John 19
19
Jisu de gwak dilo sam peukegai
1Ciziemne Pilate Jisu de teulwe dapdi. 2Reugwame hetu peurwa ge daklu. Penui cide Jisu peu gage kaigai nah pecu pai giezam kecuge peu kailu. 3Penui peda gwang delwe rangdi, “Jewme Gwangbe, ngkieng kelube tei lulo!” nah penui pecu kepeu. 4Ipaucai Pilate nlipet dai nah penui dade rangdi, “Pielo, Ih Pecu hegwale nnui da teu pet peu la lie iciu eh Ih au pemau gede pe dade ngaulu melie kecu nnui cilu kerane.” 5Cine Jisu hegwale petlu, hetu peurwa de punglu nah pai giezam kecuge balu eh. Pilate penui dade rangdi, “Ainie, aika minabe!” 6Ciziemne cingku kedime nah kedimedung Jisu de ngau luge, penui sahbak eh, ranggai, “Pecu gwakdi, pecu gwakdi!” Pilate penui dade rangdi, “Nnuikatei pecu ngngwalu delwe gwakdi lulo, kedanemene Ih au peda kemau gede ngaulu melie.” 7Jewmedung pecu keligai, “Anui hezai ge bam, nah cipau zai rehi gade pa tsai kerabe lie kedanemene pa Tinggwang Nabe lie rang kelane.”#Lev. 24:16 8Ciziemne Pilate sam aide siulu ge, pa ngngi gwadi, 9nah pa sorkari kidung ga nli lwetlu delwe Jisu dade rangdi, “Nang dai gade gwang no?” Dede Jisu pecu samli gede rang beu ma. 10Pecai Pilate pe dage rang, “Nang a dage magede rang lak ni? Nang ci meni ncu lungmpetlu kera Ih kengkieng kebam, nah ncu gwak dilu kera Ih kengkieng kebam?” 11Jisu pecu keligai, “Nreule de ncu kepeude gwale nang a reu kengkieng magede gah. Ciziemne, acu tui pwa n baga ge kai kebeube pemau hungki dida.” 12Kelikegai aide gade, Pilate pecu lungmpetdi kera tei, dede Jewme reu kedime sahbak eh, ranggai, “Nang mina aipaude de lungmpetdi cai, nang Caesar zangme melie. Mileune de pekatei pecu hegwang lie kecume au Caesar de ngaukerau sam rangla lie.” 13Pilate sam aidungde siulu ge, pa Jisu de ngngwa mpetlu delwe tutiak bam ga bamlu “Tsukwa,” de eh qu kela heni ga, dede Hebrewme let gade, “Gabbatha de qu la.” 14Cidau Kahkegwang Ngyi ziemne telei kecu tingdi, tingna ting dauge. Pilate Jewme dade rangdi, “Ainie, aika nnui gwangbe!” 15Dede penui sahbak eh, “Pecu ngngwa tetdi, pecu ngngwa tetdi; pecu gwakdi!” Pilate penui dade rangdi, “Ih nnui Hegwangpei de gwakdi zieni?” Cingku kedimedung keligai, “Caesar gwale anui hegwang gah.” 16Ciziemne Pilate pecai Jisu de penui ba gage kai beudi gwakdi kerane. Cine penui Jisu de ngngwalu delwe pecu teu tetdi.
Gwakkedi
17Jisu pekatei pe krus teu pwalwe tetpet di, “Mipeura Bam” de qukela heni ge, cide Hebrewme let gade cai, “Golgotha” de qula. 18Penui cikage Jisu de gwakdi, nah pecu ngngwa mipei hangna de si, tuna na lam hange ge, nah Jisu de sum gage. 19Dede Pilate marehi ge de raulu delwe krus reu gage cide kaigai. Cika ge rau pwa kebam: NAZARETHME JISU, JEWME GWANGBE. 20Ciziemne, Jewme kekiee ge raukenzeu aide pei kedanemene Jisu de gwak kedi ni de namdi kemna ga kebamne. Marehi de Hebrew gade, Latin gade, nah Greek gade rau pwabam. 21Pecai Jewme cingku kedimedung Pilate dade rangdi, “ ‘Jewme Gwangbe,’ de kecu rau so, dede, ‘Cipau peide ranggai, “Ih au Jewme Gwangbe.”’” 22Pilate keligai, “Ih rau kedibe Ih rau dida.”
23Pecai, reugwamedung Jisu de gwak kedi dau, penui pe painidung keulu delwe cidung de zi mdai tei eh mzilu, reugwame hangge ziemne zige ge eh; nah ncwa de. Cu ncwa de pe herui ga, pe peule de dakmie pe pile kecang. 24Pecai penui hangge ge dade rangdi, “Anui cide hietdi melugo, meliene cide ziemne anui dacak piego cide caube gu zie bi kedetlu kerane.” Aide teigai iciu eh kesanglaisiu kerangde teicang lu kerane,
“Penui kak gade penui a painidung mzi,
nah a paini ziemne dacak tei.”
Ciziemne, regwamedung aide tei.#Lei. 22:18 25Cu Jisu krus taiga sap kebam caige pe pui, nah pe pui caihereibe pui, Clopas nau Mary, nah Mary Magdalene. 26Jisu pe pui nah pa ku kela caisuibe de ipau taiga sap kebam ngaulu ge, pa pe pui dage rangdi, “Mipoe, pielo, n napei de!” 27Pecai pa ledeukelube dade rangdi, “Pielo, N pui de!” Cipauting gade ledeukelube pekatei peki ga pecu ngngwa gwangdi.
Jisu tsit
28Ipaucai, ma pelane teicang kedi ci luge nah iciu eh kesanglaisiu de peu canglu kera ziemne, Jisu rangdi, “Ih hereu dida.” 29Mabungge zau kehia pui kebam cika ge kaipwa bam, cine penui kenlünpai zau kehia pui kebam de hyssop tie gage kailu nah cide pwacuh pe mui gage kai.#Lei. 69:21 30Jisu zau kehia de saklu ge, pa rangdi, “Cide cang dida.” Pecai pa pe peu keumie nah pe rabe mpüt gaidi.#Luk. 23:46, Mrk. 15:37
31Pecai Jewmedung, teleikecu tingba di kecu ziemne, nah iciu eh Sabbath benai hepaaudung peu krus reuga bam melu kera ziemne (kedanemene cipau Sabbath de au tingba kedi ge kecune), Pilate dade penui pi dapcum di kera nah penuide keudi kera kielu. 32Pecai reugwamedung gwang eh Jisu de ngngwa kegwak kenana pi dapcum di. 33Dede penui Jisu da kegwang dau, pa au tsaibam kedi penui ngaulu, cine penui pe pi teicum tadi. 34Iciuliede, reugwame ge hengei le pe mbie gage reugai, nah zette hejai nah dui lwa pet. 35Aide ngau kelube zierang teigai, nah pe zierang kesang lie. Pa kesangbe rang lie kecu pa cibam, iciu eh nnuide de peu nlumlu kera ziemne. 36Kedanemene aidungde teikelu kesanglaisiu de teicang lu kerane, “Peu pe ra gede teicum dilak.” 37Pecaide, kesanglaisiu kedage rangla, “Penui reu kedibe de penui pie zie.”#Zec. 12:10
Jisu de kehung
38Aidungde cai, Arimatheame pei Joseph, Jisu caisuime ge (dede Jewme de kehing ziemne mbai eh lala), pa Jisu paau pwalu zielie eh Pilate dade kie. Pilate pecu pwalu lo beu. Cine Joseph gwanglu delwe pe pau pwa tetdi. 39Nicodemus de gwanglu, pa kerai dau Jisu da tingmui ne kegwangbe de. Pa myrrh nah aloe kaincüt kecu, perüt litra haige#19:39 Litra haige Kilogram camrei kenzwa ge. kenzwage pwagwang. 40Cine penai Jisu paau pwalu delwe marim kehengui pütlwe langcim pai gage kezuilu, Jewme hepau kung kecu zai de nzwa eh. 41Cu pecu gwak kedi nide ga hegurie ge bam; nah hegurie de ga migede de kung kemak herau keheci ge bam. 42Ciziemne, Jewme ziemne ketelei tingba kedi ziemne nah kedanemene herau kemna ga kebam ne, penai Jisu pau cika ge kaidi.
ទើបបានជ្រើសរើសហើយ៖
John 19: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
John 19
19
Jisu de gwak dilo sam peukegai
1Ciziemne Pilate Jisu de teulwe dapdi. 2Reugwame hetu peurwa ge daklu. Penui cide Jisu peu gage kaigai nah pecu pai giezam kecuge peu kailu. 3Penui peda gwang delwe rangdi, “Jewme Gwangbe, ngkieng kelube tei lulo!” nah penui pecu kepeu. 4Ipaucai Pilate nlipet dai nah penui dade rangdi, “Pielo, Ih Pecu hegwale nnui da teu pet peu la lie iciu eh Ih au pemau gede pe dade ngaulu melie kecu nnui cilu kerane.” 5Cine Jisu hegwale petlu, hetu peurwa de punglu nah pai giezam kecuge balu eh. Pilate penui dade rangdi, “Ainie, aika minabe!” 6Ciziemne cingku kedime nah kedimedung Jisu de ngau luge, penui sahbak eh, ranggai, “Pecu gwakdi, pecu gwakdi!” Pilate penui dade rangdi, “Nnuikatei pecu ngngwalu delwe gwakdi lulo, kedanemene Ih au peda kemau gede ngaulu melie.” 7Jewmedung pecu keligai, “Anui hezai ge bam, nah cipau zai rehi gade pa tsai kerabe lie kedanemene pa Tinggwang Nabe lie rang kelane.”#Lev. 24:16 8Ciziemne Pilate sam aide siulu ge, pa ngngi gwadi, 9nah pa sorkari kidung ga nli lwetlu delwe Jisu dade rangdi, “Nang dai gade gwang no?” Dede Jisu pecu samli gede rang beu ma. 10Pecai Pilate pe dage rang, “Nang a dage magede rang lak ni? Nang ci meni ncu lungmpetlu kera Ih kengkieng kebam, nah ncu gwak dilu kera Ih kengkieng kebam?” 11Jisu pecu keligai, “Nreule de ncu kepeude gwale nang a reu kengkieng magede gah. Ciziemne, acu tui pwa n baga ge kai kebeube pemau hungki dida.” 12Kelikegai aide gade, Pilate pecu lungmpetdi kera tei, dede Jewme reu kedime sahbak eh, ranggai, “Nang mina aipaude de lungmpetdi cai, nang Caesar zangme melie. Mileune de pekatei pecu hegwang lie kecume au Caesar de ngaukerau sam rangla lie.” 13Pilate sam aidungde siulu ge, pa Jisu de ngngwa mpetlu delwe tutiak bam ga bamlu “Tsukwa,” de eh qu kela heni ga, dede Hebrewme let gade, “Gabbatha de qu la.” 14Cidau Kahkegwang Ngyi ziemne telei kecu tingdi, tingna ting dauge. Pilate Jewme dade rangdi, “Ainie, aika nnui gwangbe!” 15Dede penui sahbak eh, “Pecu ngngwa tetdi, pecu ngngwa tetdi; pecu gwakdi!” Pilate penui dade rangdi, “Ih nnui Hegwangpei de gwakdi zieni?” Cingku kedimedung keligai, “Caesar gwale anui hegwang gah.” 16Ciziemne Pilate pecai Jisu de penui ba gage kai beudi gwakdi kerane. Cine penui Jisu de ngngwalu delwe pecu teu tetdi.
Gwakkedi
17Jisu pekatei pe krus teu pwalwe tetpet di, “Mipeura Bam” de qukela heni ge, cide Hebrewme let gade cai, “Golgotha” de qula. 18Penui cikage Jisu de gwakdi, nah pecu ngngwa mipei hangna de si, tuna na lam hange ge, nah Jisu de sum gage. 19Dede Pilate marehi ge de raulu delwe krus reu gage cide kaigai. Cika ge rau pwa kebam: NAZARETHME JISU, JEWME GWANGBE. 20Ciziemne, Jewme kekiee ge raukenzeu aide pei kedanemene Jisu de gwak kedi ni de namdi kemna ga kebamne. Marehi de Hebrew gade, Latin gade, nah Greek gade rau pwabam. 21Pecai Jewme cingku kedimedung Pilate dade rangdi, “ ‘Jewme Gwangbe,’ de kecu rau so, dede, ‘Cipau peide ranggai, “Ih au Jewme Gwangbe.”’” 22Pilate keligai, “Ih rau kedibe Ih rau dida.”
