Malukusa 6
6
Yesus ta anywa muNasaleta
(Mateusa13:53-58; Lukasa4:16-30)
1Yesus okwa za ko kehala ngho, ndele ta yi koshilando shambilyawo, naalongwa yaye oye mu landula. 2Mesiku lyEsabati, okwa tameka okulonga aanhu moshinagoga. Aanhu oyendji mba ya li ye mu pwaikina, oya li ya kumwa ndele taa pula taa ti, “Ayihe mbi okwei hanga peni? Ounongo mbu e na, okwe wu kufa peni? Oikumwifalonga mbi ote yi longo ngeepi? 3Ndele oye mu anya taa ti, ke shi hano omuhongi woipilangi, omona waMalia, omumwaina waYakopo, Yosef, Yudas naSimoni? Aamwaina aakiinhu kapo ye li puse mha hamba?”
4Yesus okwa ti kuyo, “Aahunganeki iha vinwa pamwe pwiilili, omoshilando tuu shambilyawo, kuyakwawo nokaaneumbo lyao.
5Onghee Yesus kali tavulu ali okuningila ko oshikumwifalonga shasha, kakele kokutenheka omake kaanauvu yamwe nokuya yeluva. 6Ndele okwa li kuminwa okuhaitaela kwawo.
Yesus ta tumu aalongwa omulongo nayaali
(Mateusa10:5-15; Lukasa9:1-6)
Kuza mho, Yesus okwa ya komikunda vopopepi, ndele ta longo aanhu. 7Yesus okwa ifana aalongwa yaye omulongo nayaali, ndele te ya tumu ooyaali nooyaali, ndele te ya pe eenghono vokupangela eemhepo va kaka. 8Okwe ya lombwela ta ti, “Inamu ya nasha mondjila, kakele kondibo, hamboloto, hamhunda yokweenda nayo, nenge oimaliwa meendjato vawo. 9Zaleni eenghaku, ndele inamu hinda oikutu iyali. 10Kehe meumbo mu amu yi, ndele omwa tambulwako, kaleni mo, siyo amu fiye po ehala ndyo. 11Nge ope na pehala mha mya ya ndele ina mu tambulwa ko, nye iha mu pwaikinwa, ze ni ko, ndele amu ipupula ondwi keemhavi, sho shi ninge elondovo kuyo.
12Opo nee, aalongwa oya ya, taa uvifa kutya aanhu nayi itevulule. 13Oya ta mo eemhepo va kaka ovidji, taa yaeke aanauvu oyendji nomaavi, noku ya yeluva.
Eso lyaYohanesa omushashi
(Mateusa14:1-12; Lukasa9:7-9)
14Ohamba Helodesa oya uva ayihe mbi Yesus a li ta longo, oshonhyi evina lyaYesus olya hangikwa lya shiikwa akuhe. Aanhu yamwe oya li taa ti, “Ngu oYohanesa omushashi a umuka kousi, sho osho nee e na eenghono, vokulonga oikumwifalonga.
15Ndele yamwe oya li taa ti, “OElia. Yamwe oya li taa ti, omuhunganeki umwe womaahunganeki yonale.”
16Helodesa nhyi eshi uva okwa ti, “OYohanesa Omushashi. Ondemu tetifa omutwe, ndele okwa umuka ko kousi.” 17Molwanhyi Helodesa oye a kwatifa po Yohanesa, a mangwe nomalyenge, ndele ta tulwa movologo omolwa Herodias, omukulukavi wamumwaina Filipus ngu Helodesa a li a hombola po. 18Onghee nee, Yohanesa Omushashi okwa kala nokulombwela Helodesa, “Inashi pitikwa, u hombole omukiinhu wamumwanyoko!”
19Herodias okwa kala e mu kwatela onghone, nokwa kala a hala oku mu vipaa, ndele okwa li a nyengwa, 20shaanhyi Helodesa okwa li a tila Yohanesa. Helodesa okwa li eshi shii kutya Yohanesa omulumenhu omuwa nomuyuuki, onghee okwa li a yama kuye. Okwa kala e hole oku mu pwaikina, nonande a ka kala ha piyaanekwa neenghono, kehe efimbo temu uvu.
