यहुन्ना किटापल आशई
किटापल आशई
यहुन्नाल चान्याथाई अनुसार छार नियामला चार गोटा किटापयाङ मध्य ईका तोलोअ हो। जोले येशु ख्रीस्टल जिबनजन पान्वा। नकाङ मध्य सोगलैजन “चान्याथाई” ऐढासिया जोल अर्थ “चान्याथाई” हो। नकाङ मत्ती, मर्कुसं, लूका सनर यहुन्नाङन येशु आसिऊ छिन्ट रा:सरौ, यहुन्नाल अनुसार ईका चान्याथाई लगभग ख्रीस्टल जन्म आटाहौल ९० बर्स छिन्ट प्रेरित यहुन्नाले आसरौ हो। किटाप सरन्या यहुन्ना ज्या ऐमालेकन बै सरन्या शैली १ यहुन्ना, २ यहुन्ना ओटन ३ यहुन्नाल अछेरयाङस मिलिन्या लेया। ख्वाएयाए ऐका सरन्याङै नका बेला यहुन्नाजन एफिसस सहरल नाएस्यु लेवाङ नैताइस्यु ईका किटाप एफिससलं सरसिन्या ताहौ ढुदुवा। यहुन्नाले प्रस्टै सकाए ईका किटापल मुख्या उदश्य रुयाङजन येशु जै ख्रीस्ट जिङदा परमेस्वरलं ज़ा हो, ऐलेन्या बिस्वास ढास्यु गे ओलं मिनतन जिबन डोटौ ढुदुया। ईका किटाप यहूदी, सनर गैरहूदी परिन्याल नाल्ट सरसिऊ हो। यहुन्नाल चान्याथाई अपुर तिन गोटा चान्याथाईतन तबर फरक लेया। ओले येशुले आढान्या चमत्कारयाङत ध्यान आलाहौ। ओटन ओलं आहानयाङल बारेङन तबर मासरदा। येशुल बप्तिस्मा सनर हरहर ताइन्या पोल प्रलोबन मनताइन्या अपुर मुख्या घटनाङ बै ईका चान्याथाईल सरसिस्यु मालरदी।
रुप रेखा:
यहुन्नाले चान्याथाई सुरु ढोवा। अध्याय १:१-१८
ओलं छिन्ट यहुन्नाले येशुले आढान्या चमत्कारयाङ १:१९; १२:५०
ओलं छिन्ट ओले येशुले जिबनल तबर घटनाङ पानस्यु नाएवा, जो ओ आसिन्या सनर पुनरुत्थानङ तापा १३:१; २०:३१
यहुन्नाले अध्याय २१ ल चान्याथाईल अनत्य जाएवा, जब येशु सिन्याङ्ङन बौरिस्यु सोया पाइना रुयाङ ल्यौक रंनौ। ओटन ओलं छिन्ट किटाप सरसिन्याल उदश्य आपानौ।
ទើបបានជ្រើសរើសហើយ៖
यहुन्ना किटापल आशई: NTSKm25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025