LUK - NUMANA 5
5
Yesɔ ne zhɔ abɛ zeu tsin abɛ kuti
1Iber nuŋ yime Yesɔ a klikli ne kɔtɔŋ nek ne Janisara, ntsan aneshir ne kamɔ azik te zen wɔ lɛ kɛ Arik. 2Fe a yik igu mɔtsɔtsɔb me yaa ne kɔtɔŋ nek ngɔŋ, abɛ vu ambɛ a zǝn ŋla kiki ye vu ambɛ mǝne. 3Fe Yesɔ ayir min gu kɛ Biturus, a diu tedi abɛ Gli igumɔ te nyɛ kɔtɔŋ. Ankyak akɔ zǝ sɔŋ te zen tsar aneshir ne min gumɔ.
4Ndi Yesɔ ne lɛ klɛ, a di Biturus, <<baŋ ki vu ambɛ mi zhɔk ne tiŋ amashir te vu ambɛ.>>
5Biturus a sagu ma, <<Iner ngɔŋ, ta ne yik ya rɛ bu ba ta ne vuŋ kinuŋ ba, ai wa udim, duŋ me zhɔgo.>>
6Ndi ne na me, ne vu ambɛ tetɛk, iburgi ne vu ambɛ izen gbuŋa. 7Fe akɔ zhɔ akpa amɛn ndi ayi ne gu kɛ yaa ma te di abɛ nyɛ lɔk ba ma. ne nyɛ tɛ vu ambe ashak min igu mɛ yaa ma ndi tei rim.
8Ndi Siman Biturus ne yik amɛ, azhaku ne ti kɛ Yesɔ te di, <<Kam tibɛ ni ti muŋ, Ngɔŋ; me yi ner ne lalɛ!>> 9Biturus ben akpa amaa, ne vuŋ anu ne ambɛ abaŋ ndi ne vu ba, 10Ane Yakubu ben Yɔɔna amumun abɛ Zabǝdi, akpaa abɛ Biturus. Fe Yesɔ adi Biturus <<duŋ te sǝsǝk ba, vuŋ rɛ azizaŋ te kɔmɔ ti utei Gli aneshir te nyɛ bene bɛm.>> 11Ndi ne Gli gumɔ te nyɛ kɔn tɔŋ, ne duŋ kiki men bɔbɔk te zǝu.
Yesɔ nena ne kpuk
12Ndi Yesɔ ne yi ne min kɛ ntun nuŋ, iner ne kpuk ne nyɛ ben bau, ndi ne yik Yesɔ, ne zhaku te ku ti ma ne mimi te benu, <<Ŋgɔŋ, utǝ tanyɛme duŋ me re.>>
13Fe Yesɔ a nab ŋɔk ma te sagu ne kǝ, te di, <<mǝne tanyɛme, ubǝ re>> ne amkpa amkpama akɔ re.
14Yesɔ akɔ gbaŋu atɔŋ te di abɛ duŋ bla nuŋ ba, adiu te di <<Tsin kɔmɔ ben firist te duŋɔ ayigu, te na tuk amkpur te tsar ba re mi te duŋ ba abɛ yik, ir keŋ ndi Musa ne bla.>>
15Ne me ilɛ maa ne shak akpa, aneshir a zin nyɛ te wɔu, te abɛ na duŋ ba re menyi. 16Mkpaŋ nuŋ Yesɔ ne aben awɔb amkpa te sɔŋ kiki maa ne amkpa waŋ ndi ai wa kiki maa te ben Arik.
Yesɔ ne na ne ku kpa gar zhin
17Iber nuŋ yime a zin tsar, ane Ferisawa ben a bǝ zhi cɛr yi Musa ne rurɛ ntuntun yi Galili, ben yi Yahudiya, ben Urushelima, te kɔ sɔŋ amɔ. Mgbyamgbyaŋ kɛ Arik kɛ ne na aneshire te ne rɛ. 18Fe aneshire nuŋ a Gli ner ne ku kpa gar zhin ne ki kur te wɔb te ba bǝ zǝu zhɔk ne ti kɛ Yesɔ. 19Ndi bane yik ankɔŋ ane na me ba aneshir ne te du, ne baŋu te yuŋ tu ki te zhɔk ririk te zhɔ gu ne ti kɛ Yesɔ.
