Yelemiya 28
28
Hanania atateghanya mbuli za lufyo
1Uhebula ng'wezi wa shano wa vui jijo ijo ja ne ja ugholokezi wa Sedekia zumbe wa Yuda, mteghanyi Hanania ng'wana wa Azuli, mweandukia na mwe mzi wa Gibeoni, atelonga naimi mwe nyumba ya Zumbe Mulungu, haja wavikizi na wantu wosheni waihaho, akanighambila, 2Zumbe Mulungu mwena nguvu zoshe, Mulungu wa Izilaeli, aghamba ivi, “Neniushe ufung'wa wa zumbe wa Babeli ndiwo aimishungie nawo sa kigongo. 3Ndai ya mavui mei neniviuze aha vintu vyoshe vya nyumba yangu vyaghuighwavyo na kuighawa Babeli ni Nebukadineza, zumbe wa Babeli. 4Vingi nenimuuze Yehoyakini ng'wana wa Yehoyakimu zumbe wa Yuda, hang'we na wantu wosheni wa Yuda waighawewo Babeli. Neniushe ufung'wa amishungiewo nawo zumbe wa Babeli sa kigongo.” Ni miyo Zumbe Mulungu nilongiewo.
5Vikibinda, mteghanyi Yelemia akamhisa mteghanyi Hanania mwe mesho ya wavikizi na wantu wosheni ndiwo waigholoke mwe nyumba ya Zumbe Mulungu, 6akaghamba, “Neviituke ivyoho! Zumbe Mulungu naaghoshole ivyoho. Zumbe Mulungu naabontoe mbuli uteghanyezo kwa kuviuza aha vintu vya nyumba ya Zumbe Mulungu kulawa Babeli hang'we na wantu wosheni washamizwewo na uko. 7Miya tegheleza inu mbuli niyekughambila iwe na awa wantu woshe. 8Wateghanyi wa kale, waja wationgoeewo imi na iwe, wateghanya mbuli za nkondo, saa na matamu nezilawiye mwe shi nyingi na mwe zumbe nkulu. 9Miya mteghanyi mweteghanya mpolele, neataikane kuti kweli aaghiizwe ni Zumbe Mulungu, vikiituka zia mbuli azeteghanya zizalawiya.”
10Nee mteghanyi Hanania akachighua chia kigongo ndicho chiimwe shingo ya mteghanyi Yelemia, akachibonda. 11Vikibinda Hanania akaghamba ivi mwe mesho ya wantu woshe, “Zumbe Mulungu aghamba, ivi nee ndivyo nichibonde kigongo cha zumbe Nebukadineza aikilecho mwe shingo za wantu wa mbali zoshe, nenighoshole ivyoho mwe mavui mai yeiza.” Nee Yelemia aheuka.
12Mishi migheke ihezinka kuanduka mteghanyi Hanania ahechibonda chia kigongo ndicho chiimwe shingo ya mteghanyi Yelemia, Zumbe Mulungu atemghamba Yelemia, 13“Hita ukamghambile Hanania kuti, imi Zumbe Mulungu naghamba kuti, iwe uzabonda kigongo cha mti, miya neughoshole kituhu cha chuma. 14Imi Zumbe Mulungu nena nguvu zoshe, Mulungu wa Izilaeli, naghamba ivi, neniike kigongo cha chuma cha utung'wa mwe shingo za wantu wa mbali zoshe wamtumikile Nebukadineza zumbe wa Babeli, wohe newamghosholee ndima. Nenimnke mpaka vizama vya tundui avigholokele.”
15Vikibinda mteghanyi Yelemia akamghamba mteghanyi Hanania, “Hanania, tegheleza, Zumbe Mulungu hakuaghiize, miya iwe uzawaeka awa wantu watozeshe mbuli za lufyo. 16Kwa ivyoho Zumbe Mulungu aghamba neakuushe mwe shi. Mwe vui jiji iji neufe, kwa kuti uzawaghambila wantu wamhituke Zumbe Mulungu.”
17Mwe ng'wezi wa mfungate vui jiajia, mteghanyi Hanania akafa.
ទើបបានជ្រើសរើសហើយ៖
Yelemiya 28: SHBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Shambala, @The Word for The World International, and Shambala Language translation. All rights reserved.