Johane 20
20
Kumbu Tjisina tjinhu
(Matewu 28.1-8; Mako 16.1-8; Luka 24.1-12)
1Sangwenu muhhuba lekutanga letshipi Mariya wekuMagadala wakayenda mangwanana kukumbu, kutjihhalima, akabona kuti bgwe latshedugwa pakumbu. 2Ndizo wakalabuka, akayenda kunaSimoni Phethiro nekuwumwe ndhiyiwa, iwhoyo waka ediwa naYesu, akati kubali, “Badusa He mukumbu, ngono atitoziba kuti bawumbiganya poni.”
3Phethiro wakabhuda newumwe ndhiyiwa, bakayenda kukumbu. 4Bakalabuka bose, koga whoya umwe ndhiyiwa wakalabuka akasiya Phethiro akatanga swika kukumbu; 5wakati etumba kuti ehohhele, akabona majila elineni akabigiwa ipapo, koga haazongina mukati. 6Simoni Phethiro eba eswika, ewuntobela, wakangina mukumbu; akabona majila elineni eli ipapo, 7netukwi, yakayakasunga n'holo uwe, isipanhu pan'ompela ne amwe majila elineni koga yakapetewa ikabigiwa yoga. 8Ndizo whoya umwe ndhiyiwa waka aswika kukumbu kutanga, wakangina bo, akabona akagalamoyo; 9ngobe mulubaka igogo bakabasanhu bakawhisisa lukwalo gunoti, wakafanila kuti amuke kubafi. 10Ndizo badiyiwa bakabgwilila kumizi yabo.
Yesu Unozwilakidza kunaMariya wekuMagadala
(Matewu 28.9,10; Mako 16.9-11)
11Koga Mariya wakama kuhhe kwekumbu elila, waka elila akahunama ehohhela mukumbu; 12wakabona batumwa beNdzimu babili bakambala zwitjena, baligele paka pabigwa ntumbi waYesu, umwe paka pabigwa n'holo umwe paka pabigwa makumbo. 13Bakati kuwunli, “Mme, molilani?”
Wakati kubali, “Batola He wangu, ngono anditoziba kuti bawumbiganya poni.”
14Wakati eleba ikoku, akatjebuka akabona Yesu alimile, koga waka asingazibe kuti ndiYesu. 15Yesu wakati kuwunli, “Mme, molilani? Mohaka yani?”
Iye wakakumbulila kuti un'hingi wenhiba, wakati kuwunli, “Tate, hapa kuli kuti mawuntola, mundibudze kuti mawumbiganya poni, ndonowhowuntola.”
16Yesu wakati kuwunli, “Mariya.”
Wakatjebuka akati kuwunli netjiHhebheru, “Rabhoni!” (kuleba kuti Ndhiyi).
17Yesu wakati kuwunli, “Musindibhate, ngobe andanhu ndikayenda pehhugwi kuna Tate, koga yendani kuhama dzangu mudzibudze kuti, nditjayenda pehhugwi kuna Tate bangu ibo bali Tate benyu bo, kuNdzimu wangu bali Ndzimu wenyu bo.”
18Mariya wekuMagadala wakayenda akanobudza badiyiwa eti, “Ndawumbona He!” Wakababudza kuti waleba zwinhu izwezwi kuwunli.
Yesu Unozwilakidza kuBadiyiwa Babe
(Matewu 28.16-20; Mako 16.14-18; Luka 24.36-49)
19Madekwana ehhuba ilelo, hhuba lekutanga letshipi, badiyiwa baka beli mun'umba, bakahhalila matendele, nentha yehla batungamili bemaJuta, Yesu wakahha akama pakati kwabo akati kubali, “Kunyalala ngakube kumuli.” 20Akati aleba ikoku, akabalakidza maboko awe nelubabvu gugwe. Badiyiwa bakahanha pabakabona He. 21Yesu wakapamha akati kubali, “Kunyalala ngakube kumuli. Saku Tate bakandituma, nami ndomutuma bo.” 22Wakati aleba ikoku, akabafemela eti kubali, “Wamutjilani Meya Yakayengemala. 23Hapa mukayetila mazwibhatigwa matjinyo kene yani, unowhoyetigwa mazwibhatigwa; hapa mukasayetila mazwibhatigwa matjinyo kene yani, atowhoyetigwa mazwibhatigwa.”
