Yelemiya 29
29
Baluwa ya Yelemia kwa Wayahudi we uko Babeli
1Inu nee baluwa mteghanyi Yelemia aighaayo kwa wagholokezi wa wantu, wavikizi, wateghanyi na kwa wantu woshe waghuighwawo ni Nebukadineza kulawa Yelusalemu akawaighala na uko Babeli. 2Yelemia agonda iyo baluwa haja zumbe Yehoyakini na nine akwe, wandima wa mahakama, wagholokezi wa Yuda na wa Yelusalemu, wafundi na weghoshola vyuma waheuka Yelusalemu. 3Inu baluwa yaighawa ni Elasa ng'wana wa Shafani, na Gemalia ng'wana wa Hilikia, watung'wawo ni Sedekia zumbe wa Yuda, waiighale kwa Nebukadineza zumbe wa Babeli. Iyo baluwa yagondwa ivi, 4“Zumbe Mulungu mwena nguvu zoshe, Mulungu wa Izilaeli, aghamba ivi kwa inywi nyoshe mughuighwewo kulawa Yelusalemu mukaighawa Babeli, 5‘Zengai mzi muikale. Imai mbuwa, handai mbeyu na kuja nkande zakwe. 6Ghuai wavyele, muvyae wana, waeteei wana wenyu wa kibwanga wavyele wawateghue na wandele wenyu waondeei waghoshi wawateghue wavyae wana wa kibwanga na wa kindele. Mughenee na musheituke wagheke. 7Ondezai mpolele na kuonea mwe mzi nimiighalewo muituke watung'wa. Nivikai kwa mbuli ya uwo mzi, kwa kuti ukitama nainywi nemutame. 8Imi Zumbe Mulungu nena nguvu zoshe, Mulungu wa Izilaeli, naghamba, mushekunde kuufighwa ni wateghanyi wenyu na watabii we hang'we na inywi, na mushetegheleze sozi wazeoshighwa. 9Kwa kuti wamiteghanyiiza inywi mbuli za lufyo kwa zina jangu. Imi siwaghiize.’ Ni miyo Zumbe Mulungu nilongiewo.
10“Ivi nee avyelonga Zumbe Mulungu, ‘Yakizinka mavui miongo mfungate uko Babeli, niniize na kubontoa kilagha changu cha kumiuza na aha hantu. 11Kwa kuti imi Zumbe Mulungu naataila fanyanyi nizena nazo kwa mbuli yenyu. Ni fanyanyi za kumieka mbuli zenyu zimiitile vitana na shiyo kumietea ntogho, kunga muituke na kialilo cha kuonea mwe mishi yeiza. 12Nee ndiho muniitange na kuiza kwenivika, naimi nenimitegheleze. 13Nemuniondeeze na kuniona, mukiniondeeza kwa myoyo yenyu yoshe. 14Nemunione, naimi nenimiuze kulawa mwe shi ya ugheni. Nenimiunganye kulawa mwe shi zoshe na kia hantu nimighuusheho naho. Nenimiuze na hantu nimiushizeho na kumiighala na mwe shi ya ugheni.’ ” Ni miyo Zumbe Mulungu nilongiewo.
15“Kwa kuti muzaghamba, Zumbe Mulungu azatietea wateghanyi kunu Babeli. 16Miya ivi nee avyelonga Zumbe Mulungu kwa mbuli ya zumbe mwegholokela uzumbe ndiwo ukigholokewa ni Daudi, na kwa mbuli ya wantu wosheni washighalewo mwe unu mzi yani wandughu wenyu washiitilewo hang'we na inywi mwe shi ya ugheni. 17Zumbe Mulungu mwena nguvu zoshe aghamba ivi, ‘Neniwaighaiye nkondo, saa na matamu, neniwaghalushe waituke sa tini zivundiezo zishitamazo kujighwa. 18Neniwaghuushe kwa nkondo, kwa saa na kwa matamu. Na nenimighalushe muituke kintu chegeza wogha kwe zumbe zoshe ze mwe shi na kuituka kintu chena ute, kintu cha kubewa na kuhazwa mwe shi zoshe ndizo nimighuushe nako. 19Nenighoshole ivyoho kwa kuti hemutegheleze mbuli zangu nimighambilezo kia mshi kuzinkia watung'wa wangu wateghanyi. Hang'we na inywi mweikala mwe shi ya ugheni hemutegheleze. Ni miyo Zumbe Mulungu nilongiewo. 20Kwa ivyoho, niteghelezai imi Zumbe Mulungu inywi nyoshe nimilavizewo Yelusalemu nikamiighala Babeli.’ ”
21Zumbe Mulungu mwena nguvu zoshe, Mulungu wa Izilaeli aghamba ivi, “Kwa mbuli ya Ahabu ng'wana wa Kolaya, na Sedekia ng'wana wa Maaseya, wemiteghanyiiza inywi mbuli za lufyo kwa zina jangu, neniwagee mwe mikono ya Nebukadineza, zumbe wa Babeli, yohe neawakome muiwelele kwa mesho yenyu. 22Kwa mbuli ndiyo iwabule, wantu woshe washamizwewo kulawa Yelusalemu wakaighawa Babeli, wakikunda kulapa newaghambe, ‘Zumbe Mulungu akughosholee sa Sedekia na Ahabu, wakaswawo mwe moto ni zumbe wa Babeli wai moyo.’ 23Kwa kuti waghoshola mbuli mbada ziisizezo mwe shi ya Izilaeli. Wazaghoshola ukilanga na waka za wantu wawehakana nawo, na kulonga mbuli za mambeza kwa zina jangu, mbuli nishiwaaghiizeyo waighoshole. Izo mbuli imi naazitaila na naaziona.” Ni miyo Zumbe Mulungu nilongiewo.
Baluwa ya Shemaya
24Zumbe Mulungu aaniaghiiza nimghambile Shemaya mweandukia mwe mzi wa Nehelamu kuti, 25Zumbe Mulungu mwena nguvu zoshe, Mulungu wa Izilaeli, aghamba kuti, kwa kuti uzaighala baluwa kwa zina jako kwa wantu wosheni wa Yelusalemu na kwa mvikizi Sefania ng'wana wa Maaseya na kwa wavikizi watuhu woshe. Mwe iyo baluwa uzamghambila Sefania kuti, 26“Zumbe Mulungu azakushaghula iwe Sefania uituke mvikizi, ughue hantu ha mvikizi Yehoyada, uituke mgholokezi mkulu wa nyumba ya Zumbe Mulungu. Ndima yako neiituke ni kumzughaiya na kumshunga mpingu mkilalu yoyoshe mwekighoshola ye ni mteghanyi. 27Kwai ushe humhazize Yelemia mweandukia Anasosi mwemiteghanyiiza? 28Kwa kuti azatietea inu mbuli uko Babeli kuti, netiikale uko kwe shi ya ugheni kwa mishi mingi, kwa ivyoho tizenge nyumba tiikale ghuko, tiime mbuwa, tihande mbeyu na kuja nkande zakwe.”
29Mvikizi Sefania akamfyomea Yelemia iyo baluwa. 30Nee Zumbe Mulungu ahemghamba mteghanyi Yelemia, 31“Waighaiye inu mbuli wantu wosheni we mwe shi ya ugheni, imi Zumbe Mulungu naghamba ivi kwa mbuli ya Shemaya mweandukia mwe mzi wa Nehelamu amiteghanyizeye hang'we na kuti simuaghiize, akamieka mutozeshe mbuli za lufyo, 32imi Zumbe Mulungu naghamba, nenimtoe Shemaya mweandukia mwe mzi wa Nehelamu hang'we na wavyawa wakwe. Wosheni newafe, hewaone mbuli ntana ndizo niwaghosholee wantu wangu, kwa kuti azawaghambila wantu wanihituke.” Ni miyo Zumbe Mulungu nilongiewo.
ទើបបានជ្រើសរើសហើយ៖
Yelemiya 29: SHBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Shambala, @The Word for The World International, and Shambala Language translation. All rights reserved.
Yelemiya 29
29
Baluwa ya Yelemia kwa Wayahudi we uko Babeli
1Inu nee baluwa mteghanyi Yelemia aighaayo kwa wagholokezi wa wantu, wavikizi, wateghanyi na kwa wantu woshe waghuighwawo ni Nebukadineza kulawa Yelusalemu akawaighala na uko Babeli. 2Yelemia agonda iyo baluwa haja zumbe Yehoyakini na nine akwe, wandima wa mahakama, wagholokezi wa Yuda na wa Yelusalemu, wafundi na weghoshola vyuma waheuka Yelusalemu. 3Inu baluwa yaighawa ni Elasa ng'wana wa Shafani, na Gemalia ng'wana wa Hilikia, watung'wawo ni Sedekia zumbe wa Yuda, waiighale kwa Nebukadineza zumbe wa Babeli. Iyo baluwa yagondwa ivi, 4“Zumbe Mulungu mwena nguvu zoshe, Mulungu wa Izilaeli, aghamba ivi kwa inywi nyoshe mughuighwewo kulawa Yelusalemu mukaighawa Babeli, 5‘Zengai mzi muikale. Imai mbuwa, handai mbeyu na kuja nkande zakwe. 6Ghuai wavyele, muvyae wana, waeteei wana wenyu wa kibwanga wavyele wawateghue na wandele wenyu waondeei waghoshi wawateghue wavyae wana wa kibwanga na wa kindele. Mughenee na musheituke wagheke. 7Ondezai mpolele na kuonea mwe mzi nimiighalewo muituke watung'wa. Nivikai kwa mbuli ya uwo mzi, kwa kuti ukitama nainywi nemutame. 8Imi Zumbe Mulungu nena nguvu zoshe, Mulungu wa Izilaeli, naghamba, mushekunde kuufighwa ni wateghanyi wenyu na watabii we hang'we na inywi, na mushetegheleze sozi wazeoshighwa. 9Kwa kuti wamiteghanyiiza inywi mbuli za lufyo kwa zina jangu. Imi siwaghiize.’ Ni miyo Zumbe Mulungu nilongiewo.
10“Ivi nee avyelonga Zumbe Mulungu, ‘Yakizinka mavui miongo mfungate uko Babeli, niniize na kubontoa kilagha changu cha kumiuza na aha hantu. 11Kwa kuti imi Zumbe Mulungu naataila fanyanyi nizena nazo kwa mbuli yenyu. Ni fanyanyi za kumieka mbuli zenyu zimiitile vitana na shiyo kumietea ntogho, kunga muituke na kialilo cha kuonea mwe mishi yeiza. 12Nee ndiho muniitange na kuiza kwenivika, naimi nenimitegheleze. 13Nemuniondeeze na kuniona, mukiniondeeza kwa myoyo yenyu yoshe. 14Nemunione, naimi nenimiuze kulawa mwe shi ya ugheni. Nenimiunganye kulawa mwe shi zoshe na kia hantu nimighuusheho naho. Nenimiuze na hantu nimiushizeho na kumiighala na mwe shi ya ugheni.’ ” Ni miyo Zumbe Mulungu nilongiewo.
15“Kwa kuti muzaghamba, Zumbe Mulungu azatietea wateghanyi kunu Babeli. 16Miya ivi nee avyelonga Zumbe Mulungu kwa mbuli ya zumbe mwegholokela uzumbe ndiwo ukigholokewa ni Daudi, na kwa mbuli ya wantu wosheni washighalewo mwe unu mzi yani wandughu wenyu washiitilewo hang'we na inywi mwe shi ya ugheni. 17Zumbe Mulungu mwena nguvu zoshe aghamba ivi, ‘Neniwaighaiye nkondo, saa na matamu, neniwaghalushe waituke sa tini zivundiezo zishitamazo kujighwa. 18Neniwaghuushe kwa nkondo, kwa saa na kwa matamu. Na nenimighalushe muituke kintu chegeza wogha kwe zumbe zoshe ze mwe shi na kuituka kintu chena ute, kintu cha kubewa na kuhazwa mwe shi zoshe ndizo nimighuushe nako. 19Nenighoshole ivyoho kwa kuti hemutegheleze mbuli zangu nimighambilezo kia mshi kuzinkia watung'wa wangu wateghanyi. Hang'we na inywi mweikala mwe shi ya ugheni hemutegheleze. Ni miyo Zumbe Mulungu nilongiewo. 20Kwa ivyoho, niteghelezai imi Zumbe Mulungu inywi nyoshe nimilavizewo Yelusalemu nikamiighala Babeli.’ ”
21Zumbe Mulungu mwena nguvu zoshe, Mulungu wa Izilaeli aghamba ivi, “Kwa mbuli ya Ahabu ng'wana wa Kolaya, na Sedekia ng'wana wa Maaseya, wemiteghanyiiza inywi mbuli za lufyo kwa zina jangu, neniwagee mwe mikono ya Nebukadineza, zumbe wa Babeli, yohe neawakome muiwelele kwa mesho yenyu. 22Kwa mbuli ndiyo iwabule, wantu woshe washamizwewo kulawa Yelusalemu wakaighawa Babeli, wakikunda kulapa newaghambe, ‘Zumbe Mulungu akughosholee sa Sedekia na Ahabu, wakaswawo mwe moto ni zumbe wa Babeli wai moyo.’ 23Kwa kuti waghoshola mbuli mbada ziisizezo mwe shi ya Izilaeli. Wazaghoshola ukilanga na waka za wantu wawehakana nawo, na kulonga mbuli za mambeza kwa zina jangu, mbuli nishiwaaghiizeyo waighoshole. Izo mbuli imi naazitaila na naaziona.” Ni miyo Zumbe Mulungu nilongiewo.
Baluwa ya Shemaya
24Zumbe Mulungu aaniaghiiza nimghambile Shemaya mweandukia mwe mzi wa Nehelamu kuti, 25Zumbe Mulungu mwena nguvu zoshe, Mulungu wa Izilaeli, aghamba kuti, kwa kuti uzaighala baluwa kwa zina jako kwa wantu wosheni wa Yelusalemu na kwa mvikizi Sefania ng'wana wa Maaseya na kwa wavikizi watuhu woshe. Mwe iyo baluwa uzamghambila Sefania kuti, 26“Zumbe Mulungu azakushaghula iwe Sefania uituke mvikizi, ughue hantu ha mvikizi Yehoyada, uituke mgholokezi mkulu wa nyumba ya Zumbe Mulungu. Ndima yako neiituke ni kumzughaiya na kumshunga mpingu mkilalu yoyoshe mwekighoshola ye ni mteghanyi. 27Kwai ushe humhazize Yelemia mweandukia Anasosi mwemiteghanyiiza? 28Kwa kuti azatietea inu mbuli uko Babeli kuti, netiikale uko kwe shi ya ugheni kwa mishi mingi, kwa ivyoho tizenge nyumba tiikale ghuko, tiime mbuwa, tihande mbeyu na kuja nkande zakwe.”
29Mvikizi Sefania akamfyomea Yelemia iyo baluwa. 30Nee Zumbe Mulungu ahemghamba mteghanyi Yelemia, 31“Waighaiye inu mbuli wantu wosheni we mwe shi ya ugheni, imi Zumbe Mulungu naghamba ivi kwa mbuli ya Shemaya mweandukia mwe mzi wa Nehelamu amiteghanyizeye hang'we na kuti simuaghiize, akamieka mutozeshe mbuli za lufyo, 32imi Zumbe Mulungu naghamba, nenimtoe Shemaya mweandukia mwe mzi wa Nehelamu hang'we na wavyawa wakwe. Wosheni newafe, hewaone mbuli ntana ndizo niwaghosholee wantu wangu, kwa kuti azawaghambila wantu wanihituke.” Ni miyo Zumbe Mulungu nilongiewo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Shambala, @The Word for The World International, and Shambala Language translation. All rights reserved.