Maku 16
16
Kubika ku Yesu
(Matayi 28:1-8; Luka 24:1-12; Yone 20:1-10)
1Hakatamba mutshila wu sabatu, Maliyi uku Magadala bo Maliyi mamandi wu Yakobu yi Salome bakaya kola manyi a nsunga ilengela a nganga ukola bu kuya kuela Yesu hambidi. 2Dialumingu habutshi, kubushi ku diba kutambuka, bakayi ku ngita. 3Bakaduebu bayayi mu shila bakokoshangana. “Nganyi uya tubunguluishila dibu didi diteka ha mushiku wu ngite?” 4Kadi hakabishebu hala, bakamona dibu dite dibungulukishi ku mbambadi dikadu dilema. 5Neku bakabuela munda mu ngita; muamu, bakamona songalumi muhona ku dikatshi di babalumi muluata mundela ukubuka, bowu bukabakuata.
6Neku songalumi ukabambila ne: “Kanofu bowu!” nuatshieba Yesu wu mu nasaleta ukasebu misumadi; kena haha, wabika ku bashandi. Wabika monayi muaba ukaduebu bamuladikishi. 7#Mat 26:32; Mk 14:28.Yakayi nuambile balongi bandi bo Petelu ne: ‘Umanayi kubushi kuenu mu Ngalela; kuaku, kakunuya mumona bu muka nuambileyi.’”
8Neku, bakatambuka manyangu ku ngita bakakala lubilu, bualu bakadu batshina yi kudita, kabambila mutu bualu, bualu bakadu bo bowu.#16:9-20 Bualu bu ku mutshuMifundu minga bo mikanda minga mihindula yi bilendi kayena bo musahuewu(Fesa 9-20).
Yesu wamuenekela Maliyi uku Magadala
(Matayi 28:9-10; Yone 20:11-18)
9Hakabika Yesu ku bashandi mutshila wu lumingu, ukamueneka kubushi kudi Maliyi uku Magadala ukatambuleyi nyinga mibodu muanda mutekete munda. 10Yeyi, ukaya kuambila bayidi bandi bo batu bakadueyi nabu, bakadu babila kudila. 11Hakofuebu mukanu mu Maliyi uku magadala ne Yesu udi bo moyi yeyi ukamumona, bakahidi kumuataboshi.
Yesu wamuenyekela bayidi bandi babidi
(Luka 24:13-35)
12Kunyima Yesu ukamuenyeka mumushindu munga kudi bayidi bakadu mu shila bayayi mu tshibidi. 13Bakadu bahinga, bukuduakuambila bayidi banga bakadu bashala musahu, kadi bobu kababatabushi bi.
Yesu udiabebeshi kudi bayidi bandi disandi yi umu
(Matayi 28:16-20; Luka 24:36-49; Yone 20:19-23; Biesedi 1:6-8)
14Hakahu malu bundi buawu, Yesu ukamuenekela bayidi bandi disandi yi umu hakaduebu badiadi. Ukababolokela bikola bu kuhangu kuabu ku kuatabushi meyi a bakamona mukabikeyi ku bashandi. 15#Bies 1:8.Kunyima ukabambila ne: “Yakayi mu mangandu bundi buawu, nuyishi Musahu Ulengela kudi batu bundi buabu. 16Una kuataboshi Musahu Ulengela uya batishibu, neku uya sungidibu, kadi unabi kuataboshi, uyabuaka. 17Monayi banakuataboshi bihingu bi hakayabi binakuesebu: Bayakuahata nyinga mibodu mu dina diami, bayatueyi miakulu mihiamihi; 18Bayakuata nyoka bo makatshi, bayanu nyonga yi bululu yi lufu, kadi kayina besela bualu bubodu.”
Yesu wabanda mu diwulu
(Luka 24:50-53; Biesedi 1:9-11)
19 #
Bies 1:9-11. Hakamana Yesu kubambila maluawu, baka mubishi mu diwulu neku ukashakama ku dikatshi di babalumi di Tshiambi. 20Neku anu hahu, bayidi bakayi bukuya kuamba Musahu Ulengela mu mangandu bundi buawu. Shashendi ukadu ubaseseshi mudimu, buku shadika ne Musahu wandi mu bihungu bina kuesebu.#16:9-10 Bualu bu ku mutshu Mikanda minga mihindula yi bilendi kayena bo musahuewu (Fesa 9-20).
(16:9-10)
ទើបបានជ្រើសរើសហើយ៖
Maku 16: KBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International