20Ndi Yesɔ ne yik nek tɔ men, fe adi, <<kpamuŋ, mǝne baŋu lalɛ mi.>>
21Amɛ Ferisawa ben abɛ tsar cɛr yi Musa alɛ ne akpa men te di, <<Ayi ŋɔ te lǝlɛ kɛ lɛk susun amɛ? Ai ŋɔ tei zuk iner ne lalɛ zhɔk mba Arik ankyak?>>
22Yesɔ ne zhi lɛ ne mǝne, te rib, <<Izhin lɛ ne kɛ ni ne min kɛ asusun amin? 23Itayi ne naŋ: abɛ di, <Ne baŋ la lɛ mi,> ka abɛdi, <Lu tsin>? 24Tǝ zhin bɛ zhi Vǝn neshir ayi ne mgbyamgbyaŋ kɛ baŋ lalɛ yi gɔŋmimi, ankyak.>> Akɔ di ne ku kpama, <<Lu te baŋ ki kur mi te kɔmɔ ne kɔb.>> 25Ne amkpama akɔ rɛ te lu kli ne ti men, te baŋ ki kur maa, te tsǝne kɔmɔ ne kɔb te zen gbar Arik asak. 26kɔte ŋɔ ne vuŋ anu te gbara Arik asak. Sikik ku vuŋ ba fe adi, <<Ayi mɔr ne yik ki sak ŋɔk ne ne.>>
Yesɔ ne zhɔ lawi
27Ndi yiŋɛ ne gayir, Yesɔ ne ru te yik ne ta gandu azhɔu te lawi, akɔ sɔŋ, te zin na ndum kɛ ta gandu, Yesɔ adiu. <<Lu zǝm,>> 28Fe Lawi ne duŋ ki maa bɔbɔk, te zǝu.
29Ankyak Lawi ne kɔmɔ te kɔ te na gyaŋ te naa Yesɔ kili didik ne kɔmaa, abɛ ta gandu tetɛk ben aneshir anuŋ a zin li bene bau. 30Fe Ferisawa ben abɛ tsar atɔra adi abɛ na ndum maa te di <<Anii duŋ zhin li te so ben a bɛ ta gandu ben abɛ na zumimin?>>
31Yesɔ asak bama te di, <<Aner abɛ yine mgbyamgbyaŋ ba wɔb kǝka ba, se abɛ lɔ. 32Bam ne nyɛ zhɔ abɛ yi tsetser ba, mǝne nyɛ te abɛ zumimin abɛ duŋ zumimin men te zǝm.>>
Ne rib Yesɔ ne tu kpa anu
33Fe adiu te di, <<abɛ zǝ Yɔɔna a kpa anu amkpamkpaŋ te na ben Arik, Ferisawa ana na me, ama abɛ tsǝn ami ali te so.>>
34Ankyak Yesɔ adi ba, <<Izhin wɔb te akpaa abɛ waŋ ndi azugu wa abɛ kpa anu ndi azǝn na gyaŋ? 35Mkpaŋ nyɛ ndi a tei baŋ waŋ ndi akpau ŋa ne ti men. Ai mkpaŋa atei ka kpa anu.>>
36Fe Yesɔ ne bla ba keŋ lɛ: <<Nuŋ ba tei gbu aklu ayayas aŋaa te hwen acicɛ, ate na me ba tei te ba, ayuŋɔ ba tei te acicɛ me ba. 37Nuŋ ba tei vu ama inabi a yayas a shur ne cice ne gwara ba. Ate shurɔ gwarama a tei ŋar hrie gwara tei cɔkla. 38Amashir ayayas ane dɔ kuŋkun inabi, a wɔb gwara yayas. 39Ba waŋ di atai wɔb te abɛ so amashir dɔ kuŋkun inabi yayas, ndi ne ka so a cice, a tei di <Ai a cice me a rɛ naŋ.>>>
ទើបបានជ្រើសរើសហើយ៖
LUK - NUMANA 5: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
LUK - NUMANA 5
5
Yesɔ ne zhɔ abɛ zeu tsin abɛ kuti
1Iber nuŋ yime Yesɔ a klikli ne kɔtɔŋ nek ne Janisara, ntsan aneshir ne kamɔ azik te zen wɔ lɛ kɛ Arik. 2Fe a yik igu mɔtsɔtsɔb me yaa ne kɔtɔŋ nek ngɔŋ, abɛ vu ambɛ a zǝn ŋla kiki ye vu ambɛ mǝne. 3Fe Yesɔ ayir min gu kɛ Biturus, a diu tedi abɛ Gli igumɔ te nyɛ kɔtɔŋ. Ankyak akɔ zǝ sɔŋ te zen tsar aneshir ne min gumɔ.
