MRK - NUMANA 16
16
Yesɔ ne lu ne beh
1Ndi bɛr yi sɔŋ sik ne gayir, Meryamu Magadaliya, ben Meryamu iya maa Yakubu, ben Salɔmi, ne lɛb anyɛ ne ye mgbɔ shushum, te ba abɛ kɔte kin ikum Yesɔ. 2Ne amblimblɛ bib bɛr yi sɔŋ sik, ndi anzaŋ asɔŋɔ ru, te sɔŋ agar ibǝ me 3te rib atu amen te di, <<Ŋɔwa atei ŋli ta nkpaŋ atibe ne anu bɛ mei?>>
4Ama ndi ne lɛk ayi atɔ ibǝ me, te yik nkpaŋ, yiŋ ndi iyi ngɔŋ, ne ŋlǝi agli atibe. 5Ndi ne yir min ibǝ me, ne yik ivǝnenzak nuŋ akɔ sɔŋ asu kluŋklu klikla, te akɔ sɔŋ ne ŋɔk li, ankyak ate sǝsǝk.
6Ivǝnenzak ga adi ba, <<kǝr zhin bǝ te sǝsǝk ba, izhin wɔb Yesɔ waŋ ndi ayi awɔnǝ Nazara, waŋ ndi ne kpaŋu ne kuŋkun. Nǝ ka lu! Ba yi ame ayaŋa ba. Tɔ zhin amkpa awaŋ ndi ne zhɔ gu ma. 7Ama izhin bǝ kam kɔmɔ, te kɔte bla abɛ zeu tsin amaa ben Biturus, <atei kuu zhin ti te gar Galili. Izhin tei yigu amɔ, ir keŋ ndi ne bla zhine.>>>
8Ne ri kpa ben sǝsǝk, amba ma ne ru ne bɛme te klu akɔmɔ. Bane bla nuŋ ikinuŋ ba, te ate sǝsǝk.
Yesɔ ne amunoruu Meryamu Magadaliya
9Ndi Yesɔ ne lu amblimblɛ ne bɛr yi sɔŋ sik, ne muno ruu Meryamu Magadaliya, iwaŋ ndi ne Gli anerim amɛ taŋgba aglɛ rumɔ ne kpa maa. 10Meryamu Magadaliya agar te te bla abaŋ ndi ne men yi ben Yesɔ ndi azǝn lɛn susun te na zhiin. 11Ndi ne wɔ te Yesɔ ayime tsitsir te nena yigu, ba ne tanyɛme ba.
Yesɔ ne munoru anere ayaa abɛ zeu
12Neme Yesɔ ne na munoru ne nkuŋkɔŋ tetɛk ben aneshir ayaa ne min mǝne ndi ne tsǝtsene kɔmɔ ne ntun. 13Nǝ kɔmɔ te kɔte bla anki mǝne; ama bane tanyɛme ba.
Yesɔ ne munoru anere awur ane ayaa abɛ zeu
14Nǝ gɔgɔŋ Yesɔ ne muno ruu awur ane zhin ndi ne zen li ikili; Ne gbaŋ ba atɔŋ ne yaŋ tanyɛme men ben iklik tu yi yaŋ tanyɛme ben abaŋ ndi ne yik wa ndi wa ne lu.
15Adi ba, <<kɔmɔ zhin ne gɔŋmimi te du zhin lɛ kɛ men didik ben aneshir bɔbɔk. 16Iwaŋ ndi ate tanyɛme te na duŋ asuu atei lieru, ama iwaŋ ndi ba te tanyɛme ba atei teu ŋas. 17Ngir kǝŋe tei yi ben abaŋ ndi ne tanyɛme: atei Gli anerim arumɔ ne sak muŋ; atei lɛ ne aŋa yayas; 18atei baŋ ane wa ne aŋɔk amen; atei so kǝka kɛ ku, ba tei na ba iki mimin ba, atei sak aner abɛ lɔ aŋɔk te duŋ ba are.>>
Ne baŋ Yesɔ te kɔmɔ ne shu
19Ndi Yesɔ Ngɔŋ ne lɛ ben abɛba, Arik ne baŋu te kɔmɔ ne shu te akɔ sɔŋ ne ŋɔk li maa. 20Ankyak abɛ tsin abɛ Yesɔ aru te kɔte du lɛ kɛ men didik kɔte me, Arik ne tsǝn ben abɛba te duŋ lɛ kɛ bla maa bǝ shaga ne na iki yi vuŋ anu.
ទើបបានជ្រើសរើសហើយ៖
MRK - NUMANA 16: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 16
16
Yesɔ ne lu ne beh
1Ndi bɛr yi sɔŋ sik ne gayir, Meryamu Magadaliya, ben Meryamu iya maa Yakubu, ben Salɔmi, ne lɛb anyɛ ne ye mgbɔ shushum, te ba abɛ kɔte kin ikum Yesɔ. 2Ne amblimblɛ bib bɛr yi sɔŋ sik, ndi anzaŋ asɔŋɔ ru, te sɔŋ agar ibǝ me 3te rib atu amen te di, <<Ŋɔwa atei ŋli ta nkpaŋ atibe ne anu bɛ mei?>>
4Ama ndi ne lɛk ayi atɔ ibǝ me, te yik nkpaŋ, yiŋ ndi iyi ngɔŋ, ne ŋlǝi agli atibe. 5Ndi ne yir min ibǝ me, ne yik ivǝnenzak nuŋ akɔ sɔŋ asu kluŋklu klikla, te akɔ sɔŋ ne ŋɔk li, ankyak ate sǝsǝk.
6Ivǝnenzak ga adi ba, <<kǝr zhin bǝ te sǝsǝk ba, izhin wɔb Yesɔ waŋ ndi ayi awɔnǝ Nazara, waŋ ndi ne kpaŋu ne kuŋkun. Nǝ ka lu! Ba yi ame ayaŋa ba. Tɔ zhin amkpa awaŋ ndi ne zhɔ gu ma. 7Ama izhin bǝ kam kɔmɔ, te kɔte bla abɛ zeu tsin amaa ben Biturus, <atei kuu zhin ti te gar Galili. Izhin tei yigu amɔ, ir keŋ ndi ne bla zhine.>>>
8Ne ri kpa ben sǝsǝk, amba ma ne ru ne bɛme te klu akɔmɔ. Bane bla nuŋ ikinuŋ ba, te ate sǝsǝk.
Yesɔ ne amunoruu Meryamu Magadaliya
9Ndi Yesɔ ne lu amblimblɛ ne bɛr yi sɔŋ sik, ne muno ruu Meryamu Magadaliya, iwaŋ ndi ne Gli anerim amɛ taŋgba aglɛ rumɔ ne kpa maa. 10Meryamu Magadaliya agar te te bla abaŋ ndi ne men yi ben Yesɔ ndi azǝn lɛn susun te na zhiin. 11Ndi ne wɔ te Yesɔ ayime tsitsir te nena yigu, ba ne tanyɛme ba.
Yesɔ ne munoru anere ayaa abɛ zeu
12Neme Yesɔ ne na munoru ne nkuŋkɔŋ tetɛk ben aneshir ayaa ne min mǝne ndi ne tsǝtsene kɔmɔ ne ntun. 13Nǝ kɔmɔ te kɔte bla anki mǝne; ama bane tanyɛme ba.
Yesɔ ne munoru anere awur ane ayaa abɛ zeu
14Nǝ gɔgɔŋ Yesɔ ne muno ruu awur ane zhin ndi ne zen li ikili; Ne gbaŋ ba atɔŋ ne yaŋ tanyɛme men ben iklik tu yi yaŋ tanyɛme ben abaŋ ndi ne yik wa ndi wa ne lu.
15Adi ba, <<kɔmɔ zhin ne gɔŋmimi te du zhin lɛ kɛ men didik ben aneshir bɔbɔk. 16Iwaŋ ndi ate tanyɛme te na duŋ asuu atei lieru, ama iwaŋ ndi ba te tanyɛme ba atei teu ŋas. 17Ngir kǝŋe tei yi ben abaŋ ndi ne tanyɛme: atei Gli anerim arumɔ ne sak muŋ; atei lɛ ne aŋa yayas; 18atei baŋ ane wa ne aŋɔk amen; atei so kǝka kɛ ku, ba tei na ba iki mimin ba, atei sak aner abɛ lɔ aŋɔk te duŋ ba are.>>
Ne baŋ Yesɔ te kɔmɔ ne shu
19Ndi Yesɔ Ngɔŋ ne lɛ ben abɛba, Arik ne baŋu te kɔmɔ ne shu te akɔ sɔŋ ne ŋɔk li maa. 20Ankyak abɛ tsin abɛ Yesɔ aru te kɔte du lɛ kɛ men didik kɔte me, Arik ne tsǝn ben abɛba te duŋ lɛ kɛ bla maa bǝ shaga ne na iki yi vuŋ anu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria