Job 34
34
1Pambeli Elihu kayendilela kudeta,
2Mupikanishi filongu fyangu yumwi yimuveli na luhunja,
mundegheli yumwi yimuvelili na umanyi.
3Filivi finofu ukufimanya kwa kuyonja,
wuwula wulaukufimanya filongu finofu kwa kufipikana.
4Leki tushawulichila yichivelili nyanyi,
topi tulamuli twaveni chila chivelilichinofu.
5Ayubu kadeta, nenga ndi goleki,
Chapanga kang'ushila ugoleki wangu.
6Ayubu kadeta, “Hata leki ndivahela mbatiwa, lakini vakunywangila udesi?
hata leki ngugola ha vifyu, vakunyimba gobuleku yiinyegha munjifwa.”
7Kumuwona kamu mundu yoyonda nga Ayubu,
mweni akalihela kumtundamila Chapanga?
8Yaikola na vandu yivagola wafu,
na yayilumba na vavifyi.
9Mukudeta, mundu akupata ha fwayida yoyonda,
kwifwasha kumunowesha Chapanga.
10Topi mumbikanishi, yumwi yimuvelili na umanyi.
Hata lijuva limu Chapanga agoli ha wafu,
Chapanga muna liwovi agoli vifyu ha.
11Chapanga damuhombi mundu ngimu wagolili,
damuhombi ngimu wufiveli figoli fyaki.
12Nakaka, Chapanga Munaliwovi lyosi agoli ha wafu,
alewusha ha highilu.
13Kuna mundu yamugayilili uwesu apa pamulima?
awu ghani yamuvikili kuva mlolela wa mlima wosi?
14Leki yingavelili natilu ya Chapanga,
mweni angawushi mfuki na uyegha waki.
15Filumbi fyosi fingadanganyikili,
na vandu vangavelili milifu kandi.
16Topi, Ayubu leki kuna umanyi, tegheli chilongu achi,
pikanishi chindikuwombela.
17Wuli, yula yawunyekwa ugoleki akuwesha kutavala?
Wuli, daweshi kumuhigha Chapanga yavelili goleki na muna liwovi?
18Wuli! ghani akuwesha kumuwombela mutwa, kucha yuwi mwafu?
Awu kuvawombela vakomi, yumwi mujakwa ha.
19Mweni yangajila lushawu kwa vakomi,
wala kana lushawu ha kwa valundamali awu vagaju,
nongwa vosi kavawumba mweni.
20Tepu pamihi vasova,
vakutikanyishiwa pamihi na vakusova,
kwa liwoku lyaki akuvawusha vosi yivaveli na liwovi.
21Chapanga akulola ndambu vandu wuvayikala,
akulola ndambu vandu wuvagola majuva vosi.
22Kwahela utitu wala chisi tyoo,
wala yivagola uvifyi vakuwesha kwififa.
23Chapanga akudayiliwa ha kumshawula mundu,
kuyenda pachitemela chaki ili kumuhigha.
24Mweni akuvadanganyisha yivavelili na liwovi ngajila kuvalembesha
na kuvavika vengi badili ya veni.
25Kwanongwa kafimanya figoli fyawu fyosi,
akuvakopola pamihi na veni vakudanganyika.
26Akuvatova pawelu hela kwanongwa ya wafu wuvagolili.
27Kwanongwa valeka kumkovikela Chapanga,
na kubedala deha shaki.
28vavasulumu vagaju, na kugola chivembu chawu chimfikili Chapanga,
na mweni kupikana chivembu cha vala yivagobuleka.
29Lakini panyamala jii ghani yawesha kumuhigha?
Leki payififa ghani yawesha kumuwona.
30Chapanga akujumisha ha mundu atavali, leki akukola ng'odu deha shaki
akuvakana vakotoo kuyegha gobuleku kwa vandu.
31Leki mundu pamuwombela Chapanga,
umbomeli, dagoli sambi kandi ha.
32Unangushi vifyu fingajila nenga kusiwona,
leki gola wafu dagoli kandi ha?
33Wuli, Chapanga akudayiliwa,
kukutova ngimu wuwihola yuwi?
Yuwi ndi yiwulamula,
topi deti, chila chiwihola.
34Mundu muna luhala dadeti,
na vanaluhunja yivapikana dadeti,
35Ayubu akuywanga fya usisighi,
fyaywanga fikumanyika ha.
36Leki Ayubu angayeshiwili mbaka chingomeku,
nongwa akuyangula kucha mundu mwafu.
37Kwa awu wafu waki kayongesha kumleka Chapanga, na akupwililisha filongu fya lyogha,
akulangusha kucha akumtundamila ha Chapanga.
ទើបបានជ្រើសរើសហើយ៖
Job 34: OTNdambBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Ndamba @The Word for The World International and Ndamba Language translation. All rights reserved.