4Ndi Yesɔ ne lɛ klɛ, a di Biturus, <<baŋ ki vu ambɛ mi zhɔk ne tiŋ amashir te vu ambɛ.>>
5Biturus a sagu ma, <<Iner ngɔŋ, ta ne yik ya rɛ bu ba ta ne vuŋ kinuŋ ba, ai wa udim, duŋ me zhɔgo.>>
6Ndi ne na me, ne vu ambɛ tetɛk, iburgi ne vu ambɛ izen gbuŋa. 7Fe akɔ zhɔ akpa amɛn ndi ayi ne gu kɛ yaa ma te di abɛ nyɛ lɔk ba ma. ne nyɛ tɛ vu ambe ashak min igu mɛ yaa ma ndi tei rim.
8Ndi Siman Biturus ne yik amɛ, azhaku ne ti kɛ Yesɔ te di, <<Kam tibɛ ni ti muŋ, Ngɔŋ; me yi ner ne lalɛ!>> 9Biturus ben akpa amaa, ne vuŋ anu ne ambɛ abaŋ ndi ne vu ba, 10Ane Yakubu ben Yɔɔna amumun abɛ Zabǝdi, akpaa abɛ Biturus. Fe Yesɔ adi Biturus <<duŋ te sǝsǝk ba, vuŋ rɛ azizaŋ te kɔmɔ ti utei Gli aneshir te nyɛ bene bɛm.>> 11Ndi ne Gli gumɔ te nyɛ kɔn tɔŋ, ne duŋ kiki men bɔbɔk te zǝu.
Yesɔ nena ne kpuk
12Ndi Yesɔ ne yi ne min kɛ ntun nuŋ, iner ne kpuk ne nyɛ ben bau, ndi ne yik Yesɔ, ne zhaku te ku ti ma ne mimi te benu, <<Ŋgɔŋ, utǝ tanyɛme duŋ me re.>>
13Fe Yesɔ a nab ŋɔk ma te sagu ne kǝ, te di, <<mǝne tanyɛme, ubǝ re>> ne amkpa amkpama akɔ re.
14Yesɔ akɔ gbaŋu atɔŋ te di abɛ duŋ bla nuŋ ba, adiu te di <<Tsin kɔmɔ ben firist te duŋɔ ayigu, te na tuk amkpur te tsar ba re mi te duŋ ba abɛ yik, ir keŋ ndi Musa ne bla.>>
15Ne me ilɛ maa ne shak akpa, aneshir a zin nyɛ te wɔu, te abɛ na duŋ ba re menyi. 16Mkpaŋ nuŋ Yesɔ ne aben awɔb amkpa te sɔŋ kiki maa ne amkpa waŋ ndi ai wa kiki maa te ben Arik.
Yesɔ ne na ne ku kpa gar zhin
17Iber nuŋ yime a zin tsar, ane Ferisawa ben a bǝ zhi cɛr yi Musa ne rurɛ ntuntun yi Galili, ben yi Yahudiya, ben Urushelima, te kɔ sɔŋ amɔ. Mgbyamgbyaŋ kɛ Arik kɛ ne na aneshire te ne rɛ. 18Fe aneshire nuŋ a Gli ner ne ku kpa gar zhin ne ki kur te wɔb te ba bǝ zǝu zhɔk ne ti kɛ Yesɔ. 19Ndi bane yik ankɔŋ ane na me ba aneshir ne te du, ne baŋu te yuŋ tu ki te zhɔk ririk te zhɔ gu ne ti kɛ Yesɔ.
20Ndi Yesɔ ne yik nek tɔ men, fe adi, <<kpamuŋ, mǝne baŋu lalɛ mi.>>
21Amɛ Ferisawa ben abɛ tsar cɛr yi Musa alɛ ne akpa men te di, <<Ayi ŋɔ te lǝlɛ kɛ lɛk susun amɛ? Ai ŋɔ tei zuk iner ne lalɛ zhɔk mba Arik ankyak?>>
22Yesɔ ne zhi lɛ ne mǝne, te rib, <<Izhin lɛ ne kɛ ni ne min kɛ asusun amin? 23Itayi ne naŋ: abɛ di, <Ne baŋ la lɛ mi,> ka abɛdi, <Lu tsin>? 24Tǝ zhin bɛ zhi Vǝn neshir ayi ne mgbyamgbyaŋ kɛ baŋ lalɛ yi gɔŋmimi, ankyak.>> Akɔ di ne ku kpama, <<Lu te baŋ ki kur mi te kɔmɔ ne kɔb.>> 25Ne amkpama akɔ rɛ te lu kli ne ti men, te baŋ ki kur maa, te tsǝne kɔmɔ ne kɔb te zen gbar Arik asak. 26kɔte ŋɔ ne vuŋ anu te gbara Arik asak. Sikik ku vuŋ ba fe adi, <<Ayi mɔr ne yik ki sak ŋɔk ne ne.>>
Yesɔ ne zhɔ lawi
27Ndi yiŋɛ ne gayir, Yesɔ ne ru te yik ne ta gandu azhɔu te lawi, akɔ sɔŋ, te zin na ndum kɛ ta gandu, Yesɔ adiu. <<Lu zǝm,>> 28Fe Lawi ne duŋ ki maa bɔbɔk, te zǝu.
29Ankyak Lawi ne kɔmɔ te kɔ te na gyaŋ te naa Yesɔ kili didik ne kɔmaa, abɛ ta gandu tetɛk ben aneshir anuŋ a zin li bene bau. 30Fe Ferisawa ben abɛ tsar atɔra adi abɛ na ndum maa te di <<Anii duŋ zhin li te so ben a bɛ ta gandu ben abɛ na zumimin?>>
31Yesɔ asak bama te di, <<Aner abɛ yine mgbyamgbyaŋ ba wɔb kǝka ba, se abɛ lɔ. 32Bam ne nyɛ zhɔ abɛ yi tsetser ba, mǝne nyɛ te abɛ zumimin abɛ duŋ zumimin men te zǝm.>>
Ne rib Yesɔ ne tu kpa anu
33Fe adiu te di, <<abɛ zǝ Yɔɔna a kpa anu amkpamkpaŋ te na ben Arik, Ferisawa ana na me, ama abɛ tsǝn ami ali te so.>>
34Ankyak Yesɔ adi ba, <<Izhin wɔb te akpaa abɛ waŋ ndi azugu wa abɛ kpa anu ndi azǝn na gyaŋ? 35Mkpaŋ nyɛ ndi a tei baŋ waŋ ndi akpau ŋa ne ti men. Ai mkpaŋa atei ka kpa anu.>>
36Fe Yesɔ ne bla ba keŋ lɛ: <<Nuŋ ba tei gbu aklu ayayas aŋaa te hwen acicɛ, ate na me ba tei te ba, ayuŋɔ ba tei te acicɛ me ba. 37Nuŋ ba tei vu ama inabi a yayas a shur ne cice ne gwara ba. Ate shurɔ gwarama a tei ŋar hrie gwara tei cɔkla. 38Amashir ayayas ane dɔ kuŋkun inabi, a wɔb gwara yayas. 39Ba waŋ di atai wɔb te abɛ so amashir dɔ kuŋkun inabi yayas, ndi ne ka so a cice, a tei di <Ai a cice me a rɛ naŋ.>>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria