Job 23

Ayubu akuyangula kandi

1Topi Ayubu kayangula,

2Hata nalelu ng'ong'uleku yiva ya lihingili,

liwoku lyaki likuyendilela kugobola,

hata leki ngulila kwa lihingili.

3Ngiba ningamanyili kula kwayikala Chapanga,

ningayendili kwayikala.

4Ningayivikili nongwa yangu pawulongolu yaki,

na ningamanyili.

5Ningamanyili chakumuyangula,

ngamanyili chang'ombela.

6Wuli, Chapanga angalimbanili na nenga kwa liwovi lyaki lyonda?

Ng'odu, ngwihola angambikanishili.

7Mundu goleki akuwesha kuwombana na Chapanga,

Chapanga muhigha wangu angahighili leki ndivahela mbatiwa jola.

8Lakini nguyenda kundamba ngumpata ha,

panyenda kuuhehi ngumuwona ha.

9Ngumsaka mwambu wa kalihingila ngumuwona ha,

ngughalambukila mwambu wa kuchanya nakamu ngumuwona ha.

10Lakini mweni kamanya deha yingola,

pamalila kunyesha, damvumi ng'ala kucha chumang'andu.

11Ngukovikela njapu shaki kwa fisingu,

deha yaki ndiyikola ngajila kulewuka.

12Majuva vonda neka ha kukola amuli shaki,

filongu fyaki ndifivika kunda yangu.

13Lakini mweni akughalambuka ha, ghani yawesha kumughalambula?

Chila chadayila ndi chagola.

14Mweni akugola fyosi fyayilatili kwa nenga,

na findu fitangalili nga afi fiva muluhala lwaki.

15Ndi nongwa nguwona chipwembwi pawulongolu yaki,

pandiyihola afi fyosi nenga ngumtila.

16Chapanga kagola bungunyuki fisingu mundima yangu yishulula,

Chapanga munaliwovi kandaya chipwembwi.

17Kwanongwa ya gobuleku shangu shonda, ndiva muchisi tyoo.

Chisi chikomi chigubika, lakini ngutila ha kudeta.

ទើបបានជ្រើសរើសហើយ៖

Job 23: OTNdambBL

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី Ndamba