21Hwiinina, Herodias okwa mono omhito mesiku lyevalo lyaHelodesa, nhyi Helodesa a ningila omalenga, aawiliki yoita naakulunhu yomuGalilea oshitufi mesiku lyevalo lyaye. 22Omonamatikavona waHerodias nhyi e ya moshitufi, okwa vana ouvano wa mwenyeka Helodesa naaenda yaye. Ohamba Helodesa oya lombwela okakavona ya ti, “Indila nge kehe nhyi wa hala, andi shi ku pe.” 23Ndele okwa ana nokuuvanekela okakavona ta ti, “Kehe nhyi to indile nge, andi shi kupe, nande etata lyouhamba wange!”
24Okakavona oka ya kuyina pondje, ndele taka pula yina ka ti, “Nandi indile shike?” Yina okwa yamukula a ti,
“Omutwe wa Yohanesa Omushashi.
25Viyaviya, okakavona oka shuna kohamba taka endelele, ndele taka indile ohamba ka ti, “Onda hala u pe nge omutwe wa Yohanesa omushashi moshiyaha.
26Ohamba Helodesa oya nyika oluhovi olunene, ndele omolweano lyaye ndi a ninga komeho yaayenda, ina vula oku shi anya. 27Ohamba oya tuma omukwaita womaatonateli yovologo, ndele temu lombwela a ete omutwe waYohanesa. Okwa ya kovologo, ndele te mu tete omutwe, 28ndele ta eta omutwe waye moshiyaha, tewu pe okakavona, ndele ake wu fala kuyina. 29Aalongwa yaYohanesa nhyi yeshi uva oye ya, ndele taa kufa mo omuviba waye taye wu tula mombila.
Yesus ta kutifa aalumenhu omayovi yatano
(Mateusa14:13-21; Lukasa9:10-17; Yohanesa6:1-14)
30Aatumwa nhyi ya aluka, ndele taa ongala puYesus, oye mu hokololela ashihe nhyi ya ninga nanhyi ya longa. 31Okwa li ku na aanhu oyendji taye ya yo taa yi, onghee kaya li ye na efimbo lyokulya. Yesus okwa lombwela aalongwa ya ye ta ti, “Ileni tu yeni, tu ke ikaleleni, opo tu fuveipo kashona. 32Oya londa mokawato, ndele taa yi, yeke ikalela.
33Oyendji mba ya li ye ya mona nhyi taa yi, oye ya tetekele kolupavi, taa endelele, ya za moilando ayihe, noya fiki tango kehala nghu Yesus naalongwa yaye ya li ya uka. 34Hano nhyi Yesus a fika komukunghulo, okwa zamo mokawato, ndele okwa mona ongudu onene yaanhu, nokwa li e ya uvitile onghenda, molwanhyi oya li ya fa eezi ka vina omusita, ndele okwa tameka oku ya longa oinima oyindji. 35Nhyi kwa toka, aalongwa yaye oye ya kuye taa ti, “IOtu li mehala kamu na omaumbo, netango olya toka, 36lekela aanhu ya ye keehambo nokomikunda vopoushiinda, ye ke ilandele oikulya.”
37Yesus okwe ya yamukula a ti, “Ya peni oikulya.”
Oya ti kuye, “Ondado yoikulya yaanhu ye fike mha, oi li pomafele yaali. Natu ye tu ka longife po oimaliwa ayihe mbi, tuka lande eemboloto tu ya pe ya lye?”
38Yesus okwe ya pula a ti, “Omu na po eemboloto ngapi? Indeni, muka tale kutya ovi li ngapi.”
Nhyi ya mona kutya ovili ngapi, oya ti, “Otu na eemboloto nhano neehi mbali.”
39Yesus okwa lombwela aalongwa yaye, ya lombwele aanhu ayehe, ya kale omutumba meengudu, pomwiivi wa ziza. 40Aanhu oya kala omutumba meengudu, eengudu vimwe ova li vi na aanhu efele navimwe ova li vi na aanhu omilongo nhano. 41Yesus okwa kufa eemboloto nhano neehi mbali, ta tala keulu, ndele ta pandula Kalunga. Okwa topola eemboloto ndele, te vi pe aalongwa yaye, ye vi topolele aanhu. Okwa topola natango eehi mbali va wana aanhu ayehe. 42Aanhu ayehe oya lya, ndele taa kuta. 43Aalongwa oya toola oupambu weemboloto noweehi auhe mbu wa hupa po, wa uva oimbale omulongo naiyali. 44Omwaalu waalumenhu mba ya li ya kutifwa owa li omayovi yatano.
