Job Ulongulelu
Ulongulelu
Chitabu achi cha Ayubu chikuhimulila milandu ya mundu yavelili akumdadavila Chapanga na mundu goleki yapatili gobuleku ngomi, lakini mundu ayu agolili ha sambi kwa Chapanga kwa fila fimfumbukili (Job 1:22). Kwahela mundu yamanyili kucha ghani yayandikili chitabu achi, awu chiyandikiwa pandili. Hata naha yikuwoneka Ayubu ayikalili chipindi chila vala yivakandili kwikala mlima wa Isilaeli chipindi cha Ibulahimu, nongwa Ayubu aveli na myaka mya na milongu mchechi. Yivapwembukili mumilandu ya Bibiliya vakwihola ha kucha Ayubu ndi yayandikili chitabu achi. Yikuwoneka muyandika wingi yangajila kumanyika awonili finofu kuvamanyisha vandu vengi himusi ayi, kwanongwa ayi ayandikili.
Chitabu achi cha Ayubu chiva na milandu ya gobuleku. Lijangavandu ajumishiwili amupi Ayubu gobuleku nongwa ayiholili kucha ayi dayimgoli Ayubu aleki kumtundamila Chapanga 1:11. Mwambu mkomi wa chitabu cha Ayubu chimema minashu na nyangulilyu ya Ayubu na vaghanja vaki yivalimbaneyi kwanongwa yisiyilata chanjali ya gobuleku ya Ayubu. Vaghanja vaki Ayubu vayiholili kucha Ayubu aveli na vifyu, lakini Ayubu agolili sambi ha. Pambeli pavayiwombilili kala Chapanga aywangili na Ayubu, lakini mweni Chapanga amuwombilili ha Ayubu kucha nongwa liki akugobuleka munu, na kwa ndambu yila. Pambeli Ayubu pamanyili kucha Chapanga akuwesha kugola chila chadayila na mundu akuwesha ha kumanya figoli fikomi fya Chapanga kwa kugayiliwa mali sitangalili na vana vatangalili. Yifivelili amu; 1. Yifimgolili Ayubu apati gobuleku ngomi yayeghili lijangavandu sula ya 1 na 2. 2. Himusi sha Ayubu na vaghanjavaki kwilata gobuleku yaki sula ya 3-37. 3. 3. Chapanga akuywanga na Ayubu na Ayubu akumuyangula Chapanga sula ya 38-42:6. 4. Tukugayiliwa fila yifisighalili muhimusi ayi, na ndambu pambeli Chapanga wamsangilili Ayubu sula ya 42:7-17.
ទើបបានជ្រើសរើសហើយ៖
Job Ulongulelu: OTNdambBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.