Yesu naTomasi
24Sangwenu Tomasi, umwe webaligumi nebabili, iye waka eyi Phahla, waka asipo pabamwe Yesu paakabuya. 25Ndizo bamwe badiyiwa bakawumbudza beti, “Tabona He.”
Koga iye wakati kubali, “Kuhhe kwekuti ndibone mabanga embambo, ndikasa lunyala mumabanga embambo, ndikasa luboko gwangu mulubabvu gugwe, andingagalemoyo.”
26Kwapinda mahhuba alihhanakadzi, badiyiwa babe baka bali mun'umba kakale, Tomasi waka alipo bo. Matendele aka akahhaligwa, koga Yesu wakahha akama pakati kwabo, akati, “Kunyalala ngakube kumuli.” 27Wakakotjiti kunaTomasi, “Isa lunyala gugo hapapa, ubone maboko angu, tambunudza luboko gugo, uguse mulubabvu gwangu; usibe ubvubvuma, koga galamoyo.”
28Tomasi wakawun'handula eti, “He wangu naNdzimu wangu!”
29Yesu wakati kuwunli, “Wagalamoyo ngobe wandibona? Bakakombolegwa ibabo basakabona koga begalamoyo.”
Tjinangwa Tjelukwalo Igogu
30Yesu wakayeta zwimwe zwilakidzilo zwinjinji pakati kwebadiyiwa, koga zwisakakwagwa mulukwalo igogu. 31Koga izwezwi zwakakwagwa kudze mugalemoyo kuti Yesu ndiye Khirisitu, Nkololo weNdzimu, nekuti hapa mugalamoyo mube nebutjilo muzina lile.
ទើបបានជ្រើសរើសហើយ៖
Johane 20: KTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
Johane 20
20
Kumbu Tjisina tjinhu
(Matewu 28.1-8; Mako 16.1-8; Luka 24.1-12)
1Sangwenu muhhuba lekutanga letshipi Mariya wekuMagadala wakayenda mangwanana kukumbu, kutjihhalima, akabona kuti bgwe latshedugwa pakumbu. 2Ndizo wakalabuka, akayenda kunaSimoni Phethiro nekuwumwe ndhiyiwa, iwhoyo waka ediwa naYesu, akati kubali, “Badusa He mukumbu, ngono atitoziba kuti bawumbiganya poni.”
3Phethiro wakabhuda newumwe ndhiyiwa, bakayenda kukumbu. 4Bakalabuka bose, koga whoya umwe ndhiyiwa wakalabuka akasiya Phethiro akatanga swika kukumbu; 5wakati etumba kuti ehohhele, akabona majila elineni akabigiwa ipapo, koga haazongina mukati. 6Simoni Phethiro eba eswika, ewuntobela, wakangina mukumbu; akabona majila elineni eli ipapo, 7netukwi, yakayakasunga n'holo uwe, isipanhu pan'ompela ne amwe majila elineni koga yakapetewa ikabigiwa yoga. 8Ndizo whoya umwe ndhiyiwa waka aswika kukumbu kutanga, wakangina bo, akabona akagalamoyo; 9ngobe mulubaka igogo bakabasanhu bakawhisisa lukwalo gunoti, wakafanila kuti amuke kubafi. 10Ndizo badiyiwa bakabgwilila kumizi yabo.
Yesu Unozwilakidza kunaMariya wekuMagadala
(Matewu 28.9,10; Mako 16.9-11)
11Koga Mariya wakama kuhhe kwekumbu elila, waka elila akahunama ehohhela mukumbu; 12wakabona batumwa beNdzimu babili bakambala zwitjena, baligele paka pabigwa ntumbi waYesu, umwe paka pabigwa n'holo umwe paka pabigwa makumbo. 13Bakati kuwunli, “Mme, molilani?”
Wakati kubali, “Batola He wangu, ngono anditoziba kuti bawumbiganya poni.”
14Wakati eleba ikoku, akatjebuka akabona Yesu alimile, koga waka asingazibe kuti ndiYesu. 15Yesu wakati kuwunli, “Mme, molilani? Mohaka yani?”
Iye wakakumbulila kuti un'hingi wenhiba, wakati kuwunli, “Tate, hapa kuli kuti mawuntola, mundibudze kuti mawumbiganya poni, ndonowhowuntola.”
16Yesu wakati kuwunli, “Mariya.”
Wakatjebuka akati kuwunli netjiHhebheru, “Rabhoni!” (kuleba kuti Ndhiyi).
17Yesu wakati kuwunli, “Musindibhate, ngobe andanhu ndikayenda pehhugwi kuna Tate, koga yendani kuhama dzangu mudzibudze kuti, nditjayenda pehhugwi kuna Tate bangu ibo bali Tate benyu bo, kuNdzimu wangu bali Ndzimu wenyu bo.”
18Mariya wekuMagadala wakayenda akanobudza badiyiwa eti, “Ndawumbona He!” Wakababudza kuti waleba zwinhu izwezwi kuwunli.
Yesu Unozwilakidza kuBadiyiwa Babe
(Matewu 28.16-20; Mako 16.14-18; Luka 24.36-49)
19Madekwana ehhuba ilelo, hhuba lekutanga letshipi, badiyiwa baka beli mun'umba, bakahhalila matendele, nentha yehla batungamili bemaJuta, Yesu wakahha akama pakati kwabo akati kubali, “Kunyalala ngakube kumuli.” 20Akati aleba ikoku, akabalakidza maboko awe nelubabvu gugwe. Badiyiwa bakahanha pabakabona He. 21Yesu wakapamha akati kubali, “Kunyalala ngakube kumuli. Saku Tate bakandituma, nami ndomutuma bo.” 22Wakati aleba ikoku, akabafemela eti kubali, “Wamutjilani Meya Yakayengemala. 23Hapa mukayetila mazwibhatigwa matjinyo kene yani, unowhoyetigwa mazwibhatigwa; hapa mukasayetila mazwibhatigwa matjinyo kene yani, atowhoyetigwa mazwibhatigwa.”
Yesu naTomasi
24Sangwenu Tomasi, umwe webaligumi nebabili, iye waka eyi Phahla, waka asipo pabamwe Yesu paakabuya. 25Ndizo bamwe badiyiwa bakawumbudza beti, “Tabona He.”
Koga iye wakati kubali, “Kuhhe kwekuti ndibone mabanga embambo, ndikasa lunyala mumabanga embambo, ndikasa luboko gwangu mulubabvu gugwe, andingagalemoyo.”
26Kwapinda mahhuba alihhanakadzi, badiyiwa babe baka bali mun'umba kakale, Tomasi waka alipo bo. Matendele aka akahhaligwa, koga Yesu wakahha akama pakati kwabo, akati, “Kunyalala ngakube kumuli.” 27Wakakotjiti kunaTomasi, “Isa lunyala gugo hapapa, ubone maboko angu, tambunudza luboko gugo, uguse mulubabvu gwangu; usibe ubvubvuma, koga galamoyo.”
28Tomasi wakawun'handula eti, “He wangu naNdzimu wangu!”
29Yesu wakati kuwunli, “Wagalamoyo ngobe wandibona? Bakakombolegwa ibabo basakabona koga begalamoyo.”
Tjinangwa Tjelukwalo Igogu
30Yesu wakayeta zwimwe zwilakidzilo zwinjinji pakati kwebadiyiwa, koga zwisakakwagwa mulukwalo igogu. 31Koga izwezwi zwakakwagwa kudze mugalemoyo kuti Yesu ndiye Khirisitu, Nkololo weNdzimu, nekuti hapa mugalamoyo mube nebutjilo muzina lile.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International