Luke 4
4
Jisu de kehedei
1Pecai Jisu, Kemci Rabe le kepui tei eh, Jordan Reuki gade cailigwangdi, nah Rabe ne pecu renaamkang gage ngngwa gai, 2cikade zie riakdai ge herakesiabe ne pecu kedakdi. Cipau tingdau pa magede tyei ma, nah cidungde cangdi ge pa mzeu di. 3Ge herakesiabe pe dage rangdi, “Nang magade Tinggwang Nabe lie cai, aipau tsu de dage sam rang gailo iciude cide tangku kwak mmilu kerane.” 4Dede Jisu pecu keligai, “Kesanglaisiu ga ainzwa rau teula, ‘Mina tangku rünne le lungh gailak.’”#Hez. 8:3 5Pecai herakesiabe pecu ngngwa hangdi nah kideu ga hegwangramdung pelane pecu keulia gai peting kedui nage gage. 6Pecai herakesiabe pe dage rangdi, “Ih aipau pelane reu kengkieng nah penui kendu ncu peu zie, kedanemene cidungde acu pwapeu delu, nah Ih cide Ih peu keneume keheibede peu lubui. 7Cine, nang a dwa keumie acu reca cai, cidungde pelane n gu dizie.” 8Dede sam keli eh, Jisu pe dage rangdi, “Kesanglaisiu ga ainzwa rauteula, ‘Nang n Tinggwang Rampaube de reca zie, nah nang pe gwa rünne tei zie.’”#Hez. 6:13,14 9Pecai pa Jisu de Jerusalem ga ngngwa gwang lwe pecu peu kerecaki peureu hutu ga bamlu, delwe pe dage rangdi, “Nang Tinggwang Nabe liecai, aika de cak mie gai pielo. 10Kedanemene ainzwa rauteula,
‘Pa n ziemne tinggimgwame de ajadung kai gai zie, ncu gumlu kerane,’
11nah, ‘Penui ncu penui badung le pwa cuhlu zie,
iciu eh nang tangtsu gage n pi sam melu kerane.’”#Lei. 91:11,12
12Dede sam keli eh, Jisu pe dage rangdi, “Kesanglaisiu ga ainzwa rangla, ‘Nang n Rampaube Tinggwang de kehedei gage kailak.’”#Hez. 6:16
13Herakesiabe mdakkepie leune teicangdi ge, tingkak ke pe dade tetdi.
Nazareth gade Jisu de mlaikedi
14Ge Jisu Kemci Rabe kengkieng gade Galilee ga cailigwangdi, nah pe hadung twagwa kebam cuikui pelane ga rangpupbak ladi. 15Nah penui synagoguedung ga pa mide ledeu cuhdi, mteibena twa pung eh.
16Cu pa pecu nkwet cuh kecu nam, Nazareth ga gwanglu, nah pe zai ge nzwa, pa Sabbath benai synagogue ga lütlu, nah pa pei sahbak gai kera cuh saplu. 17Ge pecu caihakecibe Isaiah laisiudum#4:17 Caihakecibe Isaiah laisiudum: Isaiah cairasam raupwa bam aipau kwakde ga. de peu. Pa laisiudum letlu ge ainzwa rauteu kela de ngaulu,
18“Rampaube Rabe ada la,
kedanemene pa samliakeyi pwa kegahme de ledeu lo acu keniaklu.
Pa acu hebaangmedung de suirang paulia kera langgai,
nah miakcitme de peu mangaudailu kera,
nah tei kehereikelame de lungmpet kera,
19nah Rampaube suiyi mmi de sahgailu kerane.”#Isa. 58:6, Isa. 61:1-2
20Ge pa laisiudum hezuidi eh, hegwa tei kebambe de peu daidi, delwe bamdi. Cu synagogue ga kebam leune pecu pielingci bam kapdi. 21Pecai pa penui dage rang cuhdi, “Henai nnui kesiu gade Kesanglaisiu aide tei canglu da.” 22Nah mina pelane pecu twa kapti, nah pe mui gade ngaugia samdung rang kepet ziemne penui swagahdi, nah penui rangdi, “Aide Joseph napei meni?” 23Ge pa penui dage rangdi, “Nnui mi rangla samgwa aide a dage rangbi zie, ‘Daru kecibo, n katei ncu tei mmi lulo. Capernaum gade tei kecu anui kesiudung de n ram gade de cide kesiakge teigai lo.’” 24Dede pa rangdi, “Ih nnui dage rangsiakte liazie, caihakecime mige de de pekatei pe ram gade au yilie lula ma. 25Dede kesangsiakpe gade Ih nnui dage rangzeu, ndaa Elijah kelung tingdau Israel ga hemipui kekiee ge bamla, cidau mmi kecum eh kei herok ting ge ngkuidi, cidau hangdeu pelane reu ga herakum kumgwangdi.#4:25 1 Heg. 17:1, 18:1 26Dede Elijah de penui mige dage de langgai ma, Sidon cuikui ga kelung hemipui Zarephath dage gwale.#1 Heg. 17:9 27Nah caihakecibe Elisha tingdau Israel ga kempame kekiee la, dede penui migede de teimci beuma, dede Syriame pei Naaman de gwale.”#2 Heg. 5:1-14 28Ge penui sam aidungde siu luge synagogue ga kebam pelanene penui rata sütdi. 29Cine penui cuhlu, delwe pecu namceu gwale teu mpetdi, nah penui renam teipwa kebam kideutu reu hetiatu gage pecu ngngwa nghang di, iciu eh pecu cikade kelui gaidi kerane. 30Dede pa minadung kakgade zau eh, pa pe lampui le gwangdi.
Jisu ne herakesiabe de gwampet kedi
31Pecai pa Capernaum namdi ga nghungdi, Galilee deuzi ga, nah pa Sabbath benai penuide ledeu cuhdi. 32Nah penui pe keledeu sam ziemne penui swagahdi, kedanemene pe sam ga au kengkieng bam kecune. 33Cu synagogue ga mipei ge mcikemak rabe peda kela kauge bam, nah pa sahbak eh hap eh ranggai, 34“Ha! Nazareth Jisu nang anui de teu daipai teilai? Nang anuide ngkapdi zielie gwang lani? Nang caubi Ih cibam, Tinggwang Kemcibe lie!” 35Nah Jisu pecu kesiu eh ranggai, “Zing dedi, nah pe dade mpetdi!” Iciu ge herakesiabe minabe de keling mie minadung kakgage kaidi, delwe pecu teikeherei mezing eh, pa pe dade mpetdi. 36Cine penui pelane penui swagahdi, nah ket ket dage rang eh, ranggai, “Aide dai sam no, pa aja nah kengkieng teu eh mcikemak rabedung de lang mpet nah penui mpetdi zeu kecu?” 37Cine cuikui twagwapung kebam pelane ga pe ha rang gwangdi.
Jisu mina kekiee ge de teikengkei
38Pecai pa cuhlwe synagogue gade tet di, nah pa Simon ki ga lütlu. Simon nai mra eh mateei süt bam, cine pe ziemne pe dade penui nggia kiedi. 39Cine pa pe taiga saplwe kemra de kesiugai ge cide pecu pütdi, iciu ge pa zette cuhlwe penui gwatei cuhdi.
40Cu tingnaimiak nlwetdi lai kezeu dau, keheibe de mra eh mateei ketsamtsam kebam leunedung de peda penuide ngngwa gwang beu, nah pa cidung ket ket reu gage pe ba hwagai, delwe penuide tei ngkeibeu bamdi. 41Nah herakesiabedung de penui kekiee ge dade mpetlu nah sahbak eh ranggai, “Nang au Tinggwang Nabe da!” Dede pa penuide kesiudi delwe peu penuide marang tadi, kedanemene penui pa Khrista kecu ci kedine.
42Tingbalu ge, pa tetpwa heni mi kegah ga miedi, dede mina maabe pecu pei ladi nah peda gwanglu, nah pecu penui dade tetdi helo kaam kera teidi. 43Dede pa penui dage rangdi, “Ih Tinggwang hegwangram samliakeyi teu namdi kedadung gade ledeu maisia, kedanemene aipau kiede ziemne acu langgailu.”
44Pecai pa Judea deuceu ga synagoguedung ga ledeu jüja ladi.
ទើបបានជ្រើសរើសហើយ៖
Luke 4: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Luke 4
4
Jisu de kehedei
1Pecai Jisu, Kemci Rabe le kepui tei eh, Jordan Reuki gade cailigwangdi, nah Rabe ne pecu renaamkang gage ngngwa gai, 2cikade zie riakdai ge herakesiabe ne pecu kedakdi. Cipau tingdau pa magede tyei ma, nah cidungde cangdi ge pa mzeu di. 3Ge herakesiabe pe dage rangdi, “Nang magade Tinggwang Nabe lie cai, aipau tsu de dage sam rang gailo iciude cide tangku kwak mmilu kerane.” 4Dede Jisu pecu keligai, “Kesanglaisiu ga ainzwa rau teula, ‘Mina tangku rünne le lungh gailak.’”#Hez. 8:3 5Pecai herakesiabe pecu ngngwa hangdi nah kideu ga hegwangramdung pelane pecu keulia gai peting kedui nage gage. 6Pecai herakesiabe pe dage rangdi, “Ih aipau pelane reu kengkieng nah penui kendu ncu peu zie, kedanemene cidungde acu pwapeu delu, nah Ih cide Ih peu keneume keheibede peu lubui. 7Cine, nang a dwa keumie acu reca cai, cidungde pelane n gu dizie.” 8Dede sam keli eh, Jisu pe dage rangdi, “Kesanglaisiu ga ainzwa rauteula, ‘Nang n Tinggwang Rampaube de reca zie, nah nang pe gwa rünne tei zie.’”#Hez. 6:13,14 9Pecai pa Jisu de Jerusalem ga ngngwa gwang lwe pecu peu kerecaki peureu hutu ga bamlu, delwe pe dage rangdi, “Nang Tinggwang Nabe liecai, aika de cak mie gai pielo. 10Kedanemene ainzwa rauteula,
‘Pa n ziemne tinggimgwame de ajadung kai gai zie, ncu gumlu kerane,’
11nah, ‘Penui ncu penui badung le pwa cuhlu zie,
iciu eh nang tangtsu gage n pi sam melu kerane.’”#Lei. 91:11,12
12Dede sam keli eh, Jisu pe dage rangdi, “Kesanglaisiu ga ainzwa rangla, ‘Nang n Rampaube Tinggwang de kehedei gage kailak.’”#Hez. 6:16
13Herakesiabe mdakkepie leune teicangdi ge, tingkak ke pe dade tetdi.
Nazareth gade Jisu de mlaikedi
14Ge Jisu Kemci Rabe kengkieng gade Galilee ga cailigwangdi, nah pe hadung twagwa kebam cuikui pelane ga rangpupbak ladi. 15Nah penui synagoguedung ga pa mide ledeu cuhdi, mteibena twa pung eh.
16Cu pa pecu nkwet cuh kecu nam, Nazareth ga gwanglu, nah pe zai ge nzwa, pa Sabbath benai synagogue ga lütlu, nah pa pei sahbak gai kera cuh saplu. 17Ge pecu caihakecibe Isaiah laisiudum#4:17 Caihakecibe Isaiah laisiudum: Isaiah cairasam raupwa bam aipau kwakde ga. de peu. Pa laisiudum letlu ge ainzwa rauteu kela de ngaulu,
18“Rampaube Rabe ada la,
kedanemene pa samliakeyi pwa kegahme de ledeu lo acu keniaklu.
Pa acu hebaangmedung de suirang paulia kera langgai,
nah miakcitme de peu mangaudailu kera,
nah tei kehereikelame de lungmpet kera,
19nah Rampaube suiyi mmi de sahgailu kerane.”#Isa. 58:6, Isa. 61:1-2
20Ge pa laisiudum hezuidi eh, hegwa tei kebambe de peu daidi, delwe bamdi. Cu synagogue ga kebam leune pecu pielingci bam kapdi. 21Pecai pa penui dage rang cuhdi, “Henai nnui kesiu gade Kesanglaisiu aide tei canglu da.” 22Nah mina pelane pecu twa kapti, nah pe mui gade ngaugia samdung rang kepet ziemne penui swagahdi, nah penui rangdi, “Aide Joseph napei meni?” 23Ge pa penui dage rangdi, “Nnui mi rangla samgwa aide a dage rangbi zie, ‘Daru kecibo, n katei ncu tei mmi lulo. Capernaum gade tei kecu anui kesiudung de n ram gade de cide kesiakge teigai lo.’” 24Dede pa rangdi, “Ih nnui dage rangsiakte liazie, caihakecime mige de de pekatei pe ram gade au yilie lula ma. 25Dede kesangsiakpe gade Ih nnui dage rangzeu, ndaa Elijah kelung tingdau Israel ga hemipui kekiee ge bamla, cidau mmi kecum eh kei herok ting ge ngkuidi, cidau hangdeu pelane reu ga herakum kumgwangdi.#4:25 1 Heg. 17:1, 18:1 26Dede Elijah de penui mige dage de langgai ma, Sidon cuikui ga kelung hemipui Zarephath dage gwale.#1 Heg. 17:9 27Nah caihakecibe Elisha tingdau Israel ga kempame kekiee la, dede penui migede de teimci beuma, dede Syriame pei Naaman de gwale.”#2 Heg. 5:1-14 28Ge penui sam aidungde siu luge synagogue ga kebam pelanene penui rata sütdi. 29Cine penui cuhlu, delwe pecu namceu gwale teu mpetdi, nah penui renam teipwa kebam kideutu reu hetiatu gage pecu ngngwa nghang di, iciu eh pecu cikade kelui gaidi kerane. 30Dede pa minadung kakgade zau eh, pa pe lampui le gwangdi.
Jisu ne herakesiabe de gwampet kedi
31Pecai pa Capernaum namdi ga nghungdi, Galilee deuzi ga, nah pa Sabbath benai penuide ledeu cuhdi. 32Nah penui pe keledeu sam ziemne penui swagahdi, kedanemene pe sam ga au kengkieng bam kecune. 33Cu synagogue ga mipei ge mcikemak rabe peda kela kauge bam, nah pa sahbak eh hap eh ranggai, 34“Ha! Nazareth Jisu nang anui de teu daipai teilai? Nang anuide ngkapdi zielie gwang lani? Nang caubi Ih cibam, Tinggwang Kemcibe lie!” 35Nah Jisu pecu kesiu eh ranggai, “Zing dedi, nah pe dade mpetdi!” Iciu ge herakesiabe minabe de keling mie minadung kakgage kaidi, delwe pecu teikeherei mezing eh, pa pe dade mpetdi. 36Cine penui pelane penui swagahdi, nah ket ket dage rang eh, ranggai, “Aide dai sam no, pa aja nah kengkieng teu eh mcikemak rabedung de lang mpet nah penui mpetdi zeu kecu?” 37Cine cuikui twagwapung kebam pelane ga pe ha rang gwangdi.
Jisu mina kekiee ge de teikengkei
38Pecai pa cuhlwe synagogue gade tet di, nah pa Simon ki ga lütlu. Simon nai mra eh mateei süt bam, cine pe ziemne pe dade penui nggia kiedi. 39Cine pa pe taiga saplwe kemra de kesiugai ge cide pecu pütdi, iciu ge pa zette cuhlwe penui gwatei cuhdi.
40Cu tingnaimiak nlwetdi lai kezeu dau, keheibe de mra eh mateei ketsamtsam kebam leunedung de peda penuide ngngwa gwang beu, nah pa cidung ket ket reu gage pe ba hwagai, delwe penuide tei ngkeibeu bamdi. 41Nah herakesiabedung de penui kekiee ge dade mpetlu nah sahbak eh ranggai, “Nang au Tinggwang Nabe da!” Dede pa penuide kesiudi delwe peu penuide marang tadi, kedanemene penui pa Khrista kecu ci kedine.
42Tingbalu ge, pa tetpwa heni mi kegah ga miedi, dede mina maabe pecu pei ladi nah peda gwanglu, nah pecu penui dade tetdi helo kaam kera teidi. 43Dede pa penui dage rangdi, “Ih Tinggwang hegwangram samliakeyi teu namdi kedadung gade ledeu maisia, kedanemene aipau kiede ziemne acu langgailu.”
44Pecai pa Judea deuceu ga synagoguedung ga ledeu jüja ladi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.