Luka 16
16
Tjifananidzo Tjentjengeti Wakatjenjela
1Wakati kubadiyiwa babe, “Kwaka kuna umwe nlume wakafuma waka ana ntjengeti wefumwa iye, kukahhisiwa matama kuwunli kuti nlume iwhoyo unozanisa kakale unopaladza fumwa iye. 2Wakadana ntjengeti iwhoyo akati kuwunli, ‘Ini ikoku kwandinowha nekuko? Hhisa ndongoloso yehinga kuko, ngobe awungatjabe ntjengeti.’ 3Ntjengeti iwhoyo wakati munkumbulo uwe, ‘Ndowhothamani, saku he wangu onditolela butjengeti? Andina masimba etsha, kakale ndina honi dzeyenda ndikumbila. 4Ndakumbula kuti ndowhothamani, hapa ndatakhwa n'hingo kuti banhu bandiwamutjile mun'umba dzabo.’ 5Ndizo, akadana bose baka bana zwikwelete zwahe uwe, akati kuna wekutanga, ‘Kwelete tjitjo tjingapani kuna he wangu?’ 6Wakati, ‘Gulu lezwiyelo zwemafuta.’ Akaba eti kuwunli, ‘Tola lukwalo gwekwelete tjitjo, ugale pasi nekulibilidza ukwale makumi mahanu.’ 7Kuwumwe wakati, ‘Unakwelete tjingapani?’ akati, ‘Gulu lezwiyelo zwezwidlo.’ Akati kuwunli, ‘Tola lukwalo gwekwelete tjitjo, ukwale makumi ali hhanakadzi.’ 8He wakalumbidza ntjengeti usakalulama ngentha yebutjenjebvu gugwe; ngobe bakololo behango ino bakatjenjelela hingidzana netjizekugwana tjabo kupinda bakololo betjedza.”
9Yesu wakayendilambeli eti, “Ndomubudza, hingisani fumwa yehango ino isakalulama kuti muzwithamile bakwinya, kuyetila kuti payinopela bamuwamutjile kubugalo gusingapele. 10Unogalikabgwe mukuhomanana nemukunjinji bo unogalikabgwe, usingagalikebgwe mukuhomanana nemukunjinji bo haatogalikabgwe. 11Hapa mamusinga galikemoyo nefumwa yehango iyeyi isakalulama, ndiyani ungamugalabgwe akamupa fumwa yemalebeswa? 12Hapa mamusingagalikebgwe nekwebamwe, ndiyani unowhomupa kwenyu?”
13“Akuna nlanda ungahingila bohe babili; ngobe angada umwe akahema umwe, kene unowhozwipila kuwumwe akalingila umwe pasi. Amungahingile Ndzimu kose nemari.”
Zwimwe Zwilebo zwaYesu
(Matewu 11.12,13; 5.31,32; Mako 10.11,12)
14Bafarisi, bakabeda mari, pabakawha ikoku, bakawunkejula. 15Koga wakati kubali, “Muyibabo banozwilulamisa mbeli kwebanhu, koga Ndzimu unoziba mimoyo yenyu, ngobe tjinokudziwa pakati kwebanhu tjohemesa pabuso gweNdzimu.”
16“Nlayo nebalebesambeli kwakabepo kudza kuwhoswika Johane; kubvila ipapo ndebo mbuya yebumambo gweNdzimu inosumikigwa, kakale umwe newumwe unongina muguli ngemasimba. 17Koga kulelu kuti kudzimu nehango kupinde, pana kuti kutukununu kumunlayo kuhaye n'hingo.”
Lambana Kwebakatolana
18“Umwe newumwe unolambana nenkadzi uwe ekotola umwe unothama bupombgwe, nayiwhoyo unotola nkadzi wakalambana nenlume unothama bupombgwe.”
Nlume Wakafuma naLazaro
19“Kwaka kuna umwe nlume wakafuma, ana zwiyambalo zwembala welubende zwakanaka zwejila lelineni egala edla zwinozipa mahhuba ose. 20Pankoba uwe kwaka kuna umwe n'hayi unoyi Lazaro, waka alihhele malonda, 21Lazaro waka eyemula dla zwinowa pathebuli yemfumi; pehhugwi kwayikoko nembgwa dzaka dzihha dzinazwa malonda awe. 22N'hayi iwhoyo wakati afa batumwa bekudzimu bakawunsengela kufuba tja Abhurahhamu. Mfumi wakafa bo akabiganyiwa; 23akati ali kuHhedesi, ali mukudziyila, wakamilidza meho awe, akabona Abhurahhamu alikulekule, naLazaro ali pafuba tjitje. 24Akadanilila eti, ‘Tate Abhurahhamu, mundiwhile ngoni, tumani Lazaro abvubike lunyala gugwe muvula andidonedzele atonhodze lulimi gwangu; ngobe ndogwadziwa mumoto iwhoyu.’ 25Koga Abhurahhamu wakati, ‘Nkololo, kumbula lubaka gwebutjilo gugo wakawamutjila zwinhu zwakanaka, Lazaro bo wakawamutjila zwinhu zwakayipa; koga sangwenu weenyaladziwa pano, iwe weegwadziwa. 26Kuhhe kwayikoku kose, pakati kwedu nawe kuna gomba gulugulu liyapo, kuti bangabva ngeno behha kukuli basitubule, kakale kusibe newunobva ikoko ehha kutili.’ 27Eba eti, ‘Ngono ndomukumbilisisa, tate, muwuntume kun'umba yatate bangu, 28ngobe ndina bakololo batate bangu bahanu, anobazibisa, bangakohha kubugalo igogu gwegwadziwa.’ 29Koga Abhurahhamu wakati, ‘Bana Mozisi nebalebesambeli; ngababawhilile.’ 30Wakahandula akati, ‘A a, tate Abhurahhamu; koga hapa kungayenda kubali nhu wabva kubafi, banowhohanduka.’ 31Wakati kuwunli, ‘Hapa basingawhilile Mozisi nebalebesambeli, nekutobe kukamuka umwe kubafi akungabakuludzile kuti bawhilile bahanduke.’ ”
ទើបបានជ្រើសរើសហើយ៖
Luka 16: KTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
