MIHINGO Tjinginiso
Tjinginiso
Mihingo yeBapositoli unlondesedzo wetangisa kweGubungano nekuti lakakula tjini kubva muJerusalema kunoti kuJudiya, kuSamariya, nekudzimwe hango, seleba kwaYesu esanhu ayenda kudzimu (Mihingo 1.8). Lukwalo igogu gwakakwagwa ndiLuka, iyezwe wakakwala Ndebo mbuya sekwagwa kwayo ndiLuka. Waka ali nlapi kakale eziba londesedza kuna njele. Whalo idzedzi mbili, Ndebo mbuya iye neLukwalo gweMihingo, wakadzikwala dziyenda kuna Thiyofilasi waka eli Nghiriki, koga ke nekutobe kwakajalo whalo idzedzi dzaka dzakalingisana netjaba tjeMakhirisitu kuhanganyila maGiriki nemaJuta (Mihingo 1.1).
Lukwalo gweMihingo gungaba gwakakwagwa hule kwemakole angaba makumi ali kutanhatu kuyenda kumakumi ali kutondeka Khirisitu azwagwa ngobe lukwalo igogu gopela Phawuli esanhu akabhuda mujele. Luka waka eyenda naMpositoli Phawuli ndizo ke angaba akakwala lukwalo igogu ali munzi-nkulu we Antiyokhi. Lukwalo gweMihingo whuyendilambeli kweNdebo mbuya yaLuka, gotangisa Yesu eyenda kudzimu. Tjinangwa tjaLuka tjekwala lukwalo igogu nditjo zwatjo tjekwala ndebo mbuya. Waka ehaka kuti Thiyofilasi, neMaKhirisitu sewanda kwawo babe nelebeswa netjabakadiyiwa, ndizo wakakwala nlondesedzo yebutjilo gwaYesu ne andama tjeTjikhirisitu yakatambunuka.
Lukwalo gweMihingo gotilakidza kuti Gubungano lemahhuba ekutanga laka lilingika tjini nekuti kwaka kuli tjini tjila ngekugalamoyo kuna Yesu. Bapositoli banotilakidza kuti tingabhatilila tjini kumasimba eMeya Yakayengemala mukusumikila ndebo mbuya kubanhu.
Nlongoloso Yezwimukati
Meya Yakayengemala inohha kubadiyiwa kwekutanga gubungano likotangisa kula (Mihingo 1.1-8.1).
Gubungano lodziyidziwa, lotangisa palalila lihhala kuhhe kweJerusalema (Mihingo 8.2-12.23).
Phawuli uyenda gwendo gwesumikila kwekutanga (Mihingo 12.24-14.28).
Lubahhe gokubungana muJerusalema kuti kube netjisungo tjezwakalingisana nebagalimoyo batshwa (Mihingo 15.1-35).
Phawuli uyenda gwendo gwesumikila kwebubili (Mihingo 15.36-18.22).
Phawuli uyenda gwendo gwesumikila kwebutatu (Mihingo 18.23-20.38).
Phawuli unosungwa muJerusalema (Mihingo 21.1-26.32).
Phawuli unoyendesewa kuRoma (Mihingo 27.1-28.31).
ទើបបានជ្រើសរើសហើយ៖
MIHINGO Tjinginiso: KTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International