Luka 13
13
Kukudumuka ku malu mabodu anyi kufu
1Hatshitshietshiatshi, kukadu batu bakambila Yesu malu osu akesela Pilatu bena Ngalela. Mushindu kayi ukasangishi Pilatu mashi abu bo a milambu ikalembolebu kudi Tshiambi. 2Yesu ukabakudumuna ne: “Nualela lukanyi ne, bena Ngalela bakashihebu, bakadu besa bubodu bulema kudika bena Ngalela badi bashala bo moye? 3Bii nanuambiambila! Neku mbe kanukudumukila ku bilela bienu bibodu bosu nuyafu mushindu umu nabu. 4Bo bualu bunga, batu disandi bo muandamukulu bakashihebu kudi tshihidi tshi subu wu tshilala kulu wu mu Silewona, nualela lukanyi ne bakadu babodu kudika batu bosu ba mu Yelushaleme? 5Bii, nanuambiambila! Neku mbe kanukudumukila ku bilela bienu bibodu nuyafu bosu mushindu umu nabu.”
Mukunda wu mutshi wu Tshikuyi
6Kunyumaku, Yesu ukabela mukunda ne: “Mutu ukadu bo mutshi wu tshikuyi mukuna mu tshibidi tshi bimuma bi finyo. Ukadu uduadu bu kutshieba bimuma, neku kabisangana. 7Neku ukambila muena mudimu wu mu tshibidi ne: ‘Mona! Kumanadika mitshiyi isatu, naduadu bu kutshieba bimuma ku mutshi uwu tshishi bisangana. Wukala! Bukayi, wanona buloba kanane?’ 8Neku muena mudimu wu tshibidi uka mukudumuna ne: ‘Nkolomu, mana uletshiela kabidi mutshiyi uwu; naya kombola buloba kumbambadi kuawu, mana udishi yi bufuka. 9Neku, misangu minga udi mukuela bimuma mutshiyi unadu. Mbe kawelela kabidi unashika ukala.’ ”
Mutshila wu Sabatu, Yesu wamana mbabala yi muamukashi ukadu bo dikoko
10Mutshila wu sabatu, Yesu ukadu wayishi mu sunangonga. 11Hahu, hakadu muamukashi mukuata kudi nyinga mibodu ikadu yi muhaha mbabala mitshiyi disandi bo muandamukulu; ukadu wandenda mubundulula, kamonyi mushindu ukololoka. 12Hakamumona Yesu, ukamuela diyi uka muambila ne: “Dikoko diebi dihuhu.” 13Kunyuma, ukamuteka makatshi, hahu, ukololoka neku ukabanga kutshuamika Tshiambi.
14 #
Ek 20:9-10; Dut 5:13-14. Kadi nkolomu wu mu Sunangonga ukofu samu bikola, bualu Yesu ukamana mbabala yi mutu mutshila wu Sabatu. Neku nkolomuewu, ukambila tshieyi wu batu bakadu hahu ne: “Kudi mitshila isambombu idi miteka bu kuesa mudimu, duakayi nudiondoheshi mu mitshilayi, ka mutshila wu Sabatu bi!”
15Neku Shashendi uka mukudumuna ne: “Nudi bena mushi-mushi! Ngenyi wu mukakatshi muenu utashi sulula ngombi wandi nashi hunda wandi mu tshikumbi mu mutshila wu Sabatu bu kuya munuishi mayi mu tshidilue? 16Neku muamukashi yewu, udi muana wu Abalahama, muhitshi uka mukanda katshi mitshiyi disandi bo muandamukulu, neku kabiena bilengela kumusulula ku mioshieyi mu mutshiyi wu Sabatue?” 17Hakamba Yesu neku, diandamuna diandi dikafuishi batu bosu bakadu babiabi meyi andi hahu bundu; neku diyangi dikakuata tshieyi wu batu bosu bakadu hahu bu malu alema akeseyi.
Mukunda wu lutata lu mutada
(Matayi 13:31-32; Maku 4:30-32)
18Yesu ukabokoshi ne: “Bu Shashendi bu Tshiambi budi bu tshingenye? Tuya buediekeshi bo tshingenye? 19Budi bufuanangana bu lutata lu mutada ludi lualunyi luka kuna mutu mu tshibidi; lukatoloka, lukadiunda lukadu mutshi ulema, neku tunyinyi tu kulu tukadu tukesa masu tukashekama muamu.”
Mukunda wu luefena
(Matayi 13:33)
20Yesu ukamba kabidi ne: “Bu Shashendi bu Tshiambi naya buediekeshi bo tshingenye? 21Budi bufuanangana bo luefena lualela muamukashi ukaluela mu bihiminu bisatu bi bukula, bu kubandishi musabu.”
Mushikua mbelu muamunyi
(Matayi 7:13-14; 21:23)
22Yesu ukadika mu mangandu bo mu mala, wabila kuyishi mu shila ikuyi mu Yelushalema. 23Mutu munga ukamokoshi ne: “Shashendi, anu batu babanyi kabayasungidibue?” Neku Yesu uka bakudumuna ne:
24“Dieseshayi bu kubuela ku mushikuambelu muamunyi; bualu nanuambiambila, batu bandi baya tshieba mu kubuela, bayahangu, kabanadieshi. 25Tshitshietshi tshiyadu, tshinabika nkolomu muena subu, uyashibika tshibi, nuya disangishi kushi, nuya bangishi kukokola bo kuamba ne: ‘Shashendi, tosolodiela tshibi!’ Neku yeyi uya nukudumuna ne: ‘Tshishi nulubuka!’ 26Neku nuenu nuya muambila ne: ‘Tuetu tukadi nebi bo tukanu kabidi nebi, uka yayishi mu misesu yi mu mangandu etu’ 27#Misam 6:8.Neku yeyi uya nuambila kabidi ne: ‘Tshishi nulubuka. Tambukayi hahiehi nami yakayi, nuenu bakesesa malu mabodu!’ 28#Mat 22:13; 25:30.#Mat 8:11-12.Hahu kahanuyadila bo kudisuma menu, hanuna mona Abalahama, Isaka, Yakobu ibo bapolofeta bosu mu bu Shashendi bu Tshiambi, amu nuenu kayenu baya nuahata kushi. 29Batu bayadu ku esete bo ku luwesete, banga bayadu ku node banga ku sude, bayashekama ku mesa mu bu Shashendi bu Tshiambi. 30#Mat 19:30; 20:16; Mk 10:31.Neku batu badi ba kubushi hitshiowu bayakuakala ba kusula, bo badi ba kusula hitshiowu bayakuakala ba kubushi.”
Yesu washinga Yelushalema
(Matayi 23:37-39)
31Hatshitshietshiatshi, Bafalesa banga bakashekeshi hahiehi bo Yesu baka muambila ne: “Tambuka hahu, yaka kunga, bualu Heloda watshieba kukushiha.”
32Yesu uka bakudumuna ne: “Yakayi nuambila nyama wu buanyiawu ne: ‘Lelewu bo fuma nahahata ba demona munda mu batu, namana mbabala yi banga, mu mutshila muisatu namana mudimu wami osu.’ 33Neku, lelewu, fuma bo fuma munga, nadi bo tshi kutungunuka luendu luami. Neku bidi bualu bukola bu mupolofeta kufu mu bula butashi bu Yelushalema.
34“Yelushalema, Yelushalema, washiha bapolofeta bakuatumina Tshiambi, banga ubashiha bo mabu bakuatuminebu kudi Tshiambi! Misangu bundi bitshi inaka tshieba kukungushi bana bebi hahiehi nami bu muashibika mukashi wu solu tuana tuandi mu matshieha? Neku wewu biebi kushi nataboshi! 35#Misam 118:26; Yelem 22:5.Neku monayi subu wenu uyashala munda buashi. Nanuambiambila kanunamona kabidi huaa yi mutshila ununa kuamba kayenu ne: ‘Butshuami buakala kudi uduadu mu dina di Shashendi.’ ”
ទើបបានជ្រើសរើសហើយ៖
Luka 13: KBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
