LUK - NUMANA 17
17
Lalɛ, ta nyɛmɛ, ndum
1Yesɔ adi abɛ tsǝn amaa: <<Ki yiŋ ndi duŋ aneshir alalɛ itei nyɛ, fe iner waŋ ndi inyɛ ne ŋɔk amaa abɛ zhin azhɔk tu maa. 2Ibǝ rɛ ben neshire te abɛ kpau mkpaŋ nena ne tɔ te tugu azhɔk ne nek ŋgɔŋ ndi atei yi ankɔŋ ane duŋ anuŋ alalɛ. 3Ndi amɛ tɔ zhin akpamin. <<atei ndi zumin ne lalɛ, gbaŋu atɔŋ, ate di wa ne duŋ, zu gu zhɔk. 4Ate laulɛ amkaŋa taŋgba ne bɛr zhin, te na diu amkpaŋa taŋgba <Mne laulɛ,> Zuk zhu zhɔ gu.>>
5Abɛ zeu na ndum amaa a di ŋgɔŋ, na fa ŋyaŋ ta ne ta nyɛmɛ mɔrɔ!>>
6A diba, <<Izhin te ta nyɛmɛ watsɔb ndi mgbyaŋ ŋklik, te di tiŋ kuŋkun, <Ubǝ tun te shi ne nek ŋgɔŋ itei wɔ zhin.
7<<Te bɛdi inuŋ ne miŋ min ayi ne gen waŋ di anau ndum kɔ akyu awanta. Ba tei di gene ndi ate nyak are ahwaŋ, <Ŋyɛ zǝ sɔŋ te li kili kai?> 8Ndi abɛdi, <Naam kili ye amgbalu, te na sɔŋ, tem lii tena so; ndi M tei hri ukana baŋ lii tena so mi yime kai? 9Ba tei nyɛr gene ndi ne zǝ kiyiŋ ndi ne di abɛ nama kai>? 10Ndi amɛ, ate yi ndi utei na ki yiŋ ndi ne di ubǝ nai, bai di <Ba ta ne mla abɛ yi agɛn ba; tane nak na ndum mɔr.>>>
Abɛ amgbyamgbyak aŋɔk amɛ awur ne rɛ
11Ndi Yesɔ ayi ne ankɔŋɔ ne kɔmɔ ne Urshelima, Yesɔ Ne tsǝn ne akɔnɔsa ntun yi Samariya ben Galili. 12Ndi ne yi ne min kɛ ntuno, aneshir awur abɛ lɔ amgbyak nga aŋɔk a yigu. Aklɛ gbagbaŋ. 13Te aŋar kɔr te zhɔu, <<Yesɔ, Ŋgɔŋ, wɔ lɔ susun ne atu amɔr>>
14Ndi ne yik ba, adi, <<Tsǝn, tsar zhin akpamin ben abɛ na ndum kɛ Arik. Ndi anaga kɔmɔ, akɔ rɛ.
15Izhiin ne min mǝne, ndi ne yik wa ne rɛ, aŋur akam,te agbar Arik asak ne kɔr ŋgɔŋ. 16Azhaku ne aza yi Yesɔ te nyeru ane yi awɔnǝ Samariya.
17Yesɔ arib, <<Mdi ka aye aner awur mne na ba o? Nki amɛ tres ma ayi neme? 18Nuŋ bane mla ne ŋurkam anyɛ gbar Arik asak ne rɛ maa ka anaga yi cen waŋa kiki mai? 19Fena akɔ diu, <<Lu kɔmɔ; ita nyɛmɛ mi ne duŋu rɛ.>>
Inyɛ kɔb Ŋgɔŋ kɛ Arik
20Iber nuŋ, awɔnǝ Ferisawa anyɛ rib tedi ayi atenta atei yik nyɛ kɔb ŋgɔŋ kɛ Arik, Yesɔ adi, <<Inyɛ kɔb Ŋgɔŋ kɛ Arik bai shur ayi abɛ blɛ nyɛ maa ba, 21Ka aneshir ai di, <Tɔ kǝkɛŋ, ka tɔ yuŋɔ amɔ,> te kɔb ŋgɔŋ kɛ Arik iyi ne miŋ min.>>
22Ankyak akɔ di abɛ tsǝn amaa, <<Mkpaŋ nyɛ ndi izhin tei shur ayi te zhin bǝ yik iber yi nyɛ Zu Neshir, ba zhin tei yik ba. 23Aner atei bla zhin, <Tɔ yuŋ!> Duŋ klu zǝ zhine ba ka. 24Tǝ Zu Neshir iber yi nyɛ maa itei yi ndi li nas, ndi ibu tena laŋ ne gbarshu rɛ gar nuŋ igar kɔmɔ ne gar nuŋ. 25Nǝ kuh ti, atei yik iyah tetɛk baliŋ fe aner atei kyagu.
