LUK - NUMANA 18
18
Nkanlɛ yi su tu wakɔ
1Fe Yesɔ abla abɛ tsǝn amaa nkenlɛ te abɛ ben Arik iyaŋ mkpaŋ kǝr abɛ tun susun ba. 2Adi: <<Nǝ ntun nuŋ iyiŋɛ ine te ŋas ayime ndi ba klu sisik Arik ba kai bɛ lɔ wɔ lɔ susun aner. 3Nǝ ntuno iwakɔ nuŋ azǝn zeu gar te ben, <Yir min mɔr ben waŋ ndi awɔb zhaku muŋ.>
4<<Ne lɔ di wa akyak. Te nalɔ di ne susun maa, <Mni nzhi bam klu sǝsǝk Arik ba bam na nkam tɔ aneshir ba, 5ndi kime iye mee wakɔmɔ adam me, M tei nǝgu ikiyiŋ ndi iyi maa, kǝr abɛ zen nyɛ te dam me ba!>>>
6Fe Arik Ŋgɔŋ adi, <<Wɔ zhin ki yiŋ ndi ne te ŋas waŋa adi. 7Fena Arik bai lɔ wɔ zhin kɛ abaŋ ndi ne hria ba kai, ndi azhin ashuru aririk ben bu kai?Ai lɔ kyak wɔ bai? 8Mbla zhin, atei nek kɔte ŋɔwa ikiyiŋ ndi iyi anenen. Ndi iye mee, ne bɛr yi nyɛ Izu Nǝshir, atei yik lɛ didik ne goŋ abɛm ǝ?>>
Nkenlɛ yi awɔnǝ Ferisawa ben ne ta gendu
9Fe ne bla nkenlɛ tedi, aneshir abaŋ ndi ne ta nyɛmɛ ne kpa men te ba naki didik, te bene yik nki aneshir bayi ikinuŋ ba, adi: 10<<Anere yaa ne gar ki kɛ ben Arik, nuŋ aye awɔnǝ Ferisawa ine yaa ma ata gendu. 11Awɔnǝ Farisawama alu akli adidik te ben yi gbaar atu amaa sak: <Arik, Mne nye ru te bam yi ndi nki aneshir ba, abɛ zhib, abɛ na ki mimin abɛ zǝ amba, te vuŋ waŋ ndi ata gendumɔ. 12Mkpaŋ anu amkpaŋ ayaa ne min kɛ sati, ikiyiŋ ndi mtǝ yik mtun zhiin ne min kɛ wur nek.>
13Ndi amɛ, ine ta gendumɔ aklɛ shaan, bane dɔ lɛk ayi atɔ shumɔ ba, fe atsik asa amaa te bene di, <Arik, wɔ lɔ susun muŋ, myi ne lalɛ.>
14<<Mdik mbla zhin te neshir waŋa, ne kama kɔmɔ ne kɔ maa te Arik ne ŋlau azhɔk anaŋ ne ŋur asa yuŋɔ, te waŋ ndi ate lɛk tu maa atei gliu azime, iwaŋ ndi ate Gli tu maa azime, atei lɛgu.>>
Yesɔ ne nek amumun amuotsɔtsɔb anu adidik
15Aneshir ne gliu amumun amen te nyɛ ben Yesɔ te bɛ sak ba ŋɔk. Abɛ zeu tsin amaa te yik amɛ, akɔ tsaŋ ba. 16Ankyak Yesɔ akɔ zhɔ amumune tedi, <<Duŋ zhin amumune abaŋa anyɛ bene bɛm, duŋ yar zhin neba ba, te kɔb Arik ŋgɔŋ kɛ shu iyi men. 17Mbla zhin lɛ didik, ate yi ndi waŋ ndi bate ta nyɛmɛ ne kɔb Arik ndi vǝvǝn vǝtsɔb ba, ba tei yir kɛ ba ne mla yaŋ klɛtu.>>
Ŋgɔŋ ne yi ne ŋɔk
18Ŋgɔŋ ne yine ŋɔgo aribu, <<Ine tsar didik, M tei na kikin tem ta sɔŋ kɛ yaŋ kui?>>
19Fe Yesɔ adiu. <<Anii duŋu zhɔm te ne tsar didik?>> <<Inuŋ ne rɛ ba na yime ba aye Arik ankyak. 20Une zhi kiki yi bla: <Duŋ vuŋ iwa ayou nuŋ kai lulum ayou nuŋ kur o ba, duŋ ŋun neshir ba, duŋ zhib ba, duŋ ta lɛ ndi bau nǝ zhi ki ba, nek tetɛɛ mi ben yaa mi ŋgɔŋ men.>>>
21<<Iki yiŋɛ bɔbɔk mni men zee ire mkpaŋ kɛ tashi lu rɛ nzak muŋ,>> adi.
22Ndi Yesɔ ne wɔ amee, adiu, <<Ikinuŋ yaŋa. Leb kiki yiŋ ndi uyime neyi te nek abɛ yaŋ kinuŋ, teu tei yik ki tetɛk ne shu. Tǝ kashe zǝm.>>
23Ndi ne wɔ mee, akɔ te mfu ŋgɔŋ, te iwa ayine ŋɔk. 24Yesɔ ne yigu amɛ te di, <<Itei yini iyah te ner ne ŋɔk abɛ yir kɔb Arik! 25Nǝ tǝ te lakurmi abɛ zǝ iyi alura inaŋ ndi neshir ne ŋɔk abɛ yir kɔb Arik.>>
26Abaŋ ndi ne wɔ amɛ arib, <<Tei ŋɔwa atei li aru i?>>
27Yesɔ asaga, <<Iki yiŋ ndi naŋ neshir ben Arik bai naŋ ba.>>
28Biturus adiu, <<Tane duŋ ki bɔbɔk te zee wa!>>
29Mbla zhin lɛ didik, Yesɔ adi ba, <<Baa nuŋ ndi ne duŋ kɔb, te duŋ wa, te duŋ amunzu, amunva, atetɛ ka ye amumun ne sak kɛ kɔb Arik 30ndi atei yaŋ yik ki tetɛk naŋ yi kukub yime, ne gbarshu ba atei dɔ ba.>>
Yesɔ ne na bla iku maa
31Yesɔ ne Gli awur ane yaa ma gar ŋkɔnsa te diba, <<Ta kɔmɔ ne Urushelima, kiyiŋ ndi ne cɛrǝ ne nkenlɛ yi bla aner abɛ na ndum Arik ne atu yi Izu Nǝshir ne shaga. 32Atei baŋu nek abaŋ ndi ba yi Yahudawa ba. Atei mlagu, ateu mla, te sɛre ntǝ shuru, te tsǝgu, tena ŋunu. 33Iber yi ntar atei na lu.>>
34Abɛ tsǝn amaa inuŋ ba ne zhi iki yiŋ ndi tsǝn ba, te ilɛmɛ menyi kuŋkum bene beba, bane mǝne zhi kiyiŋ ndi ne blai ba.
Yesɔ nena neshir ne amfik te duŋɔ yik
35Ndi Yesɔ ne te gbahir ne ntun yi Jerikɔ, iner ne amfik asɔŋɔ ben ne kɔno ankɔŋ. 36A shur atɔŋ te wɔ aneshir azǝn gayir, a rib ka ye anii tsǝn. 37A blau, <<Ai Yesɔ awɔnǝ Nazara agayir.>>
38Akɔ zhɔ, <<Yesɔ, Izu Doda, wɔ lɔ susun ne atɔ muŋ!>>
39Abaŋ ndi ayi ne tii maa akɔ tsaŋu abɛ kwɔnu ayi ndi a shɔgu, a ŋar kɔr, <<Izu Doda, wɔ lɔ susun muŋ!>>
40Yesɔ agbur aklɛ tedi abɛ glii wa neshire. A te te gbahir, Yesɔ aribu, 41<<Aye nii mnau neyii?>>
<<Ŋgɔŋ, tem yik!>>
42Fe Yesɔ akɔ diu, <<Duŋ ayi ami abɛ tɔ; ita nyɛmɛ mi ne duŋu rɛ.>> 43Andanda ayi amaa bu akɔ zǝ Yesɔ, te nyɛr Arik. Ndi aneshir ne yik amɛ, akɔ nyɛr Arik menyi.
ទើបបានជ្រើសរើសហើយ៖
LUK - NUMANA 18: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
LUK - NUMANA 18
18
Nkanlɛ yi su tu wakɔ
1Fe Yesɔ abla abɛ tsǝn amaa nkenlɛ te abɛ ben Arik iyaŋ mkpaŋ kǝr abɛ tun susun ba. 2Adi: <<Nǝ ntun nuŋ iyiŋɛ ine te ŋas ayime ndi ba klu sisik Arik ba kai bɛ lɔ wɔ lɔ susun aner. 3Nǝ ntuno iwakɔ nuŋ azǝn zeu gar te ben, <Yir min mɔr ben waŋ ndi awɔb zhaku muŋ.>
4<<Ne lɔ di wa akyak. Te nalɔ di ne susun maa, <Mni nzhi bam klu sǝsǝk Arik ba bam na nkam tɔ aneshir ba, 5ndi kime iye mee wakɔmɔ adam me, M tei nǝgu ikiyiŋ ndi iyi maa, kǝr abɛ zen nyɛ te dam me ba!>>>
6Fe Arik Ŋgɔŋ adi, <<Wɔ zhin ki yiŋ ndi ne te ŋas waŋa adi. 7Fena Arik bai lɔ wɔ zhin kɛ abaŋ ndi ne hria ba kai, ndi azhin ashuru aririk ben bu kai?Ai lɔ kyak wɔ bai? 8Mbla zhin, atei nek kɔte ŋɔwa ikiyiŋ ndi iyi anenen. Ndi iye mee, ne bɛr yi nyɛ Izu Nǝshir, atei yik lɛ didik ne goŋ abɛm ǝ?>>
Nkenlɛ yi awɔnǝ Ferisawa ben ne ta gendu
9Fe ne bla nkenlɛ tedi, aneshir abaŋ ndi ne ta nyɛmɛ ne kpa men te ba naki didik, te bene yik nki aneshir bayi ikinuŋ ba, adi: 10<<Anere yaa ne gar ki kɛ ben Arik, nuŋ aye awɔnǝ Ferisawa ine yaa ma ata gendu. 11Awɔnǝ Farisawama alu akli adidik te ben yi gbaar atu amaa sak: <Arik, Mne nye ru te bam yi ndi nki aneshir ba, abɛ zhib, abɛ na ki mimin abɛ zǝ amba, te vuŋ waŋ ndi ata gendumɔ. 12Mkpaŋ anu amkpaŋ ayaa ne min kɛ sati, ikiyiŋ ndi mtǝ yik mtun zhiin ne min kɛ wur nek.>
13Ndi amɛ, ine ta gendumɔ aklɛ shaan, bane dɔ lɛk ayi atɔ shumɔ ba, fe atsik asa amaa te bene di, <Arik, wɔ lɔ susun muŋ, myi ne lalɛ.>
14<<Mdik mbla zhin te neshir waŋa, ne kama kɔmɔ ne kɔ maa te Arik ne ŋlau azhɔk anaŋ ne ŋur asa yuŋɔ, te waŋ ndi ate lɛk tu maa atei gliu azime, iwaŋ ndi ate Gli tu maa azime, atei lɛgu.>>
Yesɔ ne nek amumun amuotsɔtsɔb anu adidik
15Aneshir ne gliu amumun amen te nyɛ ben Yesɔ te bɛ sak ba ŋɔk. Abɛ zeu tsin amaa te yik amɛ, akɔ tsaŋ ba. 16Ankyak Yesɔ akɔ zhɔ amumune tedi, <<Duŋ zhin amumune abaŋa anyɛ bene bɛm, duŋ yar zhin neba ba, te kɔb Arik ŋgɔŋ kɛ shu iyi men. 17Mbla zhin lɛ didik, ate yi ndi waŋ ndi bate ta nyɛmɛ ne kɔb Arik ndi vǝvǝn vǝtsɔb ba, ba tei yir kɛ ba ne mla yaŋ klɛtu.>>
Ŋgɔŋ ne yi ne ŋɔk
18Ŋgɔŋ ne yine ŋɔgo aribu, <<Ine tsar didik, M tei na kikin tem ta sɔŋ kɛ yaŋ kui?>>
19Fe Yesɔ adiu. <<Anii duŋu zhɔm te ne tsar didik?>> <<Inuŋ ne rɛ ba na yime ba aye Arik ankyak. 20Une zhi kiki yi bla: <Duŋ vuŋ iwa ayou nuŋ kai lulum ayou nuŋ kur o ba, duŋ ŋun neshir ba, duŋ zhib ba, duŋ ta lɛ ndi bau nǝ zhi ki ba, nek tetɛɛ mi ben yaa mi ŋgɔŋ men.>>>
21<<Iki yiŋɛ bɔbɔk mni men zee ire mkpaŋ kɛ tashi lu rɛ nzak muŋ,>> adi.
