यूह किताबन स्योःचे
किताबन स्योःचे
यूहन्नान अन्सार ल्होन् लःन स्योःचे यूहन्नान अन्सार ल्होन् लः सार्बा कानुन्न ली किताबवन बर्ग ती जेङ्पा। सुई येसु मसिहन जिन्दगी बर्नन खेँ। ख्युन बर्ग पुरूग “ल्होन् लः” र्वानान, कन्न अर्थ “ल्होन् लः” जेङ्पा। ख्यु मत्ती, मर्कूस, लुका रे यूहन्ना लम येसु सिमी सर्पा ङ्याह्। यूहन्नान अन्सार ल्होन् लः मसिह केह्पान क्वाईमाल्ला 90 परान ङिक प्रेरित यूहन्नाई सर्पा जेङ्पा। किताबजै यूहन्ना सर्नान्न सिमि जेङ्पा र्वार्वा मर्वानै सर्ताङ १ यूहन्ना, २ यूहन्ना रे ३ यूहन्नान अछेरवन ङ्याबो दीनान ङ्याह्। कान ताङ्बोन सर्नान सिमिवजै अन्न भेला युहन्नाः एफिसस सहरग नाम्पा ङ्याह्, अन्नकारन अन किताब एफिससग सर्पा जेम्तौ। यूहन्नाई रीह्पा खेखे अन किताबन उदेस्य र्वापान सिमिकाङ्मोः येसुई मसिह, सम्पु परमेस्वरन ङोह्जो जेङ्पा र्वानान्न बिस्वास खेमः सहयोग खेनान जेङ्पा र्वार्वा स्याङ्ङ २०:३१। अन बिस्वास खेखे ङ्योअजै नुन मिह्नग जुनि देत्तैनान। किताब यहूदी रे यहूदीन खोलोःन तोअनान सिमिवन भिह्तु सर्पा ङ्याह्। यूहन्नान ल्होन् लः घङ सुम ल्होन् लः खेरे लै राँसा ङ्याह्। नुई येसुई खेपान हालाईचेन धोनवग ध्यान बिम्बो रे नुन द्रिस्तान्तवन भारेः लै मसर्बो। येसुन बप्तिस्मा रे लोभ्याई खेनान लैम घङ लै घतनाव यङ ल्होन् लःग सर्पा मह्या।
सङ्रचना:
यूहन्नाई अध्याय १:१-१८ ग ल्होन् लः सुरु खेँ।
अन्न ङिक यूहन्नाई येसुई खेपान लै हालाईचेन धोनव १:१९; १२:५० न भारेः सर्ङ।
आलै नुई येसुन जिन्दागी लै घतनाव बर्नन खेँ कन नुन सिपा रे सिपालै सम्पु ग्युर्पाः ताप्ङ १३:१; २०:३१
यूहन्नाई अध्याय २१ ग ल्होन् लःन अन्त्य खेँ जब येसु सिह्पावलै सम्पु ग्युर्मी सिमिवन ङू रङ्बो। रे अन्न ङिक किताब सर्चेन उदेस्य स्याप्पो।
ទើបបានជ្រើសរើសហើយ៖
यूह किताबन स्योःचे: NTKST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Kaike Language © The Word for the World International and Kaike Translation Project, Nepal, 2025