Job 26

Ayubu akumyangula kandi Bilidadi

1Ayubu kamuyangula,

2Loli ndambu yiwundangili nenga msosuvafu!

Ndambu yiwunowulili nenga yingajila liwovi!

3Ukwihola ndivahela luhunja, lakini kuywanga nyanyi ha,

lakini kung'ombela uswanu ha.

4Ghani yakutangili kudeta filongu afi?

Awu mfuki wa ghani wuukutangili kudeta?

5Vandu yivasovili vakubagama,

Vandu yivavelili pasi ya machi na fyosi fivelili amu fikutikanyika.

6Chapanga akulola kila chindu yichigoleka kumambi,

kwahela yichifisika kwa mweni.

7Chapanga akuyala lulanga kalihingila mahali pangajila chindu,

na kutumbika mlima pala pangajila chindu.

8Akuvawopa machi mumafundi yivavelili titiva,

na lifundeli likubaluka ha kwa sitapilu yaki.

9Akuwugubika mwesi wonda,

na kumbindi yaki akuyala mafundi vaki.

10Kavika mbaka gati ya bahali na lulanga,

kavika mbaka gati ya ngesha na chisi.

11Chapanga pabelema,

mipanda ya kumbindi kwa Chapanga yikubagama na kwikanganika.

12Kwa liwovi lyaki ayisikishili bahali,

kwa luhunja lwaki amdumulili dumulili liyoka yivamkema Lahabu.

13Ang'alishili kumbindi kwa mfuki waki,

kwa liwoku lyaki alisomili liyoka yilituva kalopu.

14Afi findu fidokwa hela gati ya figoli fyaki,

tupikana findu fidokwa hela yifimwilata mweni.

Ghani yamanya ukomi wa liwovi lyaki?

ទើបបានជ្រើសរើសហើយ៖

Job 26: OTNdambBL

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ខគម្ពីរពេញនិយមពី
Job 26