मर्कुस 8
8
येशुले चार हजारजन आयांइवाङ
मत्ती १५:२९-३९
1नका दिनल फरि तोलोअ घिन्या हुल दुउसिवाङ, तर नकाङसं ज्यान्या जन्तु नैज मालेव। तब येशुले आ सिइयाङजन आल्योङ खुल्स्यु ऐआढोवाङ, 2“ङाजन ईका हुलल यर्त दया रांऔ, दानाङभन्या इकाङ ङासकाए रालज्यान्या आछिम तिन दिन ताइदा, ओटन इकाङ ल्योङ ज्यान्या नैज माल्दी। 3ओटन यदि इकाङजन करेटै झिम परिङ्ङरकन थाकिस्यु यमलै बिहोस ताइरा, दानाङभन्या इकाङ तन काङ्का-काङ्काङ लोएङन रा:स्युलेरा।”
4आसिइयाङै ओलजन जबाक रांयोव, “आका काङ्काई मालन्या पोल आवाए भरेई काङन होनै, ओटन आकाङ वाङर?”
5येशुले रांजन आगिन्वाङ, “जेल्योङ ख्वाए गोटा भरेई लिज्याऔ?” ओयाङै ऐलेवाङ, “साट पाटा भरेई” 6ओटन येशुले हुलजन नामल चुङन्या हुकुम आयोवाङ, ओटन ओले साट पाटा भरेई आकुईत हिनस्यु धन्याबाद यांस्यु आकलाटौ, ओटन आसिइयाङजन यांस्यु ऐआढोवाङ, कि नकाङल हाल नाएस्योचिरते। ओटन नकाङै रुयाङल हाल रानाएस्योवाङ। 7ओटन सिइयाङ ल्योङ इङइङन्या ङा:स्यायाङ तचिइ ठक्क लेऊ, ओटन धन्याबाद यांस्यु ओ बै नकाङल हाल नाएन्या आग्या आयोवाङ। 8ओटन रुयाङ कैस्यु वाङवाङ, ओटन कैस्यु रा:सयलन्या कलाएयाङ साट वटा घोनल फाङ रासिमौ। 9नङं छ्योअछ्योअ चार हजार ल्हेपाङ लेवाङ। 10नकाङजन बिदा यांस्यु, ओटन रां आसिइयाङसं डोङ्गाल चरिस्यु दलमनुथाला जिल्लाल हिन्वाङ।
फरिसीयाङै अचम्मला कामयाङ रानिंन्या
मत्ती १६:१-४
11फरिसीयाङ येशु ल्योङ रा: स्यु ओलसं छ्योङौ तअसिवाङ ओटन ओलजन अल्चिऊ नाल्ट ओलसं स्वर्गला तोलोअ अचम्मला कामयाङ नीवाङ।#मत्ती १२:३८; लूका ११:१६ 12आआत्मालन ल्होन्या सअ पलिईस्यु येशुले ऐआढोवाङ, “आका पुस्ताले दानाङ अचम्मला कामयाङ रोंकौ? मछ्यु ङा जेजन पानस्याच्या ईका पुस्ताजन नैज अचम्मला कामयाङ यांन्यामालेसिदी।”#मत्ती १२:३९; लूका ११:२९ 13ओटन ओले बिदा यांस्यु डोङ्गाल चरीउ ओटन हुदिफन्ट हिनौ।
फरिसीयाङ सनर हेरोदल सोडा
मत्ती १६:५-१२
14येशुल सिइयाङै रा:सं भरेई होनन्या राम्योकौ, ओटन डोङ्गाल नकाङसं जम्मा तोलोअ याएज भरेई लेऊ। 15येशुले आसिइयाङजन ऐलेस्यु चेताउनी आयोवाङ, “ब्याएचिते, जे फरिसीयाङलं सोडा सनर हेरोदल सोडातन जोगाइसिच्यो।”#लूका १२:१
16नकाङ रारांल बिचार ढास्यु पानौ तअसिवाङ, गे सकाए ता भरेई माल्दी, नैताइस्युकने नाले ईका छेन छ्योङज्याऔ ताहाहोला। 17तब येशुले ओयाङल यिङला छेन सनस्यु ऐआढोवाङ, “गे सकाए भरेई माल्दी? ओमनलेस्यु दानाङ जे छ्योङज्याच्यो? नैति जे अझ बै जेमारङचिऊ? ओटन जेमाबुजिचिऊ? नैति जे यिङ जरन्या ताइस्यु लेऊ। 18येशुले आसिइयाङजन ऐआढोवाङ, जे म्युउ लेस्यु बै दानाङ मारङच्यो? ना लेस्यु बै दानाङ माथएच्यो? नैति जे दानाङ यांका माढोच्यो?#यर्मिया ५:२१; इजकिएल १२:२; मर्कुस ४:१२ 19जब ङा भरेई पास हजारल नाल्ट ङाकलाएङु, कि जे आकलाए ख्वाए घोन फाङ जेसिम्चिऊ?” नकाङै ओलजन रांढोव, “बारं घोन।”
20“ओटन जब चार हजार रुयाङ नाल्ट ङा साट पाटा भरेई ङाकलाएङु, ओटन ख्वाए घोन फाङ जेढुदुचिऊ?” नकाङै ओलजन रांढोव, “साट घोन।”
21येशुले नकाङजन ऐआढोवाङ, “ओटन नैति जे अझ बै जेमाबुजिचिऊ।”
बेथसेदालं येशुले मारङन्या रुजन आसबेलौ
22नाल छिन्ट नकाङ बेथसेदा रांवाङ, ओटन रुयाङै तोलोअ मारङन्याजन येशु ल्योङ राहोनौ, ओटन नकाजन छुते ऐलेस्यु बिन्ति रांढोव। 23तब येशुले ना मारङन्याल कुई कोलोअस्यु नङ्गरलन बाहेर आहोनौ, ओटन नकाल म्युउल ठिल्स्यु नकाल यर्त आकुई नाएस्यु नाजन आगिनौ, “नैति नङ कोबाअ नरङनु?”
24ओटन नकाले यादेए खिमस्यु ऐलेऊ, “ङा रुयाङजन ङारङ्ङु नकाङ सिङयाङ मनताइन्या रांबाज्यान्या रङज्याङा।” 25ओटन येशुले फरि नकाल म्युउल कुई आनाटौ, ओटन नाले चान्यासं आखिमौ, ओटन सोगलै जन्तु छरलङ्गै रङौ तअसिऊ। 26तब येशुले नकाजन ऐढास्यु झिम आपरिङौ, ईका नङ्गर भितर ताहिनन्।
येशुल बारे पत्रुसले ऐआलन्या
मत्ती १६:१३-१६; लूका ९:१८-२१
27येशु सनर आ सिइयाङ कैसरिया नेराका फिलिप्पीला नङ्गर देए राहिनज्याऔक, ओले यमल आसिइयाङजन ऐलेस्यु आगिन्वाङ, “रुयाङ नै रांपानौ, ङा काङ्का?” 28नकाङै जबाक रांयोव, “नकाङ तन काङ्काङै ऐलेवाङ, ‘बप्तिस्मा यांन्या यहुन्ना।’ काङ्काङै एलिया ओटन अपुर अगमबक्ताङ मध्य तोलोअ।”#मर्कुस ६:१४-१५; लूका ९:७-८ 29तब येशुले रांजन आगिन्वाङ, “तर जे नै जेपान्चिऊ वन, ङा काङ्का?” पत्रुसले जबाक यांस्यु येशुजन ऐआढोव “नङ ख्रीस्ट नल्नु।” 30तब येशुले नकाङजन आबारेङन काङ्काईजन नैज मापानन्या आग्या आयोवाङ।
येशुले आसिन्या भबिस्यबानी आढोव
मत्ती १६:२१-२८; लूका ९:२२-२६
31“तब येशुले ह्युउन्या सुरु आढोव, रुल ज़ाल आबस्यक लेया, ओले दानाङ दुख वुरौ, ओटन यहूदी नेताङ, मुख्या पुजाउरोयाङ, सनर शास्त्रीयाङ ओलजन बिकामला यिङस्यु सएरा,” ओटन ना तिन दिन छिन्ट बान्चिस्यु सोया। 32ऐलेस्यु येशुले ईका छेन छरलङ्गै आपानौ। तर ईका थएस्यु पत्रुसले ओलजन तपोईदेए लाङस्यु आसज्याकौ। 33तर येशुले वलस्यु आ सिइयाङ लेऊदेए आखिमौ, ओटन पत्रुसजन सज्याअस्यु ऐआढोव, “ऐ सैतान, ङा सामन्दीतन लोए ताहन्ते दानाङभन्या न यिङ परमेस्वर लेऊदेए माल्दी, तर न यिङ रुयाङ लेऊदेए नजाएनु।” 34तब येशुले आसिइयाङसं हुलजन आलेऊदेए खुल्स्यु नकाङजन ऐआढोवाङ, “काङ्का रु ङाछिन्ट रारां ङप्सिकन ओले ओलजन जै, तामानिऊत्या, ओटन आक्रूस वुरस्यु ङाछिन्ट ग्यालागित्या।#मत्ती १०:३८; लूका १४:२७; यहुन्ना ६:६८-६९; ८:३४ 35दानाङभन्या जोले आपरान जोगाहौ रोंकौ नकाले ना गवाइवा, तर जोले ङामि सनर चान्याथाईल नाल्ट आपरान गवाहौ, ना ओले बचाइवा।#मत्ती १०:३९; लूका १७:३३; यहुन्ना १२:२५ 36दानाङभन्या रुले सोगलै जगत डोटौकन बै आपरान गवाहौ कन ओलजन नै फाइदा ताहौका? 37अथाबा रुले आपरानल पोत नैति यांऔ आढुदुऊका, 38यदि जो काङ्काईबै ईका ब्यबिचारी पापी पुस्ताङलं खार्ल ङा सनर ङा छेन त जो लाजह, रुल ज़ा बै आबौल महिमा त पबित्र दुतयाङसं रांन्या बेलाक नकाङजन रङस्यु लाजहा।”
ទើបបានជ្រើសរើសហើយ៖
मर्कुस 8: NTSKm25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
मर्कुस 8
8
येशुले चार हजारजन आयांइवाङ
मत्ती १५:२९-३९
1नका दिनल फरि तोलोअ घिन्या हुल दुउसिवाङ, तर नकाङसं ज्यान्या जन्तु नैज मालेव। तब येशुले आ सिइयाङजन आल्योङ खुल्स्यु ऐआढोवाङ, 2“ङाजन ईका हुलल यर्त दया रांऔ, दानाङभन्या इकाङ ङासकाए रालज्यान्या आछिम तिन दिन ताइदा, ओटन इकाङ ल्योङ ज्यान्या नैज माल्दी। 3ओटन यदि इकाङजन करेटै झिम परिङ्ङरकन थाकिस्यु यमलै बिहोस ताइरा, दानाङभन्या इकाङ तन काङ्का-काङ्काङ लोएङन रा:स्युलेरा।”
4आसिइयाङै ओलजन जबाक रांयोव, “आका काङ्काई मालन्या पोल आवाए भरेई काङन होनै, ओटन आकाङ वाङर?”
5येशुले रांजन आगिन्वाङ, “जेल्योङ ख्वाए गोटा भरेई लिज्याऔ?” ओयाङै ऐलेवाङ, “साट पाटा भरेई” 6ओटन येशुले हुलजन नामल चुङन्या हुकुम आयोवाङ, ओटन ओले साट पाटा भरेई आकुईत हिनस्यु धन्याबाद यांस्यु आकलाटौ, ओटन आसिइयाङजन यांस्यु ऐआढोवाङ, कि नकाङल हाल नाएस्योचिरते। ओटन नकाङै रुयाङल हाल रानाएस्योवाङ। 7ओटन सिइयाङ ल्योङ इङइङन्या ङा:स्यायाङ तचिइ ठक्क लेऊ, ओटन धन्याबाद यांस्यु ओ बै नकाङल हाल नाएन्या आग्या आयोवाङ। 8ओटन रुयाङ कैस्यु वाङवाङ, ओटन कैस्यु रा:सयलन्या कलाएयाङ साट वटा घोनल फाङ रासिमौ। 9नङं छ्योअछ्योअ चार हजार ल्हेपाङ लेवाङ। 10नकाङजन बिदा यांस्यु, ओटन रां आसिइयाङसं डोङ्गाल चरिस्यु दलमनुथाला जिल्लाल हिन्वाङ।
फरिसीयाङै अचम्मला कामयाङ रानिंन्या
मत्ती १६:१-४
11फरिसीयाङ येशु ल्योङ रा: स्यु ओलसं छ्योङौ तअसिवाङ ओटन ओलजन अल्चिऊ नाल्ट ओलसं स्वर्गला तोलोअ अचम्मला कामयाङ नीवाङ।#मत्ती १२:३८; लूका ११:१६ 12आआत्मालन ल्होन्या सअ पलिईस्यु येशुले ऐआढोवाङ, “आका पुस्ताले दानाङ अचम्मला कामयाङ रोंकौ? मछ्यु ङा जेजन पानस्याच्या ईका पुस्ताजन नैज अचम्मला कामयाङ यांन्यामालेसिदी।”#मत्ती १२:३९; लूका ११:२९ 13ओटन ओले बिदा यांस्यु डोङ्गाल चरीउ ओटन हुदिफन्ट हिनौ।
फरिसीयाङ सनर हेरोदल सोडा
मत्ती १६:५-१२
14येशुल सिइयाङै रा:सं भरेई होनन्या राम्योकौ, ओटन डोङ्गाल नकाङसं जम्मा तोलोअ याएज भरेई लेऊ। 15येशुले आसिइयाङजन ऐलेस्यु चेताउनी आयोवाङ, “ब्याएचिते, जे फरिसीयाङलं सोडा सनर हेरोदल सोडातन जोगाइसिच्यो।”#लूका १२:१
16नकाङ रारांल बिचार ढास्यु पानौ तअसिवाङ, गे सकाए ता भरेई माल्दी, नैताइस्युकने नाले ईका छेन छ्योङज्याऔ ताहाहोला। 17तब येशुले ओयाङल यिङला छेन सनस्यु ऐआढोवाङ, “गे सकाए भरेई माल्दी? ओमनलेस्यु दानाङ जे छ्योङज्याच्यो? नैति जे अझ बै जेमारङचिऊ? ओटन जेमाबुजिचिऊ? नैति जे यिङ जरन्या ताइस्यु लेऊ। 18येशुले आसिइयाङजन ऐआढोवाङ, जे म्युउ लेस्यु बै दानाङ मारङच्यो? ना लेस्यु बै दानाङ माथएच्यो? नैति जे दानाङ यांका माढोच्यो?#यर्मिया ५:२१; इजकिएल १२:२; मर्कुस ४:१२ 19जब ङा भरेई पास हजारल नाल्ट ङाकलाएङु, कि जे आकलाए ख्वाए घोन फाङ जेसिम्चिऊ?” नकाङै ओलजन रांढोव, “बारं घोन।”
20“ओटन जब चार हजार रुयाङ नाल्ट ङा साट पाटा भरेई ङाकलाएङु, ओटन ख्वाए घोन फाङ जेढुदुचिऊ?” नकाङै ओलजन रांढोव, “साट घोन।”
21येशुले नकाङजन ऐआढोवाङ, “ओटन नैति जे अझ बै जेमाबुजिचिऊ।”
बेथसेदालं येशुले मारङन्या रुजन आसबेलौ
22नाल छिन्ट नकाङ बेथसेदा रांवाङ, ओटन रुयाङै तोलोअ मारङन्याजन येशु ल्योङ राहोनौ, ओटन नकाजन छुते ऐलेस्यु बिन्ति रांढोव। 23तब येशुले ना मारङन्याल कुई कोलोअस्यु नङ्गरलन बाहेर आहोनौ, ओटन नकाल म्युउल ठिल्स्यु नकाल यर्त आकुई नाएस्यु नाजन आगिनौ, “नैति नङ कोबाअ नरङनु?”
24ओटन नकाले यादेए खिमस्यु ऐलेऊ, “ङा रुयाङजन ङारङ्ङु नकाङ सिङयाङ मनताइन्या रांबाज्यान्या रङज्याङा।” 25ओटन येशुले फरि नकाल म्युउल कुई आनाटौ, ओटन नाले चान्यासं आखिमौ, ओटन सोगलै जन्तु छरलङ्गै रङौ तअसिऊ। 26तब येशुले नकाजन ऐढास्यु झिम आपरिङौ, ईका नङ्गर भितर ताहिनन्।
येशुल बारे पत्रुसले ऐआलन्या
मत्ती १६:१३-१६; लूका ९:१८-२१
27येशु सनर आ सिइयाङ कैसरिया नेराका फिलिप्पीला नङ्गर देए राहिनज्याऔक, ओले यमल आसिइयाङजन ऐलेस्यु आगिन्वाङ, “रुयाङ नै रांपानौ, ङा काङ्का?” 28नकाङै जबाक रांयोव, “नकाङ तन काङ्काङै ऐलेवाङ, ‘बप्तिस्मा यांन्या यहुन्ना।’ काङ्काङै एलिया ओटन अपुर अगमबक्ताङ मध्य तोलोअ।”#मर्कुस ६:१४-१५; लूका ९:७-८ 29तब येशुले रांजन आगिन्वाङ, “तर जे नै जेपान्चिऊ वन, ङा काङ्का?” पत्रुसले जबाक यांस्यु येशुजन ऐआढोव “नङ ख्रीस्ट नल्नु।” 30तब येशुले नकाङजन आबारेङन काङ्काईजन नैज मापानन्या आग्या आयोवाङ।
येशुले आसिन्या भबिस्यबानी आढोव
मत्ती १६:२१-२८; लूका ९:२२-२६
31“तब येशुले ह्युउन्या सुरु आढोव, रुल ज़ाल आबस्यक लेया, ओले दानाङ दुख वुरौ, ओटन यहूदी नेताङ, मुख्या पुजाउरोयाङ, सनर शास्त्रीयाङ ओलजन बिकामला यिङस्यु सएरा,” ओटन ना तिन दिन छिन्ट बान्चिस्यु सोया। 32ऐलेस्यु येशुले ईका छेन छरलङ्गै आपानौ। तर ईका थएस्यु पत्रुसले ओलजन तपोईदेए लाङस्यु आसज्याकौ। 33तर येशुले वलस्यु आ सिइयाङ लेऊदेए आखिमौ, ओटन पत्रुसजन सज्याअस्यु ऐआढोव, “ऐ सैतान, ङा सामन्दीतन लोए ताहन्ते दानाङभन्या न यिङ परमेस्वर लेऊदेए माल्दी, तर न यिङ रुयाङ लेऊदेए नजाएनु।” 34तब येशुले आसिइयाङसं हुलजन आलेऊदेए खुल्स्यु नकाङजन ऐआढोवाङ, “काङ्का रु ङाछिन्ट रारां ङप्सिकन ओले ओलजन जै, तामानिऊत्या, ओटन आक्रूस वुरस्यु ङाछिन्ट ग्यालागित्या।#मत्ती १०:३८; लूका १४:२७; यहुन्ना ६:६८-६९; ८:३४ 35दानाङभन्या जोले आपरान जोगाहौ रोंकौ नकाले ना गवाइवा, तर जोले ङामि सनर चान्याथाईल नाल्ट आपरान गवाहौ, ना ओले बचाइवा।#मत्ती १०:३९; लूका १७:३३; यहुन्ना १२:२५ 36दानाङभन्या रुले सोगलै जगत डोटौकन बै आपरान गवाहौ कन ओलजन नै फाइदा ताहौका? 37अथाबा रुले आपरानल पोत नैति यांऔ आढुदुऊका, 38यदि जो काङ्काईबै ईका ब्यबिचारी पापी पुस्ताङलं खार्ल ङा सनर ङा छेन त जो लाजह, रुल ज़ा बै आबौल महिमा त पबित्र दुतयाङसं रांन्या बेलाक नकाङजन रङस्यु लाजहा।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025