मर्कुस 16
16
येसु फरि ज्युङडा ओटाव
मत्ती २४:१-८; लुका २४:१-१२; युहन्ना २०:१-२०
1ना:सिने डिन ओखेमो पान्त्रा मरियम मग्डलिनी सोनो याकुबलो वामा मरियम, होसोनो सलोमीराई येसुलो ओक्याङटं ठिड्याने वार्डे चाव बसैने ठी यालो:ङो। 2साताका पैला डिन छ्याम छकाल्ने निमी ओपलेरिज़्याकं नोरं खाडरलं यानाव। 3होकाम नोराई हैयावारो, “गेलाई खाडरलो ओया: कप्सिव लुङ काङ्काये फैड्यासिवके?”
4नोराई याडे यार:ङकं खाडर कप्सिव लुङ फैसिव उलिज़्याव यारो:ङो नो लुङ बनै घ्योव लेव। 5नोरं खाडर लेवकं यानाकं टकटकपलाङो खेव क्वा क्वाइसिव टोबो ढापा मीलाई खाडरकाम वो:रडे चुङडे उलिज़्याव यारो:ङो, नेटानाव र:ङडे नोरं बनै छक्क याटाव।
6हो ढापा मीये नोरंलाई हैओडोवरं, “अचम्ब टाटाच्यो, जे क्रुसटं टाङगिडे यासोयो नासरतला येसुलाई जिखिम्ज़्याव माङ्क डोरो। नो के सिवलाम ज्युङडा याटाडु, आलं माले। नोलाई यानोयो पोलं गर:ङरिच्योके। 7गनाच्योके, नाडे उसिसरंलाई सोनो पत्रुसलाई हैडाच्यो। येसु जेङा:-जेङा: गालीललं नारिज़्या। येसुये जेलाई हैओडाच्योव मान्टि जे होलाई नलं डैने जेले।”
8होकाम नो मेमारं येसुलो रितो ओखाडरलाम पुलुडे आव मी के खर्कज़ मासिनेची ओलेव वार्डे ज़ो:ये-ज़ो:ये यानाव, कडालेकं नोरं येसु सिडे ज्युङडा ओटाव ओखाडर पो र:ङडे याछ्यासैये करिङ-करिङ यागुज़्याव। होकाम नोरं डस्साज़ छेडे नो रो: उसिसरंलाई सोनो पत्रुसलाई काङ्कालाईज़ हैमाडोरंये।
# 16:9 कोइ पुरानो कुइये सर्सिव कितापयालं याज़ आव डैसिय येसु मरियम मग्डलिनी लेवङ ओसंतन्सिव
मत्ती २८:९-२०; लुका २४:१३-४३; युहन्ना २०:११-२३; प्रेरित १:४-११
9साताका पैला डिन छ्याम छकाल्ने येसु ज्युङडा ओटाव पान्त्रा मरियम मग्डलिनी लेवङ ओसंतन्सिव। ङा:डे नो लेवङाम येसुये सातगोटा ज़्या:रं ओहायोरं। 10नो मरियमये येसु ज्युङडा ओटाव रो: उसिसरंलाई हैओडोवरं। नोरं लाम्सी-लाम्सी याघरज़्याव। 11येसु ज्युङडा टाडे मरियम लेवङं ओसंतन्सिव वार्ने खबर याठैकं उसिसराई मापतिरंये।
12होकाम येसुलो नेभऱ्याङ उसिसनि नाङ्खारडे नेनाज़्याकं नोनि लेवङ येसु छुटं उरुप रैडे ओसंतन्सिव। 13होकाम नोनि वोल्डे नाडे उरुरंलाई पनि हैनेडोवरं। होकाम नोराई नोनि नेरो: पनि मापतिरंये।
14झिन्डे येसु एघार जना उसिसराई काङ याज़्योज़्याव बेलाकं ओसंतन्सिव। होकाम नोराई येसु ज्युङडा ओटाव नो रो: यामपटिव र:ङडे ओहकलोयोरं, कडालेकं नोराई यायुङ खाव टाडेउलिज़्याव। होसोनो येसु सिवलाम ज्युङडा ओटाव झिन्डे ओल्लाई र:ङनेराई यारो: उसिसराई यामपतिव।
15येसुये नोरंलाई हैओडोवरं, “जे प्रिठीबीला स्यान्टै पोलं नाडे परमेस्वरये उसिर्जोयो स्यान्टै मीरंलाई चाव सोर सठैच्योरं। 16बिस्वास डोनेरं सोनो बप्तिस्मा टानेरं, पापलाम बान्चिनेलेरं। बुरु बिस्वास माडोनेरं डोसि ठहरिडे सजै डैने लेरं। 17बिस्वास डोनेरासं ऐटाव चिन्नरं टानेले येसुलो उमिन्ट ज़्या:र सोढोङने लेरं, होसोनो नोरं सा:रौ पाङ पनि पाङने लेरं। 18नोराई गुलरं क्यो:नेलेरं होसोनो सिने वासं याज़ोनि पनि नोरं कैज़ टाने मालेरं। नोराई ठलिव मीराई याक्याङटं याकुई नैने लेरं, होकाम नोरं सम्ने लेरं।”
19होकाम प्रभु येसु नो रासं ओपाङो मान्त्रा स्वर्गडे ओछेनसिव, होकाम परमेस्वरलो वो:रडेङा उकुइडे उचुङो। 20उसिसराई आव रो: चारकोना यासठोयो। नोराई आव ये:न याडोकं प्रभुये पनि ओगयोरं। होकाम चिन्नरं सटन्डे प्रभुलो ओपाङलाई अजं पक्का याझोयो।
ទើបបានជ្រើសរើសហើយ៖
मर्कुस 16: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मर्कुस 16
16
येसु फरि ज्युङडा ओटाव
मत्ती २४:१-८; लुका २४:१-१२; युहन्ना २०:१-२०
1ना:सिने डिन ओखेमो पान्त्रा मरियम मग्डलिनी सोनो याकुबलो वामा मरियम, होसोनो सलोमीराई येसुलो ओक्याङटं ठिड्याने वार्डे चाव बसैने ठी यालो:ङो। 2साताका पैला डिन छ्याम छकाल्ने निमी ओपलेरिज़्याकं नोरं खाडरलं यानाव। 3होकाम नोराई हैयावारो, “गेलाई खाडरलो ओया: कप्सिव लुङ काङ्काये फैड्यासिवके?”
4नोराई याडे यार:ङकं खाडर कप्सिव लुङ फैसिव उलिज़्याव यारो:ङो नो लुङ बनै घ्योव लेव। 5नोरं खाडर लेवकं यानाकं टकटकपलाङो खेव क्वा क्वाइसिव टोबो ढापा मीलाई खाडरकाम वो:रडे चुङडे उलिज़्याव यारो:ङो, नेटानाव र:ङडे नोरं बनै छक्क याटाव।
6हो ढापा मीये नोरंलाई हैओडोवरं, “अचम्ब टाटाच्यो, जे क्रुसटं टाङगिडे यासोयो नासरतला येसुलाई जिखिम्ज़्याव माङ्क डोरो। नो के सिवलाम ज्युङडा याटाडु, आलं माले। नोलाई यानोयो पोलं गर:ङरिच्योके। 7गनाच्योके, नाडे उसिसरंलाई सोनो पत्रुसलाई हैडाच्यो। येसु जेङा:-जेङा: गालीललं नारिज़्या। येसुये जेलाई हैओडाच्योव मान्टि जे होलाई नलं डैने जेले।”
8होकाम नो मेमारं येसुलो रितो ओखाडरलाम पुलुडे आव मी के खर्कज़ मासिनेची ओलेव वार्डे ज़ो:ये-ज़ो:ये यानाव, कडालेकं नोरं येसु सिडे ज्युङडा ओटाव ओखाडर पो र:ङडे याछ्यासैये करिङ-करिङ यागुज़्याव। होकाम नोरं डस्साज़ छेडे नो रो: उसिसरंलाई सोनो पत्रुसलाई काङ्कालाईज़ हैमाडोरंये।
# 16:9 कोइ पुरानो कुइये सर्सिव कितापयालं याज़ आव डैसिय येसु मरियम मग्डलिनी लेवङ ओसंतन्सिव
मत्ती २८:९-२०; लुका २४:१३-४३; युहन्ना २०:११-२३; प्रेरित १:४-११
9साताका पैला डिन छ्याम छकाल्ने येसु ज्युङडा ओटाव पान्त्रा मरियम मग्डलिनी लेवङ ओसंतन्सिव। ङा:डे नो लेवङाम येसुये सातगोटा ज़्या:रं ओहायोरं। 10नो मरियमये येसु ज्युङडा ओटाव रो: उसिसरंलाई हैओडोवरं। नोरं लाम्सी-लाम्सी याघरज़्याव। 11येसु ज्युङडा टाडे मरियम लेवङं ओसंतन्सिव वार्ने खबर याठैकं उसिसराई मापतिरंये।
12होकाम येसुलो नेभऱ्याङ उसिसनि नाङ्खारडे नेनाज़्याकं नोनि लेवङ येसु छुटं उरुप रैडे ओसंतन्सिव। 13होकाम नोनि वोल्डे नाडे उरुरंलाई पनि हैनेडोवरं। होकाम नोराई नोनि नेरो: पनि मापतिरंये।
14झिन्डे येसु एघार जना उसिसराई काङ याज़्योज़्याव बेलाकं ओसंतन्सिव। होकाम नोराई येसु ज्युङडा ओटाव नो रो: यामपटिव र:ङडे ओहकलोयोरं, कडालेकं नोराई यायुङ खाव टाडेउलिज़्याव। होसोनो येसु सिवलाम ज्युङडा ओटाव झिन्डे ओल्लाई र:ङनेराई यारो: उसिसराई यामपतिव।
15येसुये नोरंलाई हैओडोवरं, “जे प्रिठीबीला स्यान्टै पोलं नाडे परमेस्वरये उसिर्जोयो स्यान्टै मीरंलाई चाव सोर सठैच्योरं। 16बिस्वास डोनेरं सोनो बप्तिस्मा टानेरं, पापलाम बान्चिनेलेरं। बुरु बिस्वास माडोनेरं डोसि ठहरिडे सजै डैने लेरं। 17बिस्वास डोनेरासं ऐटाव चिन्नरं टानेले येसुलो उमिन्ट ज़्या:र सोढोङने लेरं, होसोनो नोरं सा:रौ पाङ पनि पाङने लेरं। 18नोराई गुलरं क्यो:नेलेरं होसोनो सिने वासं याज़ोनि पनि नोरं कैज़ टाने मालेरं। नोराई ठलिव मीराई याक्याङटं याकुई नैने लेरं, होकाम नोरं सम्ने लेरं।”
19होकाम प्रभु येसु नो रासं ओपाङो मान्त्रा स्वर्गडे ओछेनसिव, होकाम परमेस्वरलो वो:रडेङा उकुइडे उचुङो। 20उसिसराई आव रो: चारकोना यासठोयो। नोराई आव ये:न याडोकं प्रभुये पनि ओगयोरं। होकाम चिन्नरं सटन्डे प्रभुलो ओपाङलाई अजं पक्का याझोयो।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025