LUK - NUMANA 10
10
Yesɔ ne shar aner sɔktamgba ane yaa
1Ndi ne yeme, Ŋgɔŋ ne hria aner sɔktamgba ane yaa te shar ba aya-yaa te bene kuti te kɔmɔ ne ntun kɔte mee ne ntun ndi atei garǝ. 2Abla ba, <<Ndum kɛ sɛr ikili na ahwaŋ iyi tetɛk, abɛ na ndumo ayi watsɔb. Rib Ŋgɔŋ ne ndum kɛ sɛr ikili me, tǝ bɛ tur abɛ na ndum ne ahwaŋa. 3Tsǝn zhin! M shar zhin ndi awanta ne min kɛ awuwɔma. 4Duŋ baŋ zhin abu ka mgbɔ ka akpaza ba, duŋ tek zhin nuŋ ne ankɔŋ ba.
5Ate yi ndi ijin te yir kɔbɔ, ijin bǝ di, <<Isɔŋ kɛ sik susun ibǝ yi ne kɔb kǝŋe.>> 6Ate yi ndi nuŋ ata nyɛmɛ ne sɔŋ kɛ sik susun amɔ isɔŋ kɛ sik susun tei zǝ ba, bate te ba, itei ŋurkam zǝ zhin. 7Sɔŋ zhin amɔ ne kɔbɔ, izhin li tena so ikiyiŋ ndi ne nek zhin, te ine na ndum abɛ nǝgu dǝk maa. Duŋ lu zhin ne kɔb nuŋ te na gar nuŋ ba.
8Izhin te yir ntun te ate ta zhin, li zhin iki yiŋ ndi ne nek zhin. 9Izhin bɛ na abɛ lɔ kpa tena bla ba te, <Nyɛ kɔb Arik ne te gbahir bene abɛ zhin.> 10Fena izhin te yir ntun te ate kyak ta zhin, kɔmɔ zhin ne keŋkɔŋ te di, 11<Mgbumgbuk mimi yi ntun min tane klui ne aza mɔr shur zhin: Tǝ izhin bena ta ta ba, kɔb ngɔŋ kɛ Arik ne te gbahir.>> 12Mbla zhin, itei yi ne sik ne bɛr yi Sodɔm naŋ ntun yuŋɔ,
13<<Zhin zhɔk atu amin, kɔrasinu! Zhin zhɔk atu amin, Batseda! Tɔ iki iyi vuŋ anu ndi ne nai ne atu amin nena nai ne Taya bǝn Sidon, abɛ duŋ na iki mimin ire kukub, asu anklu zhin tena sɔŋ ne ntɔŋ. 14Fena ibǝ rɛ ne Taya ben Sidon ne bɛr te ŋas naŋu. 15Bǝn wa, Kafanahum, atei baŋu atuk akɔmɔ ne shu? Bai te ba, utei zǝǝ gar Hades. 16<<Iwaŋ ndi ate wɔ zhin ne wɔm; Iwaŋ ndi ate kyak zhin akyak me, fe iwaŋ ndi ate kyak me akyak waŋ ndi ne shar me.>>
17Aner sɔk taŋgba aneyaa ma ne nyak ne nyɛr tedi, Ngɔŋ ishetan menyi anekta tu ne sak mi.>> 18Fe wa adi, <<Myik ne shetan a zhaku are gbarshu ndi laŋ amkpa. 19Wɔ zhin, Mne nek zhin mgbyamgbyaŋ kɛ caŋ anǝwa ben ane laŋ tena naŋ mgbyamgbyaŋ abɛ kyak zhin yi, ikinuŋ batei vuŋ zhin ba. 20Ndi amɛ, kɛrzhin bǝ nyɛr te shetan nek zhin tu ba, izhin bǝ nyɛr tǝ nɛ cɛr asak amin ne gbarshu.>>
21Nǝ mkpaŋa Yesɔ, anyɛr ne Izhu Tsetser tetɛk, adi, <<Mni mgbaru asak, Tetɛɛ, Ŋgɔŋ ne shu ben mimi, te Une yar abɛ bu ayi iki nuŋ ben abɛ yik ti, tena duŋ abaŋ ndi bane zhi kinuŋ ba abɛ zhi. Mtanyɛme tena nye ru Tetɛɛ, te waŋai iyik mi ne tu mɔr.
