Yelemiya 19
19
Igha jituikejo
1Zumbe Mulungu aanighamba ivi, niite kwa mweghoshola vizungu ukaghule igha. Vikibinda, ughue wagholokezi wagheke wa wantu na wagholokezi wa wavikizi, 2uite hang'we nawo kwe koongo ja ng'wana wa Hinomu kwa kuzinkia mwe zuvi ja vigae. Ukibula uko, neubiikie mbuli ndiyo nikughambile. 3Neughambe ivihi, “Teghelezai mbulingwa ya Zumbe Mulungu inywi wazumbe wa Yuda na wantu wa Yelusalemu. Zumbe Mulungu mwena ufung'wa woshe Mulungu wa Izilaeli aghamba ivi, neniete ntogho mwe unu mzi, na kia mweziiva neamake. 4Nenighoshole ivyoho kwa kuti, wantu wa Izilaeli wazanieka imi, vingi wazaeka nishehakunde aha hantu hambu wazaoka ubani kwa mulungu washitailayo wo wenye, baba zawe na wazumbe wa Yuda. Aha hantu wazahamemeeza mpome za wantu washinawo masa, 5vingi wazamzengea Baali kwe vitui hantu hakulaviiza ntogoo, kunga wawaoke wana wawe sa ntogoo ya kuoka. Imi sitaila kuwaghambila kuti waghoshole mbuli sa iyo, wala sitaila kuifanyanya. 6Kwa ivyoho ushe tailai kuti, mishi yaaiza aha hantu hehaitangwe vingi Tofesi, wala koongo ja ng'wana wa Hinomu, miya nehaitangwe Koongo ja Vifa. 7Na aha hantu nee ndiho nibanie fanyanyi za wantu wa Yuda na wa Yelusalemu. Neniwaeke wantu wawe watoighwe na kukong'wa ni wankuu wawe mwe nkondo. Maiti zawe nezidomonywe ni madeghe na kujighwa ni vizama vya tundui. 8Neniubane unu mzi na kuughalusha kintu cha kubewa, woshe wezinka hehi nawo newaumake kwa mbuli ya ntogho zilawiiyezo.”
9Wankuu newaudenge mzi na kugheza kukoma wantu weikala umo. Na awo wantu we umo mwe mzi newaingiwe ni saa mpaka waje nyama zawe wenye na kuja nyama za wana wawe wa kuwavyaa.
10Nee ndiho ujitue ijo igha mwe mesho ya awo wantu uitiewo nawo, 11na kuwaghambila kuti, imi Zumbe Mulungu mwena ufung'wa woshe naghamba ivi, “Neniwatoe awa wantu hang'we na unu mzi, wohena newaituke sa iji igha jituighwejo jishidahajo kuuyiana vingi. Wantu wafiewo newazikwe uko Tofesi, kwa kuti hekuituke na hantu hatuhu ha kuzikia. 12Ivi nee ndivyo niughoshole unu mzi wa Yelusalemu hang'we na wantu weikala umo sa via nighosholevyo Tofesi. 13Nyumba ze mwe mzi wa Yelusalemu na za wazumbe wa Yuda, hezitame kwa kunivika imi Zumbe Mulungu sa aha Tofesi. Nyumba zosheni waokeezo ubani kwa mbuli ya ntondwe za kwelwingu na kulavya ntogoo za vyanywa kwa mbuli mulungu mituhu.” 14Nee nihelawa Tofesi, hantu naaghizwaho ni Zumbe Mulungu nikabilikile mbuli yakwe. Vikibinda nikaita kwegholoka mwe chengo cha nyumba ya Zumbe Mulungu na kuwaghambila wantu wosheni weumo kuti, 15Zumbe Mulungu mwena ufung'wa woshe, Mulungu wa Izilaeli aghamba ivi, “Neniete ntogho zoshe naghambazo kuti neniziete mwe unu mzi hang'we na mizi yosheni yehekana na unu mzi, kwa kuti ni watii na hewakunda kunitegheleza nivyelonga.”
ទើបបានជ្រើសរើសហើយ៖
Yelemiya 19: SHBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Shambala, @The Word for The World International, and Shambala Language translation. All rights reserved.
Yelemiya 19
19
Igha jituikejo
1Zumbe Mulungu aanighamba ivi, niite kwa mweghoshola vizungu ukaghule igha. Vikibinda, ughue wagholokezi wagheke wa wantu na wagholokezi wa wavikizi, 2uite hang'we nawo kwe koongo ja ng'wana wa Hinomu kwa kuzinkia mwe zuvi ja vigae. Ukibula uko, neubiikie mbuli ndiyo nikughambile. 3Neughambe ivihi, “Teghelezai mbulingwa ya Zumbe Mulungu inywi wazumbe wa Yuda na wantu wa Yelusalemu. Zumbe Mulungu mwena ufung'wa woshe Mulungu wa Izilaeli aghamba ivi, neniete ntogho mwe unu mzi, na kia mweziiva neamake. 4Nenighoshole ivyoho kwa kuti, wantu wa Izilaeli wazanieka imi, vingi wazaeka nishehakunde aha hantu hambu wazaoka ubani kwa mulungu washitailayo wo wenye, baba zawe na wazumbe wa Yuda. Aha hantu wazahamemeeza mpome za wantu washinawo masa, 5vingi wazamzengea Baali kwe vitui hantu hakulaviiza ntogoo, kunga wawaoke wana wawe sa ntogoo ya kuoka. Imi sitaila kuwaghambila kuti waghoshole mbuli sa iyo, wala sitaila kuifanyanya. 6Kwa ivyoho ushe tailai kuti, mishi yaaiza aha hantu hehaitangwe vingi Tofesi, wala koongo ja ng'wana wa Hinomu, miya nehaitangwe Koongo ja Vifa. 7Na aha hantu nee ndiho nibanie fanyanyi za wantu wa Yuda na wa Yelusalemu. Neniwaeke wantu wawe watoighwe na kukong'wa ni wankuu wawe mwe nkondo. Maiti zawe nezidomonywe ni madeghe na kujighwa ni vizama vya tundui. 8Neniubane unu mzi na kuughalusha kintu cha kubewa, woshe wezinka hehi nawo newaumake kwa mbuli ya ntogho zilawiiyezo.”
9Wankuu newaudenge mzi na kugheza kukoma wantu weikala umo. Na awo wantu we umo mwe mzi newaingiwe ni saa mpaka waje nyama zawe wenye na kuja nyama za wana wawe wa kuwavyaa.
10Nee ndiho ujitue ijo igha mwe mesho ya awo wantu uitiewo nawo, 11na kuwaghambila kuti, imi Zumbe Mulungu mwena ufung'wa woshe naghamba ivi, “Neniwatoe awa wantu hang'we na unu mzi, wohena newaituke sa iji igha jituighwejo jishidahajo kuuyiana vingi. Wantu wafiewo newazikwe uko Tofesi, kwa kuti hekuituke na hantu hatuhu ha kuzikia. 12Ivi nee ndivyo niughoshole unu mzi wa Yelusalemu hang'we na wantu weikala umo sa via nighosholevyo Tofesi. 13Nyumba ze mwe mzi wa Yelusalemu na za wazumbe wa Yuda, hezitame kwa kunivika imi Zumbe Mulungu sa aha Tofesi. Nyumba zosheni waokeezo ubani kwa mbuli ya ntondwe za kwelwingu na kulavya ntogoo za vyanywa kwa mbuli mulungu mituhu.” 14Nee nihelawa Tofesi, hantu naaghizwaho ni Zumbe Mulungu nikabilikile mbuli yakwe. Vikibinda nikaita kwegholoka mwe chengo cha nyumba ya Zumbe Mulungu na kuwaghambila wantu wosheni weumo kuti, 15Zumbe Mulungu mwena ufung'wa woshe, Mulungu wa Izilaeli aghamba ivi, “Neniete ntogho zoshe naghambazo kuti neniziete mwe unu mzi hang'we na mizi yosheni yehekana na unu mzi, kwa kuti ni watii na hewakunda kunitegheleza nivyelonga.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Shambala, @The Word for The World International, and Shambala Language translation. All rights reserved.