LUK - NUMANA 1
1
Ibu alǝla
1Aneshir tetɛk ne ben te bɛ cɛr kiki yiŋ ndi aba ne zhi ne cɛr kɛ ne miŋ mɔr, 2ir keŋ ndi ne baŋ anekta bǝn abaŋ ndi ne kuti yik nayi amen bǝn agɛn abɛ lɛ kǝŋe. 3Neme, ndi Nga ne tu muŋ mne zib kiki yiŋɛ ne kuti, nena rem tem cɛr ikiki didik ne atu mi, ngɔŋ Tiyofulɔ, 4Te duŋ zhin bɛ zhi didik kɛ iki yiŋ ndi ne blaa zhin neyi.
Nŋli kɛ Yɔɔna ne su Aneshir ne sak kɛ Arik
5Ne mkpaŋ keŋ ndi Hiridus neyi itum ne Yahudiya ine nadum kɛ Arik nuŋ ndi azhɔu te Zakariya, ndi ayi ne miŋ kɛ abɛ gab tsik ibaŋ ye Arik ne ŋa kɛ Abija: iwa maa ayi ŋli nga kɛ Haruna. 6Bɔbɔk mǝne ayi tsetser ne ti kɛ Arik, azǝ lɛ ben kiki yiŋ ndi Arik ne di abɛ nayi ba na kiyiŋ ndi batei Gli ba kinuŋ mimin ba. 7Ama Arik bane nǝk ba ŋli ba, Alisabɛtu ayaŋ klu, nɛ cɛ yaya mǝne.
8Ndi mkpaŋ kɛ na ndum Zakariya ne te anezen na ndum ne Akabaŋkɔŋ ayou Arik, 9ne hriau ne zhɔk keŋkam, ne ir keŋ ndi abɛ na ndum Arik ana, te bɛ yir Akabaŋkɔŋ ayou Arik te abɛ goŋ anyɛ neyi shushum 10Neme ndi mkpaŋ kɛ goŋ anyɛ ne yi shushum ne te, abɛ ben Arik bɔbɔk mǝne ne biŋ akli ne abɛm te zen ben Arik.
11Fe ine shar ayou Arik amunoru te klikli ne ŋɔk li ne amkpa ne anyɛ ane yi shushum. 12Ndi Zakariya ne yigu, azhizhi ne ku tena te sǝsǝk. 13Ankyak ne shar ayou Arik a diu, <<duŋ te sǝsǝk ba, Zakariya; ne wɔ ben mi. Iwa mi Alisabɛtu atei ŋli vǝvǝn, utei zhɔu te Yɔɔna. 14atei duŋ susun mi sik, aner tetɛk atei na nyɛr ne atu yi ŋli maa, 15te atei yi ner ngɔŋ ne ti kɛ Arik. Ba tei so ama dɔ kuŋkun inabi aneyi mwamwaŋ ba, ba tei na so ki duŋ aneshir ahwa ba. atei shur izhu yi tsetser shak kpama ndi nak rǝ mkpaŋ kɛ ŋli maa. 16Aneshir tetɛk abɛ Isrela aŋur akam nyak ben Arik amen. 17Fe atei ku Arik ti te kɔmɔ, ne Izhu bene mgbyamgbyaŋ kɛ Iliya, te sen asusun aye atetɛ kam kɔmɔ ben amumun amen tena duŋ abɛ yaŋ zǝ lɛ kɛ Arik bɛ yi Mgbemgbeb te na yi tsetser te duŋ aneshir bɛ sɔŋsɔŋ didik te ŋub Arik.>>
18Zakariya arib ne shar ayou Arik te di, <<M tei na kikin te zhi lɛ keŋɛi? Mne ce iwa muŋ nena ce.>>
19Ne shar ayou Arik adi, <<Me yi ne shar ayou Arik azhɔm te Gebre. Me kliŋkli ne ti kɛ Arik, fe ne shar me tem lɛ bene bɔu te mblau lɛ didik. 20Vuŋ rɛ azizaŋa bau tei lɛ ba se mkpaŋ kɛŋ ndi lɛ kǝŋe tei shaga, te bau ne tanyɛme ne lɛ muŋ ba, ndi itei zub ne mkpaŋ keŋ di ne nyak.>>
21Ndi amɛ, aneshir aklɛkli ŋub Zakariya tena vuŋ anu te di anii vuŋu nyak ne Akabaŋkɔŋ ayi Arik. 22Ndi ne ru, bane zhi ilɛ bene bɛba ba. Ne shuzhi te ne yik rimla ne Akabaŋkɔŋ ayou Arik. Anaga tsar ba kiki nuŋ te yaŋ lɛ.
23Ndi mkpaŋ kɛ na ndum Zakariya ne klɛ, ne kama kɔmɔ ne kɔmaa. 24Ndi iyiŋɛ ne gayir Alisabɛtu iwa maa ne baŋ nnɛ te sɔŋ yaŋ ru abɛm ihwa tuŋ. 25Adi, <<Arik wa ne nam kiyiŋ,>> Adi. <<Ne bar yiŋɛ ne tsar ki didik te tun me shisha ne min aneshir.>>
Bla ŋli kɛ Yesɔ
26Ndi Alisabɛtu ne te ihwa tani, Arik ne shar ne shar amaa Gebre ne ntun yi zhɔ te Nazara, ne Galili, 27Ben vǝnwa nuŋ ndi ba ne zhi lulum ba ndi azhɔu te Meryamu waŋ ndi atei ŋa Yusuu, nga ŋli kɛ Doda. 28Ine shar ayou Arik ne gar bene bɔu te di, <<Mtegu, uwa waŋ ndi une yik ki didik! Arik ayi ben bɔu.>>
29Ilɛ kǝŋe ne dam Meryamu ngɔŋ te lɛ ne susun maa itek iyiŋɛ iye ni. 30Ankyak ne shar ayɔu Arik a diu, <<Duŋ te sǝsǝk ba, Meryamu, une yik ki didik bene Arik. 31Utei gli nnɛ te ŋli vǝvǝn, atei zhɔu te Yesɔ. 32atei yi Ner ŋgon atei na zhɔu te Izu Ŋgon ne shu. Arik atei nǝgu mben yi ntsǝntsǝm amaa Doda, 33fe atei gli ŋli kɛ Yakubu te gar klɛtu; ngɔŋ maa ba tei yi ne klɛ tu ba.>>
34Meryamu arib ne shar ayou Arik te di, <<itei na kikin te tǝ amɛ>> <<te bam ne zhi lulum ba?>>
35Ne shar ayou Arik a di Meryamu, <<Izhu tsetser itei yir bene bɔu, bene mgbyamgbyaŋ kɛ Ŋgɔŋ ne shu tei ku bɔbɔk. Amɛ utei ŋli ne tsetser te zhɔu te Izu Arik. 36Te vuŋ Alisabɛtu ne nga ŋli min atei ŋli vǝvǝn ne ce maa, waŋ ndi ne di ba tena gli nnɛ azizaŋa ayi ne nnɛ ihwa tani. 37Tǝ ikinuŋ ba naŋ Arik na ba.>>
38<<Me yi gen ayou Arik,>> Meryamu adi. <<Duŋ lɛ mi bɛ yi amɛ.>> Fe ine shar ayou Arik aduŋu.
Meryamu Ne Gar Bǝn Alisabɛtu
39Ne mkpaŋ yuŋɔ Meryamu ne lu te kɔmɔ andanda ne ntun yi tu gbu ne ntun yi Yahuza, 40amɔ wa ne yir kɔb Zakariya te tek Alisabɛtu. 41Ndi Alisabɛtu ne wɔ tek yi Meryamu, vǝvǝn ne nnɛ kɛ Alisabɛtu ne tu ne nnɛ maa, amɛ Alisabɛtu ne shak ne Izhu yi tsetser. 42Ne lɛk kɔr ŋgon te di, <<Ne nek anu didik ne miŋ kɛ amba, mǝne nek anu didik ne vǝvǝn waŋ ndi utei ŋliu! 43Ankyak anii duŋ me ne yik ki didik, te Yaa maa Ŋgɔŋ Yesɔ ne nyɛ ben abɛm? 44Ndi mne wɔ kɔr kɛ tek mi ne atɔŋ amuŋ, vǝvǝn ndi ayi ne nnɛ muŋ ne lu nyɛr. 45Anu adidik ayi ben waŋ ndi ne tanyɛme te Arik ne diu itei shaga!>>
Asem Ayi Meryamu
46Ankyak Meryamu ne di,
<<Idur muŋ inǝk Arik ŋgɔŋ.
47Fe izhu muŋ inyɛr Arik amuŋ ndi ne tam azhɔk,
48Te ne tɔ nga waŋ ndi ba Me yi kinuŋ ne min kɛ agɛn amaa ba!
Ivuŋ rɛ azizaŋa bɔbɔk ikab ŋli atei zhɔm te anu adidik,
49Tǝ ine mgbyamgbyaŋ ŋgɔŋ ne nam kiki,
Isak maa iyi tsetser.
50Ibaŋ rɛ ikab igar nga ikab nuŋ
Lɔ susun maa gar bǝn abaŋ ndi ate sisik maa.
51Ne na kiki goŋgɔŋ ne ŋɔk amaa; ne var abaŋ ndi alǝk atu ne ki na mimin ne asusun amen. 52Ne Gli atum agli zǝme ne mben men ama abaŋ ndi azǝ tu azhɔk ne lɛk ba ne shu.
53Ne yɔk abaŋ ndi kasa vuŋ ba ne kili didik fe te yar abɛ adudunki iyi ne ki.
54Ne lɔk igen amaa Isrela,
Te kama wɔ lɔ susun maa
55Ne Ibrai ben iŋli maa yaŋ klɛtu,
Ndi ne bla Atetɛ mɔr.>>
56Meryamu ne sɔŋ ben Alisabɛtu ihwa tar te she kama kɔmɔ ne kɔb.
Ŋli kɛ Yɔɔna ne su Aneshir
57Ndi mkpaŋ kɛ ŋli Alisabɛtu ne te ne ŋli zu maa 58Akpa maa ben aner maa ne wɔ ndi Arik ne tsar lɔ susun ma ngɔŋ netu yi Alisabɛtu ne lɔgu nyere.
59Nǝ bɛr yi tender ne nyɛ te abɛ kɔgu vǝvǝne zǝk,fe atei nugu sak kɛ tetɛɛ maa Zakariya, 60Fena iya maa ne lɛ te di,<< bai yi me ba! atei zhɔu te Yɔɔna.>>
61Adiu te di, <<Ba azhɔ nuŋ ne nga kɛ ŋli men ne sak kǝŋe ba.>>
62Fe arib tetɛɛ maa ne angir te di,te aba abɛ zhi ka atei di abɛ zhɔ sak kɛ vǝvǝne te ŋɔ. 63Ne rib ki yi cɛr,fe kɔte ŋɔwa avuŋ anu ne cɛrǝ, <<Isak maa iyi Yɔɔna.>>. 64Andanda anu amaa akɔ bu lǝlɛn maa ku duŋɔ azhi lɛ, te gbar Arik asak. 65Akpa abɛ sɔŋ yaŋ akpa sǝsǝk ku vuŋ ba, igoŋri zǝ ntun yi atugbu iyi Yahudiya bɔbɔk ne kiyiŋɛ. 66kɔte ŋɔwa ndi ne wɔ ki yiŋ ndi ne na, te rib, <<vǝvǝn waŋa atei yi anii?>>Tǝ iŋɔk kɛ Arik iyi ne atu maa.
Asem ayi Zakariya
67Tetɛɛ maa Zakariya ne shaga ne Izhu tsetser te na bla ki yiŋ ndi tei na ni ti: 68<<Igbar bǝ yi Ŋgɔŋ, Arik ane Isrela, te ne nyɛ tena ta aneshir amaa azhɔk. 69Ne Gli ine ta ta azhɔk ne kɔb kɛ igen amaa Doda.
70Ndi ne bla nenu abɛ bla shar maa abɛ yi tsetser ne mkpaŋ kɛ kukub, 71ita zhɔk ire ben abɛ te zor amɔr ben aŋɔk abaŋ ndi akyak ta bɔbɔk 72Te tsar lɔ susun iye atsintsim amɔr tena shu zhi ilɛ tsetser kɛ kpa nyak maa, 73Arim ayiŋ ndi ne she ntsǝntsǝm amɔr Ibrai ne yi: 74te abɛ ta ta shur ne aŋɔk abɛ te zor ben bɛta,
Te duŋ ta bǝ zekuru yaŋ te sǝsǝk 75ne tsetser ben susun didik ne ti maa ben bɛr mɔr bɔbɔk. 76Fe uwa, izu muŋ, atei zhɔu te ine bla shar Arik Ŋgɔŋ ne Shu; Ayi wa utei ku Ŋgɔŋ ti te te nau ankɔŋ, 77te bla aneshir lɛ kɛ ta ta shur ne ta shur ne zumimin men, 78te ne wɔ lɔ susun mɔr ndi Arik ne tǝǝ ta, ndi arik ane laŋ atei hrie ta ire shu 79te laŋ ahrie netu abaŋ ndi ayi ne bu ben izhu iyi ku, te bɛ ŋub aza mɔr ne kɔŋ kɛ sik susun.>>
80Amɛ vǝvǝne ne te ngɔŋ te yi ne mgbyamgbyaŋ ne Izhu tsetser; te sɔŋ ne zizik ngɔŋ se mkpaŋ keŋ ndi ne Gli tu maa aru ndende ne Isrela.
ទើបបានជ្រើសរើសហើយ៖
LUK - NUMANA 1: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
LUK - NUMANA 1
1
Ibu alǝla
1Aneshir tetɛk ne ben te bɛ cɛr kiki yiŋ ndi aba ne zhi ne cɛr kɛ ne miŋ mɔr, 2ir keŋ ndi ne baŋ anekta bǝn abaŋ ndi ne kuti yik nayi amen bǝn agɛn abɛ lɛ kǝŋe. 3Neme, ndi Nga ne tu muŋ mne zib kiki yiŋɛ ne kuti, nena rem tem cɛr ikiki didik ne atu mi, ngɔŋ Tiyofulɔ, 4Te duŋ zhin bɛ zhi didik kɛ iki yiŋ ndi ne blaa zhin neyi.
Nŋli kɛ Yɔɔna ne su Aneshir ne sak kɛ Arik
5Ne mkpaŋ keŋ ndi Hiridus neyi itum ne Yahudiya ine nadum kɛ Arik nuŋ ndi azhɔu te Zakariya, ndi ayi ne miŋ kɛ abɛ gab tsik ibaŋ ye Arik ne ŋa kɛ Abija: iwa maa ayi ŋli nga kɛ Haruna. 6Bɔbɔk mǝne ayi tsetser ne ti kɛ Arik, azǝ lɛ ben kiki yiŋ ndi Arik ne di abɛ nayi ba na kiyiŋ ndi batei Gli ba kinuŋ mimin ba. 7Ama Arik bane nǝk ba ŋli ba, Alisabɛtu ayaŋ klu, nɛ cɛ yaya mǝne.
8Ndi mkpaŋ kɛ na ndum Zakariya ne te anezen na ndum ne Akabaŋkɔŋ ayou Arik, 9ne hriau ne zhɔk keŋkam, ne ir keŋ ndi abɛ na ndum Arik ana, te bɛ yir Akabaŋkɔŋ ayou Arik te abɛ goŋ anyɛ neyi shushum 10Neme ndi mkpaŋ kɛ goŋ anyɛ ne yi shushum ne te, abɛ ben Arik bɔbɔk mǝne ne biŋ akli ne abɛm te zen ben Arik.
11Fe ine shar ayou Arik amunoru te klikli ne ŋɔk li ne amkpa ne anyɛ ane yi shushum. 12Ndi Zakariya ne yigu, azhizhi ne ku tena te sǝsǝk. 13Ankyak ne shar ayou Arik a diu, <<duŋ te sǝsǝk ba, Zakariya; ne wɔ ben mi. Iwa mi Alisabɛtu atei ŋli vǝvǝn, utei zhɔu te Yɔɔna. 14atei duŋ susun mi sik, aner tetɛk atei na nyɛr ne atu yi ŋli maa, 15te atei yi ner ngɔŋ ne ti kɛ Arik. Ba tei so ama dɔ kuŋkun inabi aneyi mwamwaŋ ba, ba tei na so ki duŋ aneshir ahwa ba. atei shur izhu yi tsetser shak kpama ndi nak rǝ mkpaŋ kɛ ŋli maa. 16Aneshir tetɛk abɛ Isrela aŋur akam nyak ben Arik amen. 17Fe atei ku Arik ti te kɔmɔ, ne Izhu bene mgbyamgbyaŋ kɛ Iliya, te sen asusun aye atetɛ kam kɔmɔ ben amumun amen tena duŋ abɛ yaŋ zǝ lɛ kɛ Arik bɛ yi Mgbemgbeb te na yi tsetser te duŋ aneshir bɛ sɔŋsɔŋ didik te ŋub Arik.>>
18Zakariya arib ne shar ayou Arik te di, <<M tei na kikin te zhi lɛ keŋɛi? Mne ce iwa muŋ nena ce.>>
19Ne shar ayou Arik adi, <<Me yi ne shar ayou Arik azhɔm te Gebre. Me kliŋkli ne ti kɛ Arik, fe ne shar me tem lɛ bene bɔu te mblau lɛ didik. 20Vuŋ rɛ azizaŋa bau tei lɛ ba se mkpaŋ kɛŋ ndi lɛ kǝŋe tei shaga, te bau ne tanyɛme ne lɛ muŋ ba, ndi itei zub ne mkpaŋ keŋ di ne nyak.>>
21Ndi amɛ, aneshir aklɛkli ŋub Zakariya tena vuŋ anu te di anii vuŋu nyak ne Akabaŋkɔŋ ayi Arik. 22Ndi ne ru, bane zhi ilɛ bene bɛba ba. Ne shuzhi te ne yik rimla ne Akabaŋkɔŋ ayou Arik. Anaga tsar ba kiki nuŋ te yaŋ lɛ.
23Ndi mkpaŋ kɛ na ndum Zakariya ne klɛ, ne kama kɔmɔ ne kɔmaa. 24Ndi iyiŋɛ ne gayir Alisabɛtu iwa maa ne baŋ nnɛ te sɔŋ yaŋ ru abɛm ihwa tuŋ. 25Adi, <<Arik wa ne nam kiyiŋ,>> Adi. <<Ne bar yiŋɛ ne tsar ki didik te tun me shisha ne min aneshir.>>
Bla ŋli kɛ Yesɔ
26Ndi Alisabɛtu ne te ihwa tani, Arik ne shar ne shar amaa Gebre ne ntun yi zhɔ te Nazara, ne Galili, 27Ben vǝnwa nuŋ ndi ba ne zhi lulum ba ndi azhɔu te Meryamu waŋ ndi atei ŋa Yusuu, nga ŋli kɛ Doda. 28Ine shar ayou Arik ne gar bene bɔu te di, <<Mtegu, uwa waŋ ndi une yik ki didik! Arik ayi ben bɔu.>>
29Ilɛ kǝŋe ne dam Meryamu ngɔŋ te lɛ ne susun maa itek iyiŋɛ iye ni. 30Ankyak ne shar ayɔu Arik a diu, <<Duŋ te sǝsǝk ba, Meryamu, une yik ki didik bene Arik. 31Utei gli nnɛ te ŋli vǝvǝn, atei zhɔu te Yesɔ. 32atei yi Ner ŋgon atei na zhɔu te Izu Ŋgon ne shu. Arik atei nǝgu mben yi ntsǝntsǝm amaa Doda, 33fe atei gli ŋli kɛ Yakubu te gar klɛtu; ngɔŋ maa ba tei yi ne klɛ tu ba.>>
34Meryamu arib ne shar ayou Arik te di, <<itei na kikin te tǝ amɛ>> <<te bam ne zhi lulum ba?>>
35Ne shar ayou Arik a di Meryamu, <<Izhu tsetser itei yir bene bɔu, bene mgbyamgbyaŋ kɛ Ŋgɔŋ ne shu tei ku bɔbɔk. Amɛ utei ŋli ne tsetser te zhɔu te Izu Arik. 36Te vuŋ Alisabɛtu ne nga ŋli min atei ŋli vǝvǝn ne ce maa, waŋ ndi ne di ba tena gli nnɛ azizaŋa ayi ne nnɛ ihwa tani. 37Tǝ ikinuŋ ba naŋ Arik na ba.>>
38<<Me yi gen ayou Arik,>> Meryamu adi. <<Duŋ lɛ mi bɛ yi amɛ.>> Fe ine shar ayou Arik aduŋu.
Meryamu Ne Gar Bǝn Alisabɛtu
39Ne mkpaŋ yuŋɔ Meryamu ne lu te kɔmɔ andanda ne ntun yi tu gbu ne ntun yi Yahuza, 40amɔ wa ne yir kɔb Zakariya te tek Alisabɛtu. 41Ndi Alisabɛtu ne wɔ tek yi Meryamu, vǝvǝn ne nnɛ kɛ Alisabɛtu ne tu ne nnɛ maa, amɛ Alisabɛtu ne shak ne Izhu yi tsetser. 42Ne lɛk kɔr ŋgon te di, <<Ne nek anu didik ne miŋ kɛ amba, mǝne nek anu didik ne vǝvǝn waŋ ndi utei ŋliu! 43Ankyak anii duŋ me ne yik ki didik, te Yaa maa Ŋgɔŋ Yesɔ ne nyɛ ben abɛm? 44Ndi mne wɔ kɔr kɛ tek mi ne atɔŋ amuŋ, vǝvǝn ndi ayi ne nnɛ muŋ ne lu nyɛr. 45Anu adidik ayi ben waŋ ndi ne tanyɛme te Arik ne diu itei shaga!>>
Asem Ayi Meryamu
46Ankyak Meryamu ne di,
<<Idur muŋ inǝk Arik ŋgɔŋ.
47Fe izhu muŋ inyɛr Arik amuŋ ndi ne tam azhɔk,
48Te ne tɔ nga waŋ ndi ba Me yi kinuŋ ne min kɛ agɛn amaa ba!
Ivuŋ rɛ azizaŋa bɔbɔk ikab ŋli atei zhɔm te anu adidik,
49Tǝ ine mgbyamgbyaŋ ŋgɔŋ ne nam kiki,
Isak maa iyi tsetser.
50Ibaŋ rɛ ikab igar nga ikab nuŋ
Lɔ susun maa gar bǝn abaŋ ndi ate sisik maa.
51Ne na kiki goŋgɔŋ ne ŋɔk amaa; ne var abaŋ ndi alǝk atu ne ki na mimin ne asusun amen. 52Ne Gli atum agli zǝme ne mben men ama abaŋ ndi azǝ tu azhɔk ne lɛk ba ne shu.
53Ne yɔk abaŋ ndi kasa vuŋ ba ne kili didik fe te yar abɛ adudunki iyi ne ki.
54Ne lɔk igen amaa Isrela,
Te kama wɔ lɔ susun maa
55Ne Ibrai ben iŋli maa yaŋ klɛtu,
Ndi ne bla Atetɛ mɔr.>>
56Meryamu ne sɔŋ ben Alisabɛtu ihwa tar te she kama kɔmɔ ne kɔb.
Ŋli kɛ Yɔɔna ne su Aneshir
57Ndi mkpaŋ kɛ ŋli Alisabɛtu ne te ne ŋli zu maa 58Akpa maa ben aner maa ne wɔ ndi Arik ne tsar lɔ susun ma ngɔŋ netu yi Alisabɛtu ne lɔgu nyere.
59Nǝ bɛr yi tender ne nyɛ te abɛ kɔgu vǝvǝne zǝk,fe atei nugu sak kɛ tetɛɛ maa Zakariya, 60Fena iya maa ne lɛ te di,<< bai yi me ba! atei zhɔu te Yɔɔna.>>
61Adiu te di, <<Ba azhɔ nuŋ ne nga kɛ ŋli men ne sak kǝŋe ba.>>
62Fe arib tetɛɛ maa ne angir te di,te aba abɛ zhi ka atei di abɛ zhɔ sak kɛ vǝvǝne te ŋɔ. 63Ne rib ki yi cɛr,fe kɔte ŋɔwa avuŋ anu ne cɛrǝ, <<Isak maa iyi Yɔɔna.>>. 64Andanda anu amaa akɔ bu lǝlɛn maa ku duŋɔ azhi lɛ, te gbar Arik asak. 65Akpa abɛ sɔŋ yaŋ akpa sǝsǝk ku vuŋ ba, igoŋri zǝ ntun yi atugbu iyi Yahudiya bɔbɔk ne kiyiŋɛ. 66kɔte ŋɔwa ndi ne wɔ ki yiŋ ndi ne na, te rib, <<vǝvǝn waŋa atei yi anii?>>Tǝ iŋɔk kɛ Arik iyi ne atu maa.
Asem ayi Zakariya
67Tetɛɛ maa Zakariya ne shaga ne Izhu tsetser te na bla ki yiŋ ndi tei na ni ti: 68<<Igbar bǝ yi Ŋgɔŋ, Arik ane Isrela, te ne nyɛ tena ta aneshir amaa azhɔk. 69Ne Gli ine ta ta azhɔk ne kɔb kɛ igen amaa Doda.
70Ndi ne bla nenu abɛ bla shar maa abɛ yi tsetser ne mkpaŋ kɛ kukub, 71ita zhɔk ire ben abɛ te zor amɔr ben aŋɔk abaŋ ndi akyak ta bɔbɔk 72Te tsar lɔ susun iye atsintsim amɔr tena shu zhi ilɛ tsetser kɛ kpa nyak maa, 73Arim ayiŋ ndi ne she ntsǝntsǝm amɔr Ibrai ne yi: 74te abɛ ta ta shur ne aŋɔk abɛ te zor ben bɛta,
Te duŋ ta bǝ zekuru yaŋ te sǝsǝk 75ne tsetser ben susun didik ne ti maa ben bɛr mɔr bɔbɔk. 76Fe uwa, izu muŋ, atei zhɔu te ine bla shar Arik Ŋgɔŋ ne Shu; Ayi wa utei ku Ŋgɔŋ ti te te nau ankɔŋ, 77te bla aneshir lɛ kɛ ta ta shur ne ta shur ne zumimin men, 78te ne wɔ lɔ susun mɔr ndi Arik ne tǝǝ ta, ndi arik ane laŋ atei hrie ta ire shu 79te laŋ ahrie netu abaŋ ndi ayi ne bu ben izhu iyi ku, te bɛ ŋub aza mɔr ne kɔŋ kɛ sik susun.>>
80Amɛ vǝvǝne ne te ngɔŋ te yi ne mgbyamgbyaŋ ne Izhu tsetser; te sɔŋ ne zizik ngɔŋ se mkpaŋ keŋ ndi ne Gli tu maa aru ndende ne Isrela.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria