LUK - NUMANA 11
11
Tsar Yesɔ ne tɔ yi ben Arik
1Nǝ bɛr nuŋ Yesɔ ne zen ben Arik ne amkpa nuŋ. Ndi ne klɛ, izhin ne abɛ zeu na ndum adiu, <<Ŋgɔŋ, tsar ta yir keŋ ndi ta te ben, ndi Yɔɔna ne tsar abɛ zeu na ndum.>>
2Yesɔ a di ba, <<Izhin tǝ ben Arik, di zhin te:
<<<Tetɛɛ, ne shu,
Sak me bǝ yi tsetser,
Ŋgon mi bǝ nyɛ,
3Nek ta kili yi kɔte bɛr tayi.
4Zuk ta shur ne zumimin mɔr,
Tǝ taba mɔryi ta zuk izhu iye abaŋ ndi ala ta lɛ.
Kǝr Gli ta gar ne amkpa ne kiyi tik yi.>>>
5Fe Yesɔ adi abǝ zǝu tsin amaa, <<Abɛ di nuŋ ne miŋ min ayi ne kpa maa, te gar bǝn bɔu ne tsutsu bu te diu, <Ikpa muŋ, kɔb me ambwab borodi mei tar, 6te kpamuŋ ŋɔ ne rɛ tsin te nyɛ bene bɛm, bam yi ne kili yi nǝgu ba.>
7<<Ankyak ine kur ne min kime adi, <Duŋ dam me ba, ne ka ku ankɔŋɔ, nga bene amumune muŋ tane ka zukur. Bam tei na lu te nǝgu kinuŋ ba.> 8Mbla zhin, te ba tei na lu te nǝgu drugba ba ndi ayi kpama, ndi nǝ nǝk tu maa yaŋ te shisha atei nǝgu kiyiŋ ndi awɔbǝ.
9<<Fe mdi zhin: Rib atei nǝgu wɔb utei yik, ŋur ankɔŋ atei buu. 10Waŋ ndi arib anegu, waŋ ndi awɔb ayik, waŋ ndi a ŋur ankɔŋ abuu.
11<<Jineba atetɛ, ŋɔwa ne miŋ min izu maa atei benu ambɛ fe atei kama baŋ iwa nǝgu? 12kɔ atei rib mkpaŋ kukɔ atei baŋ Ilaŋ anegu? 13Fe atei izhineba, abaŋ ndi zhin yi aner bɛ yi ne susuno mimin, izhin nek amumune min kiki didik, fe amɛ tetɛɛ min ne shu atei nek abaŋ ndi aribu izhu Tsetser!>>
Yesɔ ben ŋgon anerim
14Ndi Yesɔ ne Gli anerim ru ne kpa kɛ ner ne yaŋ lɛ, ndi anerime ne ru inere ne kpa maa, abu anu te lɛ, fe aneshir sak aŋɔk ne ne. 15Ankyak aneshire nuŋ adi, <<Yesɔ ne Gli anerim aglɛ rumɔ ne mgbyamgbyaŋ kɛ Tum ne rim.>> 16Anuŋ ne wɔb te abɛ tsar ba ŋgir ire shu.
17Yesɔ ne zhi lɛ kɛ susun mǝne te di ba: <<Ntun yiŋ di gab kpa maa itei zhaku, kɔb keŋ ndi nena gab kpa maa itei na zǝr. 18Kituk ate gab tu maa, te kɔmaa itei kli kikin? Mdi amɛ te zhin di mne Gli anerim rumɔ ne mgbyamgbyaŋ kɛ ŋgon anerim. 19Te yi ndi me Gli anerim rumɔ ne mgbyamgbyaŋ kɛ nerim, abɛ zǝ zhin agli ba rumɔ ne nii? Fena, atei yi abɛ te zhin ambuk. 20Te yi ndi mgli anerim rumɔ ne vǝnŋɔk ye Arik, fe ikɔb Arik ne nyɛ ben abɛ zhin.
21Te yi ndi ner ne klik, ne ble kɔmaa bleble didik, ba nuŋ atei zhib ki maa ba. 22Ankyak te yi ndi nuŋ ne klik nuŋ anaŋu atei yaru, atei vu ateta maa ayiŋ ndi ne nyagǝ te gabɛ bǝn anuŋ.
23<<Waŋ ndi ba yi bene bɛm ba akyak me, waŋ ndi ba abiŋ bene bɛm ba, avarǝ.
24Te yi ndi zhu mimin te ru ne kpa kɛ neshir, iwɔb amkpa waŋ ndi ayi zizik te bɛ kur asik te bane yigǝ ba. Ankyak adi, <M tei kam kɔmɔ ne kɔb keŋ ndi mne ru remɛ.> 25Ndi ne yir, te yik kɔbɔ ne kun kɛ te na kɛ aŋyak anenen. 26Fe itei gar baŋ izhu amɛ taŋgba anuŋ ndi na zumimin anaŋu, fe akɔte yire zǝ sɔŋ ne mine. Fe ikpa kɛ neshire lɔu ŋgon naŋ ye kuti me.>>
27Ndi Yesɔ azǝn bla kiki yiŋɛ, iwa nuŋ ne min kɛ aneshir azho, <<Anu adidik ayi ne tu kɛ iyah waŋ ndi ne ŋliu tena yɔgu.>>
28Asaga, <<Anu adidik ne naŋ abaŋ ndi ne wɔ lɛ kɛ Arik te Gli kɛ.>>
Ngir kɛ Yonana
29Ndi aneshir ne kli tetɛk, Yesɔ adi, <<Waŋ ayi kab aneshire mimin. Awɔb ngir amɛ batei tsar ba kinuŋ ba, nak ngir kɛ Yonana. 30Ndi Yonana ne yi ngir bǝn anere bǝ Neneba, ne me Izu neshir atei yi ngir ne kab aneshire. 31Tu mɔ amba ne rɛ gar kǝ amgbalu atei lu te te ŋas bene aner abɛ kab kǝŋe tena nek ba shisha; ndi are klɛtu yi goŋ mimi te bɛ wɔ mgbemgbeb kɛ Solɔmɔn, fe nuŋ ndi anaŋ Solɔmɔn aye yaŋa. 32Aner bɛ Neneba atei lu kli ne bɛr ye ŋas ne kab kɛ aneshir te nek ba shisha; ndi ne duŋ lalɛ ne bla lɛ kɛ Yonana ne lɛ kɛ Arik amɛ inuŋ ndi anaŋ Yonana ne nyɛ.
Ilaŋ yi kpa
33<<Inuŋ ba tei mɔr lu te baŋ kɛ suyir ne amkpa waŋ ndi ba tei yik laŋ ma ba. kɔ abɛ nyak kɛ ne angus adǝdak, ne me atei mɔr kɛ sak ne shu te aneshir bɛ yik laŋ lumɔ. 34Iyi mi iyi laŋ yi kpa mi. Te yi ndi ayemi ayi kyekye, kpami bɔbɔk tei nek laŋ lu. Te yi ndi ba yi kyekye ba, ikpa mi itei te bu. 35Na tɔ iyi amɛ, ilaŋ lu ndi yi bene bɔu ba yi bu ba. 36Ne me, ta yi ndi kpa mi nek laŋ lu bɔbɔk, ba ŋa nuŋ kɛ te bu, itei laŋ shaga, ndi laŋ lu ŋgon itei laŋ ne atɔ mi.>>
Yesɔ ne vǝ abɛ tsar lɛ kɛ Arik
37Ndi Yesɔ ne lɛ klɛ, awɔnǝ Ferisawa nuŋ ne zhɔu li kili: Fe ne gar te kɔte li kili me. 38Ankyak awɔnǝ Ferisawa ma ne sak ŋɔk ne ne ndi ne yik Yesɔ ne li kili iyaŋ ŋla ŋɔk.
39Fe Yesɔ adiu, <<Amɛ, zhine ba Ferisawa zhin ŋla goŋ abɛm kɛ agbǝgba ben kuca, fe miŋ min izhin sɔ tu tena naa zumimin. 40Jineba bliblik! Ba yi waŋ ndi ne na goŋɔ abɛm wa ne na mine kai? 41Fena, nek abɛ yaŋ ki iki yiŋ ndi yi ne min agbǝgba ma, kɔte nii itei yi zhin tsetser.
42<<Zhin zhɔk atu amin izhineba Ferisawa, zhin nek Arik zhin ne min kɛ wur yi kimin, iyi mbumburniŋ ben amgbaki bɔbɔk, te kyak na didik bene tanyɛme yi Arik. Zhin bǝ na kiyi azizaŋ ben yi kukub.
43<<Zhin zhɔk tu min zhin Ferisawa, zhin tanyɛme te sɔŋ ne mben didik ne Akaba te na duŋ abɛ tek zhin ne dub.