22<<Ne baŋ ki bɔbɔk asak me ne aŋɔk ire ben Tetɛɛ muŋ. Inuŋ bane zhi kai ŋɔwa yi Zumɔ ayi Tetɛɛ wa ankyak. Inuŋ bane na zhi Tetɛɛ me ba, ayi Zumɔ wa ankyak ne zhiu fena abaŋ ndi Izumɔ ne hria ba ne duŋ ba yigu.>>
23Fe akam atɔ abɛ tsǝne amaa tedi ne ŋkɔnsa, <<Abɛ ta nu adidik abɛ yi abaŋ ndi ne yik abɛ yik ne yi. 24Fe Mbla zhin te abɛ bla shar Arik ben Atum ne wɔb te aba abɛ yik ama bane yik ba, te bɛ wɔ bane na wɔ ba.>>
Nkanlɛ iyi ner didik
25Iber nuŋ yime iner ngɔŋ nuŋ ne tsar zhi nkenlɛ alu aklɛ tǝ wa abɛ tsar zhi Yesɔ. <<Ine Tsar,>> arib, <<Aye anii M tei na tem ta ivli kɛ yaŋ klei?>>
26<<Ayi nii ne cɛrǝ ne nkenlɛ me?>>Yesɔ asagu ma, <<Ubla kɛ kikini?>>
27A diu: <<<Ta nyɛmɛ ben Arik Ŋgɔŋ ami ne susun mi ben kpami ben Iklik mi ben izhi mi, te na, <Ta nyɛmɛ ben kpami ndi itu mi.>>>
28<<Une ta nyɛmɛ anenen,>> Yesɔ adiu. <<Na amɛ te utei yi tsitsir.>> 29Ankyak akɔ di wa atei ŋla tu maa, fe akɔ rib Yesɔ, <<Tǝ ayi ŋɔwa ayi kpamuŋɔi?>>
30Yesɔ a saga te di: <<Iner nuŋ a azǝ are Urshelima te nyɛ Jerikɔ, ndi ne te zhaku ayir aŋɔk abɛ zhib. Ne kpob iki maa, te tsǝgu te lu kama tibɛ te duŋu ne ku asǝ. 31Ine na ndum kɛ Arik ne gar azǝ ankɔŋɔ ne yigu, te gayir azǝ kɔnsa. 32Amɛ, ine na ndum kɛ Arik nuŋ nena yigu tena zǝ kɔnsa gayir. 33Ankyak awɔnǝ Samariya nuŋ ne gar azǝ amɔ te yik nɛrɛ akɔkur, te wɔ lɔ susun maa. 34Te gar bene bɔu te kpau amkpaa ma, te bwau anyɛ bene amashir mwamwaŋ ne amkpaa ma. Te baŋu asak ne tu tatur te yuŋu te kɔmɔ ne amkpa ane kur o amaa te nau. 35Ndi bɛr ne ŋen a baŋ azɔb amɛ yaa anǝk iner ne kɔbɔ. <Tǝ abɛ bene tɔu,> a diu, <Mte nyak, M tei nka yau idǝk mi.>
36<<Ai ŋɔwa ne min kɛ aner atar abaŋa ayi kpa maa neshir waŋ di abɛ zhib ne tsǝgu mai?>>
37Ine zhi kenlɛ a sagu ma tedi, <<Iwaŋ di ne wɔ lɔ susun nɛrɛ.>>
Yesɔ adiu, <<kɔmɔ te na mee mi yi.>>
Yesɔ ne kɔb ane Marta ben Meryamu
38Ndi Yesɔ ben abɛ tsǝne maa agar ivǝ ntun nuŋ ndi Marta ne ta ba ne kɔmaa. 39A yine va men waŋ di a azhɔu te Meryamu, waŋ ndi ne te zǝ sɔŋ te zen wɔ bla yi Yesɔ. 40Fena Marta wa azǝne goŋri wɔb acɛ nɛ maa ikili. A gar ben Yesɔ te rib, <<Ŋgɔŋ, bau yik va mɔr aduŋ me ngɔŋri kiki muŋ kai? Blau te bɛ lu zok me na ndumo!>>
41<<Marta, Imarta,>> Ŋgɔŋɔ adiu, <<Ulɛ ne tena kɔr susun ne iki tetɛk, 42fena ai iki zhin ne dǝk. Meryamu ne hria iki yiŋ ndi ne teu, batei na baŋǝ a kama tibɛ bene bɔu ba.>>
ទើបបានជ្រើសរើសហើយ៖
LUK - NUMANA 10: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
LUK - NUMANA 10
10
Yesɔ ne shar aner sɔktamgba ane yaa
1Ndi ne yeme, Ŋgɔŋ ne hria aner sɔktamgba ane yaa te shar ba aya-yaa te bene kuti te kɔmɔ ne ntun kɔte mee ne ntun ndi atei garǝ. 2Abla ba, <<Ndum kɛ sɛr ikili na ahwaŋ iyi tetɛk, abɛ na ndumo ayi watsɔb. Rib Ŋgɔŋ ne ndum kɛ sɛr ikili me, tǝ bɛ tur abɛ na ndum ne ahwaŋa. 3Tsǝn zhin! M shar zhin ndi awanta ne min kɛ awuwɔma. 4Duŋ baŋ zhin abu ka mgbɔ ka akpaza ba, duŋ tek zhin nuŋ ne ankɔŋ ba.
5Ate yi ndi ijin te yir kɔbɔ, ijin bǝ di, <<Isɔŋ kɛ sik susun ibǝ yi ne kɔb kǝŋe.>> 6Ate yi ndi nuŋ ata nyɛmɛ ne sɔŋ kɛ sik susun amɔ isɔŋ kɛ sik susun tei zǝ ba, bate te ba, itei ŋurkam zǝ zhin. 7Sɔŋ zhin amɔ ne kɔbɔ, izhin li tena so ikiyiŋ ndi ne nek zhin, te ine na ndum abɛ nǝgu dǝk maa. Duŋ lu zhin ne kɔb nuŋ te na gar nuŋ ba.
8Izhin te yir ntun te ate ta zhin, li zhin iki yiŋ ndi ne nek zhin. 9Izhin bɛ na abɛ lɔ kpa tena bla ba te, <Nyɛ kɔb Arik ne te gbahir bene abɛ zhin.> 10Fena izhin te yir ntun te ate kyak ta zhin, kɔmɔ zhin ne keŋkɔŋ te di, 11<Mgbumgbuk mimi yi ntun min tane klui ne aza mɔr shur zhin: Tǝ izhin bena ta ta ba, kɔb ngɔŋ kɛ Arik ne te gbahir.>> 12Mbla zhin, itei yi ne sik ne bɛr yi Sodɔm naŋ ntun yuŋɔ,
13<<Zhin zhɔk atu amin, kɔrasinu! Zhin zhɔk atu amin, Batseda! Tɔ iki iyi vuŋ anu ndi ne nai ne atu amin nena nai ne Taya bǝn Sidon, abɛ duŋ na iki mimin ire kukub, asu anklu zhin tena sɔŋ ne ntɔŋ. 14Fena ibǝ rɛ ne Taya ben Sidon ne bɛr te ŋas naŋu. 15Bǝn wa, Kafanahum, atei baŋu atuk akɔmɔ ne shu? Bai te ba, utei zǝǝ gar Hades. 16<<Iwaŋ ndi ate wɔ zhin ne wɔm; Iwaŋ ndi ate kyak zhin akyak me, fe iwaŋ ndi ate kyak me akyak waŋ ndi ne shar me.>>
17Aner sɔk taŋgba aneyaa ma ne nyak ne nyɛr tedi, Ngɔŋ ishetan menyi anekta tu ne sak mi.>> 18Fe wa adi, <<Myik ne shetan a zhaku are gbarshu ndi laŋ amkpa. 19Wɔ zhin, Mne nek zhin mgbyamgbyaŋ kɛ caŋ anǝwa ben ane laŋ tena naŋ mgbyamgbyaŋ abɛ kyak zhin yi, ikinuŋ batei vuŋ zhin ba. 20Ndi amɛ, kɛrzhin bǝ nyɛr te shetan nek zhin tu ba, izhin bǝ nyɛr tǝ nɛ cɛr asak amin ne gbarshu.>>
21Nǝ mkpaŋa Yesɔ, anyɛr ne Izhu Tsetser tetɛk, adi, <<Mni mgbaru asak, Tetɛɛ, Ŋgɔŋ ne shu ben mimi, te Une yar abɛ bu ayi iki nuŋ ben abɛ yik ti, tena duŋ abaŋ ndi bane zhi kinuŋ ba abɛ zhi. Mtanyɛme tena nye ru Tetɛɛ, te waŋai iyik mi ne tu mɔr.
