प्रेरित प्रेरितराई याये:नलो ओबारेलं सन्ने
प्रेरितराई याये:नलो ओबारेलं सन्ने
प्रेरितराई याये:नलो उकितापटं मन्डली सुरु ओटावलो ओसात्रो सर्सिवले। होकाम जोझैडे येसु स्वर्गडे ओनाने भन्डा ङा:डे उसिसरंलाई हैओडोवरं। हैजैडेज़ नो यरुसलेमलाम सामरिया, यहुडिया होसोनो होकाम पनि टाडा समं ओफैलिव, आवलो ओसात्रो ले। प्रेरित १:८ आव किताप लुकाये ओसोरो ची, जो लुकालो उकिताप सर्ने मी लेव। नो टोबो बैड लेव, होसोनो चावसं सर्ने बनै सिफालु लेव। होकाम होये चावसोरलो नो उकिताप सोनो प्रेरितराई याडोव ये:नलो उकिताप, आव नेम्लो उकिताप ठियोफिलस उमिनलेव टोबो ग्रीक मीलाई ओसर्ड्योव ची, जो ख्रीस्टियानरं हिब्रु सोनो यहुडीरं लेवरं होराई यालागिटं सर्सिव लेव।
आव प्रेरित लो उकिताप येसु ओजर्मिवकाम ठोकै ६०-६४ बर्स खार्ल सर्सिव लेव। कडालेकं पावल झ्याललाम हाइसिने भन्डा ङा:डे आव किताप सर्डे खेमसिव लेव। लुका पावल प्रेरितसं बाये, आव किताप सक्या एन्टिओखिया याडोज़्याव सहरलाम सर्सिव टाव ढुव। आव किताप लुकालो चाव सोरलो छुटं ओभागची। येसु स्वर्गडे ओनाने बेलाकाम आव सुरु टाये। लुकालो नेम्लो उकितापलो ओमाने टोबोज़ लेव। नोलो उयुङ कडि लेव वार्क ठियोफिलस सोनो ख्रीस्टियानरं जोराई यासङ्ख्या ओबडिज़्याव होकाम नोरंलाई पैसिज़्याव रो:टं होराई बिस्वास गोडोरंकं वार्डे लेव। हैजैडे नोये येसु ओजर्मिव सोनो इसाई चलनलो ओप्रचार चावसं सर्डे नोयो।
आव प्रेरितलो उकितापये सुरुला मन्डलीलो ओबारेलं है वार्डे गेलाई पैसिवये। कडालेकं बिस्वासिराई येसुलाई कैजैडे बिस्वास डोडे यालेव वार्डे गे गेसन्डुकं। प्रेरितराई गेलाई पैसिरंये कि चाव सोर प्रचार डोने बेलाकं गे कैजैडे चोखो आत्मालो ओसक्तिटं बिस्वास डोने।
आला लेव रो:रं
स्यान्टैराई भन्डा ङा:डे चोखो आत्मा प्रभुलो उसिसरं लेवटं ओराव होकाम मन्डली ओबडिव। १:१—८:१
होकाम मन्डलीलाई सहटैने यरुसलेम काम टाडा टाडाङ समं उफैलिव। ८:२—१२:२३
होकाम पावल पैला ओप्रचारडे ओनाव। १२:२४—१४:२८
मन्डलीला जिम्मा डोयो मीराई यासमुहये यरुसलेमला नया बिस्वासिरंलाई कडि माडुमो लिज़्या हो रो:रं र:ङरंये। १५:१-३५
होकाम पावल छुटं प्रचार डोने ओये:नडे ओनाव। १५:३६—१८:२२
होकाम नो सोङ्खेपका चाव सोर सठैने ओनाव। १८:२३; २०:३८
होकाम पावल यरुसलेमलं झ्याललं उपरिव। २१—२६
आखिरलं पावललाई रोमलं यालाङो। २७—२८
येसु स्वर्गडे ओनाव
ទើបបានជ្រើសរើសហើយ៖
प्रेरित प्रेरितराई याये:नलो ओबारेलं सन्ने: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025