मर्कुस 15
15
पिलातसलो ओङा:कं येसु
मत्ती २७:११-३१; लुका २३:२-३; २३:१८-२५; युहन्ना १८:२८-४०; १९:१-१६
1छकाल्ने ओटाव पाना मुख्या सेवा डोने मीरं, यहुडी नेतारं, सास्त्रटा न्याम पैने मीरं सोनो स्यान्टै यहुडीर याडुप्सिने घ्योव ज़ी:मला मीराई सल्ला डाडे येसुलाई कीडे पिलातस लेवङ लाङडे यासुम्पिव।
2पिलातसये येसुलाई ओपजोयो, “होकाम नङ यहुडीराई याराजा रो?” येसुये जबाफ ओयोव, “नङ हैनवारज़्याव स्यानावज़।”
3मुख्या सेवा डोने मीराई येसुलाई बनै भ्या रो:ट याडोसोयो। 4पिलातसये येसुलाई फरि ओपजोयो, “होकाम नङसं कडि जबाफज़ माले रो? नोराई नबिरोड डाडे खाडंङ डोसैसन्ज़्यारं।”
5होकाम येसुये फरि पनि कडि जबाफज़ मायोवये, पिलातस पनि बक्क ओटाव।
येसुलाई सै:ने डन्ड
मत्ती २७:१५-२६; लुका २३:१३-२५; युहन्ना १८:३९—१९:१६
6निस्तार पर्ब बेलाकं प्रजाराई रा:ने यावारो टोबो कैडीलाई पिलातसये ङा:डेकाम्ज़ रा:ड्यानेरं चलन लेव। 7बिड्रोह ओटाव बेलाकं हत्या डोनेरं, बिड्रोह डोनेरं झ्यालखानालं लेवरं। होरंलाम बारब्बा याडोज़्याव टोबो कैडी पनि होल लेव। 8मीरं राडे पिलातसलाई ओचंलंन अनसार कैडी रा:ड्याने वार्डे बिन्ती याडोव।
9नोरंलाई पिलातसये ओपंजोयोरं, “होकाम ङा यहुडीराई याराजालाई रा:डेङायाच्यो वार्ने जियुङलं उलिज़्याव रो?” 10कडालेकं इख डाडेज़ मुख्या सेवा डोने मीराई येसुलाई पिलातस लेवङ यासुम्पिव, वार्ने रो: पिलातसलाई ङा:डेज़ ठा लेव। 11बुरु बारब्बालाई रा:ड्यासिच्यो वार्डे मुख्या सेवा डोने मीराई होला मीरंलाई याचम्कोयोरं।
12पिलातसये फरि नोरंलाई ओपंजोयोरं,
“जोलाई जे यहुडीराई याराजा जेडोज़्या, जे हैगवारच्योके होलाई ङा कै झैने?”
13नोरं फरि कस्सिडे कि:डे हैयावारो, “नोलाई क्रुसटं टाङगी।”
14पिलातसये नोरंलाई हैओडोवर, “कडा? आवये कडि अपराढ डाडे ओनैज़्यावड?” होरं झन कस्सि-कस्सिडे याकि:व, “नोलाई क्रुसटं टाङ्गि।”
15होकाम पिलातसये माहुल्ये मीरंलाई सोन्टोको झैनेरं वार्डे बारब्बालाई रा:डे ओयोवरं, होकाम येसुलाई कोर्राये पो:डे क्रुसटं टाङगिव उपरि:ङोरं।
सिफाइराई येसुलाई यागिल्लोयो
16सिफाइराई येसुलाई प्रेटोरियान याडोज़्याव घ्योव ज़ी:मलं यालाङो, होकाम सिफाइराई पल्टनला स्यान्टैलाईज़ याडुपोरं। 17होकाम नोराई येसुलाई निल्ल्याव क्वा याक्वायो। होकाम ज़ुलो ओखारलाई पगरि झैडे ओङै:टं यासंजाव। 18होकाम “यहुडीराई याराजालाई जय!” वारोग्यान सलाम डोवग्यान याडोव। 19होकाम ओङै:ट ज़ि:ङलो भाटाये पो:वग्यान, त्युलो ग्यान डाडे याघुन्डा टिकीसिडे ढो पनि याडोव। 20होकाम येसुलो उगिल्ला याडोवमान्त्रा ओक्याङटाम निल्ल्याव क्वा याहाइड्योव, होकाम येसुलाई ओक्वाज़ याक्वायो। होकाम येसुलाई क्रुसटं टाङ्गिने पाखाडे यालाङो।
येसुलाई क्रुसटं याझुन्डोयो
मत्ती २७:३२-४४; लुका २३:३३-३४; युहन्ना १९:१७-२७
21होकाम अलेकजेन्डर सोनो रुफसलो ओबाबु, कुरेनीलं लेने सिमोनलाई नाङ्खारलाम ओराज़्याकं येम्ट डैडे येसुलो उक्रुस जबरजस्ति सुगुरने वार्डे याक्यो:व। 22होकाम नोराई येसुलाई गलगठा वार्ने पोलं यालाङो। गलगठालो ओमाने “खप्पर लेव पो” टाये। 23होकाम नोराई येसुलाई मुर्र बराईसिव अङ्गुरलो मड्ड यायोव, हैनि पनि येसुये नो माओँवये। 24नोराई येसुलाई क्रुसटं याटाङगिव। होकाम नोराई येसुलो ओक्वा भाने, वार्डे याखार्ल गोला याझाव।
25नोराई येसुलाई क्रुसटं याटाङगिज़्याकं छकाल्नेका नौ बजिव लेव। 26येसुलाई याडोसोयो डोस पत्रतं “यहुडीराई याराजा” सर्सिव लेव 27नोराई येसुसं नेभऱ्याङ डाङ्कुरंलाई पनि क्रुसटं याटाङगिवरं, येसुकाम टोबोलाई वो:रडे, छुटलाई डाबऱ्याडे। 28सास्त्रटा बचन ऐ झैडे पुरा ओटाव, “येसु अपराढीलं उगनिसिव।”#15:28 आव बचन कोइ कुइये सर्सिव कागंट यालं माले लुका २२:३७ 29होलाग्यान्ट बाने मीराई याङै: हल्लैडे ऐ लेडे उबिरोड डाडे यागिल्लोयो, “डे! नङ माङ्कडोरो प्रार्ठना डोने ज़ी:म टैडे सोङलाका तयार झैने, 30क्रुसटाम झरिडे राडे नङ नङलाईज़ गबचैके।”
31हैजैडे मुख्या सेवा डोने मीरं सोनो सास्त्रटा न्याम पैने मीरं ऐ लेडे ख्याल याडोव, “आवये उरुरंलाई ओबोचोयोरं हैनि पनि ओललाई के माबचैडुवये। 32आव इस्राएलला याराजा, ख्रीस्ट आबो क्रुसटाम वोल्डे ओराकं, होकाम गे नोलाई र:ङडे बिस्वास डोनेगेले।” ओल्स क्रुसटा टाङ्गिसिवनि पनि निगिल्लोयो।
येसु उसिव
मत्ती २७:४५-५६; लुका २३:४४-४९; युहन्ना १९:२८-३०
33बार बजे काम तीन बजे सम स्यान्टै डेस भरि अन्ड्यारो ओटाव। 34तीन बजेयालं येसु ऐ लेडे कस्सिडे उकि:व, “इलोई-इलोई लामा सबखठनी?” आवलो ओमाने, “ए ङापरमेस्वर ए ङापरमेस्वर नङ ङालाई कडाने नरा:सोङो?”
35होकाला लेवराई कोइ कोइराई आव ठैडे हैयावारो, “ठैच्यो खेने नोये एलियालाई उखुल्ज़्याव।”
36होकाम टोबो मी गुर-गुर ज़ो:नाडे टोबो स्पन्ज सिर्कालं बुडैडे टोबो खेव ज़ि:ङटाम ओयोव, “डे, र:ङनेडाइ कडिग्यान एलियाये आवलाई झारैरीव सै?”
37होकाम येसु कस्सिडे कि:डे ओसं ओफ्याव।
38होकाम प्रार्ठना डोने ज़ी:मला पर्डा रोटाम मेलं सम चीडे नेफलाङ ओटाव। 39येसुलो ओसं ऐ टाडे ओफ्याव र:ङडे येसुलो ओछ्योका च्याङसिव कप्तानये हैओवारो, “आवके डस्साज़ परमेस्वरलो ओज़ाची ओलेवलेव।” 40होकं टाडाङाम र:ङने, कोइ-कोइ मेमारं पनि लेवरं। नोरंलाम मरियम मग्डलिनी, आलिज़ा याकुब, योसेफलो वामा मरियम सोनो सलोमी लेवरं। 41येसु गालीललं ओलेव बेलाकं नोरं येसुलो उझिन्ट बारिरंये। होकाम ओसेवा पनि डोरंये। येसुसं यरुसलेमलं रावर भ्या मेमारं पनि लेवरं।
येसुलाई गाडिसिव
मत्ती २७:५६-६१; लुका २३:५०-५६; युहन्ना १९:३८-४२
42तयार टाने डिन छ्याम (ना:सिने छ्यामलो ओङाटा छ्याम), रि:म्डे ओटारिज़्याव। 43घ्योव सभाला ओमान लेव मी अरिमाठियाला योसेफये परमेस्वरलो ओराज्य राने येम ओर:ङज़्याव, होये माछेडे पिलातस लेवङं नाडे पिलातससं येसुलो सिव ओक्याङ उनी:व। 44येसु ङा:डेज़ उसिवची लेव वार्ने रो: ठैडे पिलातस अचम्ब ओटाव। होकाम पिलातसये कप्तानलाई खुल्डे येसु उसिव सै उम्सिव वार्डे ओपजोयो। 45येसु उसिव रो: कप्तानये हैओडोव मान्त्रा पिलातसये योसेफलाई येसुलो सिव ओक्याङ गलाङके ओडोव। 46होकाम योसेफये सुतिलो क्वा ल:ङडे येसुलो सिव ओक्याङ क्रुसटाम मेलं झारैडे क्वाटं पोडे लुङ खुलिडे झैसिव खाडरलं ओनोयो, नो खाडरलो ओया:लाई टोबो पल्याटाये ओकोपो। 47मरियम मग्डलिनी सोनो योसेफलो वामा मरियमनि येसुलाई गाडिसिव पो र:ङडेज़ नेनैज़्याव।
ទើបបានជ្រើសរើសហើយ៖
मर्कुस 15: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मर्कुस 15
15
पिलातसलो ओङा:कं येसु
मत्ती २७:११-३१; लुका २३:२-३; २३:१८-२५; युहन्ना १८:२८-४०; १९:१-१६
1छकाल्ने ओटाव पाना मुख्या सेवा डोने मीरं, यहुडी नेतारं, सास्त्रटा न्याम पैने मीरं सोनो स्यान्टै यहुडीर याडुप्सिने घ्योव ज़ी:मला मीराई सल्ला डाडे येसुलाई कीडे पिलातस लेवङ लाङडे यासुम्पिव।
2पिलातसये येसुलाई ओपजोयो, “होकाम नङ यहुडीराई याराजा रो?” येसुये जबाफ ओयोव, “नङ हैनवारज़्याव स्यानावज़।”
3मुख्या सेवा डोने मीराई येसुलाई बनै भ्या रो:ट याडोसोयो। 4पिलातसये येसुलाई फरि ओपजोयो, “होकाम नङसं कडि जबाफज़ माले रो? नोराई नबिरोड डाडे खाडंङ डोसैसन्ज़्यारं।”
5होकाम येसुये फरि पनि कडि जबाफज़ मायोवये, पिलातस पनि बक्क ओटाव।
येसुलाई सै:ने डन्ड
मत्ती २७:१५-२६; लुका २३:१३-२५; युहन्ना १८:३९—१९:१६
6निस्तार पर्ब बेलाकं प्रजाराई रा:ने यावारो टोबो कैडीलाई पिलातसये ङा:डेकाम्ज़ रा:ड्यानेरं चलन लेव। 7बिड्रोह ओटाव बेलाकं हत्या डोनेरं, बिड्रोह डोनेरं झ्यालखानालं लेवरं। होरंलाम बारब्बा याडोज़्याव टोबो कैडी पनि होल लेव। 8मीरं राडे पिलातसलाई ओचंलंन अनसार कैडी रा:ड्याने वार्डे बिन्ती याडोव।
9नोरंलाई पिलातसये ओपंजोयोरं, “होकाम ङा यहुडीराई याराजालाई रा:डेङायाच्यो वार्ने जियुङलं उलिज़्याव रो?” 10कडालेकं इख डाडेज़ मुख्या सेवा डोने मीराई येसुलाई पिलातस लेवङ यासुम्पिव, वार्ने रो: पिलातसलाई ङा:डेज़ ठा लेव। 11बुरु बारब्बालाई रा:ड्यासिच्यो वार्डे मुख्या सेवा डोने मीराई होला मीरंलाई याचम्कोयोरं।
12पिलातसये फरि नोरंलाई ओपंजोयोरं,
“जोलाई जे यहुडीराई याराजा जेडोज़्या, जे हैगवारच्योके होलाई ङा कै झैने?”
13नोरं फरि कस्सिडे कि:डे हैयावारो, “नोलाई क्रुसटं टाङगी।”
14पिलातसये नोरंलाई हैओडोवर, “कडा? आवये कडि अपराढ डाडे ओनैज़्यावड?” होरं झन कस्सि-कस्सिडे याकि:व, “नोलाई क्रुसटं टाङ्गि।”
15होकाम पिलातसये माहुल्ये मीरंलाई सोन्टोको झैनेरं वार्डे बारब्बालाई रा:डे ओयोवरं, होकाम येसुलाई कोर्राये पो:डे क्रुसटं टाङगिव उपरि:ङोरं।
सिफाइराई येसुलाई यागिल्लोयो
16सिफाइराई येसुलाई प्रेटोरियान याडोज़्याव घ्योव ज़ी:मलं यालाङो, होकाम सिफाइराई पल्टनला स्यान्टैलाईज़ याडुपोरं। 17होकाम नोराई येसुलाई निल्ल्याव क्वा याक्वायो। होकाम ज़ुलो ओखारलाई पगरि झैडे ओङै:टं यासंजाव। 18होकाम “यहुडीराई याराजालाई जय!” वारोग्यान सलाम डोवग्यान याडोव। 19होकाम ओङै:ट ज़ि:ङलो भाटाये पो:वग्यान, त्युलो ग्यान डाडे याघुन्डा टिकीसिडे ढो पनि याडोव। 20होकाम येसुलो उगिल्ला याडोवमान्त्रा ओक्याङटाम निल्ल्याव क्वा याहाइड्योव, होकाम येसुलाई ओक्वाज़ याक्वायो। होकाम येसुलाई क्रुसटं टाङ्गिने पाखाडे यालाङो।
येसुलाई क्रुसटं याझुन्डोयो
मत्ती २७:३२-४४; लुका २३:३३-३४; युहन्ना १९:१७-२७
21होकाम अलेकजेन्डर सोनो रुफसलो ओबाबु, कुरेनीलं लेने सिमोनलाई नाङ्खारलाम ओराज़्याकं येम्ट डैडे येसुलो उक्रुस जबरजस्ति सुगुरने वार्डे याक्यो:व। 22होकाम नोराई येसुलाई गलगठा वार्ने पोलं यालाङो। गलगठालो ओमाने “खप्पर लेव पो” टाये। 23होकाम नोराई येसुलाई मुर्र बराईसिव अङ्गुरलो मड्ड यायोव, हैनि पनि येसुये नो माओँवये। 24नोराई येसुलाई क्रुसटं याटाङगिव। होकाम नोराई येसुलो ओक्वा भाने, वार्डे याखार्ल गोला याझाव।
25नोराई येसुलाई क्रुसटं याटाङगिज़्याकं छकाल्नेका नौ बजिव लेव। 26येसुलाई याडोसोयो डोस पत्रतं “यहुडीराई याराजा” सर्सिव लेव 27नोराई येसुसं नेभऱ्याङ डाङ्कुरंलाई पनि क्रुसटं याटाङगिवरं, येसुकाम टोबोलाई वो:रडे, छुटलाई डाबऱ्याडे। 28सास्त्रटा बचन ऐ झैडे पुरा ओटाव, “येसु अपराढीलं उगनिसिव।”#15:28 आव बचन कोइ कुइये सर्सिव कागंट यालं माले लुका २२:३७ 29होलाग्यान्ट बाने मीराई याङै: हल्लैडे ऐ लेडे उबिरोड डाडे यागिल्लोयो, “डे! नङ माङ्कडोरो प्रार्ठना डोने ज़ी:म टैडे सोङलाका तयार झैने, 30क्रुसटाम झरिडे राडे नङ नङलाईज़ गबचैके।”
31हैजैडे मुख्या सेवा डोने मीरं सोनो सास्त्रटा न्याम पैने मीरं ऐ लेडे ख्याल याडोव, “आवये उरुरंलाई ओबोचोयोरं हैनि पनि ओललाई के माबचैडुवये। 32आव इस्राएलला याराजा, ख्रीस्ट आबो क्रुसटाम वोल्डे ओराकं, होकाम गे नोलाई र:ङडे बिस्वास डोनेगेले।” ओल्स क्रुसटा टाङ्गिसिवनि पनि निगिल्लोयो।
येसु उसिव
मत्ती २७:४५-५६; लुका २३:४४-४९; युहन्ना १९:२८-३०
33बार बजे काम तीन बजे सम स्यान्टै डेस भरि अन्ड्यारो ओटाव। 34तीन बजेयालं येसु ऐ लेडे कस्सिडे उकि:व, “इलोई-इलोई लामा सबखठनी?” आवलो ओमाने, “ए ङापरमेस्वर ए ङापरमेस्वर नङ ङालाई कडाने नरा:सोङो?”
35होकाला लेवराई कोइ कोइराई आव ठैडे हैयावारो, “ठैच्यो खेने नोये एलियालाई उखुल्ज़्याव।”
36होकाम टोबो मी गुर-गुर ज़ो:नाडे टोबो स्पन्ज सिर्कालं बुडैडे टोबो खेव ज़ि:ङटाम ओयोव, “डे, र:ङनेडाइ कडिग्यान एलियाये आवलाई झारैरीव सै?”
37होकाम येसु कस्सिडे कि:डे ओसं ओफ्याव।
38होकाम प्रार्ठना डोने ज़ी:मला पर्डा रोटाम मेलं सम चीडे नेफलाङ ओटाव। 39येसुलो ओसं ऐ टाडे ओफ्याव र:ङडे येसुलो ओछ्योका च्याङसिव कप्तानये हैओवारो, “आवके डस्साज़ परमेस्वरलो ओज़ाची ओलेवलेव।” 40होकं टाडाङाम र:ङने, कोइ-कोइ मेमारं पनि लेवरं। नोरंलाम मरियम मग्डलिनी, आलिज़ा याकुब, योसेफलो वामा मरियम सोनो सलोमी लेवरं। 41येसु गालीललं ओलेव बेलाकं नोरं येसुलो उझिन्ट बारिरंये। होकाम ओसेवा पनि डोरंये। येसुसं यरुसलेमलं रावर भ्या मेमारं पनि लेवरं।
येसुलाई गाडिसिव
मत्ती २७:५६-६१; लुका २३:५०-५६; युहन्ना १९:३८-४२
42तयार टाने डिन छ्याम (ना:सिने छ्यामलो ओङाटा छ्याम), रि:म्डे ओटारिज़्याव। 43घ्योव सभाला ओमान लेव मी अरिमाठियाला योसेफये परमेस्वरलो ओराज्य राने येम ओर:ङज़्याव, होये माछेडे पिलातस लेवङं नाडे पिलातससं येसुलो सिव ओक्याङ उनी:व। 44येसु ङा:डेज़ उसिवची लेव वार्ने रो: ठैडे पिलातस अचम्ब ओटाव। होकाम पिलातसये कप्तानलाई खुल्डे येसु उसिव सै उम्सिव वार्डे ओपजोयो। 45येसु उसिव रो: कप्तानये हैओडोव मान्त्रा पिलातसये योसेफलाई येसुलो सिव ओक्याङ गलाङके ओडोव। 46होकाम योसेफये सुतिलो क्वा ल:ङडे येसुलो सिव ओक्याङ क्रुसटाम मेलं झारैडे क्वाटं पोडे लुङ खुलिडे झैसिव खाडरलं ओनोयो, नो खाडरलो ओया:लाई टोबो पल्याटाये ओकोपो। 47मरियम मग्डलिनी सोनो योसेफलो वामा मरियमनि येसुलाई गाडिसिव पो र:ङडेज़ नेनैज़्याव।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025