लुका 11
11
प्रार्ठनालो ओबारेलं येसुलो उसिछ्या
मत्ती 6:9-13; 7:7-11
1टछा येसु टोबो पोकं चुङ्डे प्रार्ठना ओडोज़्याव। येसुये प्रार्ठाना डाडे ओखेमो पाना उसिसरंलाम टोबोये येसुलाई हैओडोव, “ए प्रभु, युहन्नाये उसिसरंलाई ओपोयोरं मान्टी गेलाई पनि प्रार्ठाना डाने पैसी।” 2येसुये नोरंलाई हैओडोवरं, “जे प्रार्ठना जेडाकं ऐ वार्च्यो,
‘ए बाबु,
नमिन चोखो ले वार्डे ओमानिरंकं,
नराज्य ओराकं।
3गे डिनका गेज़्याने ज़्याव डिनकापटिज़ यासि।
4गेलाई गेपाप छेमा डाड्यासि, कडालेकं गे पनि गेबिरोडलं अपराड डानेरंलाई छेमा गेडारंये। गेलाई परिछ्यालं टालाङसि’।”
5होकाम येसुये नोरंलाई हैओडोवरं, “ऐटाव मानिच्यो, जेरंकाम टोबोलो टोबो जेनै लिज़्या। नो आढा रिलं नोलेवकं नाडे हैडोव, ‘ङानै, ङालाई सोमभऱ्याङ बरे पैचा याङ। 6कडालेकं टोबो ङानै टाडाङाम ङालेवकं राडेले, नोलाई याने ङासं ज़्याव कडिज़ माले’।” 7“नोये ज़ी:मलाम जबाक याडे हैडोवये, ‘ङालाई टाझिझैसंङ। झला पनि रु:प्सिव ची लिज़्या, होसोनो ङाज़ारं ङासं ऐस्याडेलेरं। ङा सोडे नङलाई कडिज़ ङामयान्डु।’ 8ङा जेलाई हैङाडाच्यो, ओनै ओटावये नोये सोडे होलाई कडिज़ मायोवखे, हैनि पनि होये नि:व का नि:व ओलेकं सोडे चाहिव हाढंङ होलाई यानेले।” 9“ङा जेलाई हैङाडाच्यो, नि:च्यो खेने जेलाई यानेले। खिमच्योखेने जे डैने जेले। झला घचंघचं जेझैखे भने जेलागिटं फैसिनेले। 10कडालेकं स्यान्टैराई जोये नि:वये होये डोयोये, जोये खिमोये होये डोयोये, होसोनो जोये झला घचंघचं झोयोये होलो ओलागिटं फैसिनेले। 11जेरंकाम काङ्का बाबु ची टाके ड, ओज़ाये बरे उनी:कं लुङ याने, होसोनो ङा: उनी:कं होलो ओपोलं गुल योने? 12सै बाज़ुरी उनी:कं नोलाई बिछि योवके? 13जे माचाव जेयुङ लेवरं टाडे पनि जेज़ारंलाई चाव बस्तरं याने जेसंनये भने जे स्वर्गटा जेबाबुये ओल्स नि:नेरंलाई खाडंङ भ्या झैडे चोखो आत्मा योवये।”
येसु सोनो बालजिबुल
मत्ती १२:२२-२९,४३-४५; मर्कुस ३:२०-२७
14येसुये टोबो भुत उपुलोयो, नो भुत लाटा लेव। भुत उपुलुव पाना नो लाटा मी ओपाङो, होकाम माहुले मीरं बनै बक्क याटाव। 15नोरंकाम कोइ-कोइराई हैयावारो, “भुतराई यामुख्या बालजिबुललो ओसक्तिङाम नोये भुतरं पुलैज़्यावरं।” 16उरुराई येसुलो उपरिछ्या डाने येसुसं स्वर्गटाम टोबो चिन्न यानि:व। 17येसुये नोराई याबिचार ठा सन्डे हैओडोवरं, “जो डेसला राज्यलं फाटो पसिये हो डेस नास टाये। जो ज़ी:मलं फाटो पसिये नो ज़ी:म नास टाये। 18सैतानलो पनि ओल्सज़ फाटो याटा भने, नोलो ओराज्य कैजैडे टिकिवके? कडालेकं जे हैजेडाङज़्या, ङा बालजिबुललो ओसक्तिङाम भुतरं ङाखेपैज़्यारं। 19ङा बालजिबुललो ओसक्तिङाम भुतरं ङापुलैरंखे भने जे जेज़ाराई कडिलो ओसक्तिङाम नोरंलाई पुलैरं? नोराईज़ जेलाई निया डोने लेरं। 20परमेस्वरलो ओसक्तिये ङा भुतरं ङापुलैरंखे भने, परमेस्वरलो ओराज्य जेलेवकं राडेखेम्डेले। 21हत्यार भिरिसिडे बल्ल्या मीये उज़ी:मलाई याजोगोयो भने, उज़ी:मला स्यान्टै ओसमानरं पनि जोगिये। 22नो भन्डा बल्ल्या मी राडे नोसं खप्सिडे नोलाई याहारोयो भने, नो भर उपरिज़्याव नोलो स्यान्टै ओहत्याररं नान्डे लाङोये, होसोनो नोलो ओसमानरं लुटिडे भावये। 23हैनि पनि जो ङासंका माङ्क, नो ङाबिरोडलं टाये, होसोनो जोये ङासं माडुपो, नोये ओडोयोये।”
माचाव आत्मा वोल्डे ओराव
मत्ती १२:४३-४५
24“नो माचाव आत्मा मी लेवटाम पुलुडे नाये, होकाम नो सोपो पो यालं आनन्डसं लेने पो खिम्नावये, नोये काङं कडि पोज़ ओम्डैकं, नोये हैवार्ये, ‘ङा पुलुडे ङाराव ङाज़ी:मलंज़ वोल्डे ङाना।’ 25नो वोल्डे राये, होकाम नोये नो ज़ी:म सिडे सिङ्गारिसिव डोयोये। 26होकाम नो नाडे ओल भन्डा बनै बलेवरं उरु सात गोटा माचाव आत्मारंलाई ओल्स रोयोरंये, होकाम नोरं उज्युङलं पसिडे नलंज़ बासिरंये, होकाम नो मीलो झिन्डेङा ओडसा ङाडेङा भन्डा झन बलेये।”
चाव काङ्का
27येसुये आव रो: ओपाङज़्याकं माहुले मीराई याखार्लाम टोबो मेमाये कि:डे हैओवारो, “बनै चाव ची नो मेमा जोये नङलाई गर्भलं ओनैसोनो होसोनो उनुन् ओसोवोइँसोनो।” 28येसुये हैओवारो, “बुरु नोरं ची बनै गराङोरं, जोये परमेस्वरलो ओपाङ ठैरंये होसोनो नो अनंसारज़ डोरंये।”
मीराई येसुसं चिन्न यानि:व
मत्ती 12:38-42
29येसुलो ओछ्योयालं बनै भ्या मीरं याडुप्सिकं येसुये हैओवारो, “आव पुस्ता के बलेव बनै माचाव पुस्ता ची। आवये चिन्न खिमोये, आवलाई योनालो उचिन्नकाम उरु कडि चिन्नज़ यासिनेमाले। 30कडावार्क योना निनबेला मीराई यालागिटं चिन्न ओटाव, मान्टि मानवालो ओज़ा पनि आव पुस्तालो ओलागिटं चिन्न टानेले। 31निया ओटाने बेलाकं आव पुस्ताला मीरासं डछिन डेसला रानीये च्याङसिडे आवरंलाई डोसि ठहरैने ले, कडालेकं नो प्रिठीबीलो ओछ्योङाम सोलोमनलो उबुडिला रो: ठैने ओराव। र:ङच्यो, आकं टोबो लिज़्या, नो सुलेमान भन्डा घ्योव लिज़्या। 32निनबेला मीराई निया ओटाकं आव पुस्तालाई च्याङसिडे आवलाई डोसि ठहरैनेलेरं, कडालेकं नोराई योनाये प्रचार ओडोकं यापापलाम यायुङ यासवोलो, र:ङच्यो, आकं टोबो लिज़्या, नो योना भन्डा बनै घ्योव लिज़्या।”
क्याङलो ओभाङ
मत्ती ६:२२-२३
33“काङ्काये पनि भाङ खाङडे गुप्तलं मानोयो होसोनो जाये पनि माकपोये, ज़ी:मलं पसिने स्यान्टैराई उज्यालो गर:ङरंकं वार्डे डियाटोटं नोयोये। 34नक्याङलो ओभाङ नमिलंङज़ ची। नमिलंङ चाव याले भने स्यान्टै नक्याङ उज्यालोलं टाये, नो माचाव यालेखे भने के नक्याङ पनि अन्ड्यारोलं टानेले। 35हैजैडे होस्यार टाङंन, नङसं लिज़्याव उज्यालो अन्ड्यारो टाटाकं। 36होकाम डस्साज़ जे स्यान्टै जेक्याङ उज्यालोये कप्सिव यालेखे भने, होसोनो कान्डे पनि अन्ड्यारो मालेखे भने, नो स्यान्टै उज्यालो टाये, होमान्टि भाङलो ओसाङये जेलाई उज्यालो याच्योवये।”
येसुये फरिसीरं सोनो न्याम पैनेरंलाई गलत ओठहरोयोरं
मत्ती 23:1-16
37येसुये पाङडे ओखेमो पाना टोबो फरिसीये येसुलाई काङ ज़्याने उखुलो। येसु ज़ी:मलं पसिडे काङ ज़्याने उचुङो। 38काङ ज़्याने भन्डा ङा:डे येसुये उकुइ उमहुर्सिव र:ङडे नो फरिसी अचम्ब ओटाव। 39प्रभुये नोलाई हैओडोव, “जे फरिसीरं कचौरा सोनो टाठीलो पाखाङामके जेसिलये, जे जेयुङलं के लुटिने सोनो माचाव ये:नये ब्यालो टाये। 40मुर्ख मीरं, जोये पाखाडेङा ओझोयो, होयेज़ उज्युङला पनि ओझोयो माङ्क डोरो? 41जाला लिज़्याव स्यान्टै अन्नरं डान यो, होकाम नलागिटं स्यान्टै रो: चोखो टाने ले। 42जे फरिसीरंलाई चाव टाने माले! कडालेकं जे बास्माठि, सम्फु सोनो स्यान्टै जरिबुटिलो डस भा जेयाये, हैनि पनि निया सोनो परमेस्वरलो ओमयालाई वास्ता जेमडाये। उरु ये:नलो ओवास्टा जेडोव मान्टि आव ये:न पनि जे डाने लेव।” 43“जे फरिसीरंलाई चाव टाने माले! कडालेकं जे यहुडीरं याडुप्सिने ज़ी:मयालं मुख्या पो सोनो बजारयालं मान डाडे यायाच्योव चाव जेङप्सिये। 44जेलाई चाव टाने माले! कडालेकं जे नो खाडर स्यानाव जेलिज़्या, नो मार:नये, ठा मासन्डे मीरं नो तर्ट बारंये।” 45न्याम पैने टोबो मीये येसुलाई हैओडोव, “गुरबा, आव रो: डाडे नङके गे गेबिज्याट पनि नोडोज़्या।” 46येसुये हैओवारो, “जे न्याम पैने मीरंलाई पनि बनै माचाव टानेले! कडालेकं माघुरडुने गुर मीरंलाई जेसुघुर्रंये, हैनि पनि जे के टोबो जेकुइसैये पनि नो गुररंलाई जेमछुये।” 47“जेलाई चाव टाने माले! कडालेकं जेसाखा पुर्खाराई यासो:यो अगमबक्ताराई याखाडर जे जेझैये। 48हैजैडे जे जेसाखा जिपुर्खाराई याये:नलो साची जेलिज़्या, होसोनो नोरासं टोबोनास्याव जेलिज़्या, कडालेकं नोराई अगमबक्तारंलाई यासो:योरं, होकाम जे नोराई याखाडर जेझैज़्या। 49हैजैडे स्यान्टै रो: सन्ने परमेस्वरये पनि हैवार्ये, ‘ङा जेलेवकं अगमबक्तारं सोनो ङासाचीरं परि:ङनेरंङाले। नोरंकाम कोइरंलाई नोराई सै:ने लेरं होसोनो कोइरंलाई सहटैने लेरं।’ 50सङसार सुरु ओटावकाम स्यान्टै अगमबक्ताराई याझीलो उहिसाप आव पुस्ताये फोने ले। 51हो, ङा जेलाईज़ हैङाडाच्योज़्या, हाबिललो उझीकाम रैडे, ठान सोनो प्रार्ठना डोने ज़ी:मलं चोखो पोलो ओमान्जला सै:सिव जकरियालो उझी समंलो उहिसाप आव पुस्ताये फोने ले।” 52“जे न्याम पैने मीरंलाई माचाव टानेले! कडावार्क जे ग्यानलो ओसान्चा रैने के जेरैखे, हैनि पनि जे पनि उज्युङलं जेम्पसिये, उरु पसिनेरंलाई पनि पसिव जेमयोरंये।” 53येसु नलाम उपुलुव पाना, न्याम पैने मीरं सोनो फरिसीराई येसुलो बनै उबिरोड डाडे बनै भ्या रो:लो ओबारेलं येसुलाई यापंजोयो, 54होसोनो येसुये ओपाङो रो:टं येसुलाई क्यो:ने डाउँलं लेवरं।
ទើបបានជ្រើសរើសហើយ៖
लुका 11: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
लुका 11
11
प्रार्ठनालो ओबारेलं येसुलो उसिछ्या
मत्ती 6:9-13; 7:7-11
1टछा येसु टोबो पोकं चुङ्डे प्रार्ठना ओडोज़्याव। येसुये प्रार्ठाना डाडे ओखेमो पाना उसिसरंलाम टोबोये येसुलाई हैओडोव, “ए प्रभु, युहन्नाये उसिसरंलाई ओपोयोरं मान्टी गेलाई पनि प्रार्ठाना डाने पैसी।” 2येसुये नोरंलाई हैओडोवरं, “जे प्रार्ठना जेडाकं ऐ वार्च्यो,
‘ए बाबु,
नमिन चोखो ले वार्डे ओमानिरंकं,
नराज्य ओराकं।
3गे डिनका गेज़्याने ज़्याव डिनकापटिज़ यासि।
4गेलाई गेपाप छेमा डाड्यासि, कडालेकं गे पनि गेबिरोडलं अपराड डानेरंलाई छेमा गेडारंये। गेलाई परिछ्यालं टालाङसि’।”
5होकाम येसुये नोरंलाई हैओडोवरं, “ऐटाव मानिच्यो, जेरंकाम टोबोलो टोबो जेनै लिज़्या। नो आढा रिलं नोलेवकं नाडे हैडोव, ‘ङानै, ङालाई सोमभऱ्याङ बरे पैचा याङ। 6कडालेकं टोबो ङानै टाडाङाम ङालेवकं राडेले, नोलाई याने ङासं ज़्याव कडिज़ माले’।” 7“नोये ज़ी:मलाम जबाक याडे हैडोवये, ‘ङालाई टाझिझैसंङ। झला पनि रु:प्सिव ची लिज़्या, होसोनो ङाज़ारं ङासं ऐस्याडेलेरं। ङा सोडे नङलाई कडिज़ ङामयान्डु।’ 8ङा जेलाई हैङाडाच्यो, ओनै ओटावये नोये सोडे होलाई कडिज़ मायोवखे, हैनि पनि होये नि:व का नि:व ओलेकं सोडे चाहिव हाढंङ होलाई यानेले।” 9“ङा जेलाई हैङाडाच्यो, नि:च्यो खेने जेलाई यानेले। खिमच्योखेने जे डैने जेले। झला घचंघचं जेझैखे भने जेलागिटं फैसिनेले। 10कडालेकं स्यान्टैराई जोये नि:वये होये डोयोये, जोये खिमोये होये डोयोये, होसोनो जोये झला घचंघचं झोयोये होलो ओलागिटं फैसिनेले। 11जेरंकाम काङ्का बाबु ची टाके ड, ओज़ाये बरे उनी:कं लुङ याने, होसोनो ङा: उनी:कं होलो ओपोलं गुल योने? 12सै बाज़ुरी उनी:कं नोलाई बिछि योवके? 13जे माचाव जेयुङ लेवरं टाडे पनि जेज़ारंलाई चाव बस्तरं याने जेसंनये भने जे स्वर्गटा जेबाबुये ओल्स नि:नेरंलाई खाडंङ भ्या झैडे चोखो आत्मा योवये।”
येसु सोनो बालजिबुल
मत्ती १२:२२-२९,४३-४५; मर्कुस ३:२०-२७
14येसुये टोबो भुत उपुलोयो, नो भुत लाटा लेव। भुत उपुलुव पाना नो लाटा मी ओपाङो, होकाम माहुले मीरं बनै बक्क याटाव। 15नोरंकाम कोइ-कोइराई हैयावारो, “भुतराई यामुख्या बालजिबुललो ओसक्तिङाम नोये भुतरं पुलैज़्यावरं।” 16उरुराई येसुलो उपरिछ्या डाने येसुसं स्वर्गटाम टोबो चिन्न यानि:व। 17येसुये नोराई याबिचार ठा सन्डे हैओडोवरं, “जो डेसला राज्यलं फाटो पसिये हो डेस नास टाये। जो ज़ी:मलं फाटो पसिये नो ज़ी:म नास टाये। 18सैतानलो पनि ओल्सज़ फाटो याटा भने, नोलो ओराज्य कैजैडे टिकिवके? कडालेकं जे हैजेडाङज़्या, ङा बालजिबुललो ओसक्तिङाम भुतरं ङाखेपैज़्यारं। 19ङा बालजिबुललो ओसक्तिङाम भुतरं ङापुलैरंखे भने जे जेज़ाराई कडिलो ओसक्तिङाम नोरंलाई पुलैरं? नोराईज़ जेलाई निया डोने लेरं। 20परमेस्वरलो ओसक्तिये ङा भुतरं ङापुलैरंखे भने, परमेस्वरलो ओराज्य जेलेवकं राडेखेम्डेले। 21हत्यार भिरिसिडे बल्ल्या मीये उज़ी:मलाई याजोगोयो भने, उज़ी:मला स्यान्टै ओसमानरं पनि जोगिये। 22नो भन्डा बल्ल्या मी राडे नोसं खप्सिडे नोलाई याहारोयो भने, नो भर उपरिज़्याव नोलो स्यान्टै ओहत्याररं नान्डे लाङोये, होसोनो नोलो ओसमानरं लुटिडे भावये। 23हैनि पनि जो ङासंका माङ्क, नो ङाबिरोडलं टाये, होसोनो जोये ङासं माडुपो, नोये ओडोयोये।”
माचाव आत्मा वोल्डे ओराव
मत्ती १२:४३-४५
24“नो माचाव आत्मा मी लेवटाम पुलुडे नाये, होकाम नो सोपो पो यालं आनन्डसं लेने पो खिम्नावये, नोये काङं कडि पोज़ ओम्डैकं, नोये हैवार्ये, ‘ङा पुलुडे ङाराव ङाज़ी:मलंज़ वोल्डे ङाना।’ 25नो वोल्डे राये, होकाम नोये नो ज़ी:म सिडे सिङ्गारिसिव डोयोये। 26होकाम नो नाडे ओल भन्डा बनै बलेवरं उरु सात गोटा माचाव आत्मारंलाई ओल्स रोयोरंये, होकाम नोरं उज्युङलं पसिडे नलंज़ बासिरंये, होकाम नो मीलो झिन्डेङा ओडसा ङाडेङा भन्डा झन बलेये।”
चाव काङ्का
27येसुये आव रो: ओपाङज़्याकं माहुले मीराई याखार्लाम टोबो मेमाये कि:डे हैओवारो, “बनै चाव ची नो मेमा जोये नङलाई गर्भलं ओनैसोनो होसोनो उनुन् ओसोवोइँसोनो।” 28येसुये हैओवारो, “बुरु नोरं ची बनै गराङोरं, जोये परमेस्वरलो ओपाङ ठैरंये होसोनो नो अनंसारज़ डोरंये।”
मीराई येसुसं चिन्न यानि:व
मत्ती 12:38-42
29येसुलो ओछ्योयालं बनै भ्या मीरं याडुप्सिकं येसुये हैओवारो, “आव पुस्ता के बलेव बनै माचाव पुस्ता ची। आवये चिन्न खिमोये, आवलाई योनालो उचिन्नकाम उरु कडि चिन्नज़ यासिनेमाले। 30कडावार्क योना निनबेला मीराई यालागिटं चिन्न ओटाव, मान्टि मानवालो ओज़ा पनि आव पुस्तालो ओलागिटं चिन्न टानेले। 31निया ओटाने बेलाकं आव पुस्ताला मीरासं डछिन डेसला रानीये च्याङसिडे आवरंलाई डोसि ठहरैने ले, कडालेकं नो प्रिठीबीलो ओछ्योङाम सोलोमनलो उबुडिला रो: ठैने ओराव। र:ङच्यो, आकं टोबो लिज़्या, नो सुलेमान भन्डा घ्योव लिज़्या। 32निनबेला मीराई निया ओटाकं आव पुस्तालाई च्याङसिडे आवलाई डोसि ठहरैनेलेरं, कडालेकं नोराई योनाये प्रचार ओडोकं यापापलाम यायुङ यासवोलो, र:ङच्यो, आकं टोबो लिज़्या, नो योना भन्डा बनै घ्योव लिज़्या।”
क्याङलो ओभाङ
मत्ती ६:२२-२३
33“काङ्काये पनि भाङ खाङडे गुप्तलं मानोयो होसोनो जाये पनि माकपोये, ज़ी:मलं पसिने स्यान्टैराई उज्यालो गर:ङरंकं वार्डे डियाटोटं नोयोये। 34नक्याङलो ओभाङ नमिलंङज़ ची। नमिलंङ चाव याले भने स्यान्टै नक्याङ उज्यालोलं टाये, नो माचाव यालेखे भने के नक्याङ पनि अन्ड्यारोलं टानेले। 35हैजैडे होस्यार टाङंन, नङसं लिज़्याव उज्यालो अन्ड्यारो टाटाकं। 36होकाम डस्साज़ जे स्यान्टै जेक्याङ उज्यालोये कप्सिव यालेखे भने, होसोनो कान्डे पनि अन्ड्यारो मालेखे भने, नो स्यान्टै उज्यालो टाये, होमान्टि भाङलो ओसाङये जेलाई उज्यालो याच्योवये।”
येसुये फरिसीरं सोनो न्याम पैनेरंलाई गलत ओठहरोयोरं
मत्ती 23:1-16
37येसुये पाङडे ओखेमो पाना टोबो फरिसीये येसुलाई काङ ज़्याने उखुलो। येसु ज़ी:मलं पसिडे काङ ज़्याने उचुङो। 38काङ ज़्याने भन्डा ङा:डे येसुये उकुइ उमहुर्सिव र:ङडे नो फरिसी अचम्ब ओटाव। 39प्रभुये नोलाई हैओडोव, “जे फरिसीरं कचौरा सोनो टाठीलो पाखाङामके जेसिलये, जे जेयुङलं के लुटिने सोनो माचाव ये:नये ब्यालो टाये। 40मुर्ख मीरं, जोये पाखाडेङा ओझोयो, होयेज़ उज्युङला पनि ओझोयो माङ्क डोरो? 41जाला लिज़्याव स्यान्टै अन्नरं डान यो, होकाम नलागिटं स्यान्टै रो: चोखो टाने ले। 42जे फरिसीरंलाई चाव टाने माले! कडालेकं जे बास्माठि, सम्फु सोनो स्यान्टै जरिबुटिलो डस भा जेयाये, हैनि पनि निया सोनो परमेस्वरलो ओमयालाई वास्ता जेमडाये। उरु ये:नलो ओवास्टा जेडोव मान्टि आव ये:न पनि जे डाने लेव।” 43“जे फरिसीरंलाई चाव टाने माले! कडालेकं जे यहुडीरं याडुप्सिने ज़ी:मयालं मुख्या पो सोनो बजारयालं मान डाडे यायाच्योव चाव जेङप्सिये। 44जेलाई चाव टाने माले! कडालेकं जे नो खाडर स्यानाव जेलिज़्या, नो मार:नये, ठा मासन्डे मीरं नो तर्ट बारंये।” 45न्याम पैने टोबो मीये येसुलाई हैओडोव, “गुरबा, आव रो: डाडे नङके गे गेबिज्याट पनि नोडोज़्या।” 46येसुये हैओवारो, “जे न्याम पैने मीरंलाई पनि बनै माचाव टानेले! कडालेकं माघुरडुने गुर मीरंलाई जेसुघुर्रंये, हैनि पनि जे के टोबो जेकुइसैये पनि नो गुररंलाई जेमछुये।” 47“जेलाई चाव टाने माले! कडालेकं जेसाखा पुर्खाराई यासो:यो अगमबक्ताराई याखाडर जे जेझैये। 48हैजैडे जे जेसाखा जिपुर्खाराई याये:नलो साची जेलिज़्या, होसोनो नोरासं टोबोनास्याव जेलिज़्या, कडालेकं नोराई अगमबक्तारंलाई यासो:योरं, होकाम जे नोराई याखाडर जेझैज़्या। 49हैजैडे स्यान्टै रो: सन्ने परमेस्वरये पनि हैवार्ये, ‘ङा जेलेवकं अगमबक्तारं सोनो ङासाचीरं परि:ङनेरंङाले। नोरंकाम कोइरंलाई नोराई सै:ने लेरं होसोनो कोइरंलाई सहटैने लेरं।’ 50सङसार सुरु ओटावकाम स्यान्टै अगमबक्ताराई याझीलो उहिसाप आव पुस्ताये फोने ले। 51हो, ङा जेलाईज़ हैङाडाच्योज़्या, हाबिललो उझीकाम रैडे, ठान सोनो प्रार्ठना डोने ज़ी:मलं चोखो पोलो ओमान्जला सै:सिव जकरियालो उझी समंलो उहिसाप आव पुस्ताये फोने ले।” 52“जे न्याम पैने मीरंलाई माचाव टानेले! कडावार्क जे ग्यानलो ओसान्चा रैने के जेरैखे, हैनि पनि जे पनि उज्युङलं जेम्पसिये, उरु पसिनेरंलाई पनि पसिव जेमयोरंये।” 53येसु नलाम उपुलुव पाना, न्याम पैने मीरं सोनो फरिसीराई येसुलो बनै उबिरोड डाडे बनै भ्या रो:लो ओबारेलं येसुलाई यापंजोयो, 54होसोनो येसुये ओपाङो रो:टं येसुलाई क्यो:ने डाउँलं लेवरं।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025