Job 40
40
1Bambu kayendilela kumuwombela Ayubu,
2Wuli, yuwi ukulimbana na nenga Chapanga,
yaveli na ng'ong'uleku kwa Chapanga topi amuyanguli.
3Topi Ayubu kamuyangula Bambu kadeta,
4Loli, nenga ngujakwa ha, kukuyangula yuwi?
danguyanguli liki.
5Deta mwanja wumu, lakini ndivahela cha kuyangula,
deta myanja mivili, lakini dadeti kandi ha.
6Topi Bambu kamuyangula Ayubu kufuma mulingukumbi,
7Wigagashi nga mlulumi,
dangudashi na yuwi unyanguli.
8Wuli, dawughalambuli highilu yangu?
ili ugoli ndivi na mbatiwa, na yuwi kuva goleki?
9Awu yuwi kuna liwoku nga lya nenga Chapanga?
na yuwi ukuwesha kuhighimila kucha lupanda?
10Topi wilangushi kucha muna fyosi na ukomi,
wimelimeteshi kwa ukomi na ulundamali.
11Vagoli maya vaku vavi kwa vandu,
kamsaki kila muna lukilu wumuwishi.
12Umloli kila mundu muna lukilu umsunushi,
kavavatangi vandu vawafu pala pavavelili.
13Wuvafifi pamu mulifu,
wuvaviki wonda musembi.
14Topi damanyi kucha ukuwesha kwilowola,
na liwoku lyaku umweni likugola uweshi.
15Ngulumba yuwi na lyeni Behemoti ndililumba,
lyeni likulya midasi nga senga.
16Lakini mumvili waki kana liwovi lya kwikang'anika,
na loli liwovi lyavelinalyu mumawulu vaki yivadindalili!
17Mkila waki wukutikanyika nga libiki livalikema mwelesi
mihemba hemba ya miwondu yaki yiilumba pamu.
18Mipava yaki yidindala nga shaba,
chiwunu chaki chiva nga mbiliwa sha myuma.
19Mweni ndi wa kwaa kulumbiwa na Chapanga,
yamulumbili wekayaki ndi akuwesha kumuwesha.
20Vakulya midasi yiimela kufidunda,
aku ndi vang'ongolu va mudasi vakudinga.
21Akuwonja pasi ya mibiki ya misomi,
na kwififa kumiteti aku kumitanda.
22Mibiki ya misomi yikumshengitela,
chimbwepa cha misomi mumbali ya fibosi chikumgubika.
23Lilava paliyingila mweni akwihola ha,
hata leki Lweni Yoludani lungamemili ng'enang'ena daghavi nyanyi.
24Wuli, mundu akuwesha kumdika mesu na kumkamula,
awu kuwomesha mumtambu na kutumbula mbula yaki?
ទើបបានជ្រើសរើសហើយ៖
Job 40: OTNdambBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.