22<<Ne baŋ ki bɔbɔk asak me ne aŋɔk ire ben Tetɛɛ muŋ. Inuŋ bane zhi kai ŋɔwa yi Zumɔ ayi Tetɛɛ wa ankyak. Inuŋ bane na zhi Tetɛɛ me ba, ayi Zumɔ wa ankyak ne zhiu fena abaŋ ndi Izumɔ ne hria ba ne duŋ ba yigu.>>
23Fe akam atɔ abɛ tsǝne amaa tedi ne ŋkɔnsa, <<Abɛ ta nu adidik abɛ yi abaŋ ndi ne yik abɛ yik ne yi. 24Fe Mbla zhin te abɛ bla shar Arik ben Atum ne wɔb te aba abɛ yik ama bane yik ba, te bɛ wɔ bane na wɔ ba.>>
Nkanlɛ iyi ner didik
25Iber nuŋ yime iner ngɔŋ nuŋ ne tsar zhi nkenlɛ alu aklɛ tǝ wa abɛ tsar zhi Yesɔ. <<Ine Tsar,>> arib, <<Aye anii M tei na tem ta ivli kɛ yaŋ klei?>>
26<<Ayi nii ne cɛrǝ ne nkenlɛ me?>>Yesɔ asagu ma, <<Ubla kɛ kikini?>>
27A diu: <<<Ta nyɛmɛ ben Arik Ŋgɔŋ ami ne susun mi ben kpami ben Iklik mi ben izhi mi, te na, <Ta nyɛmɛ ben kpami ndi itu mi.>>>
28<<Une ta nyɛmɛ anenen,>> Yesɔ adiu. <<Na amɛ te utei yi tsitsir.>> 29Ankyak akɔ di wa atei ŋla tu maa, fe akɔ rib Yesɔ, <<Tǝ ayi ŋɔwa ayi kpamuŋɔi?>>
30Yesɔ a saga te di: <<Iner nuŋ a azǝ are Urshelima te nyɛ Jerikɔ, ndi ne te zhaku ayir aŋɔk abɛ zhib. Ne kpob iki maa, te tsǝgu te lu kama tibɛ te duŋu ne ku asǝ. 31Ine na ndum kɛ Arik ne gar azǝ ankɔŋɔ ne yigu, te gayir azǝ kɔnsa. 32Amɛ, ine na ndum kɛ Arik nuŋ nena yigu tena zǝ kɔnsa gayir. 33Ankyak awɔnǝ Samariya nuŋ ne gar azǝ amɔ te yik nɛrɛ akɔkur, te wɔ lɔ susun maa. 34Te gar bene bɔu te kpau amkpaa ma, te bwau anyɛ bene amashir mwamwaŋ ne amkpaa ma. Te baŋu asak ne tu tatur te yuŋu te kɔmɔ ne amkpa ane kur o amaa te nau. 35Ndi bɛr ne ŋen a baŋ azɔb amɛ yaa anǝk iner ne kɔbɔ. <Tǝ abɛ bene tɔu,> a diu, <Mte nyak, M tei nka yau idǝk mi.>
36<<Ai ŋɔwa ne min kɛ aner atar abaŋa ayi kpa maa neshir waŋ di abɛ zhib ne tsǝgu mai?>>
37Ine zhi kenlɛ a sagu ma tedi, <<Iwaŋ di ne wɔ lɔ susun nɛrɛ.>>
Yesɔ adiu, <<kɔmɔ te na mee mi yi.>>
Yesɔ ne kɔb ane Marta ben Meryamu
38Ndi Yesɔ ben abɛ tsǝne maa agar ivǝ ntun nuŋ ndi Marta ne ta ba ne kɔmaa. 39A yine va men waŋ di a azhɔu te Meryamu, waŋ ndi ne te zǝ sɔŋ te zen wɔ bla yi Yesɔ. 40Fena Marta wa azǝne goŋri wɔb acɛ nɛ maa ikili. A gar ben Yesɔ te rib, <<Ŋgɔŋ, bau yik va mɔr aduŋ me ngɔŋri kiki muŋ kai? Blau te bɛ lu zok me na ndumo!>>
41<<Marta, Imarta,>> Ŋgɔŋɔ adiu, <<Ulɛ ne tena kɔr susun ne iki tetɛk, 42fena ai iki zhin ne dǝk. Meryamu ne hria iki yiŋ ndi ne teu, batei na baŋǝ a kama tibɛ bene bɔu ba.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria