LUK - NUMANA 6
6
Arik ne bɛr Sɔŋ sik
1Nǝ bɛr Sɔŋ sik nuŋ yiŋɛ Yesɔ azǝn zǝ min arum akɛ alikama, fe abɛ tsǝn amaa akɔ ŋɔr alikama te nuk mgbyaŋa te tei. 2Ferisawa anuŋ arib, <<Anii duŋ zhin glak lɛ keŋ ndi ne lɛkǝ aŋyak ne atu yi bɛr Sɔŋ sik?>>
3Yesɔ asak bama, <<Ba zhin ne tɔ cɛr yiŋ ndi Doda ne na ben akpa amaa ndi abaŋ ndi ijɔŋ ne vuŋ ba kai? 4Ne yir kɔb kɛ Arik, te baŋ mbwab borodi ndi ne nyak abɛ na ndum Arik ata, ne ta mbwab borodi kɛ ne na ndum Arik ndi bai kɛ ta maa ba. Tena nek abɛ tsǝn amaa.>> 5Ne klɛtu fe Yesɔ adi ba, <<Vǝn Nǝshir a yi Ŋgɔŋ ne bɛr sɔŋ sik.>>
6Nǝ bɛr yi Sɔŋ sik nuŋ, Yesɔ ne yir Akaba te zen tsar ba, fe neshir nuŋ ndi ŋɔk maa kɛ lii ne shen. 7Ferisawa ben abɛ tsar izhi lɛ azǝn wɔb ankɔŋ ane vuŋ Yesɔ ne lalɛ, aneshir azǝn shurɔ yi ka tei na neshir te bɛ rɛ ne bɛr yi Sɔŋ sik. 8Amɛ Yesɔ ne zhi ilɛ mǝne tedi ner ne shen ŋɔgo, <<Lu klɛ ne tii kɛ aneshire.>> Fe akɔ lu kli ne tii mǝne.
9Fe Yesɔ adi ba, <<M rib zhin, aye nii rɛ abɛ nai ne bɛr Sɔŋ sik: bɛ na ki didik ka bɛ na ki mimin ni?>>
10Akama tɔ ba bɔbɔk, te di neshire, <<Nab ŋɔk mi.>> Akɔ nab kǝ, fe ŋɔk maa ku nab anenen. 11Ankyak akɔ te mfu te kama lɛ ne kpa men ne ki yiŋ ndi aba atei na Yesɔ.
Yesɔ ne hria abɛ na ndum maa awur ane yaa
12Iber nuŋ yime Yesɔ ne yuŋ tu gbu te gar ben Arik. Tǝ kur amɔ te zen ben Arik. 13Ndi bɛr ne ŋan, a zhɔ abɛ zeu tsǝn amaa te hria aner awur ane yaa ne min mǝne abaŋ ndi ne di atei naa wa ndum. 14Siman waŋ ndi azhɔu te Biturus ben zumen Anduru, Yakubu, Yɔɔna, Filibus, Batɔlɔmi, 15Matiu, Tɔmas, Yakubu izu Halfa. Isiman waŋ di a zhɔu te Zalɔt, 16Yahuza Izu Yakubu, ben Yahuza Iskariyɔti waŋ ndi ne baŋ Yesɔ alɛb.
Nek Anu didik ben la neshir
17Yesɔ ne gli abɛ na ndum amaa te kama zi te kli ne amkpa waŋ ndi ba yi gbu ba. Ntsan aneshir ne zeu anyɛ rɛ ntun yi Yahudiya, ben Urushelima, ben gar kɛ Taya ben Sidon. 18Abaŋ ndi ne nyɛ wɔ lɛ maa te bɛ nab ba te duŋ ba rɛ ne min kɛ lɔ men. Abaŋ ndi ki tuk sak ba iyah ne rɛ, 19kɔte ŋɔwa ne min kɛ aneshir awɔb te wa abɛ sagu ŋɔk, te mgbyamgbyaŋ rurɛ kpa maa te duŋ ba rɛ.
20Yesɔ atɔ abɛ zeu tsǝn amaa, te di:
<<Anu didik ayi abaŋ ndi ba yi ne kinuŋ ba,
Neme kɔb kɛ Arik iyi men.
21Anu didik ayi ben abaŋ ndi ijɔŋ vuŋ zhin azizaŋa,
Atei duŋ zhin hri.
