuhlu, pa zeu kebam de pwalu nah Tinggwang de twa eh pe kilung gwangdi. 26Ge penui pelane penui swagahdi, nah penui Tinggwang de twadi, nah kengngi le puipung eh, ranggai, “Anui henai nreikei keteidung ge ngau da.”
Levi de qukelu
27Cu ma aidungde cai, pa hegwale tet mpet ge heraha kehame ge pezi Levi heraha keha paiki ga bam eh ngaulu, nah pa pe dage rangdi, “A caisuilu.” 28Cine pa maleune pütdi eh, nah pa cuhlu delwe pecai sui cuhdi.
29Pecai Levi taktyei kedige pe ki gage pe ziemne mteilu, nah cika heraha kehame hemaa kedi ge nah kedamedung de si eh penuide ngngwa tyei kera ntum bam. 30Dede Phariseeme nah penui laisiukecime pe caisuime dage ncam eh ranggai, “Daitei eh nnui heraha kehame nah kemaumedung de ngngwa matyei lano?” 31Ge Jisu sam keli nah penui dage rangdi, “Mina yi kebamme daru kecime de teu keratau gah, dede teei kebamme ziemne. 32Ih makesangme de qu kerane gwang melie, dede kemaume de helung nreulu lo qu kerane gwanglie.”
Jisu dade kemwang ha keteu
33Pecai penui pe dage rangdi, “John caisuime mmwang nah kekie teila, nah Phariseeme caisuimedung de cinzwa la. Dede n caisuimedung au tyei nah sak la kela delie.” 34Ge Jisu penui dage rangdi, “Nnui peu hemeu kehenuime de lakciube pei penuide ngngwa kebam dau mmwang bamdi lubui ni? 35Dede peting ge gwang zie, lakciube de penui dade ngngwa tetdi kera. Cidau, cipau tingdau penui mmwang zie.” 36Pecai pa samgwa ge de penui dage ranglia. “Migede, pai keheci ge gade hietlwe, cide pai kehegwa gage kopgai lama. Dede pa magade cide tei cai, pai keheci cide hak dizie, nah kehecibe gade hiet kelude de kehegwabe de zeulak. 37Nah migede zau keheci pwa zaula kehegwa gage kaila ma. Dede pa cinzwa tei cai, zau keheci dene teigeula de pungpang dizie, nah cide tangra dizie, nah teigeula de teimsia dizie. 38Dede zauci pwa teigeula keheci gage kaigai maisia. 39Migede, zau kehegwabe sak kelu cai, kehecibe sak neu lama, kedanemene pa ‘Kehegwabe yiki’ de rang lalu.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.