23Pecai, reugwamedung Jisu de gwak kedi dau, penui pe painidung keulu delwe cidung de zi mdai tei eh mzilu, reugwame hangge ziemne zige ge eh; nah ncwa de. Cu ncwa de pe herui ga, pe peule de dakmie pe pile kecang. 24Pecai penui hangge ge dade rangdi, “Anui cide hietdi melugo, meliene cide ziemne anui dacak piego cide caube gu zie bi kedetlu kerane.” Aide teigai iciu eh kesanglaisiu kerangde teicang lu kerane,
“Penui kak gade penui a painidung mzi,
nah a paini ziemne dacak tei.”
Ciziemne, regwamedung aide tei.#Lei. 22:18 25Cu Jisu krus taiga sap kebam caige pe pui, nah pe pui caihereibe pui, Clopas nau Mary, nah Mary Magdalene. 26Jisu pe pui nah pa ku kela caisuibe de ipau taiga sap kebam ngaulu ge, pa pe pui dage rangdi, “Mipoe, pielo, n napei de!” 27Pecai pa ledeukelube dade rangdi, “Pielo, N pui de!” Cipauting gade ledeukelube pekatei peki ga pecu ngngwa gwangdi.
Jisu tsit
28Ipaucai, ma pelane teicang kedi ci luge nah iciu eh kesanglaisiu de peu canglu kera ziemne, Jisu rangdi, “Ih hereu dida.” 29Mabungge zau kehia pui kebam cika ge kaipwa bam, cine penui kenlünpai zau kehia pui kebam de hyssop tie gage kailu nah cide pwacuh pe mui gage kai.#Lei. 69:21 30Jisu zau kehia de saklu ge, pa rangdi, “Cide cang dida.” Pecai pa pe peu keumie nah pe rabe mpüt gaidi.#Luk. 23:46, Mrk. 15:37
31Pecai Jewmedung, teleikecu tingba di kecu ziemne, nah iciu eh Sabbath benai hepaaudung peu krus reuga bam melu kera ziemne (kedanemene cipau Sabbath de au tingba kedi ge kecune), Pilate dade penui pi dapcum di kera nah penuide keudi kera kielu. 32Pecai reugwamedung gwang eh Jisu de ngngwa kegwak kenana pi dapcum di. 33Dede penui Jisu da kegwang dau, pa au tsaibam kedi penui ngaulu, cine penui pe pi teicum tadi. 34Iciuliede, reugwame ge hengei le pe mbie gage reugai, nah zette hejai nah dui lwa pet. 35Aide ngau kelube zierang teigai, nah pe zierang kesang lie. Pa kesangbe rang lie kecu pa cibam, iciu eh nnuide de peu nlumlu kera ziemne. 36Kedanemene aidungde teikelu kesanglaisiu de teicang lu kerane, “Peu pe ra gede teicum dilak.” 37Pecaide, kesanglaisiu kedage rangla, “Penui reu kedibe de penui pie zie.”#Zec. 12:10
Jisu de kehung
38Aidungde cai, Arimatheame pei Joseph, Jisu caisuime ge (dede Jewme de kehing ziemne mbai eh lala), pa Jisu paau pwalu zielie eh Pilate dade kie. Pilate pecu pwalu lo beu. Cine Joseph gwanglu delwe pe pau pwa tetdi. 39Nicodemus de gwanglu, pa kerai dau Jisu da tingmui ne kegwangbe de. Pa myrrh nah aloe kaincüt kecu, perüt litra haige#19:39 Litra haige Kilogram camrei kenzwa ge. kenzwage pwagwang. 40Cine penai Jisu paau pwalu delwe marim kehengui pütlwe langcim pai gage kezuilu, Jewme hepau kung kecu zai de nzwa eh. 41Cu pecu gwak kedi nide ga hegurie ge bam; nah hegurie de ga migede de kung kemak herau keheci ge bam. 42Ciziemne, Jewme ziemne ketelei tingba kedi ziemne nah kedanemene herau kemna ga kebam ne, penai Jisu pau cika ge kaidi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.