Anu didik ayi ben abaŋ ndi azhin azizaŋa, te izhin
Tei mlak.
22Anu didik ayi ben abaŋ ndi aner akyak zhin,
Ndi aneshir ate pwar zhin tena yen zhin
Tena kyak asak amin ndi te ben na kɛ mimin,
Ne atu ayi Izu Neshir.
23<<Nyɛr zhin ne bǝn, te mlak nyɛr, te idǝk min iyi ŋgɔŋ ne shu. Ne me ane naa abɛ bla lɛ kɛ Arik.
24<<Fena zhin shur atu amin izhin abɛ yi ne ki ŋɔk,
Tǝ ne ka yis zhin ayi amin.
25Zhin shur atu min izhin abaŋ ndi neka nek zhin lii.
Te ijɔŋ tei vuŋ zhin.
Zhin shur atu min izhin abɛ mlak azizaŋa,
Tǝ izhin tei kɔr asusun tena zhin.
26Zhin zhɔk atu min ndi aneshir tetɛk atei lɛ ki didik ne atu min,
Iye mee ane lǝlɛ didik ne atɔ atetɛ min abɛ timu tedi aba bla lɛ kɛ Arik.
Tanyɛme ben ne kyagu
27<<Fena Mbla zhin abaŋ ndi awɔm: Ta nyɛmɛ bene abɛ kyagu, te naa ba ki didik, 28nek abaŋ ndi ayen zhin anu adidik, ben Arik ne atu abaŋ ndi akyak zhin yi. 29Inuŋ ate ŋuru ne ŋkɔn ŋa zhiin, kamu kɛ yaa maa. Iwaŋ ndi ate baŋ aŋklu ami, duŋɔ abaŋ akɛ su kɛ miŋe. 30Nǝk waŋ ndi ate benu, iwaŋ ndi ate baŋ ki mi duŋ na diu tei ba. 31Naa nuŋ iki yiŋ ndi udi abɛ nau neyi.
32<<Izhin tedi izhin ne ta nyɛmɛ ben abaŋ ndi ne ata nyɛmɛ bene abezhin ankyak, fe izhin ne baŋ anii? kɔ abɛ <Na ki mimin> Ata nyɛmɛ ben abaŋ ndi ne ata nyɛmɛ bene ba. 33Ne mee te zhin te na ki didik bene abaŋ ndi ana zhin ki didik. Izhin ne ta nii? Amɛ abɛ naki mimin anai. 34Ate yi ndi izhin kɔb abɛ yaa zhin ihria ankyak, aye nii izhin nenai? Amɛ abɛ na <Ki mimin> A kɔb akpa men tena nek kɛ anenen. 35Fena ta nyɛmɛ bene abɛ kyak zhin, naa ba ki didik, izhin te kɔb ba duŋ na di zhin ushur ayi te bɛ kama ya zhin ba. Amɛ, idǝk min tei yi ŋgɔŋ, fe ijin tei nayi amun Arik Ŋgɔŋ te awɔ lɔ susun abɛ nyɛr ben abɛ na ki mimin. 36Lɔ zhin susun abɛ kyak zhin yi, ndi Tetɛɛ min alɔ susun mine.
Ite anuŋ ambuk
37Yesɔ adi <<Duŋ te anuŋ ŋas ba, te ba tei teu ba. Duŋ yik neshir nuŋ ayi kisha ba, te ba tei yigu uyi ki sha ba. Zuk izhu zhɔk, atei na zu gu azhɔk. 38Nǝk, atei na nǝgu ma. Ikuca kɛ tsar ki, keŋ ndi yi didik ndi ne kpaŋ kɛ, Izhaŋ var hrie, ne a za. Tǝ kuca keŋ ndi utǝ tsar kime, ai kɛ atei tsa ru ma mi yi.>>
39Yesɔ nena bla ba nkanlɛ yiŋɛ: <<Ineshir ne amfik atei Gli ner ne amfik ge? Iyah mǝne batei zhaku ne dudu kai? 40Iwaŋ ndi a tsa ru ba naŋ ne tsa ru ba, fena iwaŋ ndi ne tsa ru ŋgɔŋ atei yi ndi ne tsa ru.
41<<Anii teu tɔ keŋkam kɛ iyi zumin te kyak kam tɔ ikɛ iyi mi? 42U na kikin te di zumin, <Zumɔr, duŋ me ntunu mkpɔk keŋkam kɛ yi mi,> Ndi bau ne tun kɛ yi mi kai? Izhin abɛ na yik ayi, kuti tun mkpɔk kǝŋkam ndi yi ne yi mi baliŋ, ayemi atei ka laŋ atɔ iyi kɛ zumin te ka tunu maa.
Itiŋ kuŋkun ben dɔ maa
43<<Kuŋkun didik ba Gli dɔ mimin rumɔ ba, amɛ kuŋkun mimin ba Gli dɔ didik rumɔ ba. 44Azhi tiŋ kuŋkun ne dɔ maa. Aneshir batei kyaŋ dɔ Lambwe ne tiŋ azaa ba, kai kyaŋ inabi ne tiŋ aŋlɔŋ ba. 45Ineshir didik a Gli ki didik arumɔ ne susun maa, amɛ ineshir mimin a Gli ki mimin a rumɔ ne susun maa. Ikiyiŋ ndi iyi ne miŋ ne ai yi ru nenu.
Iner ne tɔ gar ti ben kpukpur ner
46<<Ai ni duŋ zhin zhɔm, <Ŋgɔŋ, Ŋgɔŋ,> Tǝ kyak na zhin kiyiŋ ndi Mblai? 47Mtei tsar zhin ndi ayi ndi waŋ ndi ne nyɛ bene bam te wɔ lɛ muŋ te na ndum ne kǝ me. 48Ayi ndi neshir waŋ ndi ne mee kɔb, ne ka ŋlɔ mkpaŋ tiŋe ayir min ne tu yaŋ. Anca ne ru, amashire ne gara zǝ kɔbɔ, bane zǝr ba, te ne mee kɛ ne tu yaŋ. 49Fena iwaŋ ndi ne wɔ lɛ muŋ te kyak na ndum ne kǝ, ayi ndi iner waŋ ndi ne baŋ kɔ maa amɛ sak ne tu ablubluk te kyak ka ŋlɔ mkpaŋ tiŋe. Ndi ŋguŋgu ŋgɔŋ ne fuk, ikɔbɔ ne zhaku izhaku mimin.>>
ទើបបានជ្រើសរើសហើយ៖
LUK - NUMANA 6: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
LUK - NUMANA 6
6
Arik ne bɛr Sɔŋ sik
1Nǝ bɛr Sɔŋ sik nuŋ yiŋɛ Yesɔ azǝn zǝ min arum akɛ alikama, fe abɛ tsǝn amaa akɔ ŋɔr alikama te nuk mgbyaŋa te tei. 2Ferisawa anuŋ arib, <<Anii duŋ zhin glak lɛ keŋ ndi ne lɛkǝ aŋyak ne atu yi bɛr Sɔŋ sik?>>
3Yesɔ asak bama, <<Ba zhin ne tɔ cɛr yiŋ ndi Doda ne na ben akpa amaa ndi abaŋ ndi ijɔŋ ne vuŋ ba kai? 4Ne yir kɔb kɛ Arik, te baŋ mbwab borodi ndi ne nyak abɛ na ndum Arik ata, ne ta mbwab borodi kɛ ne na ndum Arik ndi bai kɛ ta maa ba. Tena nek abɛ tsǝn amaa.>> 5Ne klɛtu fe Yesɔ adi ba, <<Vǝn Nǝshir a yi Ŋgɔŋ ne bɛr sɔŋ sik.>>
6Nǝ bɛr yi Sɔŋ sik nuŋ, Yesɔ ne yir Akaba te zen tsar ba, fe neshir nuŋ ndi ŋɔk maa kɛ lii ne shen. 7Ferisawa ben abɛ tsar izhi lɛ azǝn wɔb ankɔŋ ane vuŋ Yesɔ ne lalɛ, aneshir azǝn shurɔ yi ka tei na neshir te bɛ rɛ ne bɛr yi Sɔŋ sik. 8Amɛ Yesɔ ne zhi ilɛ mǝne tedi ner ne shen ŋɔgo, <<Lu klɛ ne tii kɛ aneshire.>> Fe akɔ lu kli ne tii mǝne.
9Fe Yesɔ adi ba, <<M rib zhin, aye nii rɛ abɛ nai ne bɛr Sɔŋ sik: bɛ na ki didik ka bɛ na ki mimin ni?>>
10Akama tɔ ba bɔbɔk, te di neshire, <<Nab ŋɔk mi.>> Akɔ nab kǝ, fe ŋɔk maa ku nab anenen. 11Ankyak akɔ te mfu te kama lɛ ne kpa men ne ki yiŋ ndi aba atei na Yesɔ.
Yesɔ ne hria abɛ na ndum maa awur ane yaa
12Iber nuŋ yime Yesɔ ne yuŋ tu gbu te gar ben Arik. Tǝ kur amɔ te zen ben Arik. 13Ndi bɛr ne ŋan, a zhɔ abɛ zeu tsǝn amaa te hria aner awur ane yaa ne min mǝne abaŋ ndi ne di atei naa wa ndum. 14Siman waŋ ndi azhɔu te Biturus ben zumen Anduru, Yakubu, Yɔɔna, Filibus, Batɔlɔmi, 15Matiu, Tɔmas, Yakubu izu Halfa. Isiman waŋ di a zhɔu te Zalɔt, 16Yahuza Izu Yakubu, ben Yahuza Iskariyɔti waŋ ndi ne baŋ Yesɔ alɛb.
Nek Anu didik ben la neshir
17Yesɔ ne gli abɛ na ndum amaa te kama zi te kli ne amkpa waŋ ndi ba yi gbu ba. Ntsan aneshir ne zeu anyɛ rɛ ntun yi Yahudiya, ben Urushelima, ben gar kɛ Taya ben Sidon. 18Abaŋ ndi ne nyɛ wɔ lɛ maa te bɛ nab ba te duŋ ba rɛ ne min kɛ lɔ men. Abaŋ ndi ki tuk sak ba iyah ne rɛ, 19kɔte ŋɔwa ne min kɛ aneshir awɔb te wa abɛ sagu ŋɔk, te mgbyamgbyaŋ rurɛ kpa maa te duŋ ba rɛ.
20Yesɔ atɔ abɛ zeu tsǝn amaa, te di:
<<Anu didik ayi abaŋ ndi ba yi ne kinuŋ ba,
Neme kɔb kɛ Arik iyi men.
21Anu didik ayi ben abaŋ ndi ijɔŋ vuŋ zhin azizaŋa,
Atei duŋ zhin hri.
Anu didik ayi ben abaŋ ndi azhin azizaŋa, te izhin
Tei mlak.
22Anu didik ayi ben abaŋ ndi aner akyak zhin,
Ndi aneshir ate pwar zhin tena yen zhin
Tena kyak asak amin ndi te ben na kɛ mimin,
Ne atu ayi Izu Neshir.
23<<Nyɛr zhin ne bǝn, te mlak nyɛr, te idǝk min iyi ŋgɔŋ ne shu. Ne me ane naa abɛ bla lɛ kɛ Arik.
24<<Fena zhin shur atu amin izhin abɛ yi ne ki ŋɔk,
Tǝ ne ka yis zhin ayi amin.
25Zhin shur atu min izhin abaŋ ndi neka nek zhin lii.
Te ijɔŋ tei vuŋ zhin.
Zhin shur atu min izhin abɛ mlak azizaŋa,
Tǝ izhin tei kɔr asusun tena zhin.
26Zhin zhɔk atu min ndi aneshir tetɛk atei lɛ ki didik ne atu min,
Iye mee ane lǝlɛ didik ne atɔ atetɛ min abɛ timu tedi aba bla lɛ kɛ Arik.
Tanyɛme ben ne kyagu
27<<Fena Mbla zhin abaŋ ndi awɔm: Ta nyɛmɛ bene abɛ kyagu, te naa ba ki didik, 28nek abaŋ ndi ayen zhin anu adidik, ben Arik ne atu abaŋ ndi akyak zhin yi. 29Inuŋ ate ŋuru ne ŋkɔn ŋa zhiin, kamu kɛ yaa maa. Iwaŋ ndi ate baŋ aŋklu ami, duŋɔ abaŋ akɛ su kɛ miŋe. 30Nǝk waŋ ndi ate benu, iwaŋ ndi ate baŋ ki mi duŋ na diu tei ba. 31Naa nuŋ iki yiŋ ndi udi abɛ nau neyi.
32<<Izhin tedi izhin ne ta nyɛmɛ ben abaŋ ndi ne ata nyɛmɛ bene abezhin ankyak, fe izhin ne baŋ anii? kɔ abɛ <Na ki mimin> Ata nyɛmɛ ben abaŋ ndi ne ata nyɛmɛ bene ba. 33Ne mee te zhin te na ki didik bene abaŋ ndi ana zhin ki didik. Izhin ne ta nii? Amɛ abɛ naki mimin anai. 34Ate yi ndi izhin kɔb abɛ yaa zhin ihria ankyak, aye nii izhin nenai? Amɛ abɛ na <Ki mimin> A kɔb akpa men tena nek kɛ anenen. 35Fena ta nyɛmɛ bene abɛ kyak zhin, naa ba ki didik, izhin te kɔb ba duŋ na di zhin ushur ayi te bɛ kama ya zhin ba. Amɛ, idǝk min tei yi ŋgɔŋ, fe ijin tei nayi amun Arik Ŋgɔŋ te awɔ lɔ susun abɛ nyɛr ben abɛ na ki mimin. 36Lɔ zhin susun abɛ kyak zhin yi, ndi Tetɛɛ min alɔ susun mine.
Ite anuŋ ambuk
37Yesɔ adi <<Duŋ te anuŋ ŋas ba, te ba tei teu ba. Duŋ yik neshir nuŋ ayi kisha ba, te ba tei yigu uyi ki sha ba. Zuk izhu zhɔk, atei na zu gu azhɔk. 38Nǝk, atei na nǝgu ma. Ikuca kɛ tsar ki, keŋ ndi yi didik ndi ne kpaŋ kɛ, Izhaŋ var hrie, ne a za. Tǝ kuca keŋ ndi utǝ tsar kime, ai kɛ atei tsa ru ma mi yi.>>
39Yesɔ nena bla ba nkanlɛ yiŋɛ: <<Ineshir ne amfik atei Gli ner ne amfik ge? Iyah mǝne batei zhaku ne dudu kai? 40Iwaŋ ndi a tsa ru ba naŋ ne tsa ru ba, fena iwaŋ ndi ne tsa ru ŋgɔŋ atei yi ndi ne tsa ru.
41<<Anii teu tɔ keŋkam kɛ iyi zumin te kyak kam tɔ ikɛ iyi mi? 42U na kikin te di zumin, <Zumɔr, duŋ me ntunu mkpɔk keŋkam kɛ yi mi,> Ndi bau ne tun kɛ yi mi kai? Izhin abɛ na yik ayi, kuti tun mkpɔk kǝŋkam ndi yi ne yi mi baliŋ, ayemi atei ka laŋ atɔ iyi kɛ zumin te ka tunu maa.
Itiŋ kuŋkun ben dɔ maa
43<<Kuŋkun didik ba Gli dɔ mimin rumɔ ba, amɛ kuŋkun mimin ba Gli dɔ didik rumɔ ba. 44Azhi tiŋ kuŋkun ne dɔ maa. Aneshir batei kyaŋ dɔ Lambwe ne tiŋ azaa ba, kai kyaŋ inabi ne tiŋ aŋlɔŋ ba. 45Ineshir didik a Gli ki didik arumɔ ne susun maa, amɛ ineshir mimin a Gli ki mimin a rumɔ ne susun maa. Ikiyiŋ ndi iyi ne miŋ ne ai yi ru nenu.
Iner ne tɔ gar ti ben kpukpur ner
46<<Ai ni duŋ zhin zhɔm, <Ŋgɔŋ, Ŋgɔŋ,> Tǝ kyak na zhin kiyiŋ ndi Mblai? 47Mtei tsar zhin ndi ayi ndi waŋ ndi ne nyɛ bene bam te wɔ lɛ muŋ te na ndum ne kǝ me. 48Ayi ndi neshir waŋ ndi ne mee kɔb, ne ka ŋlɔ mkpaŋ tiŋe ayir min ne tu yaŋ. Anca ne ru, amashire ne gara zǝ kɔbɔ, bane zǝr ba, te ne mee kɛ ne tu yaŋ. 49Fena iwaŋ ndi ne wɔ lɛ muŋ te kyak na ndum ne kǝ, ayi ndi iner waŋ ndi ne baŋ kɔ maa amɛ sak ne tu ablubluk te kyak ka ŋlɔ mkpaŋ tiŋe. Ndi ŋguŋgu ŋgɔŋ ne fuk, ikɔbɔ ne zhaku izhaku mimin.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria