Luk 21
21
Naam mu ngaat a bweel
(Maak 12.41-44)
1Yish amalieen akolaan, kamonaan mbok ambaak badiy besalieem’l minaam mibaan a ngat a ikwoom i minaam a mbûl a Ntshièm, 2kamonaan kamotsh ngaat a ngweel a ntaan ambaak esabok phasiaan iphey i ngaang mikieek a ikwoom. 3Katwotaan ane: “Ikakaam ndes’bulwoos mbè ane, ngaat aku a ngweel amalèy naam musek mwaalek bât baku bakim. 4Ikaam’i mbè badiy baku bakim bamaalèy naam mubukal mwaaph i ngaang, ek aan, i ntaan mwaan amalèy bikim bimbaakaan i biin ikaam idia.”
Yish esashaang’l mibwoong’dj mi Ntuum
(Mataay 24.1-8; Maak 13.1-8)
5Bât bakieek aphiing bieentsh baan bambaak besatwoot idik di Ntuum ane, mumbaak mu musek mwaaphik i mbôk i ngaang yaswoong, mwaphik busek akol biket bisek bimbaak alièm’l abol Ntshièm. Ek Yish kabalwoosaan ane: 6“Itaang yil’kieem’l mbè ane biku bikim bis’bwiin amon, kabilaal kamotsh mbi, mbè mbôk kayilaal a dik di yeek’dj mbi. Mun mbôk mikim yil’kaal yabwees a shin.”
Maphetsh baan’i buso
(Mataay 24.3-14; Maak 13.3-13)
7Bieentsh kawuul baan Yish kamotsh ane: “Ntaang’dj,” mwooy maku, “melakeph’t itaang key? Ying’t key ilalak mbè itaang ilakeph’t mwooy maku yanyik akolakol?”
8Yish kabakal’laan ane: “Buyeeph anyeeny; mwoot kabuphut’k mbi. Ikaam’i mbè babwiik bel’kiy a diin dieem, bantwoot ane: ‘Miim Kilist!’ Aal’k ane: ‘Itaang yayeem’l!’ Kabubalaph’k mbi. 9El’bwiin awok besatwoot idik di matuum akol loph, kabuwok butet mbi. Ikaam’i mbè bi busek bikeph’t ngwoon, ek kabilaal mom mu nkil muku mbi.”
10A mbis akun katwootaan ane: “Bumokamon mal manaany mal mieek’dj mamotsh; bukum bunaany i bukum bweek’dj bumotsh. 11Shin inyikanyiing’l bwiik a mal makim, ntshal baan’i maal bikaal akat mal makim, ekaal kamotsh mwooy ma makam’l akol bing’t binoon’l bisokasol to dik. 12Ek a bos bu mwooy maku makim, bel kabuyaat ikaam ibuphetsh, bamabulaat a shinangoong ikaam ibuluum’s, kamotsh bamabutshik a mwaat; bamabuyeem a bos bu bakum baan’i banguph’lanoph ikaam ibuluum’s idik dieem. 13Mwooy maku makim makekakeph’t ikaam i mbè bwaal mun bitieen bât a bos bu baan. 14#Lk 12.11-12.Kabusum’sk mitshwey miin ikaam i mbok el’bwiin alum’l mbi, 15ikaam miinamieet ndek buyeek mwooy baan’i bwaany a mbok a mbè ane, mpisiin mbè motsh kamon’k bwaany bu bukem’k aal’k abuphit’l mbi. 16Bel’kabulièm’l abol babotsh biin, babiyiin, bapheeng biin, bayeeph’s biin baan’i bakidj biin kamotsh badiakadiaak bakieek aphiingiin. 17Bakim bel’kabubiim’l idik dieem. 18Ek kwa laphu mbè lamotsh la ntshwey mwiin leladiim mbi. 19Ek Bwaalanyeeny i yintsh, neenganyeeny ntem; ntshiin mbok el’bwiin aphaans mioony miin.
Yish esashaang’l mibwoongdj mi Yelushaleem
(Mataay 24.15-21; Maak 13.14-19)
20“El’bwiin amon baalèdj Yelushaleem lakat i ituum abol mayol, itaang ikun, buyekayeeph mbè ane iphontshi bel’kamibwoong’l. 21Ngwoon, bât belaal a Yudey batshikatshiin bos mikwootsh; bât belaal a Yelushaleem batwey, bât belaal a mal makieek kabelamon mbokaying’l a bol bunen mbi. 22#Os 9.7. Ikaam’i mbè, matu makun, melaal ‘Matu ma maphetsh’, ikaam i mbè mwooy makim maphuuny’dj baan mel’kayeem’l. 23Maphetsh key, a matu makun, ikaam i baat bedi mieem akol ba besanyoom’s bân mabieel! Ikaam’i mbè yil’kaal maphetsh mabwiik, a bol buku kamotsh kaph i Ntshièm yil’kadilak a bos bu bât baku. 24Bek badiaak a mbaam mu ituum, bekieen i baan bamatshik a mwaat aphiing a mal makim; i Yelushalem bel kanyak mateem shaang elayeem’l itaang imabaan bayeek.
Mpwiidj a Mwân a Mwoot
(Mataay 24.29-31; Maak 13.24-27)
25 #
Yesh 13.10; Eks 32.7; Yel 2.31; Mlk 6.12-13. “Yil’kaal bing’t a itaang, a ngwôn akol mieedj. A shin a maan, bât bel’kaal i mitem a dik a minuung mikim, kabel ayeeph mbok akel a bos bu maphaak ma ntshal minen. 26Bât bel’kakel muna bamwakawa el’baan abok lakeny la mwooy melakeph’t a shin mikim, ikam’i mbè manoon’l ma dik manyikanyiing’l. 27#Dan 7.13; Mlk 1.7.A mbis akun, bumokamon Mwân a Mwoot antwool a mashieem, i manoon’l mabwiik akol buum. 28Mwooy maku el’maan atetsh akeph’t, busweeng mitshwey kamotsh bwaal i ntem ngon, ikaam i mbè mitwoodj miin mi busow miaanyik akolakol.”
Lashaang la ntey mu nfiink
(Mataay 24.32-35; Maak 13.28-31)
29A mbis akun, Yish kabok’saan bieentsh baan nkwoon ane: “Lieen anyeeny ntey mu nfiink aal’k mitey mieek’dj mimotsh. 30Es’bwiin amon kas yatetsh mbok amen, busayeeph mbè ane itaang i mbul yanyik akolakol. 31Mbok mintshiin, itaang yil’bwiin amon mwooy maku makeph’t, buyeeph anyeeny ane bunyim bu Ntshièm bwanyik akolakol.
32“Ikakaam ndes’bulwoos dikwook, bât ba nkil muku kabelashil bakim a bos bu mbè mwooy maku makim makeph’t. 33Dik baan’i shin bishakashaam, ek mwooy mieem kamelashaam mbi.
Aalanyeeny busweeng mataang makim
34“Bwaal anyeeny i manyaang! Ikaam’i mbè kabwaal’k i mpos mu budiey baan i bunywey idik di nshaas mu mwooy ma nkwootsh mbi, ikaam i mbè ane lasu lakun kalubuyiis’k mun bât baaph mbè kabambaak’dj ayeeph mbi 35ikaam i mbè lasu lakun lel’kayaat bât bakim ba shin a maan muna bôt. 36Kabubet’k mbi, lwoom anyeeny Ntshièm itaang iku ikim; ikaam i mbè Ntshièm abuyeek bunoon’l buphaan a mwooy makim melabuyiis, a mbok a mbè buneph ayeem’t a bos bu Mwân a Mwoot.”
37 #
Lk 19.47. Matu makim Yish ambaak ashaang’l lashaang lasek a Ntuum matu makim; ikwook’l ambaak antow a bol, amwelwoom Ntshièm a Nkwootsh mu Oliiv. 38I bât bakim bambaak bamwiy kosangiees a Ntuum ikaam imwoom’k.
ទើបបានជ្រើសរើសហើយ៖
Luk 21: KPBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