26<<Ndi ne yi ne mkpaŋ kɛ Nuhu, iteina ye mee ne bɛr yi Zu Neshir. 27Aneshir ne zen lii, te so, te hwa te ta mbǝmba igar te yir bɛr ndi Nuhu ne yir gwu. Anca aŋgɔŋ anyɛ vu ba adɔmɔ.
28<<Nǝna yi anenen ndi mkpaŋ kɛ lɔt. Aneshir ne zǝn lii te so, lɛb tena vu alɛb, atib ki tena mee. 29Ankyak ne bɛr yiŋ ndi lɔt ne duŋ sodɔm, ilu ben aŋkliŋkla lu ne ren ahrie rɛ shu te goŋ ba bɔbɔk.
30<<Itei ye mee ne bɛr yiŋ ndi Zu Neshir a tei Gli tu maa rumɔ. 31Nǝ bǝn, kǝr nuŋ waŋ ndi akɔ sɔŋ ne tu ki kɛ kɔmaa, te kiki maa yi ne abɛm kǝr abɛ di wa gar vui ba. Amɛ, iwaŋ ndi ayi ne abɛm kǝr abɛ di wa agar baŋ kinuŋ ba. 32Shuzhi iyi iwa Lot! 33Waŋ ndi ate di wa aku tu maa, atei zhɔk kɛ adɔmɔ,fe iwaŋ di atei ku ne atɔ muŋ atei ta kɛ azhɔk. 34Mbla zhin, aner ayaa atei kukur ne ki kur zhiin, atei baŋ zhin te duŋ zhin. 35Amba yaa atei dɔ zen kɔk ne nena amkpa zhiin; atei baŋ nuŋ te duŋ nuŋ.>> 36Alulum ayaa atei dɔ na ndum ne ahwaŋ: atei baŋ zhin te duŋ zhin.>> 37<<Ne me, Ŋgɔŋ? Aba rib. A diba, <<Amkpa waŋ ndi ikum yime, utei yik angulu ne biŋe.>>
ទើបបានជ្រើសរើសហើយ៖
LUK - NUMANA 17: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
LUK - NUMANA 17
17
Lalɛ, ta nyɛmɛ, ndum
1Yesɔ adi abɛ tsǝn amaa: <<Ki yiŋ ndi duŋ aneshir alalɛ itei nyɛ, fe iner waŋ ndi inyɛ ne ŋɔk amaa abɛ zhin azhɔk tu maa. 2Ibǝ rɛ ben neshire te abɛ kpau mkpaŋ nena ne tɔ te tugu azhɔk ne nek ŋgɔŋ ndi atei yi ankɔŋ ane duŋ anuŋ alalɛ. 3Ndi amɛ tɔ zhin akpamin. <<atei ndi zumin ne lalɛ, gbaŋu atɔŋ, ate di wa ne duŋ, zu gu zhɔk. 4Ate laulɛ amkaŋa taŋgba ne bɛr zhin, te na diu amkpaŋa taŋgba <Mne laulɛ,> Zuk zhu zhɔ gu.>>
5Abɛ zeu na ndum amaa a di ŋgɔŋ, na fa ŋyaŋ ta ne ta nyɛmɛ mɔrɔ!>>
6A diba, <<Izhin te ta nyɛmɛ watsɔb ndi mgbyaŋ ŋklik, te di tiŋ kuŋkun, <Ubǝ tun te shi ne nek ŋgɔŋ itei wɔ zhin.
7<<Te bɛdi inuŋ ne miŋ min ayi ne gen waŋ di anau ndum kɔ akyu awanta. Ba tei di gene ndi ate nyak are ahwaŋ, <Ŋyɛ zǝ sɔŋ te li kili kai?> 8Ndi abɛdi, <Naam kili ye amgbalu, te na sɔŋ, tem lii tena so; ndi M tei hri ukana baŋ lii tena so mi yime kai? 9Ba tei nyɛr gene ndi ne zǝ kiyiŋ ndi ne di abɛ nama kai>? 10Ndi amɛ, ate yi ndi utei na ki yiŋ ndi ne di ubǝ nai, bai di <Ba ta ne mla abɛ yi agɛn ba; tane nak na ndum mɔr.>>>
Abɛ amgbyamgbyak aŋɔk amɛ awur ne rɛ
11Ndi Yesɔ ayi ne ankɔŋɔ ne kɔmɔ ne Urshelima, Yesɔ Ne tsǝn ne akɔnɔsa ntun yi Samariya ben Galili. 12Ndi ne yi ne min kɛ ntuno, aneshir awur abɛ lɔ amgbyak nga aŋɔk a yigu. Aklɛ gbagbaŋ. 13Te aŋar kɔr te zhɔu, <<Yesɔ, Ŋgɔŋ, wɔ lɔ susun ne atu amɔr>>
14Ndi ne yik ba, adi, <<Tsǝn, tsar zhin akpamin ben abɛ na ndum kɛ Arik. Ndi anaga kɔmɔ, akɔ rɛ.
15Izhiin ne min mǝne, ndi ne yik wa ne rɛ, aŋur akam,te agbar Arik asak ne kɔr ŋgɔŋ. 16Azhaku ne aza yi Yesɔ te nyeru ane yi awɔnǝ Samariya.
17Yesɔ arib, <<Mdi ka aye aner awur mne na ba o? Nki amɛ tres ma ayi neme? 18Nuŋ bane mla ne ŋurkam anyɛ gbar Arik asak ne rɛ maa ka anaga yi cen waŋa kiki mai? 19Fena akɔ diu, <<Lu kɔmɔ; ita nyɛmɛ mi ne duŋu rɛ.>>
Inyɛ kɔb Ŋgɔŋ kɛ Arik
20Iber nuŋ, awɔnǝ Ferisawa anyɛ rib tedi ayi atenta atei yik nyɛ kɔb ŋgɔŋ kɛ Arik, Yesɔ adi, <<Inyɛ kɔb Ŋgɔŋ kɛ Arik bai shur ayi abɛ blɛ nyɛ maa ba, 21Ka aneshir ai di, <Tɔ kǝkɛŋ, ka tɔ yuŋɔ amɔ,> te kɔb ŋgɔŋ kɛ Arik iyi ne miŋ min.>>
22Ankyak akɔ di abɛ tsǝn amaa, <<Mkpaŋ nyɛ ndi izhin tei shur ayi te zhin bǝ yik iber yi nyɛ Zu Neshir, ba zhin tei yik ba. 23Aner atei bla zhin, <Tɔ yuŋ!> Duŋ klu zǝ zhine ba ka. 24Tǝ Zu Neshir iber yi nyɛ maa itei yi ndi li nas, ndi ibu tena laŋ ne gbarshu rɛ gar nuŋ igar kɔmɔ ne gar nuŋ. 25Nǝ kuh ti, atei yik iyah tetɛk baliŋ fe aner atei kyagu.
26<<Ndi ne yi ne mkpaŋ kɛ Nuhu, iteina ye mee ne bɛr yi Zu Neshir. 27Aneshir ne zen lii, te so, te hwa te ta mbǝmba igar te yir bɛr ndi Nuhu ne yir gwu. Anca aŋgɔŋ anyɛ vu ba adɔmɔ.
28<<Nǝna yi anenen ndi mkpaŋ kɛ lɔt. Aneshir ne zǝn lii te so, lɛb tena vu alɛb, atib ki tena mee. 29Ankyak ne bɛr yiŋ ndi lɔt ne duŋ sodɔm, ilu ben aŋkliŋkla lu ne ren ahrie rɛ shu te goŋ ba bɔbɔk.
30<<Itei ye mee ne bɛr yiŋ ndi Zu Neshir a tei Gli tu maa rumɔ. 31Nǝ bǝn, kǝr nuŋ waŋ ndi akɔ sɔŋ ne tu ki kɛ kɔmaa, te kiki maa yi ne abɛm kǝr abɛ di wa gar vui ba. Amɛ, iwaŋ ndi ayi ne abɛm kǝr abɛ di wa agar baŋ kinuŋ ba. 32Shuzhi iyi iwa Lot! 33Waŋ ndi ate di wa aku tu maa, atei zhɔk kɛ adɔmɔ,fe iwaŋ di atei ku ne atɔ muŋ atei ta kɛ azhɔk. 34Mbla zhin, aner ayaa atei kukur ne ki kur zhiin, atei baŋ zhin te duŋ zhin. 35Amba yaa atei dɔ zen kɔk ne nena amkpa zhiin; atei baŋ nuŋ te duŋ nuŋ.>> 36Alulum ayaa atei dɔ na ndum ne ahwaŋ: atei baŋ zhin te duŋ zhin.>> 37<<Ne me, Ŋgɔŋ? Aba rib. A diba, <<Amkpa waŋ ndi ikum yime, utei yik angulu ne biŋe.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria