मर्क 10
10
भ्या भानान्न भारेः येसुन छोए
(मत्ती १९:१-१२; लुक १६:१८)
1येसु कफर्नहुमलै यर्दन चाङ्पुन धिङा यहूदिया प्रदेसग स्वाबो रे मोह्ङ नुन रह्म्म जोम्बो, आलै नुन कानुन अन्सार ख्युकाङ्मोः ह्याङ नुई लह्म्बो।
2कान फरिसीव नुन रह्म्म स्वास्वा नू छोए सेनसेन लोप्पो, “कानुन्न अन्सार तै कान चोलोङ्चाई जेँन मिसान ङ्याबो भ्या भाचे लः ङ्याह्यौ?” 3येसुई ख्युकाङ्मोः झब बिमबिम र्वाबो, “मोसाई ङेनकाङ्मोः तै आग्या बिम्पा ङ्याह्?” 4ख्युई र्वाबो, “ख्योवानान्न हिगादी सरसर सिमिजै जेँन मीसाः ख्योवा तैनान र्वार्वा मोसाई अनुमति बिम्पा ङ्याह्।”#कानुन २४:१-४; मत्ती ५:३१
5जेङ्नै येसुई ख्युकाङ्मोः र्वाबो, “ङेनकोन सम ख्वान कारन मोसाई ङेनकाङ्मोः अन आग्या सर्बो। 6जेङ्नै सृस्तिन सुरुलै परमेस्वरजै ख्युकाङ्मोः चोलोङ्चा रे चिमिचा खेखे दोङ्बो, कुजु पबित्रसास्त्रग सर्पा ङ्याह्। 7‘अन्नकारन सिमि जेँन पोमाः ख्योवाख्योवा जेँन मीसान ङ्याबो दीदी छ्युङ्नान,#उत २:२४ 8रे ख्यूम ल्होदी राह्नान ङ्याह्।’ ख्यु ह्याङ ङेह् नङ्पा, जेङ्नै ती जेङ्पा। 9अन्नकारन परमेस्वरजै सू ङ्याबो थुप्पा ङ्याह्, सिमिजै नफाःयो।” 10जब ख्यु यिम होल्बो, तब चेलावजै येसू ह्याङ अन्न भारेः लोप्पो। 11येसुई ख्युकाङ्मोः र्वाबो, “सुई जेँन मीसाः ख्योवाख्योवा घङन ङ्याबो मिह्जी खेँ, नुई मिसान बिरोधग ब्यभिचार खेनान।#मत्ती ५:३२; १ कोर ७:१०-११ 12आलै यदि चिमिचाई जेँन पसाः ख्योवाख्योवा घङन ङ्याबो मिह्जी खेङिन, नुई ब्यभिचार खेनान।”
येसुई वैचाकाङ्मोः असिका बिम्पा
(मत्ती १९:१३-१५; लुक १८:१५-१७)
13कान सिमिवजै कत्याम वैचाकाङ्मोः येसुई ख्युन ल्हाः ल्हा नान्नान असिका भिनाःयो र्वार्वा नुन रह्म्म सप्पो, जेङ्नै चेलावजै सिमिकाङ्मोः ङार्बो। 14जेङ्नै अन रङरङ येसू सुतुबो, रे चेलाकाङ्मोः र्वाबो, “वैचाकाङ्मोः ङन रह्म्म स्वा फाना, ख्युकाङ्मोः नकाः, तैङर्वाङिन परमेस्वरन राज्य ता झाःमै सिमिवन भिह्तुई जेङ्पा। 15तेम्माई ङा ङेनकाङ्मोः र्वाचे, सुई परमेस्वरन राज्यग कत्याम वैचादीजै लैम स्वीकार मखेँ, नु तै खेखेई परमेस्वरन राज्यन झिङ जाःनान मह्या।”#मत्ती १८:३ 16आलै येसुई वैचाकाङ्मोः खोलग वव्वै ख्युन ल्हाः जेँन ल्हा नान्नान ख्युकाङ्मोः असिका बिम्बो।
छबा रेम्पा सिमिदी
(मत्ती १९:१६-३०; लुक १८:१८-३०)
17येसु लमग वैयङ खेतौ, सिमिदी धालैधालै स्वास्वा नुन ङू पोह् जूजू नू लोप्पो, “हे गुरु लः, मताह्नान्न झुनी देच्चेन भिह्तु ङै तै खेत्वानान?”
18येसुई नू र्वाबो, “ना तैङ ङाः गुरू लः र्वानान? ती मात्र परमेस्वर नङ्म घङ सुई लः मह्या। 19आग्याव ता नाः क्युई ङ्याह्, आथबा सिमि नसह्रायो, ब्यभिचार नख्याःयो, नखुवायो, लबारन साँचि नभिनायो, ठग नख्याःयो, जेँन पोमाः आदर ख्याःयो।”#प्रस २०:१२-१६; रोम १३:९
20आलै नुई येसू र्वाबो, “गुरुज्यू, अन पुरू ता ङै ङन छबा रातौलै ङ्यान्पा ङिह्पा।”
21येसुई नू सेह्म्बो, रे नू मया खेखे र्वाबो, “नाः हेँ ल्होईदीन कोम्म ङ्याह्। वया, नाः तयाः तयाः ङ्याह् पुरू र्युरा रे सोङ बिखारीकाङ्मोः भिना, आलै नाः स्वर्गः क्यु देन्नान ङ्याह्। आलै स्वास्वा ङन ङिक जाः।” 22जब मन सिमिजै अन ल्होई ताह्बो, नुन नमी नाह्छुपछुप रह्बो, रे अन तुँलाक्या राह्राह् होई, तैङर्वाङिन नुन ङ्याबो क्यु लैः ङ्याह्।
23आलै धेँवछोँ सेनसेन येसुई जेँन चेलाकाङ्मोः र्वाबो, “रेम्पाकाङ्मोः परमेस्वरन राज्यग जाचे मिह्दा खराम ङ्याह्।”
24येसुई र्वापान अन ल्होईग चेलावजै हालाईबो। जेङ्नै येसुई ह्याङ ख्युकाङ्मोः र्वाबो, “वैचाव, क्युन ङ्या भर नान्नानकाङ्मोः परमेस्वरन राज्यन झिङ जाचे मिह्दा खराम ङ्याह्। 25रेम्पा सिमी परमेस्वरन राज्यन झिङ जाःचेन खेरे ता बरु घबन मीलै ऊँत जाचे छुम्म राह्नान।” 26चेलाव मिह्दा हालाईलाई राह्ङराङ्साः र्वामः जाःबो, “झाम राङिन सु सोन तैनान?”
27येसुई ख्युकाङ्मोः सेनसेन र्वाबो, “अन सिमिलम राई मतैनान्न धोन जेङ्पा, जेङ्नै परमेस्वरलम चन रा तैनान, तैङर्वाङिन परमेस्वरलम धोन पुरू रा तैनान।”#अयू ४२:२; लुक १:३७
28पत्रुसजै नू र्वाबो, “सेह्ना, ङी ता तैस्याङ पुरू ख्योवाख्योवा ङेन ङिक जाःपा ङिह्पा।”
29येसुई र्वाबो, “तेम्माई ङा ङेनकाङ्मोः र्वाचे, सुई ङन भिह्तु रे ल्होन् लःन खातिर यिम या थिक्कोव या मितिकोव या पोमा या ङोह्जो चमेःव या खेः ख्योवाङ, 30नुई तेह्पफान्नान्न ङ्याबो ङ्याबोः गुना ङाथल ह्याल्म यिम, थिक्कोव, मितिकोव, पोमा, ङोजो चमेव रे खेः अन्नै भेलाः देन्नान ङ्याह्, आलै स्वानान काल्बाग मताह्नान्न झुनी। 31जेङ्नै लैः ङूस्योवा राह्नानव ङिस्योवा, रे ङिस्योवा राह्नानव चन ङूस्योवा राह्नान ङ्याह्।”#मत्ती २०:१६; लुक १३:३०
येसुई जेँ सिह्नान्न भारेः सुमरेप र्वापा
(मत्ती २०:१७-१९; लुक १८:३१-33)
32येसु रे नुन चेलाव यरूसलेमक्याँ वैयङ ङ्याह्, रे येसु ख्युन ङूह्ङूह् लेम्पाई छ्युङ्पा ङ्याह्। चेलाव हालाईपा ङ्याह्, रे घङ ङिह्ङिह् स्वानानव मिह्दा ङिन्पा ङ्याह्। तब नुई चेला च्योङेपाकाङ्मोः ह्याङ तीक्याँ वव्वै जेँन ङ्या स्वानान्न ल्होईव ख्युकाङ्मोः र्वाबो। 33नुई र्वाबो, “ङ्याना, ङि यरूसलेमक्याँ वैयङ ङिह्पा। स्याह् ङा सिमिन ङोह्जोः पक्राउग थेपथेप ङोत्वा पुजारीव रे कानुन लन्नान्न सिमिवन ल्हाग थोन्नान ङ्याह्, रे ख्युई ङाः सच्चेन धल भिनत्वानान र्वार्वा यहूदीन खोलोःन सिमिवन ल्हाग थोन्नान ङ्याह्। 34आलै ख्युई ङाः खिसि खेनान ङ्याह् रे ङाः छिमा पन्नान ङ्याह्, ङा चेरन ताल्च्याई फ्याङ्नान ङ्याह् रे ङाः सन्नान ङ्याह्। जेङ्नै सुमङीन ङिक नु ह्याङ सम्पु राह्राह् च्याङ्नान ङ्याह्।”
याकूब रे यूहन्नान छ्याफुल
(मत्ती २०:२०-२८)
35जब्दियान ङोह्जो ङेह्, याकूब रे यूहन्ना येसुन रह्म्म स्वास्वा र्वाबो, “गुरुज्यू, ङि ङेनग तै तोल्ङ ङेनजै ङिन भिह्तु ख्याःयो र्वानान ङिन इच्छ्या ङिह्पा।” 36येसुई ख्युकाङ्मोः लोप्पो, “ङेनकोन भिह्तु ङा तै खेचे, ङेनकोन इच्छ्या तै ङ्याह्?” 37ख्युई झब बिम्बो, “ङेन महिमीत राज्यग ङि थिक्कोव ङेन याईपाक्याँ रे योम्मक्याँ छ्युङ्चे धेराःयो।”
38जेङ्नै येसुई ख्युकाङ्मोः र्वाबो, “ङेनकोजै तै तोल्यङ ङ्याह् अन ङेनकाङ्मोः क्युई मह्या। तै ङै थुङ्त्वानान्न तूरिन खोरे ङेनकोजै र्वार्वा थुङ तैनौ? ङै वत्त्वानान्न तूरिन बप्तिस्मा तै ङेनकोजै र्वार्वा वत् तैनौ?”#लुक १२:५०
39चेलावजै येसू झब बिम्बो, “ङि तैनान।” येसुई ख्युकाङ्मोः र्वाबो, “कन खोरे ङा थूँ अन ङेनकोजै थुङ्नान ङ्याह् रे कन बप्तिस्मा ङै वप्पा ङिह्पा अन बप्तिस्मा ङेनकाङ्मोः वन्नान ङ्याह्। 40जेङ्नै ङन याईपा रे ङन योम्मक्याँ छ्युङ्म चन ङै बिन्नान्न ल्होई नङ्पा। अन ठाउँव ता परमेस्वरन जेँजै सुन भिह्तु तयार खेखे नाम्पा ङ्याह्, नुगै बिन्नान ङ्याह्।” 41अन ताह्ताह् चेला च्युपाव याकूब रे यूहन्नान ङ्याबो सुतुबो। 42तब येसुई ख्युकाङ्मोः जेँन रह्म्म स्वा र्वार्वा र्वाबो, “ङेनकाङ्मोः क्युई ङ्याह् कि यहूदीन खोलोःन सिमिवन ङ्या सासन खेनानवजै ख्युन ङ्या अख्तियार चलाई खेँ। आलै ख्युन स्योनान्न सिमिवजै ख्युन ङ्या आङ खेँ।”#लुक २२:२५-२६
43“ङेनकोन घूँ चन उजु नराःयो। जेङ्नै ङेनकोन घूँ सुई किम रासुम खेँ, मन ङेनको राङ्पा रात्वानान।#मत्ती २३:११; मर्क ९:३५ 44आलै ङेनकोन घूँ सुई ङूस्योवा रासुम खेँ, अन पुरून राङ्पा रात्वानन। 45तैङर्वाङिन ङा सिमिन ङोह्जो सुचा देच्चेन भिह्तु नङ्पा, जेङ्नै सेवा खेमः रे लै सिमिवन छुतकरा बिन्चेन भिह्तु जेँन परान बलि बिम्म स्वापा जेङ्पा।”
येसुई मी मरङ्नान बारतिमैग ताःफाम्पा
(मत्ती २०:२९-३४; लुक १८:३५-४३)
46आलै येसु रे नुन चेलाव यरीहो सहरग स्वाबो, रे ख्यु सिमिन मोह्ङ किमन ङ्याबो यरीहोलै गेत्तौ तिमैन ङोह्जो बारतिमै, मी मरङ्नान बिखारी सिमिदी, लमन रह्म्म छ्युङपा ङ्याह्। 47जब नुई नू नासरतन येसु जेङ्पा र्वानान ताह्बो, तब फाईरा खेखे नुई र्वामः जाःबो, “हे येसु, दाऊदन ङोह्जो, ङन ङ्या दया ख्या।”
48तब लै सिमिवजै नू तै मर्वारे छ्योवा र्वार्वा ङार्बो। जेङ्नै अन झन केह्ः किम छ्यूछ्यू फाईरा खेमः जाःबो, “हे दाऊदन ङोह्जो, ङन ङ्या दया ख्या।” 49लेन्तौलेन्तौ येसुई तक्क किलकिल र्वाबो, “नू स्यीह् स्वा र्वा” आलै ख्युई मन मी मरङ्नान्न सिमी झाःम र्वार्वा स्वा र्वाबो, “हिम्मत ख्या, च्याँ, येसुई नाः स्वा र्वाङ।” 50आलै नु जेँन घोलाङ पप्पे नू जुरुक्क च्याङ्बो रे येसुन रह्म्म स्वाबो। 51येसुई नू र्वाबो, “ना तै चाहि खेनान, ङा नान भिह्तु तै खेचे?” मन मी मरङ्नान्न सिमिजै नू र्वाबो, “गुरुज्यू, ङै रङ्चे धेरायो।” 52आलै येसुई नू र्वाबो, “ना वया। नान बिस्वासजै नाः ताःफाम्पा ङ्याह्।” तब तुरुन्तै नुई रङ्चे देप्पो, रे लमग येसुन ङिह्ङिह् जाःबो।
ទើបបានជ្រើសរើសហើយ៖
मर्क 10: NTKST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Kaike Language © The Word for the World International and Kaike Translation Project, Nepal, 2025
मर्क 10
10
भ्या भानान्न भारेः येसुन छोए
(मत्ती १९:१-१२; लुक १६:१८)
1येसु कफर्नहुमलै यर्दन चाङ्पुन धिङा यहूदिया प्रदेसग स्वाबो रे मोह्ङ नुन रह्म्म जोम्बो, आलै नुन कानुन अन्सार ख्युकाङ्मोः ह्याङ नुई लह्म्बो।
2कान फरिसीव नुन रह्म्म स्वास्वा नू छोए सेनसेन लोप्पो, “कानुन्न अन्सार तै कान चोलोङ्चाई जेँन मिसान ङ्याबो भ्या भाचे लः ङ्याह्यौ?” 3येसुई ख्युकाङ्मोः झब बिमबिम र्वाबो, “मोसाई ङेनकाङ्मोः तै आग्या बिम्पा ङ्याह्?” 4ख्युई र्वाबो, “ख्योवानान्न हिगादी सरसर सिमिजै जेँन मीसाः ख्योवा तैनान र्वार्वा मोसाई अनुमति बिम्पा ङ्याह्।”#कानुन २४:१-४; मत्ती ५:३१
5जेङ्नै येसुई ख्युकाङ्मोः र्वाबो, “ङेनकोन सम ख्वान कारन मोसाई ङेनकाङ्मोः अन आग्या सर्बो। 6जेङ्नै सृस्तिन सुरुलै परमेस्वरजै ख्युकाङ्मोः चोलोङ्चा रे चिमिचा खेखे दोङ्बो, कुजु पबित्रसास्त्रग सर्पा ङ्याह्। 7‘अन्नकारन सिमि जेँन पोमाः ख्योवाख्योवा जेँन मीसान ङ्याबो दीदी छ्युङ्नान,#उत २:२४ 8रे ख्यूम ल्होदी राह्नान ङ्याह्।’ ख्यु ह्याङ ङेह् नङ्पा, जेङ्नै ती जेङ्पा। 9अन्नकारन परमेस्वरजै सू ङ्याबो थुप्पा ङ्याह्, सिमिजै नफाःयो।” 10जब ख्यु यिम होल्बो, तब चेलावजै येसू ह्याङ अन्न भारेः लोप्पो। 11येसुई ख्युकाङ्मोः र्वाबो, “सुई जेँन मीसाः ख्योवाख्योवा घङन ङ्याबो मिह्जी खेँ, नुई मिसान बिरोधग ब्यभिचार खेनान।#मत्ती ५:३२; १ कोर ७:१०-११ 12आलै यदि चिमिचाई जेँन पसाः ख्योवाख्योवा घङन ङ्याबो मिह्जी खेङिन, नुई ब्यभिचार खेनान।”
येसुई वैचाकाङ्मोः असिका बिम्पा
(मत्ती १९:१३-१५; लुक १८:१५-१७)
13कान सिमिवजै कत्याम वैचाकाङ्मोः येसुई ख्युन ल्हाः ल्हा नान्नान असिका भिनाःयो र्वार्वा नुन रह्म्म सप्पो, जेङ्नै चेलावजै सिमिकाङ्मोः ङार्बो। 14जेङ्नै अन रङरङ येसू सुतुबो, रे चेलाकाङ्मोः र्वाबो, “वैचाकाङ्मोः ङन रह्म्म स्वा फाना, ख्युकाङ्मोः नकाः, तैङर्वाङिन परमेस्वरन राज्य ता झाःमै सिमिवन भिह्तुई जेङ्पा। 15तेम्माई ङा ङेनकाङ्मोः र्वाचे, सुई परमेस्वरन राज्यग कत्याम वैचादीजै लैम स्वीकार मखेँ, नु तै खेखेई परमेस्वरन राज्यन झिङ जाःनान मह्या।”#मत्ती १८:३ 16आलै येसुई वैचाकाङ्मोः खोलग वव्वै ख्युन ल्हाः जेँन ल्हा नान्नान ख्युकाङ्मोः असिका बिम्बो।
छबा रेम्पा सिमिदी
(मत्ती १९:१६-३०; लुक १८:१८-३०)
17येसु लमग वैयङ खेतौ, सिमिदी धालैधालै स्वास्वा नुन ङू पोह् जूजू नू लोप्पो, “हे गुरु लः, मताह्नान्न झुनी देच्चेन भिह्तु ङै तै खेत्वानान?”
18येसुई नू र्वाबो, “ना तैङ ङाः गुरू लः र्वानान? ती मात्र परमेस्वर नङ्म घङ सुई लः मह्या। 19आग्याव ता नाः क्युई ङ्याह्, आथबा सिमि नसह्रायो, ब्यभिचार नख्याःयो, नखुवायो, लबारन साँचि नभिनायो, ठग नख्याःयो, जेँन पोमाः आदर ख्याःयो।”#प्रस २०:१२-१६; रोम १३:९
20आलै नुई येसू र्वाबो, “गुरुज्यू, अन पुरू ता ङै ङन छबा रातौलै ङ्यान्पा ङिह्पा।”
21येसुई नू सेह्म्बो, रे नू मया खेखे र्वाबो, “नाः हेँ ल्होईदीन कोम्म ङ्याह्। वया, नाः तयाः तयाः ङ्याह् पुरू र्युरा रे सोङ बिखारीकाङ्मोः भिना, आलै नाः स्वर्गः क्यु देन्नान ङ्याह्। आलै स्वास्वा ङन ङिक जाः।” 22जब मन सिमिजै अन ल्होई ताह्बो, नुन नमी नाह्छुपछुप रह्बो, रे अन तुँलाक्या राह्राह् होई, तैङर्वाङिन नुन ङ्याबो क्यु लैः ङ्याह्।
23आलै धेँवछोँ सेनसेन येसुई जेँन चेलाकाङ्मोः र्वाबो, “रेम्पाकाङ्मोः परमेस्वरन राज्यग जाचे मिह्दा खराम ङ्याह्।”
24येसुई र्वापान अन ल्होईग चेलावजै हालाईबो। जेङ्नै येसुई ह्याङ ख्युकाङ्मोः र्वाबो, “वैचाव, क्युन ङ्या भर नान्नानकाङ्मोः परमेस्वरन राज्यन झिङ जाचे मिह्दा खराम ङ्याह्। 25रेम्पा सिमी परमेस्वरन राज्यन झिङ जाःचेन खेरे ता बरु घबन मीलै ऊँत जाचे छुम्म राह्नान।” 26चेलाव मिह्दा हालाईलाई राह्ङराङ्साः र्वामः जाःबो, “झाम राङिन सु सोन तैनान?”
27येसुई ख्युकाङ्मोः सेनसेन र्वाबो, “अन सिमिलम राई मतैनान्न धोन जेङ्पा, जेङ्नै परमेस्वरलम चन रा तैनान, तैङर्वाङिन परमेस्वरलम धोन पुरू रा तैनान।”#अयू ४२:२; लुक १:३७
28पत्रुसजै नू र्वाबो, “सेह्ना, ङी ता तैस्याङ पुरू ख्योवाख्योवा ङेन ङिक जाःपा ङिह्पा।”
29येसुई र्वाबो, “तेम्माई ङा ङेनकाङ्मोः र्वाचे, सुई ङन भिह्तु रे ल्होन् लःन खातिर यिम या थिक्कोव या मितिकोव या पोमा या ङोह्जो चमेःव या खेः ख्योवाङ, 30नुई तेह्पफान्नान्न ङ्याबो ङ्याबोः गुना ङाथल ह्याल्म यिम, थिक्कोव, मितिकोव, पोमा, ङोजो चमेव रे खेः अन्नै भेलाः देन्नान ङ्याह्, आलै स्वानान काल्बाग मताह्नान्न झुनी। 31जेङ्नै लैः ङूस्योवा राह्नानव ङिस्योवा, रे ङिस्योवा राह्नानव चन ङूस्योवा राह्नान ङ्याह्।”#मत्ती २०:१६; लुक १३:३०
येसुई जेँ सिह्नान्न भारेः सुमरेप र्वापा
(मत्ती २०:१७-१९; लुक १८:३१-33)
32येसु रे नुन चेलाव यरूसलेमक्याँ वैयङ ङ्याह्, रे येसु ख्युन ङूह्ङूह् लेम्पाई छ्युङ्पा ङ्याह्। चेलाव हालाईपा ङ्याह्, रे घङ ङिह्ङिह् स्वानानव मिह्दा ङिन्पा ङ्याह्। तब नुई चेला च्योङेपाकाङ्मोः ह्याङ तीक्याँ वव्वै जेँन ङ्या स्वानान्न ल्होईव ख्युकाङ्मोः र्वाबो। 33नुई र्वाबो, “ङ्याना, ङि यरूसलेमक्याँ वैयङ ङिह्पा। स्याह् ङा सिमिन ङोह्जोः पक्राउग थेपथेप ङोत्वा पुजारीव रे कानुन लन्नान्न सिमिवन ल्हाग थोन्नान ङ्याह्, रे ख्युई ङाः सच्चेन धल भिनत्वानान र्वार्वा यहूदीन खोलोःन सिमिवन ल्हाग थोन्नान ङ्याह्। 34आलै ख्युई ङाः खिसि खेनान ङ्याह् रे ङाः छिमा पन्नान ङ्याह्, ङा चेरन ताल्च्याई फ्याङ्नान ङ्याह् रे ङाः सन्नान ङ्याह्। जेङ्नै सुमङीन ङिक नु ह्याङ सम्पु राह्राह् च्याङ्नान ङ्याह्।”
याकूब रे यूहन्नान छ्याफुल
(मत्ती २०:२०-२८)
35जब्दियान ङोह्जो ङेह्, याकूब रे यूहन्ना येसुन रह्म्म स्वास्वा र्वाबो, “गुरुज्यू, ङि ङेनग तै तोल्ङ ङेनजै ङिन भिह्तु ख्याःयो र्वानान ङिन इच्छ्या ङिह्पा।” 36येसुई ख्युकाङ्मोः लोप्पो, “ङेनकोन भिह्तु ङा तै खेचे, ङेनकोन इच्छ्या तै ङ्याह्?” 37ख्युई झब बिम्बो, “ङेन महिमीत राज्यग ङि थिक्कोव ङेन याईपाक्याँ रे योम्मक्याँ छ्युङ्चे धेराःयो।”
38जेङ्नै येसुई ख्युकाङ्मोः र्वाबो, “ङेनकोजै तै तोल्यङ ङ्याह् अन ङेनकाङ्मोः क्युई मह्या। तै ङै थुङ्त्वानान्न तूरिन खोरे ङेनकोजै र्वार्वा थुङ तैनौ? ङै वत्त्वानान्न तूरिन बप्तिस्मा तै ङेनकोजै र्वार्वा वत् तैनौ?”#लुक १२:५०
39चेलावजै येसू झब बिम्बो, “ङि तैनान।” येसुई ख्युकाङ्मोः र्वाबो, “कन खोरे ङा थूँ अन ङेनकोजै थुङ्नान ङ्याह् रे कन बप्तिस्मा ङै वप्पा ङिह्पा अन बप्तिस्मा ङेनकाङ्मोः वन्नान ङ्याह्। 40जेङ्नै ङन याईपा रे ङन योम्मक्याँ छ्युङ्म चन ङै बिन्नान्न ल्होई नङ्पा। अन ठाउँव ता परमेस्वरन जेँजै सुन भिह्तु तयार खेखे नाम्पा ङ्याह्, नुगै बिन्नान ङ्याह्।” 41अन ताह्ताह् चेला च्युपाव याकूब रे यूहन्नान ङ्याबो सुतुबो। 42तब येसुई ख्युकाङ्मोः जेँन रह्म्म स्वा र्वार्वा र्वाबो, “ङेनकाङ्मोः क्युई ङ्याह् कि यहूदीन खोलोःन सिमिवन ङ्या सासन खेनानवजै ख्युन ङ्या अख्तियार चलाई खेँ। आलै ख्युन स्योनान्न सिमिवजै ख्युन ङ्या आङ खेँ।”#लुक २२:२५-२६
43“ङेनकोन घूँ चन उजु नराःयो। जेङ्नै ङेनकोन घूँ सुई किम रासुम खेँ, मन ङेनको राङ्पा रात्वानान।#मत्ती २३:११; मर्क ९:३५ 44आलै ङेनकोन घूँ सुई ङूस्योवा रासुम खेँ, अन पुरून राङ्पा रात्वानन। 45तैङर्वाङिन ङा सिमिन ङोह्जो सुचा देच्चेन भिह्तु नङ्पा, जेङ्नै सेवा खेमः रे लै सिमिवन छुतकरा बिन्चेन भिह्तु जेँन परान बलि बिम्म स्वापा जेङ्पा।”
येसुई मी मरङ्नान बारतिमैग ताःफाम्पा
(मत्ती २०:२९-३४; लुक १८:३५-४३)
46आलै येसु रे नुन चेलाव यरीहो सहरग स्वाबो, रे ख्यु सिमिन मोह्ङ किमन ङ्याबो यरीहोलै गेत्तौ तिमैन ङोह्जो बारतिमै, मी मरङ्नान बिखारी सिमिदी, लमन रह्म्म छ्युङपा ङ्याह्। 47जब नुई नू नासरतन येसु जेङ्पा र्वानान ताह्बो, तब फाईरा खेखे नुई र्वामः जाःबो, “हे येसु, दाऊदन ङोह्जो, ङन ङ्या दया ख्या।”
48तब लै सिमिवजै नू तै मर्वारे छ्योवा र्वार्वा ङार्बो। जेङ्नै अन झन केह्ः किम छ्यूछ्यू फाईरा खेमः जाःबो, “हे दाऊदन ङोह्जो, ङन ङ्या दया ख्या।” 49लेन्तौलेन्तौ येसुई तक्क किलकिल र्वाबो, “नू स्यीह् स्वा र्वा” आलै ख्युई मन मी मरङ्नान्न सिमी झाःम र्वार्वा स्वा र्वाबो, “हिम्मत ख्या, च्याँ, येसुई नाः स्वा र्वाङ।” 50आलै नु जेँन घोलाङ पप्पे नू जुरुक्क च्याङ्बो रे येसुन रह्म्म स्वाबो। 51येसुई नू र्वाबो, “ना तै चाहि खेनान, ङा नान भिह्तु तै खेचे?” मन मी मरङ्नान्न सिमिजै नू र्वाबो, “गुरुज्यू, ङै रङ्चे धेरायो।” 52आलै येसुई नू र्वाबो, “ना वया। नान बिस्वासजै नाः ताःफाम्पा ङ्याह्।” तब तुरुन्तै नुई रङ्चे देप्पो, रे लमग येसुन ङिह्ङिह् जाःबो।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Kaike Language © The Word for the World International and Kaike Translation Project, Nepal, 2025