44<<Zhin zhɔk tu min, izhin yi ndi abɛ ayiŋ ndi aneshir bane yige neyi ba te caŋǝ te gayir.>>
45Izhiin ne abɛ tsar zhi ne nkenlɛ asagu ma, <<Ine Tsar, ndi utǝ di kiyiŋɛ amɛ upwar ta miyi.>>
46Yesɔ adi, <<zhin abɛ Gli nkanlɛ, Zhin zhɔk tu min, zhin nek aneshir hru kɛ luk ŋgɔŋ ndi batei baŋ kɛ yir ba, fe zhine ba minyi ba zhin tei lɛk vǝn ŋɔk zok bama ba.
47<<Zhin zhɔk tu min, te zhin mee abɛ ayi abɛ bla shar Arik, ndi atsintsim amin aba ne ŋlɔk ba. 48Izhin ne yik ne yi amin te tanyɛme te atsintsim amin aba ne ŋlɔk abɛ bla shar Arik izhineba ne mee abɛ mǝne. 49Ndi iyeme, Arik ne mgbemgbeb ma ne di, <M tei shar ba abɛ bla shar muŋ bene abɛ na ndum muŋ. atei tsik anuŋ aŋlɔk tena sak anuŋ iyah.> 50Fena ikab kǝŋe aba atei vuŋ ba Gli ne tu azhizhi anere bǝ bla shar Arik vuŋ rɛ kuti gɔŋmimi, 51Vuŋre azhizhi ayou Abila bene azhizhi ayou Zakariya, waŋ ndi ne ŋunu ne amkpa ne ben Arik ne Akabaŋkɔŋ. Mm, mbla zhin, ikab kǝŋe atei gli ba ne kiki yiŋɛ bɔbɔk.
52<<Zhin zhɔk atu amin izhin abɛ zhi cɛr yi Musa! Ndi izhin ne bla ki nǝk zhi. Izhin bane yir ba, ba zhin nena duŋ anuŋ ayir ba!>>
53Ndi Yesɔ ne ru abɛm, Ferisawa bene abɛ tsar cɛr yi Musa ne ruk abɛm te rib bu lǝlɛ, 54te aba bɛ vuŋu ne nkan lɛ ndi atei blai.
ទើបបានជ្រើសរើសហើយ៖
LUK - NUMANA 11: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
LUK - NUMANA 11
11
Tsar Yesɔ ne tɔ yi ben Arik
1Nǝ bɛr nuŋ Yesɔ ne zen ben Arik ne amkpa nuŋ. Ndi ne klɛ, izhin ne abɛ zeu na ndum adiu, <<Ŋgɔŋ, tsar ta yir keŋ ndi ta te ben, ndi Yɔɔna ne tsar abɛ zeu na ndum.>>
2Yesɔ a di ba, <<Izhin tǝ ben Arik, di zhin te:
<<<Tetɛɛ, ne shu,
Sak me bǝ yi tsetser,
Ŋgon mi bǝ nyɛ,
3Nek ta kili yi kɔte bɛr tayi.
4Zuk ta shur ne zumimin mɔr,
Tǝ taba mɔryi ta zuk izhu iye abaŋ ndi ala ta lɛ.
Kǝr Gli ta gar ne amkpa ne kiyi tik yi.>>>
5Fe Yesɔ adi abǝ zǝu tsin amaa, <<Abɛ di nuŋ ne miŋ min ayi ne kpa maa, te gar bǝn bɔu ne tsutsu bu te diu, <Ikpa muŋ, kɔb me ambwab borodi mei tar, 6te kpamuŋ ŋɔ ne rɛ tsin te nyɛ bene bɛm, bam yi ne kili yi nǝgu ba.>
7<<Ankyak ine kur ne min kime adi, <Duŋ dam me ba, ne ka ku ankɔŋɔ, nga bene amumune muŋ tane ka zukur. Bam tei na lu te nǝgu kinuŋ ba.> 8Mbla zhin, te ba tei na lu te nǝgu drugba ba ndi ayi kpama, ndi nǝ nǝk tu maa yaŋ te shisha atei nǝgu kiyiŋ ndi awɔbǝ.
9<<Fe mdi zhin: Rib atei nǝgu wɔb utei yik, ŋur ankɔŋ atei buu. 10Waŋ ndi arib anegu, waŋ ndi awɔb ayik, waŋ ndi a ŋur ankɔŋ abuu.
11<<Jineba atetɛ, ŋɔwa ne miŋ min izu maa atei benu ambɛ fe atei kama baŋ iwa nǝgu? 12kɔ atei rib mkpaŋ kukɔ atei baŋ Ilaŋ anegu? 13Fe atei izhineba, abaŋ ndi zhin yi aner bɛ yi ne susuno mimin, izhin nek amumune min kiki didik, fe amɛ tetɛɛ min ne shu atei nek abaŋ ndi aribu izhu Tsetser!>>
Yesɔ ben ŋgon anerim
14Ndi Yesɔ ne Gli anerim ru ne kpa kɛ ner ne yaŋ lɛ, ndi anerime ne ru inere ne kpa maa, abu anu te lɛ, fe aneshir sak aŋɔk ne ne. 15Ankyak aneshire nuŋ adi, <<Yesɔ ne Gli anerim aglɛ rumɔ ne mgbyamgbyaŋ kɛ Tum ne rim.>> 16Anuŋ ne wɔb te abɛ tsar ba ŋgir ire shu.
17Yesɔ ne zhi lɛ kɛ susun mǝne te di ba: <<Ntun yiŋ di gab kpa maa itei zhaku, kɔb keŋ ndi nena gab kpa maa itei na zǝr. 18Kituk ate gab tu maa, te kɔmaa itei kli kikin? Mdi amɛ te zhin di mne Gli anerim rumɔ ne mgbyamgbyaŋ kɛ ŋgon anerim. 19Te yi ndi me Gli anerim rumɔ ne mgbyamgbyaŋ kɛ nerim, abɛ zǝ zhin agli ba rumɔ ne nii? Fena, atei yi abɛ te zhin ambuk. 20Te yi ndi mgli anerim rumɔ ne vǝnŋɔk ye Arik, fe ikɔb Arik ne nyɛ ben abɛ zhin.
21Te yi ndi ner ne klik, ne ble kɔmaa bleble didik, ba nuŋ atei zhib ki maa ba. 22Ankyak te yi ndi nuŋ ne klik nuŋ anaŋu atei yaru, atei vu ateta maa ayiŋ ndi ne nyagǝ te gabɛ bǝn anuŋ.
23<<Waŋ ndi ba yi bene bɛm ba akyak me, waŋ ndi ba abiŋ bene bɛm ba, avarǝ.
24Te yi ndi zhu mimin te ru ne kpa kɛ neshir, iwɔb amkpa waŋ ndi ayi zizik te bɛ kur asik te bane yigǝ ba. Ankyak adi, <M tei kam kɔmɔ ne kɔb keŋ ndi mne ru remɛ.> 25Ndi ne yir, te yik kɔbɔ ne kun kɛ te na kɛ aŋyak anenen. 26Fe itei gar baŋ izhu amɛ taŋgba anuŋ ndi na zumimin anaŋu, fe akɔte yire zǝ sɔŋ ne mine. Fe ikpa kɛ neshire lɔu ŋgon naŋ ye kuti me.>>
27Ndi Yesɔ azǝn bla kiki yiŋɛ, iwa nuŋ ne min kɛ aneshir azho, <<Anu adidik ayi ne tu kɛ iyah waŋ ndi ne ŋliu tena yɔgu.>>
28Asaga, <<Anu adidik ne naŋ abaŋ ndi ne wɔ lɛ kɛ Arik te Gli kɛ.>>
Ngir kɛ Yonana
29Ndi aneshir ne kli tetɛk, Yesɔ adi, <<Waŋ ayi kab aneshire mimin. Awɔb ngir amɛ batei tsar ba kinuŋ ba, nak ngir kɛ Yonana. 30Ndi Yonana ne yi ngir bǝn anere bǝ Neneba, ne me Izu neshir atei yi ngir ne kab aneshire. 31Tu mɔ amba ne rɛ gar kǝ amgbalu atei lu te te ŋas bene aner abɛ kab kǝŋe tena nek ba shisha; ndi are klɛtu yi goŋ mimi te bɛ wɔ mgbemgbeb kɛ Solɔmɔn, fe nuŋ ndi anaŋ Solɔmɔn aye yaŋa. 32Aner bɛ Neneba atei lu kli ne bɛr ye ŋas ne kab kɛ aneshir te nek ba shisha; ndi ne duŋ lalɛ ne bla lɛ kɛ Yonana ne lɛ kɛ Arik amɛ inuŋ ndi anaŋ Yonana ne nyɛ.
