Bata 1
1
Jisu de Tinggim ga teucuh kedi
1Theophilus, Ih laisiukwak keraibe#1:1 Ih laisiukwak keraibe: Luke ne raukegai samliakeyi. gage, Jisu pe ta tei cuhdi kecu nah ledeu kegaidung de peciakne Ih raugai dida, 2pecu ngngwa nghangdi kecu tingba kecang, pa Kemci Rabe gade pa ne kedetkelu langkegaimedung dage ajadung peu kedicai. 3Pe tsitcai, pa ring kebam, nlumlu kebui batadung kekiee ge gade penui dage pecu liagai. Zie riakdai ge penuide peu pecu ngaugai, nah pa Tinggwang hegwangram ha ranglia gai. 4Piage penui ngngwa matyei kebam dau, pa penuide aja kaigai, “Jerusalem pütdi so, Ih nnuide pedwa rang kebeu nzwa, peibe sampet kebeu mapeu de langgai beu kemaktane kwa bamlu.#1:4 Luk. 24:49 5John dui le mide duipum tei, dede zie kiee kemakcai nnuide Kemci Rabe gade duipum tei dizie.”#1:5 Mat. 3:11
6Langkegaimedung ngkwa ncüt keludau, penui Jisu de keteugai, “Rampaubo, nang Israel de hegwangram peu dai kera aipau ting de deni?” 7Dede Pa penui dage rangdi, “Peibe pe kengkieng gade peting mede pehidung riempwa kebamde nnui ci kerane ma. 8Dede Kemci Rabe nnui da gwang lude, nnui kengkieng ngau luzie nah nnui Jerusalem, Judea nah Samaria pelane ga nah kideu penli ga kecang a zierang teizie.” 9Pa aidungde rang kedicai, penui ngangcuh pie kebamdau, pecu ngngwa cuhdi, nah hemwa gene penui miakngau gade pecu sung teudi.#1:9 Lei. 47:5 10Pa nghang kecu penui tinggimle pie lingci eh kebamdau, zette, mi hangna penai nia keha teulwe penui taiga sapdi. 11Penai rangdi, “Galileeme peidung, daitei nnui tinggim pie eh sap bamno? Nnui dade tinggim ga ngngwa nghang kedi Jisu aipaude, pa tinggim nghang kedi nnui kengau kesiakge cailigwang daizie.”
Judas bam leu kera Mathias de kedetkelu.
12Pecai penui Olive lie qu kela lamlwa gade Jerusalem namdi ga cailigwanglu, cide Jerusalem namdi taiga, Sabbath naige beuh dei ge.#1:12 Sabbath naige beu tie ge: Kilometer ge dei ge 13Penui namdi ga gwang luge, penui kebam kibung nreube de ga nghanglu, Peter penai John, nah James penai Andrew, Philip penai Thomas, Bartholomew penai Matthew, Alphaeus napei James penai Zealot lie kela Simon, nah James napei Judas. 14Penui pelane ngngwa ket tei eh kekie tei bamla, mipuime nah Jisu pui Mary, nah Jisu sinamedung de si eh.
15Cipau tingdau#1:15 Cipau tingdau: Aide Jisu tinggim nghang kedicai nah Pentecost tingba kakde de rangbam. Peter sinamedung kakga saplu, (mina ngkwa kebam pelane ge 120 kenzwage) delwe Peter rangdi, 16“Mipeimedung, sinamedung, Kemci Rabe ne David mui gade Judas, Jisu de ketuime de saulia kebeube ha rangkenzeu de kesanglaisiu ga teicang maisiadi.#1:16 Lei. 41:9 17Kedanemene Judas anui kakga peupei hangge nah aipau zierangta dega pade pe qwabam.” 18(Aipau peide pe ta kesia gade rangkang ngau kelude teu luh ge luilu, nah cikade pa tsaidi. Pe peu taksu hia rai nah pe za pangpop gai eh pe lungnetdung mpet ciaudi. 19Aide Jerusalem ga kelunghme pelane de ci gwangdi, cine penui cipau luh de “Akeldama,” de penui let gade qudi, cide pekie “Hejai Luh.”) 20“Kedanemene cide Leidung Laisiukwak ga raupwala,
‘Peu aipau luh de mta dilu,
Nah migede depeu cika lungh so,’#1:20 Lei. 69:25 nah
‘Peu mi kedage depeu pe muiteubam ga bam dilu.’#1:20 Lei. 109:8
21Cine anui Rampaube Jisu de ngngwa kegwang kemie leune ga anuide nzang kelame hangge maisia, 22John duipum ketei gade gwang anui dade pecu ngngwa nghang kedi benai kecang—aidungde gade mige anuide ngngwa pa ringcuh kedi zierang tei maisia.” 23Cine penui mi hangna de kedetlu, Barsabbas lie qukela Joseph, pecu Justus liede qula nah Matthias. 24Cine kekie teilu eh, penui rangdi, “Rampaubo, nang mileune mlung ci, cine aipau kena kakgade nang caube de kedetlubi kecu lialo 25aipau zierangta ga nah langkegaita ga Judas, pe saja bam gage tetgai kedibe bam leulu kerane.” 26Penai ziemne penui dacak tei, nah dacak Matthias reuga gwangdi, cine pecu langkegaime kereieket baude silu.
ទើបបានជ្រើសរើសហើយ៖
Bata 1: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