Yesus ta ende kombada yomeya
(Mateusa14:22-33; Yohanesa6:15-21)
45Viyaviya Yesus okwa ninga aalongwa yaye ya londe mowato, opo ye mu tetekele komeho, ya ye ku Betsaida kombiga yimwe yefuta, mhanga ye ta lekele aanhu. 46Nhyi a lekela aanhu, okwa londa kondudu a ka yalikane. 47Nhyi kwa toka, owato oya li pokati kefuta, mhanga Yesus a li komutunda. 48Yesus okwa mona kutya aalongwa yaye oye na oupyakavi mokuhinga owato yao, molwomhepo ndji ya li tai ya zilile komeho. Ndele efimbo lyopokati konhatu nohamano yongula, Yesus okwe ya kuyo ta ende kombada yomeya nokwa li e li poku ya pitilila. 49Ndele nhyi ye mu mona ta ende kombada yomeya, oya li ye shii oshiluli. Oya kuu mopale, 50shaanhyi oya li ya tila hnyi ye mu mona.
Ndele viyaviya Yesus okwe ya popifa a ti, “Kaleni nomukumo, Aame, ina mu tila.” 51Okwa ya nayo mowato, nomhepo oya lotela. Aalongwa oya li ya kumwa ko unene, 52molwanhyi oya li natango ya nyengwa okuuva ko oshiningwanima sheemboloto nhyi a shiti, ndele omitima vawo ova li va kukuta.
Yesus ta eluva aanauvu muGenesaret
(Mateusa14:34-36)
53Yesus naalongwa yaye oya taulukile kombiga onghwawo komutunda kuGenesaret, noya mangele owato komunghulo. 54Nhyi ya zamo mowato, aanhu oya vibulula Yesus. 55Oya enda noshitopolwa ashihe, ndele taa kufa aanauvu ayehe, yeya hinda poyiinda, ndele taye ya fala kehala kehe nghu taa uvu kutya Yesus e li. 56Ndele kehe mha Yesus ta yi, momikunda, moshilando, nokeehambo, aanhu oyali taya eta aanauvu pomahala yaandjuka, taye mu indile a pitike aanauvu ya kume nande okomungege wonguwo yaye. Ndele ayehe mba ye yi kwata, oya yeluvwa.
ទើបបានជ្រើសរើសហើយ៖
Malukusa 6: MBTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
Malukusa 6
6
Yesus ta anywa muNasaleta
(Mateusa13:53-58; Lukasa4:16-30)
1Yesus okwa za ko kehala ngho, ndele ta yi koshilando shambilyawo, naalongwa yaye oye mu landula. 2Mesiku lyEsabati, okwa tameka okulonga aanhu moshinagoga. Aanhu oyendji mba ya li ye mu pwaikina, oya li ya kumwa ndele taa pula taa ti, “Ayihe mbi okwei hanga peni? Ounongo mbu e na, okwe wu kufa peni? Oikumwifalonga mbi ote yi longo ngeepi? 3Ndele oye mu anya taa ti, ke shi hano omuhongi woipilangi, omona waMalia, omumwaina waYakopo, Yosef, Yudas naSimoni? Aamwaina aakiinhu kapo ye li puse mha hamba?”
4Yesus okwa ti kuyo, “Aahunganeki iha vinwa pamwe pwiilili, omoshilando tuu shambilyawo, kuyakwawo nokaaneumbo lyao.
5Onghee Yesus kali tavulu ali okuningila ko oshikumwifalonga shasha, kakele kokutenheka omake kaanauvu yamwe nokuya yeluva. 6Ndele okwa li kuminwa okuhaitaela kwawo.
Yesus ta tumu aalongwa omulongo nayaali
(Mateusa10:5-15; Lukasa9:1-6)
Kuza mho, Yesus okwa ya komikunda vopopepi, ndele ta longo aanhu. 7Yesus okwa ifana aalongwa yaye omulongo nayaali, ndele te ya tumu ooyaali nooyaali, ndele te ya pe eenghono vokupangela eemhepo va kaka. 8Okwe ya lombwela ta ti, “Inamu ya nasha mondjila, kakele kondibo, hamboloto, hamhunda yokweenda nayo, nenge oimaliwa meendjato vawo. 9Zaleni eenghaku, ndele inamu hinda oikutu iyali. 10Kehe meumbo mu amu yi, ndele omwa tambulwako, kaleni mo, siyo amu fiye po ehala ndyo. 11Nge ope na pehala mha mya ya ndele ina mu tambulwa ko, nye iha mu pwaikinwa, ze ni ko, ndele amu ipupula ondwi keemhavi, sho shi ninge elondovo kuyo.
12Opo nee, aalongwa oya ya, taa uvifa kutya aanhu nayi itevulule. 13Oya ta mo eemhepo va kaka ovidji, taa yaeke aanauvu oyendji nomaavi, noku ya yeluva.
Eso lyaYohanesa omushashi
(Mateusa14:1-12; Lukasa9:7-9)
14Ohamba Helodesa oya uva ayihe mbi Yesus a li ta longo, oshonhyi evina lyaYesus olya hangikwa lya shiikwa akuhe. Aanhu yamwe oya li taa ti, “Ngu oYohanesa omushashi a umuka kousi, sho osho nee e na eenghono, vokulonga oikumwifalonga.
15Ndele yamwe oya li taa ti, “OElia. Yamwe oya li taa ti, omuhunganeki umwe womaahunganeki yonale.”
16Helodesa nhyi eshi uva okwa ti, “OYohanesa Omushashi. Ondemu tetifa omutwe, ndele okwa umuka ko kousi.” 17Molwanhyi Helodesa oye a kwatifa po Yohanesa, a mangwe nomalyenge, ndele ta tulwa movologo omolwa Herodias, omukulukavi wamumwaina Filipus ngu Helodesa a li a hombola po. 18Onghee nee, Yohanesa Omushashi okwa kala nokulombwela Helodesa, “Inashi pitikwa, u hombole omukiinhu wamumwanyoko!”
19Herodias okwa kala e mu kwatela onghone, nokwa kala a hala oku mu vipaa, ndele okwa li a nyengwa, 20shaanhyi Helodesa okwa li a tila Yohanesa. Helodesa okwa li eshi shii kutya Yohanesa omulumenhu omuwa nomuyuuki, onghee okwa li a yama kuye. Okwa kala e hole oku mu pwaikina, nonande a ka kala ha piyaanekwa neenghono, kehe efimbo temu uvu.
21Hwiinina, Herodias okwa mono omhito mesiku lyevalo lyaHelodesa, nhyi Helodesa a ningila omalenga, aawiliki yoita naakulunhu yomuGalilea oshitufi mesiku lyevalo lyaye. 22Omonamatikavona waHerodias nhyi e ya moshitufi, okwa vana ouvano wa mwenyeka Helodesa naaenda yaye. Ohamba Helodesa oya lombwela okakavona ya ti, “Indila nge kehe nhyi wa hala, andi shi ku pe.” 23Ndele okwa ana nokuuvanekela okakavona ta ti, “Kehe nhyi to indile nge, andi shi kupe, nande etata lyouhamba wange!”
24Okakavona oka ya kuyina pondje, ndele taka pula yina ka ti, “Nandi indile shike?” Yina okwa yamukula a ti,
“Omutwe wa Yohanesa Omushashi.
25Viyaviya, okakavona oka shuna kohamba taka endelele, ndele taka indile ohamba ka ti, “Onda hala u pe nge omutwe wa Yohanesa omushashi moshiyaha.
26Ohamba Helodesa oya nyika oluhovi olunene, ndele omolweano lyaye ndi a ninga komeho yaayenda, ina vula oku shi anya. 27Ohamba oya tuma omukwaita womaatonateli yovologo, ndele temu lombwela a ete omutwe waYohanesa. Okwa ya kovologo, ndele te mu tete omutwe, 28ndele ta eta omutwe waye moshiyaha, tewu pe okakavona, ndele ake wu fala kuyina. 29Aalongwa yaYohanesa nhyi yeshi uva oye ya, ndele taa kufa mo omuviba waye taye wu tula mombila.
Yesus ta kutifa aalumenhu omayovi yatano
(Mateusa14:13-21; Lukasa9:10-17; Yohanesa6:1-14)
30Aatumwa nhyi ya aluka, ndele taa ongala puYesus, oye mu hokololela ashihe nhyi ya ninga nanhyi ya longa. 31Okwa li ku na aanhu oyendji taye ya yo taa yi, onghee kaya li ye na efimbo lyokulya. Yesus okwa lombwela aalongwa ya ye ta ti, “Ileni tu yeni, tu ke ikaleleni, opo tu fuveipo kashona. 32Oya londa mokawato, ndele taa yi, yeke ikalela.
33Oyendji mba ya li ye ya mona nhyi taa yi, oye ya tetekele kolupavi, taa endelele, ya za moilando ayihe, noya fiki tango kehala nghu Yesus naalongwa yaye ya li ya uka. 34Hano nhyi Yesus a fika komukunghulo, okwa zamo mokawato, ndele okwa mona ongudu onene yaanhu, nokwa li e ya uvitile onghenda, molwanhyi oya li ya fa eezi ka vina omusita, ndele okwa tameka oku ya longa oinima oyindji. 35Nhyi kwa toka, aalongwa yaye oye ya kuye taa ti, “IOtu li mehala kamu na omaumbo, netango olya toka, 36lekela aanhu ya ye keehambo nokomikunda vopoushiinda, ye ke ilandele oikulya.”
37Yesus okwe ya yamukula a ti, “Ya peni oikulya.”
Oya ti kuye, “Ondado yoikulya yaanhu ye fike mha, oi li pomafele yaali. Natu ye tu ka longife po oimaliwa ayihe mbi, tuka lande eemboloto tu ya pe ya lye?”
38Yesus okwe ya pula a ti, “Omu na po eemboloto ngapi? Indeni, muka tale kutya ovi li ngapi.”
Nhyi ya mona kutya ovili ngapi, oya ti, “Otu na eemboloto nhano neehi mbali.”
39Yesus okwa lombwela aalongwa yaye, ya lombwele aanhu ayehe, ya kale omutumba meengudu, pomwiivi wa ziza. 40Aanhu oya kala omutumba meengudu, eengudu vimwe ova li vi na aanhu efele navimwe ova li vi na aanhu omilongo nhano. 41Yesus okwa kufa eemboloto nhano neehi mbali, ta tala keulu, ndele ta pandula Kalunga. Okwa topola eemboloto ndele, te vi pe aalongwa yaye, ye vi topolele aanhu. Okwa topola natango eehi mbali va wana aanhu ayehe. 42Aanhu ayehe oya lya, ndele taa kuta. 43Aalongwa oya toola oupambu weemboloto noweehi auhe mbu wa hupa po, wa uva oimbale omulongo naiyali. 44Omwaalu waalumenhu mba ya li ya kutifwa owa li omayovi yatano.
Yesus ta ende kombada yomeya
(Mateusa14:22-33; Yohanesa6:15-21)
45Viyaviya Yesus okwa ninga aalongwa yaye ya londe mowato, opo ye mu tetekele komeho, ya ye ku Betsaida kombiga yimwe yefuta, mhanga ye ta lekele aanhu. 46Nhyi a lekela aanhu, okwa londa kondudu a ka yalikane. 47Nhyi kwa toka, owato oya li pokati kefuta, mhanga Yesus a li komutunda. 48Yesus okwa mona kutya aalongwa yaye oye na oupyakavi mokuhinga owato yao, molwomhepo ndji ya li tai ya zilile komeho. Ndele efimbo lyopokati konhatu nohamano yongula, Yesus okwe ya kuyo ta ende kombada yomeya nokwa li e li poku ya pitilila. 49Ndele nhyi ye mu mona ta ende kombada yomeya, oya li ye shii oshiluli. Oya kuu mopale, 50shaanhyi oya li ya tila hnyi ye mu mona.
Ndele viyaviya Yesus okwe ya popifa a ti, “Kaleni nomukumo, Aame, ina mu tila.” 51Okwa ya nayo mowato, nomhepo oya lotela. Aalongwa oya li ya kumwa ko unene, 52molwanhyi oya li natango ya nyengwa okuuva ko oshiningwanima sheemboloto nhyi a shiti, ndele omitima vawo ova li va kukuta.
Yesus ta eluva aanauvu muGenesaret
(Mateusa14:34-36)
53Yesus naalongwa yaye oya taulukile kombiga onghwawo komutunda kuGenesaret, noya mangele owato komunghulo. 54Nhyi ya zamo mowato, aanhu oya vibulula Yesus. 55Oya enda noshitopolwa ashihe, ndele taa kufa aanauvu ayehe, yeya hinda poyiinda, ndele taye ya fala kehala kehe nghu taa uvu kutya Yesus e li. 56Ndele kehe mha Yesus ta yi, momikunda, moshilando, nokeehambo, aanhu oyali taya eta aanauvu pomahala yaandjuka, taye mu indile a pitike aanauvu ya kume nande okomungege wonguwo yaye. Ndele ayehe mba ye yi kwata, oya yeluvwa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International