22Ndi Yesɔ ne wɔ amee, adiu, <<Ikinuŋ yaŋa. Leb kiki yiŋ ndi uyime neyi te nek abɛ yaŋ kinuŋ, teu tei yik ki tetɛk ne shu. Tǝ kashe zǝm.>>
23Ndi ne wɔ mee, akɔ te mfu ŋgɔŋ, te iwa ayine ŋɔk. 24Yesɔ ne yigu amɛ te di, <<Itei yini iyah te ner ne ŋɔk abɛ yir kɔb Arik! 25Nǝ tǝ te lakurmi abɛ zǝ iyi alura inaŋ ndi neshir ne ŋɔk abɛ yir kɔb Arik.>>
26Abaŋ ndi ne wɔ amɛ arib, <<Tei ŋɔwa atei li aru i?>>
27Yesɔ asaga, <<Iki yiŋ ndi naŋ neshir ben Arik bai naŋ ba.>>
28Biturus adiu, <<Tane duŋ ki bɔbɔk te zee wa!>>
29Mbla zhin lɛ didik, Yesɔ adi ba, <<Baa nuŋ ndi ne duŋ kɔb, te duŋ wa, te duŋ amunzu, amunva, atetɛ ka ye amumun ne sak kɛ kɔb Arik 30ndi atei yaŋ yik ki tetɛk naŋ yi kukub yime, ne gbarshu ba atei dɔ ba.>>
Yesɔ ne na bla iku maa
31Yesɔ ne Gli awur ane yaa ma gar ŋkɔnsa te diba, <<Ta kɔmɔ ne Urushelima, kiyiŋ ndi ne cɛrǝ ne nkenlɛ yi bla aner abɛ na ndum Arik ne atu yi Izu Nǝshir ne shaga. 32Atei baŋu nek abaŋ ndi ba yi Yahudawa ba. Atei mlagu, ateu mla, te sɛre ntǝ shuru, te tsǝgu, tena ŋunu. 33Iber yi ntar atei na lu.>>
34Abɛ tsǝn amaa inuŋ ba ne zhi iki yiŋ ndi tsǝn ba, te ilɛmɛ menyi kuŋkum bene beba, bane mǝne zhi kiyiŋ ndi ne blai ba.
Yesɔ nena neshir ne amfik te duŋɔ yik
35Ndi Yesɔ ne te gbahir ne ntun yi Jerikɔ, iner ne amfik asɔŋɔ ben ne kɔno ankɔŋ. 36A shur atɔŋ te wɔ aneshir azǝn gayir, a rib ka ye anii tsǝn. 37A blau, <<Ai Yesɔ awɔnǝ Nazara agayir.>>
38Akɔ zhɔ, <<Yesɔ, Izu Doda, wɔ lɔ susun ne atɔ muŋ!>>
39Abaŋ ndi ayi ne tii maa akɔ tsaŋu abɛ kwɔnu ayi ndi a shɔgu, a ŋar kɔr, <<Izu Doda, wɔ lɔ susun muŋ!>>
40Yesɔ agbur aklɛ tedi abɛ glii wa neshire. A te te gbahir, Yesɔ aribu, 41<<Aye nii mnau neyii?>>
<<Ŋgɔŋ, tem yik!>>
42Fe Yesɔ akɔ diu, <<Duŋ ayi ami abɛ tɔ; ita nyɛmɛ mi ne duŋu rɛ.>> 43Andanda ayi amaa bu akɔ zǝ Yesɔ, te nyɛr Arik. Ndi aneshir ne yik amɛ, akɔ nyɛr Arik menyi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria