Luka 8
8
Babakashi bayayi bu kufila Yesu
1Kunyuma ku tshitayi, Yesu ukayi mu mangandu bo mu mala bu kuamba bo kuyishi Musahu Ulengela wu bushashendi bu Tshiambi. Bayidi disandi yi babidi bakayi nandi, 2#Mat 27:55-56; Mk 15:40-41; Lk 23:49.neku babakashi banga bakatambuleyi nyinga mibodu munda bo bakondoheyi mbabala yabu: Mali ( ukaduebu balela ne muena Magadala), ukatambulebu ba demona muandamuteketa; 3Yowana mukashi wu Kusa, mulami wu bitu bi Heloda; ibo Susana, bo babakashi banga bandi bakadu bambuambuluishi Yesu bo bitu biabu ibo bayidi bandi.
Mukunda wu mumiaminyi wu shanga
(Matayi 13:1-9; Maku 4:1-9)
4Tshieya batu bakadu mu mangandu osu kudi Yesu. Hakaduebu badiasangishi, ukabelela mukunda ne:
5“Mutu ukayi mu tshibidi tshiandi bu kumiamina shanga. Hakadueyi wuyamiamina, tshitshinyi tshi shanga tshikamata mu shila. Batu bakayidiata ibo tunyinyi tu ka sokola minga. 6Tshitshinyi tshi shanga tshinga tshikamata ha buloba bukadu bo mabu, hakatolokayi, yikafuba mu tshitayi tshiatshinyi bualu kayadu bo tshitelelu ku mishu. 7Tshitshinyi tshinga tshikamata mu misusuyi, ikatoloka bo mubidi ulengela ha tshitayi tshiatshinyi, bakayi hudishi.
8Neku tshitshinyi tshinga tshikamata ha buloba bulengela, shanga ikatoloka, ikela bimuma: “Minga ikela bimuma lukama kufudishi ku lukama.”
Hakamaneyi kutueyi neku ukabambila ne: “Udi bo matshu a kofu ofu biandi!”
Bukayi Yesu ukatuatueyi mu mikunda
(Matayi 13:10-17; Maku 4:10-12)
9Bayidi ba Yesu baka mokoshi tshikadu mukundewu wafofueshi. 10#Yesh 6:9-10.Yeyi ukabakudumuna ne: “Nuenu bakanuha lukanyi luku shingulula nalu malu masokomeshi a mu bushashendi bu Tshiambi; neku banga batu babambiambila malu anu mu mikunda, neku ha tshiobokebu kabashimona, ha fudikishebu kabashi kofu tshitu.
Yesu wafofueshi mukunda wu mumiaminyi
(Matayi 13:18-23; Maku 4:13-20)
11“Ofuayi tshia fofueshi mukundewu: shanga idi musahu ulengela wu Tshiambi. 12Shanga ikamata mu shila; idi batu bafofu musahu ulengela, kadi diabolo uduadu, wabatambula musahu ewu mu mitshima yabu, bua kabadiundi bu ku bahanguishi mu kusungidibu. 13Ikamata mu buloba bu mabu, idi batu bafofu musahu ulengela bawatataboshi yi diyangi diosu. Neku kabashi uletshiela ne wela mishu, bawatataboshi mu tshitayi tshiatshinyi, mu tshitshietshi tshi mutanda bawaletshiela. 14Ikamata mu misusuyi, idi batu ba fofu musahu ulengela, kadi bu mashinga, budiyi bo mayangi a ha buloba abahumbishi ku malu abu ha buloba, neku kawushikuama bimuma bihi mu ditabusha. 15Shanga ikamata mu buloba bulengela, idi batu ba fofu musahu ulengela, ba wabueshi mu mutshima, bawalama malonga neku balela bimuma bindi bilema bu kusuminyina kuabu.
Mukunda wu muendu
(Maku 4:21-25)
16 #
Mat 5:15; Lk 11:33. “Mutu kena mu kutemeshi muendu buku usokomeshi mu musheta nashi buku ubueshi mushi mu bulalu, kadi, uwateka mulembeleshi kulu bua ukubukishi mu subu mosu bune babuela mu subu bamona bukubuka buawu.
17 #
Mat 10:26; Lk 12:2. “Neku kakuena tshitu tshidi tshisokomeshi tshitana sokolodibu, bitu biosu bidi bisokomeshi biya tambuka hakubuka mu munyinyi.
