युहन्ना 5
5
रि:लो कुन्डलं सम्ने
1होकाम, येसु यहुडीराई याढुरी यरुसलेमलं ओनाव। 2यरुसलेमलं भेडा उमिन लेव झलालो ओछ्योकं टोबो कुन्ड ले, नोलो ओगोराटं पाँस गोटा मैरा लेव, नोलाई हिब्रुङाम बेठस्डा डोरंये। 3नलं स्यान्टै किसिमला रोगीरं, अन्डलारं, लङ्गरारं, आढा याक्याङ सिवरं गलङडे लेरंये। नोरं रि: खाबलाकं छल्किने हो समय केनरंये। 4कडावार्क स्यान्टैराई भन्डा घ्योवलो टोबो ओकटंवाल बेला-बेलाकं रि:लो कुन्डलं झरिडे रि: हल्लैडेवरंये, होकाम रि: उछल्किव पाना जो ङाडे रि:लं पसि, जोस्याव रोगोये ठलिव मी पनि नो समये। #5:4 कोइ पुरानो सर्सिव कितापयालं आव बचन माले
5नलं अरतिस बर्सकाम ठलिव टोबो मी लेव। 6येसुये नोलाई नलं गलङडे उलिज़्याव ओरो:ङो नो भ्या समंज़ नेटानाव ठलिव ओलेवलेव वार्ने ठा सन्डे येसुये नोलाई हैओडोव, “नङ सम्ने नुयुङ उलिज़्याव रो?”
7रोगीये येसुलाई हैओडोव, “अँ, प्रभु जो बेला रि: छल्किये ङालाई रि:लो कुन्डलं झाने काङ्का ङामीरं मालेरं, ङा ङानाज़्याकंज़ ङा भन्डा ङा:डे छुटं मी रि:लं नाये।”
8येसुये नोलाई हैओडोव, “च्याङसिडे नटान सोचैडे नान।” 9होपानाज़ नो मी ओसोमो, होकाम ओटान घुर्डे नो मी ओनाव।
नोछ्याम यहुडीरं याना:सिने डिन लेव। 10हैजैडे नो समो मीलाई यहुडीराई हैयाडोव, “आव के ना:सिने डिन ची, नङ टान घुर्ने अढिकार माले।”
11होये नोरंलाई जबाफ ओयोवरं, “जोये ङालाई ओससम्सोङो होयेज़ हैओडाङो, ‘नटान घुर्डे नान’।”
12होराई नोलाई यापजोयो, “नङलाई टान घुर्डे बाङन डाने काङ्का?” 13नो समो मीये नो काङ्का वार्डे मासरेवये, कडालेकं नलं बनै भ्या मीरं यालेवये येसु नलाम नाडे खेम्डे उलिज़्याव।
14होकाम येसुये नोलाई प्रार्ठना डोने ज़ी:मलं डैसिडे हैओडोव, “र:ङ, नङ सम्डेनले फरि पाप टाडो, होकाम नङलाई अजं भ्या माचाव टाटाकं।” 15ङालाई ससम्नेके येसु ची ओलेवलेव वार्डे नो मीये नाडे यहुडीरंलाई हैओडोवरं।
16आव कारनये यहुडीराई येसुलाई सहतैने सुरु याडोव, कडालेकं येसुये आव ये:न यहुडीरं ना:सिने डिन छ्याम ओडोव। 17होकाम येसुये नोरंलाई हैओडोवरं, “ङा ङाबाबुये आर्क समं ये:न डोज़्याव, ङा पनि ये:न ङाडोज़्या।” 18हैजैडे यहुडीराई येसुलाई सै:ने कोसिस याडोव, कडावार्क येसुये यहुडीरं ना:सिने डिन लो ओन्याम ओममानिवयाज़ माङ्क, बुरु ओल परमेस्वरसं बराबर झैसिडे परमेस्वरलाई ङाबाबु ओवारो।
ओज़ालो ओअढिकार
19येसुये नोरंलाई हैओडोवरं, “सत्य रो: ङा जेलाई हैङाडाच्यो, ओज़ाये ओबाठङ कडि पनि माडोडुव, बुरु बाबुये जो ओडोज़्याव रो:ङो हो मान्त्राज़ डोवये, कडालेकं बाबुये जो डोवये ओज़ाये होज़ डोवये। 20कडालेकं ओबाबुये ओज़ालाई मया डोवये, होसोनो ओबाबुये ओल्ज़ ओडोज़्याव स्यान्टै ये:न ओज़ालाई सटन्ड्योवये। आव भन्डा घ्योव ये:न ओबाबुये ओज़ालाई डोव परि:ङनेले, होकाम जे अचम्ब टानेजेले। 21कडालेकं बाबुये जो झैडे सिवरंलाई सिवलाम ज्युङडा झैडे ओसोचोयोरं होकाम नोरंलाई जीबन योवरंये, हैजैडेज़ ओज़ाये पनि जोलाई इछ्या डोव, होलाई जीबन योवये। 22कडालेकं बाबुये काङ्कालो उनियाज़ माडोवये, हैनि पनि स्यान्टै निया डाने ये:न ओज़ालाई याडेनोयो, 23कडालेकं स्यान्टैये ओज़ालाई ओमानिरंकं, जो झैडे नोराई बाबुलाई मानिरंये। ओज़ालाई मामानिनेराई ओल्लाई परि:ङने ओबाबुलाई पनि मामानिरंये।”
24“सत्य रो: ङा जेलाई हैङाडाच्यो, जोये ङाबचन ठोयोये होसोनो ङालाई परि:ङनेलाई बिस्वास डोव, नोसं खर्कज़ मासिने जीबन ले, बुरु नो सिनेङाम जीबनलं पसिडेले। 25सत्य रो: ङा जेलाई हैङाडाच्यो, नो समय रारिज़्या, नो समय आर्कज़, होकाम सिवराई परमेस्वरलो ओज़ालो ओगा ठैनेलेरं, नो ठैनेरं बान्चिने लेरं। 26कडालेकं बाबुसंज़ जीबन ओलेव, होमान्टि ओज़ालाई पनि ओल्सज़ जीबनलो उमुल टाने अढिकार याडेनोयो। 27होकाम नोलाई निया डाने अढिकार याडेनोयो, कडालेकं नो मानवालो ओज़ा ची।”
28“आवटं अचम्ब टामानिच्यो, कडालेकं समय राज़्या, खाडरला लिज़्यावरं स्यान्टैये नोलो ओगा ठैनेलेरं, 29होकाम चाव ये:न डानेरं जीबनलो लागिटं सिवलाम ज्युङडा टानेलेरं, होसोनो माचाव ये:न डानेरं डन्ड डैनेलो लागिटं सिवलाम ज्युङडा टानेलेरं।”
येसुलो ओसाची
30“ङा ङाज़ कडिज़ ङामडोडु। जोस्याव ङाठै, होस्यावज़ निया ङाडोये, होकाम ङानिया ठीकंज़ ठहरिये, कडालेकं ङा ङाइछ्या माङ्क, बुरु ङालाई परि:ङनेलो उइछ्या ङामानिये।”
31होकाम ङा ङाबारेलं गोहाई ङायोखे भने ङागोहाई सत्य माटाये। 32ङाबारेलं गोहाई याने छुटं लिज़्या, ङा ङासंन, ङाबारेलं होये जो गोहाई योवये, नो गोहाई सत्य ठहरिये।
33“जे युहन्ना लेवकं मीरंलाई पजोयो जिपरि:ङोरं, होकाम होये सत्यलो गोहाई याडेनोयो। 34आव माङ्क ङालाई काङ्का पनि मीलो ओसाची माचाहिये, बुरु जे छुट्कारा डोयोजिढुकं वार्डे ङा आव रो: हैङावार्ज़्या। 35युहन्ना चाङने सोनो चम्किने टुक्कि लेव, होकाम जे नोलो उउज्यालोटं टिगिडा टानि पनि रेङने राजी जेटाव।”
36“होकाम ङासं जो गोहाई लिज़्या, नो युहन्नालो भन्डा घ्योव ले। कडावार्क जो ये:नरं पुरा डाने बाबुये ङालाई याडेनैसोङो, नो ये:न ङा ङाडोज़्या, होकाम नोराईज़ बाबुये ङालाई उपरि:ङसोङो वार्डे ङाबारेलं गोहाई योज़्यारं। 37ङालाई परि:ङने ङाबाबुयेज़ ङाबारेलं गोहाई याडेनोयो। नोलो ओगा जे खर्कज़ जेठोयो माले, होसोनो नोलो उरुप खर्कज़ जेरो:ङो माले। 38नोलो ओबचन जेलेवकं मारहिये, कडालेकं जोलाई नोये उपरि:ङो, नोलाई जे बिस्वास जेमडाये। 39जे सास्त्रटं जिखिमये, कडालेकं नटं खर्कज़ मासिने जीबन डैसि वार्डे हैजेवार्ये। ङा ङाबारेलं गोहाई याने नो सास्त्रज़, 40हो टानि पनि जे जीबन डैने ङालेवकं जेमराये।”
41“ङा मीराई याडोव महिमा ग्रहन ङामडो, 42बुरु परमेस्वरलो ओमया जे जियुङलं माले वार्डे ङा ङासंन। 43ङा ङाबाबुलो उमिन्ट ङाराव ची, हैनि पनि जे ङालाई ग्रहन जेमडाङये। छुटं कोइ ओल उमिनसंज़ याराखे भने होलाई ग्रहन डानेजेले। 44जे कैजैडे बिस्वास जेडाडु, होकाम जे-जेज़ जेमान जिखिमसिये, होकाम नो महिमालाई जे वोल्डे पनि जेमर:ङये, जो टोबोज़ाज़ परमेस्वर लेवङाम राये?”
45“आव टासमझिच्यो, कि ङा बाबुलो ओङा:कं जेलाई डोस लैनेङाले। जेलाई डोस लैनेके मोसा लिज़्या, नोसं जे आस डाडे जेनै। 46कडालेकं जे मोसालाई बिस्वास जेडाखिन्के ङालाई पनि बिस्वास जेडाङखेहो, कडालेकं मोसाये ङाबारेलं सर्डेनोयो। 47हैनि पनि जे होये ओसोरो रो:रं बिस्वास जेमडाखे भने, ङारो:टं कैजैडे बिस्वास जेडा?”
ទើបបានជ្រើសរើសហើយ៖
युहन्ना 5: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
