Job 8
8
Bilidadi akumyangula Ayubu
1Topi, Bilidadi mundu wa mlima wa Shuhi kamuyangula Ayubu, 2dawudeti milandu ayi mbaka ndili?
Mbaka ndili filongu fyaku dafivi kucha uyegha.
3Wuli Chapanga akuhigha ngimu wuyidayiliwa ng'odu?
Wuli, Chapanga munaliwovi akuulimba unakaka?
4Leki vana vaku vamvifyili Chapanga,
mweni kavahomba ngimu wuvagolili.
5Leki pawumsaka Chapanga,
na kumdedeka ayu Chapanga Munaliwovi,
6leki yuwi kuva na ndima nofu na ugoleki,
nakaka Chapanga dayisi kukutanga,
na dakuwuyishili makalu na fyosi finofu fivelili fyaku.
7Hata leki ngalilu yaku ya kwaa yaveli na findu fidokwa,
lakini ngalilu yaku ya pambeli dayivi na mali sitangalili munu.
8Topi wiwuli kwa vala yivakulonguleli,
kombikeshi fila fivayiwulili vavaha vawu.
9Yufwi tuwoneka mwandi mwandi hela na tumanya chindu ha,
majuva vetu amu mumlima vava lumbwepwa lulupita.
10Lakini ava davakuwuli na kukuwombela,
findu fivafipatili kufuma muhunja shawu.
11Wuli, misolu yikumela mahali pangajila machi?
awu mateti vakumela mahali pangajila machi?
12Hata leki yikuyendilela kukula chipindi yikalihela kudumuliwa ili kugolele kasi,
yikunyala kalopu pitu midasi yingi.
13Vandu yivangajila kummanya Chapanga vava kucha misolu,
shuvililu ya vandu vangajia kumjuma Chapanga yikuyaghamila.
14Dumbilu yawu yikubeneka kalopu,
shuvili yawu kucha undandambuli.
15Vakwidumbila undandambuli waki lakini ukuvatanga ha,
akuwulemilela lakini ukwikala ha.
16Vandu va wafu vava kucha misolu payiva na machi na lijuva palivala yikunemulilla,
lakini payipota machi yikuyuma.
17Mikigha yaki yikupekinyela mumigonguveli
na yikuyenda kwikala mugati ya migonguveli.
18Lakini palitupuliwa pala paliveyi,
kwahela yamanyili kucha lyavelili.
19Vandu ava vawafu sekilelu yawu dayipeli
na vandu vamonga davayisi kutola mahali paki.
20Lakini Chapanga damlemi ha mundu yangajila mbatiwa,
wala davatanga vandu vawafu ha.
21Ila dakugoli sekileli,
na lishu lyaku dalivi lya seku.
22Vosi yivakunyekwa davavi na chindipa,
na makalu vawu davadanganyishiwi nakamu.
ទើបបានជ្រើសរើសហើយ៖
Job 8: OTNdambBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.