18 #
Mat 25:29; Lk 19:26. “Neku wakalayi bo buanyi mu mushindu wenu wu kofu! Bualu mutu udi bo tshitu baya muha tshinga; kadi utashi bo tshitu, baya mutambula nashi tshiatshinyi tshidieyi natshi.”
Mamandi wu Yesu bo bana babu
(Matayi 12:46-50; Maku 3:31-35)
19Mamandi wu Yesu bo bana babu bakadu buku mumona, kadi bakahangu mukushekeshi hahiehi nandi bu bundi bu batu bakadu hahu. 20Mutu munga ukayi kudi Yesu ukamuambila ne: “Mamiebi bo bana benu badi kushi batshieba kukumona.” 21Kadi Yesu uka bakudumuna ne: “Mama bo bana betu, kababa bafofu bo basesa muambamba Tshiambi.”
Yesu wabatamishi Luhehele
(Matayi 8:23-27; Maku 4:35-41)
22Mutshila munga Yesu ukabuela mu buatu bo bayidi bandi uka bambila ne: “Tuyakayi dishiyi dinga di mayi.” Neku bakayi. 23Hakaduebu basaboka, Yesu ukalala tulu. Amu hahu, luhehela lukola lukabika hanandi ha mayi; mayi akabuela mu buatu buka tshieba kudina. 24Bayidi bakashekeshi hahiehi bo Yesu baka mubishi ne: “Muyishi, muyishi tuadina mu mayi!”
Yesu ukabika, uka bolokela luhehela bo mafuala, bikabatama holuaa. 25Yesu ukokoshi bayidi bandi ne: “Kuataboshi kuenu kuheye?” Kadi bobu bakatshina, bakakema, bakokoshangana ne: “Yewu mutu kaye? Wambamba diyi luhehela bo mafuala bimuatumikila!”
1 Yesu wandondoha mutu muakala bo demona munda
(Matayi 8:28-34; Maku 5:1-20)
26Yesu bo bayidi bandi bakayi ku mangandu a mu Gelasa, #8:26 Gelasaakadu hahiehi bo Ngalela matshiobokangana 27Hakatuluka Yesu mu buatu; mutu muamulumi wu mu bulamu ukadu bo ba demona munda bilendi ukadieshi nandi. Katshi ku tshitshietshi tshi bilendi kanyi kanyi, kadu washakama mu subu bo kadu waluata mindala, ukadu washakama mu ngita. 28Hakamoneyi Yesu, ukela diyi, uka shakama ku makasa andi neku ukela diyi dikola ne: “Yesu Muana wu Tshiambi muena kulu, watshieba nami kaye? Nakualomba ne kuamoneshi mutanda bi!” 29Neku, Yesu ukambila nyinga mibodu, bukutambukayi munda mu mutuawu, bualu yi kashekama munda muandi imuateteshi ku tshitayi ku tshitayi. Bakadu bamuakanda makatshi bo makasa yi kanu bu ku mulama, kadi nyinga mibodu yikadu yakala biosuebi ne ikadu yimuatuma anu mu miaba miomu.
30Yesu ukamokoshi ne: “Dina diebi nganyie?” Uka mukudumuna ne: Dina diami nadi lengona, bualu demona mindi ikadu mibuela mu difu diandi. 31Neku nyinga mibodu ikasengule Yesu ikamba ne: #8:31 8:31 Bubodu “Kutuahatshi buku tuela mu luhongu lutashi bo kusula.”
32Neku muabawu ha luhongu hakadu ngulubi mindi yabila kufundula bu kudi. Demona ika sengula Yesu. Wataboshi tubuela munda mu ngulubieyi, ukayataboshela. 33Neku nyinga mibodu yosu ikatambuka munda mu mutu, ikaya buela munda mu ngulubi. Neku ngulubi yosu ikahulumuka manyangu manyangu ikaya diela mu mayi ikadina mu dishiba.
34Balami ba ngulubiayiayi hakamonebu tshikeseka, bakakala mbilu, bakadudula musahu mu bula bo mu mangandu osu. 35Batu banga bakadu bukumona tshikeseka. Hakashekeshi hahiehi bo Yesu, bakasangana mutu ukatambuka demona munda mushakami ku makasa a Yesu, muluata mindala, mushekami malonga, lukanyi luandi luhingangana ha muaba walu, neku bowu bukabakuata bosu. 36Bakamona malu awu bakabambila batu banga mukadu mutuewu mukuatshiki demona huaa yi muka mondohebu. 37Neku batu bakadu bashakama mu bula bu Gelasa bo mala akadu hahiehi, bakambila Yesu ne tambuka hahu, yaka kuenu bualu bakadu yi bowu. Neku Yesu ukabuela mu buatu ukahingangana. 38Mutu ukatambulebu demona munda uka sengola Yesu ne: “Wataboshi bua kulamate.”
Kadi Yesu uka muhingishi ukamba ne: 39“Hingangana kuebi, wambila batu malu osu akuesela Tshiambi.” Mutu ukahingangana, ukambila mangandu bundi buawu malu alema aka muesela Yesu.
Muana wu babakashi wu Yayilo bo mua mukashi ukakoha mundala wu Yesu
(Matayi 9:18-26; Maku 5:21-43)
40Yesu hakahingeyi dishiyi di dishiha, tshieyi wu batu ukadua muakidila bualu bakadu ba muakundi. 41Mutu munga dina diandi Yayilo ukadu nkolomu wu sunangonga. Ukadiela ku makasa a Yesu uka musengula ne tuyaka mu subu muami, 42bualu ukadu bo muana wu babakashi umu ukadu bo bitshietshi bu ku disandi yi bibidi, ukadu watshiaba kufu. Hakadu Yesu wadika tshieya batu ukadu mu mutshimbidila.
43Ha muabawu hakadu kabidi mua mukashi bo mbabala yi mashi atambuka mitshiyi huaa disandi yi ibidi. Ukadu umana dudula bitu biosu bikadueyi nabi kudi ba ngangabuka,#8:43 kadi mutu kadieshi mu kumana mbabala ikadueyi nayi. 44Ukashekeshi hahiehi bo Yesu, ukatshimba kunyuma kuandi neku uka koha disemba di mundala ukadueyi muluata, mu tshitayi tshiatshinyi mashi akadu atambuka akakama. 45Neku Yesu ukokoshi ne: “Ngenyi uhukohe?” Bosu bakadu hahu bakafila, kadi Petelu uka muambila ne: “Muyishi, tshieyi wu batu muku tshimbidila neku, banga bakua tshitshi kuku yi kuaku.”
46Kadi Yesu ukamba ne: “Mutu uhukoha, bualu nafofu ne ngudu minga yatambuka mu mimi.” 47Muamukashi ukamona ne bahulubuka, Ukadu yi kudita, ukadiela ku makasa a Yesu. Ukabanga kumuambila kubushi ku batu bosu bukayi uka mukoha, bo mushindu ukahu mbabala yandi amu hahu. 48Neku Yesu ukamuambila ne: “Munami wu babakashi, kuataboshi kuebi kua kusungila. Yaka holuaa!”
49Hakadu Yesu utshiatueyi, mutu umu uku bena mudimu ba nkolomu wu mu sunangonga ukadu ukambila Yayilo ne: “Munebi wu babakashi umanafu, letshiela kutateshi muyishi kanana.”
50Kadi hakofu Yesu, ukambila Yayilo ne: “Kofu bowu bi, wataboshi kanana, neku munebi wu babashi uyakofu malonga.”
51Hakafika Yesu ku subu, kataboshi ne mutu munga ubuela nabu mu subu, anu Petelu, Yone, Yakobu, tatandi bo mamandi wu muena mbabala. 52Batu bosu bakadu badila, yi kutangula bu muana. Neku Yesu ukamba ne: “Kanudidi bi, bualu muana kena mufu, kadi udi mulala tulu.”
53Batu bosu baka musaka, bualu bakalubuka ne ukadu umanafu. 54Neku Yesu uka kuata songakashi ku dikatshi ukamuambila bo diyi dikola ne: “Munami, wamana kulu!” 55Amu hahu ukabika, nyinga wandi ukabanga kueyekana, kunyuma Yesu ukabambila ne muhayi bitu bikudi. 56Baledi ba muana baka kema bikola; kadi Yesu ukabambila bikola ne kanuambidi mutu bualu buhuesekebu.
ទើបបានជ្រើសរើសហើយ៖
Luka 8: KBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
Luka 8
8
Babakashi bayayi bu kufila Yesu
1Kunyuma ku tshitayi, Yesu ukayi mu mangandu bo mu mala bu kuamba bo kuyishi Musahu Ulengela wu bushashendi bu Tshiambi. Bayidi disandi yi babidi bakayi nandi, 2#Mat 27:55-56; Mk 15:40-41; Lk 23:49.neku babakashi banga bakatambuleyi nyinga mibodu munda bo bakondoheyi mbabala yabu: Mali ( ukaduebu balela ne muena Magadala), ukatambulebu ba demona muandamuteketa; 3Yowana mukashi wu Kusa, mulami wu bitu bi Heloda; ibo Susana, bo babakashi banga bandi bakadu bambuambuluishi Yesu bo bitu biabu ibo bayidi bandi.
Mukunda wu mumiaminyi wu shanga
(Matayi 13:1-9; Maku 4:1-9)
4Tshieya batu bakadu mu mangandu osu kudi Yesu. Hakaduebu badiasangishi, ukabelela mukunda ne:
5“Mutu ukayi mu tshibidi tshiandi bu kumiamina shanga. Hakadueyi wuyamiamina, tshitshinyi tshi shanga tshikamata mu shila. Batu bakayidiata ibo tunyinyi tu ka sokola minga. 6Tshitshinyi tshi shanga tshinga tshikamata ha buloba bukadu bo mabu, hakatolokayi, yikafuba mu tshitayi tshiatshinyi bualu kayadu bo tshitelelu ku mishu. 7Tshitshinyi tshinga tshikamata mu misusuyi, ikatoloka bo mubidi ulengela ha tshitayi tshiatshinyi, bakayi hudishi.
8Neku tshitshinyi tshinga tshikamata ha buloba bulengela, shanga ikatoloka, ikela bimuma: “Minga ikela bimuma lukama kufudishi ku lukama.”
Hakamaneyi kutueyi neku ukabambila ne: “Udi bo matshu a kofu ofu biandi!”
Bukayi Yesu ukatuatueyi mu mikunda
(Matayi 13:10-17; Maku 4:10-12)
9Bayidi ba Yesu baka mokoshi tshikadu mukundewu wafofueshi. 10#Yesh 6:9-10.Yeyi ukabakudumuna ne: “Nuenu bakanuha lukanyi luku shingulula nalu malu masokomeshi a mu bushashendi bu Tshiambi; neku banga batu babambiambila malu anu mu mikunda, neku ha tshiobokebu kabashimona, ha fudikishebu kabashi kofu tshitu.
Yesu wafofueshi mukunda wu mumiaminyi
(Matayi 13:18-23; Maku 4:13-20)
11“Ofuayi tshia fofueshi mukundewu: shanga idi musahu ulengela wu Tshiambi. 12Shanga ikamata mu shila; idi batu bafofu musahu ulengela, kadi diabolo uduadu, wabatambula musahu ewu mu mitshima yabu, bua kabadiundi bu ku bahanguishi mu kusungidibu. 13Ikamata mu buloba bu mabu, idi batu bafofu musahu ulengela bawatataboshi yi diyangi diosu. Neku kabashi uletshiela ne wela mishu, bawatataboshi mu tshitayi tshiatshinyi, mu tshitshietshi tshi mutanda bawaletshiela. 14Ikamata mu misusuyi, idi batu ba fofu musahu ulengela, kadi bu mashinga, budiyi bo mayangi a ha buloba abahumbishi ku malu abu ha buloba, neku kawushikuama bimuma bihi mu ditabusha. 15Shanga ikamata mu buloba bulengela, idi batu ba fofu musahu ulengela, ba wabueshi mu mutshima, bawalama malonga neku balela bimuma bindi bilema bu kusuminyina kuabu.
Mukunda wu muendu
(Maku 4:21-25)
16 #
Mat 5:15; Lk 11:33. “Mutu kena mu kutemeshi muendu buku usokomeshi mu musheta nashi buku ubueshi mushi mu bulalu, kadi, uwateka mulembeleshi kulu bua ukubukishi mu subu mosu bune babuela mu subu bamona bukubuka buawu.
17 #
Mat 10:26; Lk 12:2. “Neku kakuena tshitu tshidi tshisokomeshi tshitana sokolodibu, bitu biosu bidi bisokomeshi biya tambuka hakubuka mu munyinyi.
18 #
Mat 25:29; Lk 19:26. “Neku wakalayi bo buanyi mu mushindu wenu wu kofu! Bualu mutu udi bo tshitu baya muha tshinga; kadi utashi bo tshitu, baya mutambula nashi tshiatshinyi tshidieyi natshi.”
Mamandi wu Yesu bo bana babu
(Matayi 12:46-50; Maku 3:31-35)
19Mamandi wu Yesu bo bana babu bakadu buku mumona, kadi bakahangu mukushekeshi hahiehi nandi bu bundi bu batu bakadu hahu. 20Mutu munga ukayi kudi Yesu ukamuambila ne: “Mamiebi bo bana benu badi kushi batshieba kukumona.” 21Kadi Yesu uka bakudumuna ne: “Mama bo bana betu, kababa bafofu bo basesa muambamba Tshiambi.”
Yesu wabatamishi Luhehele
(Matayi 8:23-27; Maku 4:35-41)
22Mutshila munga Yesu ukabuela mu buatu bo bayidi bandi uka bambila ne: “Tuyakayi dishiyi dinga di mayi.” Neku bakayi. 23Hakaduebu basaboka, Yesu ukalala tulu. Amu hahu, luhehela lukola lukabika hanandi ha mayi; mayi akabuela mu buatu buka tshieba kudina. 24Bayidi bakashekeshi hahiehi bo Yesu baka mubishi ne: “Muyishi, muyishi tuadina mu mayi!”
Yesu ukabika, uka bolokela luhehela bo mafuala, bikabatama holuaa. 25Yesu ukokoshi bayidi bandi ne: “Kuataboshi kuenu kuheye?” Kadi bobu bakatshina, bakakema, bakokoshangana ne: “Yewu mutu kaye? Wambamba diyi luhehela bo mafuala bimuatumikila!”
1 Yesu wandondoha mutu muakala bo demona munda
(Matayi 8:28-34; Maku 5:1-20)
26Yesu bo bayidi bandi bakayi ku mangandu a mu Gelasa, #8:26 Gelasaakadu hahiehi bo Ngalela matshiobokangana 27Hakatuluka Yesu mu buatu; mutu muamulumi wu mu bulamu ukadu bo ba demona munda bilendi ukadieshi nandi. Katshi ku tshitshietshi tshi bilendi kanyi kanyi, kadu washakama mu subu bo kadu waluata mindala, ukadu washakama mu ngita. 28Hakamoneyi Yesu, ukela diyi, uka shakama ku makasa andi neku ukela diyi dikola ne: “Yesu Muana wu Tshiambi muena kulu, watshieba nami kaye? Nakualomba ne kuamoneshi mutanda bi!” 29Neku, Yesu ukambila nyinga mibodu, bukutambukayi munda mu mutuawu, bualu yi kashekama munda muandi imuateteshi ku tshitayi ku tshitayi. Bakadu bamuakanda makatshi bo makasa yi kanu bu ku mulama, kadi nyinga mibodu yikadu yakala biosuebi ne ikadu yimuatuma anu mu miaba miomu.
30Yesu ukamokoshi ne: “Dina diebi nganyie?” Uka mukudumuna ne: Dina diami nadi lengona, bualu demona mindi ikadu mibuela mu difu diandi. 31Neku nyinga mibodu ikasengule Yesu ikamba ne: #8:31 8:31 Bubodu “Kutuahatshi buku tuela mu luhongu lutashi bo kusula.”
32Neku muabawu ha luhongu hakadu ngulubi mindi yabila kufundula bu kudi. Demona ika sengula Yesu. Wataboshi tubuela munda mu ngulubieyi, ukayataboshela. 33Neku nyinga mibodu yosu ikatambuka munda mu mutu, ikaya buela munda mu ngulubi. Neku ngulubi yosu ikahulumuka manyangu manyangu ikaya diela mu mayi ikadina mu dishiba.
34Balami ba ngulubiayiayi hakamonebu tshikeseka, bakakala mbilu, bakadudula musahu mu bula bo mu mangandu osu. 35Batu banga bakadu bukumona tshikeseka. Hakashekeshi hahiehi bo Yesu, bakasangana mutu ukatambuka demona munda mushakami ku makasa a Yesu, muluata mindala, mushekami malonga, lukanyi luandi luhingangana ha muaba walu, neku bowu bukabakuata bosu. 36Bakamona malu awu bakabambila batu banga mukadu mutuewu mukuatshiki demona huaa yi muka mondohebu. 37Neku batu bakadu bashakama mu bula bu Gelasa bo mala akadu hahiehi, bakambila Yesu ne tambuka hahu, yaka kuenu bualu bakadu yi bowu. Neku Yesu ukabuela mu buatu ukahingangana. 38Mutu ukatambulebu demona munda uka sengola Yesu ne: “Wataboshi bua kulamate.”
Kadi Yesu uka muhingishi ukamba ne: 39“Hingangana kuebi, wambila batu malu osu akuesela Tshiambi.” Mutu ukahingangana, ukambila mangandu bundi buawu malu alema aka muesela Yesu.
Muana wu babakashi wu Yayilo bo mua mukashi ukakoha mundala wu Yesu
(Matayi 9:18-26; Maku 5:21-43)
40Yesu hakahingeyi dishiyi di dishiha, tshieyi wu batu ukadua muakidila bualu bakadu ba muakundi. 41Mutu munga dina diandi Yayilo ukadu nkolomu wu sunangonga. Ukadiela ku makasa a Yesu uka musengula ne tuyaka mu subu muami, 42bualu ukadu bo muana wu babakashi umu ukadu bo bitshietshi bu ku disandi yi bibidi, ukadu watshiaba kufu. Hakadu Yesu wadika tshieya batu ukadu mu mutshimbidila.
43Ha muabawu hakadu kabidi mua mukashi bo mbabala yi mashi atambuka mitshiyi huaa disandi yi ibidi. Ukadu umana dudula bitu biosu bikadueyi nabi kudi ba ngangabuka,#8:43 kadi mutu kadieshi mu kumana mbabala ikadueyi nayi. 44Ukashekeshi hahiehi bo Yesu, ukatshimba kunyuma kuandi neku uka koha disemba di mundala ukadueyi muluata, mu tshitayi tshiatshinyi mashi akadu atambuka akakama. 45Neku Yesu ukokoshi ne: “Ngenyi uhukohe?” Bosu bakadu hahu bakafila, kadi Petelu uka muambila ne: “Muyishi, tshieyi wu batu muku tshimbidila neku, banga bakua tshitshi kuku yi kuaku.”
46Kadi Yesu ukamba ne: “Mutu uhukoha, bualu nafofu ne ngudu minga yatambuka mu mimi.” 47Muamukashi ukamona ne bahulubuka, Ukadu yi kudita, ukadiela ku makasa a Yesu. Ukabanga kumuambila kubushi ku batu bosu bukayi uka mukoha, bo mushindu ukahu mbabala yandi amu hahu. 48Neku Yesu ukamuambila ne: “Munami wu babakashi, kuataboshi kuebi kua kusungila. Yaka holuaa!”
49Hakadu Yesu utshiatueyi, mutu umu uku bena mudimu ba nkolomu wu mu sunangonga ukadu ukambila Yayilo ne: “Munebi wu babakashi umanafu, letshiela kutateshi muyishi kanana.”
50Kadi hakofu Yesu, ukambila Yayilo ne: “Kofu bowu bi, wataboshi kanana, neku munebi wu babashi uyakofu malonga.”
51Hakafika Yesu ku subu, kataboshi ne mutu munga ubuela nabu mu subu, anu Petelu, Yone, Yakobu, tatandi bo mamandi wu muena mbabala. 52Batu bosu bakadu badila, yi kutangula bu muana. Neku Yesu ukamba ne: “Kanudidi bi, bualu muana kena mufu, kadi udi mulala tulu.”
53Batu bosu baka musaka, bualu bakalubuka ne ukadu umanafu. 54Neku Yesu uka kuata songakashi ku dikatshi ukamuambila bo diyi dikola ne: “Munami, wamana kulu!” 55Amu hahu ukabika, nyinga wandi ukabanga kueyekana, kunyuma Yesu ukabambila ne muhayi bitu bikudi. 56Baledi ba muana baka kema bikola; kadi Yesu ukabambila bikola ne kanuambidi mutu bualu buhuesekebu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International