Ilaŋ yi kpa
33<<Inuŋ ba tei mɔr lu te baŋ kɛ suyir ne amkpa waŋ ndi ba tei yik laŋ ma ba. kɔ abɛ nyak kɛ ne angus adǝdak, ne me atei mɔr kɛ sak ne shu te aneshir bɛ yik laŋ lumɔ. 34Iyi mi iyi laŋ yi kpa mi. Te yi ndi ayemi ayi kyekye, kpami bɔbɔk tei nek laŋ lu. Te yi ndi ba yi kyekye ba, ikpa mi itei te bu. 35Na tɔ iyi amɛ, ilaŋ lu ndi yi bene bɔu ba yi bu ba. 36Ne me, ta yi ndi kpa mi nek laŋ lu bɔbɔk, ba ŋa nuŋ kɛ te bu, itei laŋ shaga, ndi laŋ lu ŋgon itei laŋ ne atɔ mi.>>
Yesɔ ne vǝ abɛ tsar lɛ kɛ Arik
37Ndi Yesɔ ne lɛ klɛ, awɔnǝ Ferisawa nuŋ ne zhɔu li kili: Fe ne gar te kɔte li kili me. 38Ankyak awɔnǝ Ferisawa ma ne sak ŋɔk ne ne ndi ne yik Yesɔ ne li kili iyaŋ ŋla ŋɔk.
39Fe Yesɔ adiu, <<Amɛ, zhine ba Ferisawa zhin ŋla goŋ abɛm kɛ agbǝgba ben kuca, fe miŋ min izhin sɔ tu tena naa zumimin. 40Jineba bliblik! Ba yi waŋ ndi ne na goŋɔ abɛm wa ne na mine kai? 41Fena, nek abɛ yaŋ ki iki yiŋ ndi yi ne min agbǝgba ma, kɔte nii itei yi zhin tsetser.
42<<Zhin zhɔk atu amin izhineba Ferisawa, zhin nek Arik zhin ne min kɛ wur yi kimin, iyi mbumburniŋ ben amgbaki bɔbɔk, te kyak na didik bene tanyɛme yi Arik. Zhin bǝ na kiyi azizaŋ ben yi kukub.
43<<Zhin zhɔk tu min zhin Ferisawa, zhin tanyɛme te sɔŋ ne mben didik ne Akaba te na duŋ abɛ tek zhin ne dub.
44<<Zhin zhɔk tu min, izhin yi ndi abɛ ayiŋ ndi aneshir bane yige neyi ba te caŋǝ te gayir.>>
45Izhiin ne abɛ tsar zhi ne nkenlɛ asagu ma, <<Ine Tsar, ndi utǝ di kiyiŋɛ amɛ upwar ta miyi.>>
46Yesɔ adi, <<zhin abɛ Gli nkanlɛ, Zhin zhɔk tu min, zhin nek aneshir hru kɛ luk ŋgɔŋ ndi batei baŋ kɛ yir ba, fe zhine ba minyi ba zhin tei lɛk vǝn ŋɔk zok bama ba.
47<<Zhin zhɔk tu min, te zhin mee abɛ ayi abɛ bla shar Arik, ndi atsintsim amin aba ne ŋlɔk ba. 48Izhin ne yik ne yi amin te tanyɛme te atsintsim amin aba ne ŋlɔk abɛ bla shar Arik izhineba ne mee abɛ mǝne. 49Ndi iyeme, Arik ne mgbemgbeb ma ne di, <M tei shar ba abɛ bla shar muŋ bene abɛ na ndum muŋ. atei tsik anuŋ aŋlɔk tena sak anuŋ iyah.> 50Fena ikab kǝŋe aba atei vuŋ ba Gli ne tu azhizhi anere bǝ bla shar Arik vuŋ rɛ kuti gɔŋmimi, 51Vuŋre azhizhi ayou Abila bene azhizhi ayou Zakariya, waŋ ndi ne ŋunu ne amkpa ne ben Arik ne Akabaŋkɔŋ. Mm, mbla zhin, ikab kǝŋe atei gli ba ne kiki yiŋɛ bɔbɔk.
52<<Zhin zhɔk atu amin izhin abɛ zhi cɛr yi Musa! Ndi izhin ne bla ki nǝk zhi. Izhin bane yir ba, ba zhin nena duŋ anuŋ ayir ba!>>
53Ndi Yesɔ ne ru abɛm, Ferisawa bene abɛ tsar cɛr yi Musa ne ruk abɛm te rib bu lǝlɛ, 54te aba bɛ vuŋu ne nkan lɛ ndi atei blai.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria