Job 35
35
1Elihudi kayendilela kudeta,
2Wuli, yuwi ukwihola chilongu achi chiva telatela?
ukudeta, “Ndiva lifyu ha pawulongolu ya Chapanga.”
3Kali kamdasha, “Mbata liki?
Mbata liki pagolili ng'odu sambi?”
4Nyanyi, danguyanguli,
dandikuyanguli yuwi pamu na vayanja vaku.
5Loli kumbindi kwa Chapanga,
loli mafundi wuvaveli kumbindi pitu yuwi!
6Leki kugola sambi Chapanga akuyanangika na liki?
Leki vifyu shaku pasitangala mweni akugobuleka na liki?
7Leki kugola wafu yivagobuleka vandu, Chapanga ha,
na pawugola findu finofu, yuwi ukuvatanga vandu?
8Wafu waku ukumgobola hela mundu wingi nga umweni,
usangi waku ukuvatanga veni.
9Vandu vakulila kwanongwa vakugobuleka na vandu,
vakuluva utangi ili kufuma kwa vandu yivavelili na liwovi.
10Lakini kwahela yadeta, kava koti Chapanga, yang'umbili nenga,
yagola nenga somoli kumjuma mweni chipindi cha pamihi.
11Yatuwula munu yufwi pitu vang'ongolu va mumlima,
na kutugola vanaluhunja pitu vambongu.
12Vandu vakulila kuluva utangi, lakini Chapanga akuvayangula ha,
kwanongwa ya yufwi tukwifuna.
13Nakaka Chapanga munaliwovi akupikana chivembu chingajila mana,
Chapanga muna liwovi akwihola ha chivembu achi.
14Dakuyanguli ha chipindi yuwi pawudeta ukumuwona ha,
topi nongwa yaku yiva pawulongolu yaki na yuwi ukudayiliwa kumvetela.
15Hata naha, ukudeta kucha nongwa akwivavala ha vandu pavayitaya musambi,
akukalala ha na kuvalatula vandu.
16Ayubu akuyendilela filongu fingajila kujakwa,
ukuywanga filongu fitangalili ngajila kwihola.
ទើបបានជ្រើសរើសហើយ៖
Job 35: OTNdambBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.