मर्कुस किताप सरे:ने
किताप सरे:ने
सा:रौ बाचाटा चारगोटा चाव सोरला कितापरंलाम मर्कुसये ओसोरो चाव सोर टोबो एटाव बचन ची जोये येसुलो उजीबनलो ओबयान डोवये। आव चारगोटा कितापरंलाई चाव सोरला कितापरं डोसिरंय होकाम आवलाई चाव सोर पनि डासिये। आव चारगोटा कितापरं येसु उसिव छिन्डे मत्ती, मर्कुस, लुका सोनो युहन्नाराई यासोरो ची। मर्कुसये ओसोरो किताप चारगोटा चाव सोररकाम स्यान्टैराई भन्डा आलिज़ा ची। ऐटाव बिस्वास पनि डासिये, येसु उजर्मीव झिन्डे ६५ काम ७० बर्स खार्ल, स्यान्टै भन्डा ङा:डे सर्सिवची। बाइबल सन्ने भ्या मीराई आव किताप रोमलं सर्सिव वार्रये, होकाम आवलो ओकारंन रोमला लेव ख्रीस्ट्यानरंलाई सा:रौ हिक्मत यानेलो लागिटं सर्सिव लेव।
मर्कुसलाई, युहन्ना मर्कुस वार्डे पनि सरे:सिये आव प्रेरित, पावल सोनो बर्नबासनी नेनै लेव। हैनि पनि नोलो ओसेवासं ओडोव बेलाका रो:लाई कितापटं ओसोरो ची। मर्कुसलो उकितापये सिसरं झैने सोनो येसु फरि ओराने बेलाका रो:रं पैने बारेलं भ्या जोर यासिवले, ओनैरासं याभासिकं बनै डुखि ओटाव। प्रेरित १३:१३ होकाम फरि मर्कुसये बर्नबाससं ओसेवा सुरु ओडोव। प्रेरित १५:३७-३९ मर्कुसलाई पत्रुसलो ङनसिव ओनै पनि डोरंये। १पत्रुस ५:१३ हैनि पनि मर्कुस येसुलो उजीबन उमिलंङयेज़ र:ङने मी माङ्कची, बाइबल बारेल बुझिव मीराई हैवार्रये, मर्कुसये उकितापटा ओसोरो रो:रं पत्रुसलो उजीबन गोहाई ठैडे हो अनसार सर्सिव ले।
आव ज्युङ्ला बिसयर
मर्कुसलो उकितापलाई सरे:ने। १:१-१३
गालीललं येसुये ओडोव सेवालो ओबारेलं। १:१४—८:२१
येसु यरुसलेमडे ओनाव बारेलं। ८:२२—१०:५२
येसु यरुसलेमलं सोनो सिडे सिवलाम ज्युङडाटाने बेला समं ११:१—१६:१-८
ទើបបានជ្រើសរើសហើយ៖
मर्कुस किताप सरे:ने: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025